Ka Nupepa Kuokoa, Volume XLI, Number 4, 23 Ianuali 1903 — E NAUE MAI ANA NA MAKAIKAI. AOHE WAHI O AMERIKA HUIPUIA E LIKE AKU ME HONOLULU. [ARTICLE]

E NAUE MAI ANA NA MAKAIKAI.

AOHE WAHI O AMERIKA HUIPUIA E LIKE AKU ME HONOLULU.

"Aohe i launa, lihi ak« ka nani o Kaleooni ame Florida e Hke me Honolulu," wahi a John Owen o ka mokuaina o Kolorado i kamailio ae al ma ka Holele Ha\vaii i ke ahiahi Poakolu nei. He kanaka kuonoono keia a he ona hoi no kekahi mau lua eli waiwai loa o Kolorado. O kona home ma Kolora<3a āia iluna o ke kikiena o na Roki, a ua hele makaikai aku oia a puni o Amerika a akahi no a loaa ka aina e maha pono ai oia ame kana wahine no ka hoomaha ana. "O keia aina," wahi ana, "he nanl piha maoll no. Aohe wahi e like me ia a'u i ike ma ka'u huakai i hele mai nei. .Aole maopopo toa ia'u heaha la ke kumu o ka hooi ole ana ae i na hana e ume ia mai ai na makaikai. O ka ea ame ka hiohiona o ke taona ua lawa ia no ka ume ana i na makaikai. Ua like ole na mt>a o keia kulanakauhale me na mea o ka aina makua. I kou manawa iluna o ka moku ua loaa aku ia oe na ea maikai, a i kou manawa e hoea mai ai ianei a ike i ka nani o ke taona, ka ea na mea ulu a pela wale ak« ua like la me he makeneki la e ume ana i kou noOnoo. "He mea oiaio e lilo aku ana o Honolulu i keia mua aku he Honolulu Nui (Greqter Honolulu). I ko'u mar.awa e ike ai ua hooi ia ae ko'u makemake a ke hooiaio aku nei wau he wahi keia no kau dala i keia mua aku. O ka maka mua loa keia o ko'u hiki ana mal i Honolulu nei, aka aole keia o ka hopena. E ha'i aku ana wau i ko'u mau hoaloha ma Kolorado i ka nani o Honolulu nei i ko'u manawa e hiili hoi aku ai."