Ka Nupepa Kuokoa, Volume XLI, Number 5, 30 January 1903 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA KUMAU

 

Ka Hui Alahao ame Aina O Oahu

MANAWA HOLO

Mahope aku o Ianuari 1, 1902

 

MAI HONOLULU AKU

@

HONOLULU

 

Na la apau koe ke Sabati, Na la apau, Na lau apau koe ke Sabati, Na la apau, Na la apau

 

a.m.     a.m.     a.m.     p.m.     p.m.

 

Honolulu         7:@     9:15     11:@   3:15     5:10

Manana           8:@     9:@     11:@   3:45     5:30

Ewa Mill         8:@     10:08   12:00   4:05     6:10

Waianae          ....        10:50   ....        4:45     ....

Waialua           ....        11:@   ....        5:40     ....

Kahuku           ....        12:@   ....        6:15     ....

 

MAI WAHO MAI

@

HONOLULU

 

Na la apau koe ke Sabati, Na la apau koe ke Sabati, Na la apau, Na la apau

 

a.m.     a.m.     p.m.     p.m.

Kahuku           ....        5:45     ....        2:@

Waialua           ....        6:10     ....        2:@

Waianae          ....        7:10     ....        3:55

Ewa Mill         5:50     7:45     1:05     4:32

Manana           6:15     8:@     1:@     4:52

Honolulu         6:50     8:35     2:@     5:26

 

G. P. Denison

Luna Nui

F. C. Smith

Luna Kuai Kikiloi

 

Kakela me Kuke

[KAUPALENAIA]

 

Poe Kalepa ma ke Komisina

 

HE A

POE LAWELAWE KOPAA

 

POE AGENA NO NA MAHIKO LEHULEHU.

 

NA WAIWAI KALIKIMAKA

 

EIA KAHI E KUAI AI I KAU MAKANA . . .

 

NUI NA WAIWAI KEPANI NANI

 

MA KA HALEKUAI O

 

S Ozaki,

Helu 178,        Alanui Hotele

 

Ina He Makemake

KOU I KA

Lauoho Maikai

E HELUHELU I KEIA.

 

Malia paha ke pau nei kou lauoho i ka helelei, a koe kakaikahi.  E ka@ i ka laau mamua o ka pau loa ana i ka helelei, e hana i laau e ulu hou ai.  O ka laau

“Laau Hooulu Lauoho a Ayers”

ka mea e ulu hou ai.  He nani ka lauoho ke ulu mai, a he nui hoi.  Ina he nawali ka ulu ana o kou lauoho, o ka

“Laau Hooulu Lauoho a Ayers”

ka mea e manoanoa ai ka ulu ana, a he loaa i keia laau pau loa ka helelei ana.  I na he piha kou poo ke Kepia, o ka

“Laau Hooulu Lauoho a Ayers”

ka laau e pau ai a maemae kou poo.  Ke loaa i keia laau e hoi hou ana ka ulu ana o kou lauoho a like me @ kou wa bebe.

 

Hoomakaukau ia o Kauka J. C. Ayer & Company, Lowell, Mass., U. S. A.

E loaa no keia mau Huaale me ka Hale Kuai Laau o Hollister, alanui Papu.

 

            O ka mea kuhohonu loa e loaa mai ana mai ke anu ame ka nalulu mai ooia no ka mai numonia.  Ina e malamaia keia me ka noonoo maikai a hoohana pu ia ka laau kunu Chamberlains’ Cough Remedy e hookaawaleia no keia mau pilikia apau.  E hoola no keia laau i ke anu ame ka nalulu iloko o ka manawa pokole mamua o kekahi mau ano laau e ae.  He hoola mau keia laau a he hoola iloko o ka manawa pokole.  E loaa no ma ka halekuai laau o Benson Smith & Co. Ltd., na agena kuai aku, no ke kumukuai kupono.

 

Ka Poka Nui ame ka Poka Iki

 

He Moolelo no kekahi mau Opio Elua Iloko o ke Ka@a Kuloko Wawahi Mana Kauwakuapaa o Amerika Huipuia.

(Unuhiia e S. K. Nawaa.)

MOKUNA XXI.

“HE ALO A HE ALO.”

 

            Ia ma@a i kaawale a’e ai he ekolu makahiki i kaahope aku, aia no na haawina o ka hauoli ke holopapa la iluna o ka @ina, a e waiho mai ana imua o maua ke alahele o ka nohona ulakolako.  I keia wa hoi, ia Tome i haalele iho ai ia’u, eia ma@a maluna o ke kahua o ka hookahe koko.

            Ua hoao iho ia wau e hoopoina i keia mau noonoo a kuli a’e @a wau a hoi aku no kahi o ko’u mau kanaka.

            Ia’u e hele ana no kekahi manawa ua ike iho la wau eia wau ke hoolalau nei i kula, a he honua okoa keia a’u e hele nei; no ka mea aole iho la i loaa ia’u kahi a maua me Tome i halawai ai.  Ua hoopihoihoi ia ko’u noonoo ia manawa a ke @ la wau e hui aku me ko’u mau hoa.  Ua ike iho la wau he mea waiwai ole ke kuhea ana oiai he wa keia no ke kaua a malia paha o hoopuniia wau e na Konofedereta a o ko’u lilo no ia i pio.

