Ka Nupepa Kuokoa, Volume XLI, Number 4, 23 January 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

January 23, 1903

 

            Ma keia laau Kikapu, ua hoola ia ae kekahi luhi o na makuahine ma ke aia ana i ka poo e hoonana ai i na keiki i loaa i ka eha o ka opu. He loaa koke no ka oluolu i ka manawa e haawi ia ai ka laau ke hoomaka i ka wa e @ ai na hoailona eha. E hoopulu i kekahi lole huluhulu i ka aila Kikapu. Alaiia hoopi@ aku i kahi eha o keiki a aole e haia na minute he umi o ka loaa koke no ia o ka oluolu. He emi no ke mukukuai o ka ommole laau hookahi a he lapaau hoola kana i oi ae mamua o ka ke kauka.

 

Ka Aila Kikap

 

He hoolapanai no na Makuahine

 

            “Makemake au e hoike aku i ka hana a ka Aila Kikapu Inikini i kuu keiki. I ka po, e ala mau a ia oia a uwe no ka umii ikaika ma kona opu. Aka i ka manawa a`u i hoohana ai i ka laau Kikapu ua loaa koke iho la ka oluolu mahoope o 15 minute, a o kona haule aku ia no la hiamoe. Ma ko`u aoa) ke haawi aku nei i ko`u mahalo no keia laau lapaau, he kauka mai (ai loa no ka home.” O ka pane maluna ae na Mrs. F. Williamson ia o West Point, N. Y.

 

E LOAA NO KA OMOLE AILA KIKAPU MA NA HALEKUAI LAAU APAU A MA KAHI O HOBRON DRUG CO.

 

Nuhou o ko na Aina E

 

Hoolina Alii o Kelemania

 

KI POKAIA IA PAPU.

(Mai ka uwea telegarapa mai.)

 

            MARACAIBO (Venezuela) Ianuari 18 Ua ki poka aku ka manuwa holo mama Kelemania Panther i ka papu San Carlos kokoke ma ke kulanakauhale o Maracaibo i keia kakahiaka. Ekolu kanaka ki pu o ka papu i hoehaia. Ua panai mai ka papu me kana mau ai awaawa a mamuli o ka nui hahana ua holo aku la ka manuwa iwaho a hoao hou ole mai la e ki poka i ka papu.

 

MOKU KELEMANIA IUKA O KA AINA.

 

            GIBRALTAR, Ianuari 18.—Ua ili luka o ka aina ka moku Kelemania Lahn me 800 ohua maluna o kona oneki. Ua hoao aku na moku like ole e huki iaia no kahi hohonu aka a hiki i kela manawa aole i hemo. Nui ka hopohopo o keia kulanakauhale no ka pakele o keia mau ohua 80. Ua haalele aku keia moku ia Nu Ioka` ma Dekemaba la 6 no Naples a hoe ilaila i ka la 17 a i kekahi la ae i Genoa. O Malchow ke kapena o keia moku a o kona mau tona ua hoea aku ma kahi o 2456.

 

NALOWALE IA MOKU ME 20 OHUA.

 

            LADANA, Ianuari 18.—Iloko o ke awa i keia la ua piholo iho ka moku Pupa me ka piha ohua maluna o kona oneki, a 20 oia i lilo aku.

 

MAHUD PASHA UA HALA.

 

            BRUSSELS, Ianuari 18—O Mahud Pasha ua hala ma kela aoao i keia la.

 

HOOKOMO O SENETOA MITCHELL HE BILA HAAWINA DALA NO HAWAI.

 

HOOKAHI MILIONA DALA NO NA HALE AUPUNI O EKOLU HAPA MILIONA NO NA AWA.

 

            WASINETONA, Ianuari 19—Ua ho-ohou aku nei o Senetoa Mitchell he 6 bila ma ka Aha Senate no ka hoopiha ana i ka hoaiai a na Komisina i waiho aku nei imua o ka Senate.

 

            Hookahi Bila e hookaawale ana $1,000,000 i hale aupuni ma Honolulu a o kekahi $750,000 i hale aupuni ma Hilo.

 

            Ma ka Bila Ekolu e hookaawale ana ekolu hapaha miliona ($750,000) no ka hana hou i ke awa o Honolulu, a ma ka Bila Eha $100,000 i palekai no Hilo.