            Ua pii koke a’e ko’u ukiuki no ko’u hana hupo ana, a e like me ka loihi o ko’u houhewa ana i o a ianei, pela no ka pii mahuahua ana ae @ keia manao kuaki iloko o’u.  Ua ike aku wau i ka uiuiki mai o ka malamalama o na ahi e a ana ma ke kahua o na Konofedereta; o ko lakou malamalama nae aole i lawa no ka hoomalamalama ana i ko’u alahele, a oki loa hoi ko’u ike ana aku i na ahi o ko makou mau laina koa kiai, oiai ua kualiilii mai ko lakou a ana a ua pio loa iho no hoi kekahi.  Ia’u e houhewa ana i o a ianei, ua haule aku la wau iloko o kekahi auwaha, a ia’u i ku a’e ai iluna me ka awiwi, ua ike iho la wau o kahi a’u i hina ai ua piha i na kino make o na koa.  Ia manawa ua hoholo koke a’e la ka lia iloko o ko’u kino a ulu ae la ka noonoo iloko o’u: eia wau ke haha po@le nei iwaena o na kino kupapau.

            Ua pii koke ae na ea polopolona mai kahi a’u i hina ai, a ma ia ano ua ike iho la wau o na kino kupapau a’u i hoonioni ai i ko lakou hiamoe ana, he mau kino kupapau ia i waiho no kekahi mau la.

            Ua hoomau aku wau i ko’u houhewa ana i o a ianei, a i kela ame keia manawa e halawai mai ana me a’u he mau mea na’u i ike mua ole ai.  Aole he wa i hala ae ai ka hookui ana o ko’u mau kapuai wawae me na kino make o na koa.  Ua loaa aku ia’u kekahi mau kino e moe lalani ana; o kekahi mau kino e moe kau ke’a ana; o kekahi ua hoolilo aku i ke kino o kona hoa i uluna nona, a ma ka makaikai ana aku i kekahi o lakou aia ko lakou mau manamana lima ke kuhikuhi la iluna i ka Nohoalii Mana Loa, a me he mea la o na olelo hope a ia mau kino i hoopuka ai mamua o ka lele loa ana o ka hanu oia:  “E ka Haku, me Oe pu ko’u uhane iloko o Kou Paredaiso nani.”

            I kela ame keia manawa e hookui ana ko’u kapuai wawae me na mea kaua e waiho mokaki ana ma o a maanei; a ia’u e hoomau ana i ka hele ana me ka halawai ana me na haawina weliweli o ke kaua ua hoea aku la wau ma kahi e waiho ana kekahi kaa pukuniahi, a ia wa i hooholo iho ai wau e noho iho a hoomaha.  No ko’u piha ukiuki i huipuia me ka lia maeele o ka makau e holopuni ana i ko’u kino, ua iini loa ko’u uhane e hoea koke mai ka malamalama o ka la i hiki ai ia’u ke haalele iho i keia kulana a’u e hele nei a hui pu aku no hoi me ko’u mau hoa.

            Ia’u e noho ana ua lohe mahui aku la wau i kekahi leo i ka pua ana mai: “E kokua—kokua—i wai—i wai—.  “Ua hoopukaia mai keia mau huaolelo iloko o ke kaumaha, a i ko’u lohe ana ua komo koke mai la ke aloha iloko o ko’u puuwai a hoomaka aku la wau e hookolo i kahi o ka leo i pu-a mai ai.

            “I wai—wai—e kuu Akua—aole anei he mea—e kokua mai?—i wahi wai—ina no hoi i—wahi kulu—wai liilii—la.”  O ka leo i pu-a a’e ai ia wa iloko o ka ehaeha ua kokoke mai ia ia’u a ia wa i kukuli iho ai wau a kolo aku no kahi e waiho ana ka mea i poino.

            “Aia oe mahea?  Eia wau ua makaukau e hooko aku i kou makemake,” wahi a’u i pane aku ai me ka hauoli.

            “Eia,” wahi a ka mea i poino me ka leo malie.

            Iloko o ka wa pokole aia wau ma kona aoao.

            “Eia mai ka wai,” wahi a’u i pane aku ai me ka wehe ana a’e i ke pani o ka’u huewai.  “E inu oe aole nae me ka awiwi.”

            Ua hopu koke mai la ka mea i poino i ka huewai a iloko o ka wa pokole ke lohe la wau i ka olaola o ka wai iloko @ kona puu; iaia i hoomaha iho ai ua kaili mai la wau i ka huewai mai kona waha mai mamuli o ko’u hopohopo @ inu nui oia i ka wai a loaa koke iaia ka poino.

            “Akahi no a olu aku @ ko’u puu.  He makewai anei keia a ka@amai.  Ua manao wau aole la oe e hele mai ana?” wahi a ka mea i poino.

            “O ko’u lohe ana mai nei no ia i kou leo a hele mai la wau e hui me oe.  Pehea ka loihi o kou moe ana maanei?”

            “Aole i maopopo ia’u ia mea.  O ka’u e hoomaopopo nei ua ku wau i ka poka ia makou e hoomaka ana e kuemi aku i hope, a mai ko’u hina ana ilalo a hiki i keia manawa aole loa i loaa he ku ana iluna.  Ia’u i ku ai i ka poka ua waiho maule iho wau, a i ka hoi ana mai o ko’u noonoo ua ike iho la wau ua weluwelu liilii ko’u wawae.”

            “Ina pela, alaila i ka la mamua aku o nehinei kou eha ana.  No ko Sikalita mahele anei oe?”

            “Ae.  O makou ka i huikau a aneane loa e poino.”

            “Oia.  Pehea la i hiki ai ia oe ke ola me ka loaa ole o kekahi mea ai ia oe?” wahi a’u i ninau aku ai me ke pahaohao.

            “He wahi wai no ko’u ia’u i ku ai i ka poka, a i ka pau ana ua kii aku wai i kau wahi o keia hoa o’u e moe kau hooilo mai nei.  Aole o’u ono mai i ka ai oiai no nae ua pakali wahi ai iki iho wau i nehinei.  O ka’u mea makau loa oia no kela mau poka pahu, a oia ka’u i manao mau ai e hoopuehu liilii ia ana la ko’u wahi kino nei e like me kekahi o ko’u mau hoa.  I ka wa i haule ai o kekahi poka maluna o kona kino ua hoopuehu liiliiia aku kona kino i o a ianei.  O he ku maoli no i ka weliweli @ aku i na poka pahu.”

            “Wel@ e loaa ana ia oe he wahi pono @ wahi a’u i pane aku ai me ka hoo@ @ ana aku i ka mea i poino.  Ke hoea mai ka malamalama o ka la na’u no e lawe aku ia oe iloko o ko kakou kahua hoomoana.”

            “E haawi hou mai i wai no’u e inu.  Ke hele mai la ko’u puu a maloohaha.”

            Ua hooko aku wau i kana noi a hoomaka iho la oia e inu.  O keia kana inu hope loa ana i ka wai, oiai o ka ikaika i loaa iaia mamuli o ka inu ana i ka wai oia ka mea nana i hooikaika a’e i ke pana ana o kona puuwai, a ia manawa no hoi i hoomaka hou ai ke koke e puka mai kona wahi i eha.

            “E ka hoaloha, ke nawaliwali loa mai la wau.  E make ana anei wau?”

            “Aole paha hoi pela.  E moe malie oe, he wa iki no hoi koe a hoea mai ka malamalama o ka la.”

            “Ina pela ua pono,” wahi ana i pane mai ai me kona hookau ana aku i kona poo maluna o ke kino kupapau o kona hoa moe.

            I keia wa ke kokolo mai la ka malamalama maluna o ke kahua kaua, a ia manawa i hoomaka mai ai e ahuwale na wahi a’u i hele ai ia po.  Ua ike iho la wau, ia’u i kaawale a’e ai me Tome Makala, ua nee iki aku wau ma ka aoao akau o ko’u kahua hoomoana a ma kahi hoi o hookahi tausani anana mai kahi mai o ko’u mau hoa e noho ana.

            Ia’u i nana pono aku ai i ke kahua a’u i hele ai, aia hoi e uhi paapuia ana e na kino make o na Konofedereta.  Ua kulu iho ko’u mau waimaka me ko’u naau i piha i ke aloha no keia mau hoa kanaka e waiho ana me ka nele i na hooponopono ana a hoonalo aku hoi i ko lakou mau kino kupapau.  He mea oiaio aia no he mau mea aloha ma na home e kali mai ana o ka loaa aku o ka lono hauoli, aka nae, me keia kulana a’u e ike nei, ua hiki no ia’u ke ike aku aia na ao hakumakuma o ke kaumaha ke hekau la ma na home o keia mau hoa kanaka e moe nei i ka moe kau hooilo.  O ka wahine nona na helehelena hauoli @ na la i hala aku aia he mau maka o ke kaumaha ke hekau la maluna ona, oiai ua hala i @ ala hoi ole mai ka hoapili o ke kuluaumoe a hoa papaleo o na hora o ka wanaao.  O na keiki no lakou na leo hooho o ka hauoli a e puili a’e ana i na wawae o ko lakou mau makuakane ia lakou i hoi aku ai i na home, aia lakou ke kulou la ilalo me na maka o ke kaumaha, no ka mea ua hala ka makua ka mea nana e hoomaopopo mai.  O na ipo lei manu no lakou na leo honehone o ke ano ahiahi e poha olu mai ana i ka wa e kipa aku ai ka lakou mau mea aloha, ua kuu iho ia mau leo honehone, ua nalo aku na hookipa ohaoha ana, a no ka mea, he mau kino wailua ia i hoi aku la, he mau kino hoi i nele me na haawina o ka puuwai.  O e loaa ana no na manao uluku a inaina e hoala i ka hakaka; ina nae e kilohi aku i keia mau mea a’u e ike nei a hoala ia mai ke aloha iloko o ka puuwai, ua lawa ka inaina, ua hoopepeia hoi na manao uluku.

            Oiai keia mau haawina eehia e holopuni nei i kuu kino, ua haupu koke ae la wau i kuu hoa papaleo o na minute pokole i kaahope aku a ia’u i huli aku ai e nana iaia, aia hoi—ua hala, ua kuu kona luhi ua pau kona paio hou ana a ua hele palanehe aku kona uhane e kali no ka la e hoea mai ana.

 

MOKUNA XXII.

UHAI MAHOPE O KA ENEMI.

 

“He kohu alopeka wahine o Li,

E kai ana me kana mau keiki:

He Nona hae o Miki,

I pulelo aku me he pua kakaka la.”

 

            Mahope o keia ua hoi aku la wau a hui me ko’u mau hoa; a aole hoi i loihi mahope iho aia makou ke haulani hou la me ko makou mau hoa.  Ua hoouna koke ia aku ko Sewika mau mahele koa ikaika e halawai aku me na enemi, eia nae he mea pahaohao loa ka i halawai mai me lakou.  Ma kahi o ka paio ia mai e na enemi, ua nee aku kona mau mahele me ka loaa ole mai o kekahi kuia a hiki i ke komo ana iloko o ke kahua o na Konofedereta, a kahi hoi a Li i hoonohonoho iho ai i kona mau pualikoa.  I ka wa i ike aku ai makou i ka pulelo mai o ka hae Ke’a o Roma (ko Generala Sewiki hae, a o ka pulakaumaha hoi a ka Mahele Eono) iloko o ke kahua o na enemi, oia no ka wa i olowalu like ae ai o na leo hooho mai o a o.