 

            Ma ka Bila Elima e ukuia ke Kiaaina $3,500 o ka makahiki, a ma ka Bila Eono e pili ana no ka hale ipukukui e hookaawale ana $75,500.

 

HOIKE KE KOMITE O NA TERITORI.

 

            WASINETONA, Ianuari 19.—Ma ka hoike a na Komite o ka Hale o na Teritori e apono ana lakou i ka Bila Auwai o Kohala.

 

            Aia pu iloko o keia Bila ka paku`i a Senetoa Mitchell.

 

MOKU A KAAWALE KE POO.

 

            KAPALAKIKO, Ianuari 19.—I keia ahiahi i ka manawa o ka ohu e hoopouli ana i na alanui ua hookui aku la ke kaa uwila me kekahi kanaka ma ke alanui. Makeke maiaio aku o Montgomery. Ua haule aku la ua kanaka nei malalo o ha huila o ke kaa a kaawale ana ke poo mai ka pauku kino mai.

 

HOLO KA BILA KOI POHO PAUAHI.

 

            WASINETONA, Ianuari 19,--Ua holo i keia la ka Bila Koi Poho Pauahi o ka Aha Senate iloko o ka Hale o na Lunamakaainana @ hookaawale ana $1,000,000 no ka uku ana i ke Koi Poho Pauahi o Hawaii e hoonana pu ana i ka Teritori e hoopuka $500,000 ma ka bona.

2

 

LANAKILA HOU KE TELEGARAPA UWEA OLE.

 

            WASINETONA, D. C., Ianuari 19.—He mau olelo ka i hoounaia mawaena o ka Peresidena Rusaweia ame ka Moi Eluene ma ke telegarapa uwea ole.

 

MAKE KE SULETANA O JOLO.

 

            MANILA, Ianuari 19.—O ke Suletana o Jolo Archipelago kekahi o na mokupuni ano nui o ka paemoku Pilipino ua make no ka ma`i kolela.

 

HAAALELE ALAMEDA NO HAWAII.

 

            KAPALAKIKO, Ianuari 19.—Ua haalele ka mokuahi Alameda no Honolulu i ke Sabati nei.

 

KUKA PU ME NA KUHINA O NA AUPUNI NUI.

 

            CHARLESTON, S. C., Ianuari 10.—I keia la i ku mai ai o Kuhian Bowen a haalele koke no Wakinekona, kahi ana e hui kuka aku ai me na kuhina o Pelekane, Kelemania ame Italia e pili ana i na unene o Venezuela.

 

HAALELE NA KELA LOLE I KA HANA.

 

            VIENNA, Ianuari 20.—Ua haalele aku he 19,000 kela lole i ka lakou hana i keia la.

 

KUHINA NO SWITZERLAND.

 

            WASINETONA, Ianuari 20.—Ua hoaponoia o David J. Hill i Kuhina no Amerika Huipuia ma Switzerland.

 

HAHANA KA PAIO MA VENEZUELA.

 

            CARACAS, Ianuari 2.—Ua hooukaia he kaua hahana mawaena o na koa aupuni ame na koa kipi ma Caro i keia la no 10 hora. Nui ka poino ma na aoao elua.

 

            Caracas, Ianuari 20.—O Kenerala Matos ke alakai o na koa kipi e ku-ee nei ia Peresiidena Castro. Oia ka moho ma kahi o Castro i keia manawa o ka poe kipi.

 

HEMO HOU KA MOKUAHI LAHN.

 

            GIBRALTAR, Ianuari 20.—I keia la i hemo ai ka mokuahi Kelemania Lahn mai ka aina mai. Aohe mau poino ano nui i loaa iaia.

Hoolala ano nui .

 

            MAZATLAN, Ianuari 20.—Aia he mau hoolala ke upu ia nei e puhi ia na uwapo i ke ahi i paniku ia aku ai a kaupale loa i ka holopapa ana o ka ma`i bubonika eleele iloko o ka aina.

 

EMI HOPE NA KIPI.

 

            CARACAS, Ianuari 21.—Ua kuemi hope na koa kipi no Coro. Kanakolu i make ame hookahi haneri i hoehaia. Nui na pio i hopuhopu ia e na koa aupuni me ka lilo o umi koa.