            “Ahahana.  Ke holo la ka hoi o Li.  Huro! huro!! huro!!! Wela ka hao ia Generala Miki.”

            “Heaha la hoi ko kakou mea e neeole nei?  He hoailona maopopo loa keia e hoikeia mai la ua ahai aku o Generala Li i kona mau pualikoa o pa@ ia kakou i ka mama ia,” wahi a Kapena Buka.

            O ka’u no ia i ninau iho nei iloko o’u,” wahi a Konela Loila.  “Ua lohe wau ia Generala Warena e hookonokono ana ia Generala Miki e hoouna aku ia Sewiki me kona mau mahele koa mahope koke iho o kela paio hahana a kakou inehinei; eia nae ua kuhau iho o Generala Miki mamuli o kona manao ana he mau hana apuhi ka na enemi e hana mai ana.”

            “Apuhi.  Me he mea la no hoi aole he hiki ia kakou ke paio aku,” wahi hou a Kapena Buka me ka leo huhu.  “O ke kumu no hoi kela e haule mau ai ka lanakila i loaa ia kakou o ka hoololoiahiliia.  Ke hele mai @a wau a mai i keia ano hana,” a ia wa i hoopuka me ai ua kapena la i na huaolelo hailiili.

            “Ua oki kau mau olelo hoohalahala e Buka,” wahi a Mekia Hadina me ka leo oluolu.  “E hoomaopopo iho oe i ke koikoi o ka hana e kau nei ma ko Generala Miki hokua.  Ina no hoi e houhewa ana ka@a alakai ana o ko kakou papapau no ia he aa ko ka hale.”

            “Wel@, aole ia maluna ona.  Aia ka hoahewa ana maluna o na kanaka kalaiaupuni e noho la ma Wakinetona.”

            Mai nana oe i kela e ke kapena.  Ua loaa ia kakou na hoola kupono e hoomanawanui ai.  O keia kaua ana iho la o kakou oia ka hoailona e hoike mai ana eia na ulia pomaikai ke nee mai nei i o kakou nei,” wahi a Konela Loila.

            “Uhu.  O ka mea iho la ia e painuu ai, mahope o ka make ana he iwakalua a i ole kanakolu tausani koa?” wahi hou a Kapena Buka me ka leo hoohenehene.

            “He keu no hoi oe a kahi kanaka poo paakiki.  Ua ike no hoi oe aole he kaua i kauaia i nele i ka haawina o ka make,” wahi hou no a ke konela me ka uluhua nui.

            “E, e waiho malie aku iaia e ke konela,” wahi a Mekia Hadina.  “Ua maopopo no ia oe ko Buka ano@ aole oia e hoihoi iki ana aia no a ko kena manao.”

            “Ua hiki no paha ia oukou ke hoohenehene mau mai ia’u oia owau no ka oukou iwi pipi e nau mau ai.”

            Ia Kapena Buka i hoopuka ai i keia mau huaolelo ua hoea mai la ko makou kakiana-mekia a hookokoke a’e la i ke konela.

            “O ke kauoha mai ke keena kaua (hale lole) mai: e makaukau na mea apau no ka nee aku i ka wa no e hoea mai ai o ke kauoha,” wahi a ke kakiana-mekia.

            “Ae hoi paha.  O ka wa ka e lele ai o ka manu oia iho la ka wa e hele aku ai e alualu a hiki i ka maloeloe ana o ko kakou mau wawae,” wahi a Kapena Buka me ka nanaina o ka hauoli no ka loaa ana he wa e nee aku ai.

            “E pani i kou waha ai palena,” wahi a Mekia Hadina me ka huhu.  “Ina aole ou makemake e kaua, heaha no hoi kou mea e noi ole nei e hookuu ia oe?”

            “Heaha, e hoi aku me ka pau ole o ke kaua?  Aole; maanei wau a hiki i ka hiki ana mai o ka hopena o keia kono@auna kaua, ina aole e hiki mai ko’u manawa.”

            Na ka leo o ka o-le i hoopau a’e i keia mau kamailio ana, a ia manawa i hoonohono iho ai makou i ko makou mau koa ma ko lakou mau laina.  Ia Kapena Buka ame a’u e hoolohe ana i ke kahea inoa o k@ makou puali, ua ike iho la maua he iwakalua mau koa i haule, eiwa o lakou i hoikeia a’e ua make.  Aole keia he manawa no ke kaumaha oiai ia wa koke no i nee aku ai ko makou mahele.  Ia makou e iho ana no ke alanui ua ike aku la wau eia ka pualikoa holookoa ke nee nei; ua hoomaka mua a’e na pualikoa pukaa e haalele ia Puu Ilina, a aia hoi ke moe la kaoo o na pualikoa hele wawae.

            Ma kahi mamao aku, ma ko makou aoao akau, ua ike@a aku na laina koa kaulio e hele a’e ana; o keia no kahi a makou i ike aku ai i ka lio keokeo me kona mea hooholo i ka la mamua iho a mamua hoi o kela lele kaua ikaika a na Konofedereta.  He hora mahope iho ua hala hope a’e la ke kahua kaua o Getebeka me kona mau hiohiona o ka weliweli ame na kino make e kaulai ana no i ka la.

            “E Palanike, o keia ka hopena o ke kaua koikoi i paioia e kakou,” wahi a Denisa ia makou i hiki aku ai i ke alanui.

            “Ua pololei kau.  O oe ame a’u e Denisa ke poina ole ana ia Getebake e like me ka loihi o ko kaua wa e ola ai.”

            “Aole o’u makemake e hoopoina ia wahi; ua oi aku ko kaua hauoli ma ia wahi.  Ke manao nei no hoi wau aole no hoi e hoopoina ana kela aikane au ia wahi.”

            “E pono ia kaua ke kamailio ole nona e Denisa.  Ua hui wau me Generala Filitia i keia kakahiaka a hai aku la iaia i na mea apau.”

            “A heaha hoi kana pane?”

            “Ua ano kaumaha oia i kinohi, a ia’u i hahai aku ai i na mea apau, ua mohala a’e kona nanaina a kapa mai oia ia’u he kanaka waiwai.”

            “He kanaka noonoo maikai maoli no ko kakou alakai,” wahi a Denisa me ka hauoli.

            “Ua a’o mai no nae oia ia’u a oia ana ka’u e hooloha ai a ke makemake nei wau e hoolohe pu mai oe.”

            “Ke maopopo la ia’u ia olelo a’o me kou hoopuka ole mai i kekahi huaolelo, a ke manao nei wau aole e olelo iki i kekahi mea okoa aku e pili ana no ia hui ana ou me kou hoaloha,” a ia wa i hoopuka a’e ai o Denisa i kana mau olelo a hoomaka aku la no hoi e hookaawale.

            He mau mile pokole wale no ka i hala a’e ia makou ma keia hele ana a hoomaka mai la o Kulanihakoi i kana hana a pono iho la makou.  Mamuli o ke kupilikii loa o makou ua ku iho makou ma kahi e kokoke ana i kekahi lalani mamua, a ia makou e kukulu ana i na hale lole, ua loaa mai la ka lono ua halawai aku ka makamua o ko makou pualikoa me ko Generala Li hapa hope, a ke lohe la no hoi makou i ke kani koliuliu loa o na leo o na pukiniahi.  I ke kakahiaka o kekahi la a’e, ua haalele iho la makou i ke kahua hoomoana a hoomaka hou aku la e hele iloko o ka ua e hoomau ana a hiki wale i ke awakea.  Iloko o keia peno o makou i ka ua he mea ole iho la ia a he hauoli wale no ia o makou a hiki wale i ko makou a’e ana aku i ka Mauna Hema i ka auwina la a hala a’e la no hoi kahi o ka ua.  Ma ka hoomau ana i ka hele ua hoea aku la makou ma Potomaee Luna e kokoke ana i Na Wai Lele, ekolu la mahope mai.

            I ka hui ana aku o ko makou mahele me ka pualikoa holookoa, ua kauoha koke ia mai la makou e komo aku iloko o ka laina o ke kaua; a ia wa hookahi no hoi i kauohaia mai ai wau e hele aku no ke kiai ana.  Aole makou i hiki pono aku i kahi o makou i kauohaia mai ai ua haawi koke ia mai la ke kauoha no ka nee awiwi ana aku imua ma ke ano kaua.

            “Auwe, eia hou no kakou ke nee nei ma ke ano kaua,” wahi a Denisa me kona nana ana iho i ke kiko o kana pu: “he wahi hana lapuwale loa keia ma ko’u noonoo ana.”

            “Ua pono ole no hoi ha ia ke hele mai,” wahi a’u.

            “Ua ae wau e hele pu me oe, no ka mea aia na ulia laki ma kou aoao.  Aole anei ou ike iho he nui ko kaua hauoli ke hele like iho kaua.”

            “Aole ana e nui ko kaua hauoli maanei,” wahi a’u me ka hoohenehene ana aku ia Denisa.  “Maanei oe e ike ai i ka wela o ka hao.”

            Ia manawa no i kani kapalili mai ai ka leo o ka o-le, a ia manawa no hoi i holo like aku ai makou noloko o ka ululaau.  Ua pee hele aku makou e aloalo hele ana mai kekahi kumulaau a hiki i kekahi kumulaau; he mau wahi haneri i-a no keia hele ana o makou a ia wa i lohe aku ai makou i ka honehone mai o na poka iki e hihio ana maluna o na lau laau.  Ia manawa no hoi o ka poe e hele ana ma ke alanui, ua hoomaka koke a’e e ki pinapinai i ka lakou mau pu raifela.  Ua hoomaka koke aku makou e ki, i ka makou mau pu, a iloko o ka wa pokole ua pihakui a’e la ka ululaau i na leo o na pu raifela.  Ma ke koho ana aku mamuli o ka amaamau mai o na leo o na pu raifela a na enemi, aia he heluna nui hewahewa o lakou e paio nei ; a o@ai no nae ua lilo mai ia makou kekahi kahua kaua o na enemi, aia he heluna nui o ko makou poe ke waiho la he luahi na na poka iki.

            “Ua make mai la o Kapena Holi,” wahi a kekahi o na kakiana o kekahi regimana okoa aku iaia i holo mai ai @o’u la.

            “Ua make?  Pehea kona make ana?”

            “Iaia e nihi hele ana mai kekahi kumulaau a i kekahi ua loaa koke mai la oia i ka poka.”

(Aole i pau.)