 

            WASINETONA, Ianuari 21.—Ua hoea mai nei o Kuhina Amerika Bowen o Venezuela i Wasinetona nei no ka hooponopono ana i na koi poho a na aupuni nui, a i keia la i waiho aku ai oia i kona manao e hoopauia na hana paniku a na mokukaua mamua o na kukakuka ana.

 

Hopuia o konela lynch no ke kipi.

 

            LADANA., Ianuari 21.— Ua hoomakaia ka hihia “kipi kiekie” o Konela Lynch i keia la imua o Lunakanawai kiekie Haku Alverstone. E hoao ana ka aoao hoopii e hoiaio he kupa Pelekane o Lynch a ua alakai aku hoi oia i ka Puali Aliiki i ka wa e palo ana kona aina makuahine me na Bua. Ke pioo la o Pelekane ame Irelana mamuli o keia hihia ano nui. Ma ka hoomaka ana o ke kaua mawaena o Beretania ame na Bua ua hele aku oia ma ke kahua kaua ma ke ano he mea kakau nuhou a mamuli o kona hoapono ana ma ka aoao o na Bua ua komo aku la oia a alakai i kekahi puali Bua.

 

            Ma keia hana ua lilo oia he kanaka nui ma Irelana a ua kapaia aku oia he koa wiwoole.

 

            Ma ke kau koho balota i hala aku nei ua kohoia aku la oia he iaia no ka Paliamenetere (Hale Kau Kanawai o Pelekane) no ka apana o Galway. No kekahi manawa ua haalele aku la o Lynch la Parisa kona wahi e noho ana no Ladana no ka lawe ana i kona noho ma ka hale ahaolelo ak i kona hoea ana i Ladana ua paa koke iho ia oia i ka hopuia no ke kipi kiekie.

 

KE AU MAI LA O KOREA.

 

            KAPALAKIKO, Ianuari 21,--Ua haalele mai ka moku “Korea” me 180 ohua maluna o kona oneki i keia la ma ka hora 4:45 p.m., no ka hoao ana e wawahi i ka manawa holo ma keia moana Pakipika. Auwe ka hoi e!

 

HALA KA MOKU TOPIKO MA KELA AOAO.

 

            KONITINOPALA. Ianuari 21—Ua aeia aku nei ka moku topiko o ke aupuni bea o Rusia e holo ma ke kai o Dardanelles me ka nana ole i ke ku-e o ka liona o Beretania Nui.

 

MA`I ELEELE MA MAZATLAN.

 

            MAZATLAN, Ianuari 21.—Eono i make i keia ia no ka ma`i eleele, kau e ka weli a ma ke kauoha a na mana nui ua puhiia aku hookahi haneri hale i ke ahi ma ka apana i`loohia i keia ma`i.

 

KE IMI NEI I WAHINE NANA.

 

            BELINA, KELEMANIA, Ianuari 21. Ua wawaia ae i keia ia o ke kumuhana nui o ke keikialii Federika, ka emepera hoi o keia mua aku i hele aku nei ma ke poo kulanakauhale o Rusia oia no ka hui ame ka mare ana i ke kaikamahinealii o ke aupuni o Denemaka o Taira kona inoa.

 

HELUHELU O KAUKA EMERSON I KEKAHI MEA E PILI ANA NO KAMEHAMEHA NA`I AUPUNI.

 

LOA IAIA KEIA HOIKE MAI KEKAHI KANAKA KAHIKO MAI.

 

            Ma ka halawai ana o ka Ahahui Moololo Hawaii ma ka po Poakahi nei ua ku mai o Dr. Emerson a helehelu i kekahi mau mea e pili ana no Kamehameha Na`i Aupuni.

 

            Ua loaa iaia keia mau hoike mai kekahi kanaka kahiko mai e noho nei iloko o keia kulanakauhale i lohe hoi mai kekahi koa mai o ka puali o Kamehameha.

 

            “Mahope o ka paio anao Kamehameha me Kiwalao a hiki i kona make ana ua hele kaapuni aku la oia (Kamehameha I) i Waipio, Hilo.

 

            Ma kona alahele huli hoi no Laupahoehoe maloko o kekahi waa kaulua ua halawai aku la oia me kekahi waa lawaia nui me elima kanaka iluna ona.

 

            “O Kamehameha,” wahi a Kauka Emekona, “me ka manaoio e powa aku lalakou, hoao aku la e paniku i keia waa lawaia.” Ua hooikaika aku keia poe kanaka lawaia i ka hoe a pae mua aku la i ka aina mamua o Kamehameha I. Aole i ae aku o Kamehameha I i kona poe kanaka e hahai iaia, me ka mak`u ole ua hahai aku la oia hookahi i ua poe kanaka lawaia nei. Ua paa aku la kekahi kanaka iaia o Kaluahi kona inoa a hoao aku la oia e lawe i kana upena. I keia manawa ua poho aku la ka wawae o Kamehameha I iloko o ka pohopoho pele a holo a pakele ua kanaka nei.

 

            Iloko o keia kulana pilikia o ka moi na`i aupuni ua pii mai la kekahi kanaka lawaia o Naone kona inoa a hahau aku la iaia ma ka lae me ka laau kalabu a kaanini aku la oia (Kamehameha I) ilalo, pau ka ike a pau ka lohe.

 

            Ua lawe loa ia aku la o Kamehameha I e kona poe kanaka iloko o kekahi hale mauu liilii a i kona manawa i mohala ae ai aole oia i ae i kona mau koa e uhai i na kanaka lawaia. Mahope iho ua paa aku na kanaka lawaia i ka hopuia a lawe ia aku la imua o Kamehameha I me ko lakou manao e make ana lakou.

 

            Ua ninau aku la ka moi na`i aupuni ia naone heaha la ke kumu o kona hahau ole ana i ka lua o ka puupuu maluna ona? Ua pane aku la o Naone ua manao oia o ku puupuu mua ua lawa ia no ka kula`i ana iaia a make. Ua apono aku la o Kamehameha I i kona hewa a olelo aku la e hoopa`iia ke kanaka aihue me ka make.

 

            Ua haawi aku la o Kamehameha I ia Naone i ka hale ame ka aina a me na mea apau ma kahi kokoke i ulu mai ai o keia uluaoa a i ka manawa o Kamehameha I i make ai ua hele aku keia Naone e li iaia iho maloko o ka ululaau. Mamuli o keia kumu i kukuluia ai keia kanawai, “E hele ka elemakule ka luahine ame ke keiki a moe i ke ala aohe mea nana e hoopa iaia.

 

Kupaianaha o na Kupaianaha.

 

            Ua loaa mai i keia mau la iho nei ia Mama Parker o keia kulanakauhale nei he pane mai Sana Lui mai ma ka uweaolelo. Ke hoomanao nei oia i ka makahiki 1832 ma ka mahina o Feberuari ua hoouna aku oia he leta i kona mau ohana ma Sana Lui a no 18 mahina kona kali hoomanawanui ana ua loaa mai la kana pane. I keia makahiki 1903 he 18 wale no minute ua loaa mai kana pane mai Sana Lui mai. Nui no paha ke akamai.

 

Na Make o ka Mahina i Hala.

 

            Ma ka hoike a ka Papa ola he 86 i make ma ka mahina o Dekemaba i hala. 57 kane a he 29 wahine. Mailoko ae o keia huina he elima Puakea, umi Pake, iwakaluakumamakahi Iapana ame kanakolu-kumamahiku Hawaii ka hapanui, 28 pepe i make malalo o 1 makahiki, 7 mawaena o na makahiki 1 ame 3 a 2 amwaena o na makahiki 5 ame 10. awaena o na makahiki 20 ame 60 ua like no a like, 5 mawaena o na makahiki 60 ame 70 a 4 make i oi aku na makahiki i ke 70. He 33 mare ame 76 hanau.

 

            O na Luna Nana pipi ame i`a ua noli aku lakou he 2,211 mau holoholona a hookahi i hoino ia. He 230,601 mau i`a i nana pono a a he 1,726 i hoino ia.

 

            E hele i kahi o na kauka huiki niho noeau, Helu 215 Alanui Hotele, ma o aku o ke Alanui Uniona ma ke alo iho o Young Hale. Homaikai na lawelawe hana ana a emi no hoi ka auhau. He maikai na mea hana o ke ano hou loa. Aohe auhau no ka noho ana, a he wahine Hawaii ke kokua.

 

NO PLATES REQUIRED

 

Hoopiha me ke Kala               50 keneta

Hoopiha me ke Gula   1.00 a pii aku

Papa Niho Gula           }

Papa Inho Kala           }          $5.