 

@ no ke Aloha

HE MOOLELO NO KE KAIKAMAHINE ALII IETIWA

Ka Ui nohea i ahai ae i ka puuwai.

 

MOKUNA XIX.

KE KOA ILOKO O KE KAA.

 

            “O oe, oe keia.  O, eia kaua iloko o ka Paredaiso.  Kuu ipo, kuu aloha no ke kau mau loa.  Na’u oe no ka mau loa.  Aole loa oe e haalele mai ana ia’u i keia manawa.”  E hele, e hele i kahea aku ai oia i na kalaiwa kaa iaia e haanipo ana i ke aloha hoopihaia mai.  E mau aku keia huakai no ka mau loa.  Ua manaoio no wau ua aloha oe ia’u.  O, ke make au, e make ana au iloko o ka hauoli piha ku’i loa.”

            Ma keia manawa ua pii koke ae la kekahi lima palupalu e apo ae ana i ka a-i o Lore, ke kumu o ko Lore hoomaopopo ana ae i ka pumehana o ua lima palupalu nei, ka mea hoi i olu loa iho ai kona puuwai me ke aloha alaila hui ae la ko laua mau ihu i ka honi hoomau ana no kekahi mau minute loihi.

            “Aole au i makemake e ike a hoomaopopo oe ia’u.  A, ke kaumaha nei au.  Heaha no la ka’u mea i hele mai nei?  He loaa mau ia’u na manao ikaika ame ke kuoo aka i keia, aole e hiki ke hoomanawanui.  Ua lanakila oe.  Nou wau i keia manawa, kuu kino ame kuu uhane me ka nana ole ae i na mea apau.  Ua ku-e keia i kuu manao aka ua aloha maoli no wau ia oe—ua aloha maoli no wau ia oe—a ua aloha maoli no wau ia oe,” wahi a ka leo palupalu i pane ae ai me ke aloha kuio.

            “Ua loaa piha ia’u ka lanakila o ka mea i loaa ole i na keikialii ame ko ke aloalii.  Ua poho maoli no kuu manaolana e kuu Moiwahine.  Ua mamao loa oe mai ia’u aku ma ka’u noonoo aku.  Ma keia, ua hoopihaia mai au me na hauoli nui loa, e haawi ai au i kuu ola no na make he tausani mamua o kou malele ana aku mai kuu poli aku.  Ua wiwoole oe e kuu aloha ma keia hana hoopakele au ia’u.  I keia po ua maopopo loa ia’u ua haalele aku i kou mau pono apau ame na pono o kou lahui kanaka ame kou aupuni i pilipaa ia e oe no ko’u pono iho.  Mamuli o keia o kou aloha i’o maoli no ia’u.”

            “Aole.  No keia manawa wale no keia hui ana o kaua: hiki aku kaua i kahi i manaoia nou e haalele ai au ia oe no ko’u hoi aku i ka hale.  Aole oe e manao e mau aku wau iloko o keia ano nawaliwali o’u; kekahi keia o na haawina maikai loa i loaa iloko o ko’u ola ana,” wahi a ua leo palupalu nei i pane ae ai.

            “E hoi aku ana oe aole hoi me a’u,” wahi a Lore i pane aku ai.

            “Oia ke kumu o ko’u makemake ole ana e ike oe ia’u.  Oia hoi, ke kumu o ko’u manaolana ana aole oe e hoomaopopo i’o ana i ko’u aloha i’o ia oe.  Eia nae, ua loaa mai la wau ia oe.  Ua hoouluku nui ia kuu aloha ia oe ame ka maka’u nou.  He mea maopopo loa aole oe e lanakila i ka wa hookolokolo no keia hihia ou.  Ua ike au aole e hiki ia’u ke hoopakele ia oe.  A o keia wale no ke alanui i loaa ia’u no ka hoopakele ia oe.  Ua manao maoli no wau e make ana wau i ka manawa e hooloheia ai kou hihia, ka mea a kuu puuwai i hoike maoli mai, aia oe iloko o kuu puuwai kahi i lolii ai.  Aole oe e noonoo iho he hana hoowahine ole e hoolede ole keia o’u ia’u iho ma keia hele ana a’u i keia po au e ike nei.  Aole he mea e——“ aole i pau pono na manao o ka wahine ua pili aku la ko Lore ihu no ka honi hoomau ana.

            “Ano lede ole,” wahi a Lore i pane ae ai.  Aole pela.  Ua pono loa keia hele ana mai nei au.  I ko’u manawa e haalele ai ia Grostaka nei e hele pu oe me a’u, e haalele oe ia Grostaka nei ame na mea apau.  E ae mai oe ia’u no kou hooko i’o ana.”

            “Aole e hiki ia’u ke hoomanawanui i ka lohe aku i kena mau olelo au.  Me he la e uhaeia ae ana kuu puuwai, ke noonoo ae no ka hoi ana i kauhale.  O na hoomanao aloha ke hele pu ana me oe, aka, no’u iho aole e hiki ia’u ke haalele i ke aupuni ame ka lahui.  He pono ia’u e huli i ko lakou mau pono, no ka mea ua kau mai ia haawina koikoi maluna o’u.  No’u iho, o oe kuu kane i aloha maoli ai iloko o kuu puuwai, a he hiki no ia’u ke hoomana mai ia oe mai ka noho kalaunu mai a ma na wahi apau ma ka hoomanao mau ana ia oe.  Aka no ke aupuni aole loa e hiki ia’u ke haalele ina no ia he mea e kaawale ai kaua.”

            Ua noho mumule iho la laua no kekahi mau minute.  Ma keia manawa ke noonoo nei o Lore i ke aloha i’o no o ka wahine iaia.  Aole o ia wale, aka, o ka pono o kona mau noonoo, ame kona haawi maoli i’o ana iaia iho no ka pono o ke kanaka ana i aloha i’o ai.

            “E haawi no wau i kuu ola ame kuu uhane no ka ike wale aku i kou helehelena e Ietiwa.  Ke ike la wau i kou aloha, aia i na maka o’u.  Heaha no hoi kou mea hoomau ole i ka hoopaa ana ia’u iloko o ka halepaahao a hiki i ka manawa e hookolokoloia ai a ina e hui i’o aku me ka make, e hooko i’o aku no a pau ae no hoi ka olelo ana.  Ua oi loa aku ka makai o ka hana ana pela no kaua a no ko kaua pono iho.  Ua maopopo loa ia’u aole au e ola ana me kou noho pu ole mai me a’u.”

            “Ua hiki no ia kaua ke ola kekahi no kekahi ina e noho kaawale ana no.  Aole ia he mea e pau ai kuu aloha nou.  Ua hiki loa ia oe ke ike i ka oiaio o ia mea,” wahi a Ietiwa i pane aku ai me ka leo oluolu o ke aloha.

            “Aka, makemake au ia oe me kou kino maoli no.  Aole ma ke ano moeuhane wale no,” wahi a Lore i pane aku ai.

            “E oluolu oe e hoopau i kena mau olelo.  Hookahi mea maopopo loa e hele ana oe a e noho iho ana wau.  Na ka manawa e nee mai nei e hoike mai i ka maikai no kaua.  Malia paha e puka mai ana he mau hua o ka maikai, aole nae kaua e ike koke ana.  E waiho aku a hiki mai ia manawa.  Mai hoohana loa mai oe ia’u ma keia mau mea aole he hiki ia’u ke hoomanawanui hou aku.  Aole e hiki ia’u ke ku hou aku i keia manawa o ka nawaliwali i hekau mai maluna o’u.  Aole no hoi oe e hookaumaha loa mai ana ia’u ma ka hooki ole i keia mau mea a kaua e kamailio nei e pili ana ia kaua.  E hoihoi hou mai i kuu wahi ikaika i loaa ia’u mamua iho nei, no ka mea, ke hele loa mai ia wau i ka nawaliwali loa.  He poino loa keia no’u ke mau loa ma keia ano kulana.  Ua ike no wau aole ou makemake e poino ka mea i aloha ia oe, a o ka mea no hoi i alohaia e oe,” wahi a ka Moiwahine.

            No ka hoike ana i kana haina ua hoike aku oia ma ka honi hou ana aku iaia.

            “E mau aku no ko’u aloha ia oe no ka manawa mau loa a e hoolohe no wau i na kauoha a ka mea i noho iloko o kuu puuwai—iloko no nae o ka manaolana poho,” wahi a Lore i pane ae ai.

            “E po@o like ana no ko kaua manaolana,” wahi a Ietiwa i pane ae ai ikoko no nae o na leo uwe.

            “E kuu koa wiwoole,” wahi a Lore i hawanawana aku ai me ke aloha maoli iloko o kona puuwai, oiai na waimaka e iho makawalu ana mai na papalina mai o ka wahine opio.

            “Makemake loa wau ina wau he koa!” wahi a ka wahine opio me ka leo ha’uha’u.  Ua hoomalielie aku la o Lore a hiki i ka manawa i akakuu mai ai, ua noho malie loa iho la oia—o kona poo e kau ana iluna o ka umauma o Lore a o kona lima akau iloko o ko Lore lima akau.

            “Pehea ka loihi i koe a hiki aku kakou?” i ninau aku ai o Lore.

            “E holo ana kakou a hiki i kahi o na moneka.  Ke hookokoke loa aku nei kakou ilaila,” wahi a ka wahine opio.  “E hele ana kakou ilaila a e noho aku ana oe ilaila.”

            “Pehea?” ke manao nei au @a e haalele ana wau ia Grostaka nei” wahi a Lore.

            “E haalele i’o iho ana no oe, mahope aku no nae.  Aia a pau na pa-ee a maluhia hou, aka no keia manawa e noho ana oe ilaila ma ke ano o kou wahi @ pee ai.  Ua hooponopono wau @ i keia mau mea, no ka mea o keia wahi wale no kahi e nalo ai oe.  Aole o loaa ana ka manao hoohuoi e huli ia olaila.

            “Hauoli loa au ke noho au ilaila no ka mau loa i hiki no ia’u ke nana aku ia oe mailaila mai,” wahi a Lore me ke ano kaumaha no nae.

            “Oia hoi, e huli pono mai ana kou pukaaniani i ka halealii, a o ko’u no hoi e huli pono aku ana i kou.  A i ka po e hoolele like ai laua i ko laua malamalama me ke ola ame ka hauoli kekahi i kekahi no kekahi o kaua,” wahi a Ietiwa.