Papa Niho Maoli         }

Papa Niho piha pono               $5.00

Huki ana i ka Niho                    50c

NA KAUKA HUKI NIHO NOEAU

W. E. Allen, D. D. S.                         F. L. Ferguson, D. D. S.

 

O ka unuhi ana i ua kanawai la e ano uloiohi ana no ka hoopuka koke ana aka e hoomaka koke ana no ka hoohana i keia manawa. Ua piha ae ka halawai i noho ai i ka la 17 iho nei a ua nui no hoi ke ohohia ia. He ekolu a eha ka nui o na bila i hanaia no keia kanawai mamua o ka loaa pono ana o ka mea i makemakeia. Eia kekahi mau mea e pili ana i ua kanawai la:

 

NA MEHELE KALANA.

 

            Ma ke kanawai i hoomakaukauia ua maheleia ka Teritori iloko o na mahele he elima: Ke Kalana o Oahu oia no hoi ka mokupuni o Oahu a ma Honolulu kona wahi oihana. Ke Kalana o Maui oia no hoi na mokupuni o Maui. Lanai Molokai ame Kahoolawe, a o Wailuku kahi o ka hana. Ke Kalana o Komohana Hawaii oia no hoi ka mahele o na Apana o Kau, @ohala akau, Kohaia Hema Kona Akau ame Kona Hema huiia me na mokupuni e ae i komo mai iloko o na palena o 3 mile mai na kapakai aku, a o Kailua kahi o ka hana. Ke Kalana o Hawaii Hikina oia no hoi na apana o Hilo, Hamakua, ame Puna huiia me na mokupuni e ae iloko o na palena o 3 mile mai na kapakai aku a o Hilo kahi o ka oihana. Ke Kalana o Kauai oia no hoi na mokupuni o Kauai ame Niihau a o Lihue kahi o ka hana.

 

NA LUNA NUI.

 

            Eia na luna nui: Papa o na Luna Nui o elima lala kakauolelo kalana makainui, puuku, luna auhau, he luna ia i laikinila, luna kakau kope, luna hoiia, luna helu, luna ana aina, loio apana, luna kolonelo, na iaia o ka papa alanui, lunakanawai apana.

 

NA AUHAU.

 

            He elua mahele e hoohanaia ai na auhau—pili i ke aupuni teritori a pili i ke aupuni kalana a maluna o kela mau mahele e kau ai na auhau e like me na hoakaka iloko o ua kanawai kalana nei.

 

            Na laikini, na hana hou ame na hana hoonaauao, o lakou kekahi mau mahele iloko o ua kanawai nei. Maloko o keia ua heluia na halepaahao, na kula, na kukui, na makeke, oihana wai, oihana ahi, na uwapo, na kula hoopololei, na hale aupuni, a pela aku.

 

NA KOHO BALOTA.

 

            Maloko o keia kanawai ua pili no na kanawai koho balota o kakou e ku nei i keia manawa, malia paha o hoololi ia ae no ka mea he mau manawa hoololiloli keia oiai aia ia ke waihoia nei no na manao o ka lehulehu.

 

            O na lala o ke komike na lakou i hoolala i keia hana nui oia keia mau keonimana malalo iho: W. O Eamika, E. D. Tenney, A.L. C. Atkinson, A.G. M. Robertson ame G. W. Smith.

 

KOMO ILOKO O NA HOOPAAPAA HAHANA.

(Mai ka aoao 1 mai.)

 

I ke dala e like me ka pili i na ano ame na hana a Venezuela.

 

            Aia manawaena o Venezuela ame Pelekane he wahi kuhikuhi maluna o kekahi wahi mokupuni panoa, noho ole ia e kanaka i kapaia Patos.

 

            O na moku lawaia Pelekane, e hoopilikia mau ia ana lakou ma ia wahi a e haawi mau ia an no na hoohalahala a` e loaa mau mai ana na olelo he hana ku-e kanawai ka ua poe moku lawaia nei. A hiki i ka manawa i ike maoli ai o Pelekane ua pilikia i`o maoli no ua hoole koke iho la o Peresidena Castro i na koi a Pelekane. O keia ke kumu o ka ulu ana mai o ka unene, a ma Dekemaba 2 o ka makahiki i hala ua lawelawe aku o Pelekane me ka lima ikaika e like me ka mea e ikeia nei o Venezuela iloko o ka pilikia, o ke ki poka ia e like me ka Kelemania i hana ai. Mana aelike i hana mua ia ua hui a ke hui nei o Pelekane ame Kelemania e ku-e ia Venezuela.