            “No kaua like no a elua, e kuu aloha,” wahi a Lore i hoopololei aku ai.  “Ua i mai nei oe e maluhia no wau ilaila.  Hilinai anei oe i keia poe moneka@”

            “Pela ko’u manao.  Ua loaa ia’u kela manaoio.  Inehinei ua hoopaa aku wau ia kapena Kuinoka e lawe i kuu palapala i ke poo o na moneka, a i ka hoi ana mai o ke kapena ua paa pu mai oia i ka palapala a ua poo nei e ae mai ana e huna lakou ia oe ilaila a nalowale loa, me he mea la ua kanu kupapau ia.  Ua olelo paa mai oia e hooko i’o ana oia, a oiai, he hoaloha maikai loa oia no’u pela au e manao nei @ hooko i’o ana no oia.  E hai aku wau ia oe i ke kumu o ko’u hele ana i keia manawa o ka po, kumu o ko kaua hui ana, a ke hilahila nei no hoi au no keia ........ hana a”

            “Aole pela, aka, he hui hauoli loa ana,” wahi a Lore i hoopololei hou aku ai.

            “Eia ke kumu, ua hai mai ke poo o na moneka ia’u aole loa oia e hookipa ia oe, ke ole au e lawe aku ia oe iaia mai ia’u ponoi aku.

            Owau maoli no ke lawe ia oe a iaia.  A ke ole e hanaia pela aole oia e ike mai ia oe.  Nolaila, aole a’u wahi hana hou ae a’u e hana aku ai, o ka ae wale aku no.

            Aole e hiki ia’u ke alo ae a me ka nana ole ae i ko’u ano moiwahine, ua hana aku wau i keia hana ma ke ano he wahine maoli i aloha piha i ka mea i hoopaaia iloko o kuu puuwai.  O ka ike @a o keia mau mea apau, e lilo koke ai au i mea inoino iloko o ke ao holookoa he kulana e pono e holoi loa ia aku a’u mai ka ili honua aku.  O keia aahu koa a’u e aahu nei oia wale no ka mea nana e huna nei ia’u.”

            “A ehia poe i ike i keia mau mea apau?” wahi a Lore i ninau aku ai.

            “He ekolu wale no mawaho ae o’u, —o Degamoa, Kuinoka ame ka Makainui.  E maopopo aku ana keia mau mea apau i ke poo o na moneka, a hilahila no hoi au ke noonoo ae.  O ke kalaiwa kaa ame ke kiai e noho la iloko o ka lumi paahao au i noho ai ua hoomaopopo laua he huakai hoomahuka ke@a ia oe aole nae laua i ike iki owau kekahi o keia kaa e hele nei ma ke@a huakai i keia po.  E hoomanao oe ia Alode oia ke kalaiwa e hele nei me kakou ano.”

            “O, o Alode kela, ke kanaka i ike ai ia’u e— iloko o ka lumi kalaunu,” wahi a Lore.

            “Oia ke kanaka i ike ole he hookahi mea,” i hoopololei aku ai o Ietiwa.

            “Ke hoomanao nei au i kona hooko kauoha a hoolohe no hoi,” wahi ana i aka ae ai me ke ano kaumaha no nae.  “Aole anei e loaa ia’u ke ano kuokoa ilaila?”

            “E noho aku ana oe e like me na kauoha a ke poo nui o na moneka.  A aole au e poina i ka hoouna mau aku ia Kuinoka e ike ia oe.”

            “Ke maka’u nei au iaia no ka mea o@a auanei ko’u mea nana e pepehi malu mai,” wahi a Lore i pane aku ai.

            “E Ietiwa, manaoio anei oe na’u i hana i ke@a hana h@hewale—ka lawe ana i ke ola o ke keikialii Lorenz.  Ua loaa no ia’u keia manao, ke manaoio nei kekahi poe na’u i hana i kela pepehi kanaka.  O ka mea pololei loa, aole au i hana @a hana.  Hauoli loa wau ke olelo mai oe ia’u, aole oe i manaoio na’u i hana i ke@a pepehi kanaka.”

            “Ua loaa a no ia’u ka manao—mai huhu mai oe ia’u—ua manao wale no wau nau ia i hana, a i hana@a e oe no ko’u pono.  Aka, i keia manawa ke hoopau loa nei au i ko’u kuhihewa, a ke manaoio nei au aohe he wahi pilikana o ia ino maluna ou.”

            Ma keia manawa o laua e kukai kamailio ana ua ku koke iho la ke kaa, ka mea hoi i loaa aku ai ka manao ia laua ua hiki lakou i kahi i makemakeia.  Me ka hakalia ole ua hemo ae @a ka puka o ke kaa a pa-e ana ka leo o Kapena Kuinoka: “Ua hiki mai kakou i kahi i makemake ia.”

            “Mai keia wahi aku e hele wawae aku ana kakou a hiki i kahi o ka puka pa,” wahi a ke Aliiwahine i pane ae ma ke ano leo koikoi.  Ia laua e hoomakaukau ana, e komo ana hoi i ko laua mau kuka ua hawanawana aku @a oia @a Lore: Ke noi aku nei au ia oe, mai hoike iki oe iaia ua ike oe ia’u.”

            Ua hoopaa aku la oia i kana olelo me kona lele ana aku e ho@i, a ua hookoia mai no, aka, aneane loa e ike@a, ka mea hoi e komo ai iloko o ka pilikia nui.  Me ka nana ole ae i ka pouli ua lele aku ia ka wahine opio a hana aku @a ma kona ano ko@, he hoohunahuna wale no i mea e hoomaopopo ole mai ai ke Kapena.  Ma ko Lore aoao ua aka iki iho la oia iloko ona i kona manawa i lele mai ai.

            Alaila, hoomaka aku la lakou e hele mawaena o Lore a o Kuinoka ma kekahi aoao a o ke Aliiwahine ma kekahi aoao.

            Ua hamumu like aku @a no o Lore me ke Kapena oiai, ke kokookolu e hele like