 

Ka Aoao maikai o ke Ola

 

            He mea maa mau i ka hapanui o kakou ka loaa ana o ka hauoli piha ana i kupono ai hoi e loaa lo mai e like me ke kanawai o ke ola ana. Iwaena hoi o na mea heluhelu e hoopilihua ai a e hoopalupalu ai ia kakou o ke ola kino nawaliwali oia kekahi hiki mua. Ua olelo ae o Hannah More o ka hewa ua ulu mai no ia mailoko mai o ka opu inoino. Nolaila he mea kanalua ole o ke akepaa i hoopoinoia mamuli o we koke inoino, oia ka mea nui nana e hookau iho i na nanaina kaumaha a oi aku mamua o kekahi mau mea e ae. O ke kuluma mau o ka pilikia i ka waihona hoowali ai, wahi a kekahi kauka Pelekane, oia ke alahele ao ka poino o na iaia o ke kino. A owai la hoi ka mea e hoomanawanui ana i ka hana pono ole a ka eha, a hoala mai hoi i na manao uluku makau no na mai like ole o ke kino ame ka waihona loko i kuluma mau i na kanaka. Ua like lakou me na ao kahumakuma e pohai mau ana maluna o ka lehulehu i hiki ole ke heluia. Ua hiki no ia oe ke like i keia poe kanaka ma na wahi apau. No lakou he mea hiki ole ke olelo ae “he mau mea maikai ma ko lakou mau aoao.” A mailoko mai oia mea e ake ana ko lakou mau naau e loaa ka palekana ame ke oia. O ka laau e like me

 

WAMPOLE’S PREPARATION

 

            Aole la i kau aku iwaena o ko lakou nohona ame ka ohohiaia e na kanaka mamuli o na kalahea wale ana ame na hoolaha e pai ana. Ua kono la aku ia e lawe ae iaia mamuli o ka hookoia ana aku i ka mea i haila aku ai ia lakou ua hiki iaia ke hana. O ke kaulana ana o keia laau he mea paa ia. He oi aku kona ono e like me ka waihona meli i huipuia me na mea hooulu a hooia o ka Pure Code Liver Oil i hoohuiia me ke Compound o ka Hyphophosphites. Extracts o ka Malt ame Wild Cherry. Aole he mea i oi o kona moolelo holomua no ka hoola ana i ke kanaka koko ole, haaiuiu o na lala, ka alaala na mai o ka puu ame ke akemama ame na ano ma`i apau i loaa mai mamuli o ke koko maemae ole ame ka pono ole o ka waihona ai. O kana hana he kokua e ike aku i ka aoao maikai o ke oia. Ua olelo ae o Kauka W. H. B. Aikids o Canada penei: “Ke hauoli nei au e hai aku o ka hopena i loaa mai ma ka lawe ana iaia ua oi aku ka maikai ame ke kupono.” O kela ame kela e lawe ana iaia he wahi hana kana i hana ai. “Aole loa ia e hoohoka ana.”  E loaa ma na hale kuai laau lapaau apau.

 

OLELO HOOLAHA

 

[@this column very difficult to read.  More than half of the column is unreadable]

D. KALAUOKALANI  JR.

 

Lo@ ma ke

Me

T. McCants@

Loea ma ke @

Halepohaku o McIntyre@

Papu ame Moi

Pahu leta 349 Telepona@

T.H.

 

KAUKA GEO. J. AUOUR

 

Keena Hana 431 Alanui @

Hora Hana 10-12 a.m. 3-4@

Sabati 3:30-10:30 a.m.

 

KOHO LUNA@

Ma ka halawai makahiki@

Chinese Society i malama@

ari 1, 1908 maloko o ko lakou@

lawai na koho ia aku keiaa@

mana no lakou na inoa @

mau Luna Nui no keia @

President         @

Hope-Peresident @

Kakauolelo      @

Hope Kakauolelo  @

Puuku@

Hope-Puuku @

 

Kakauolelo United @

Honolulu, Ianuari 9 ^th @

(Ian 16, 23@

 

OLELO HOOLAHA

E ike auanei na kanaka@

ma Pelekunu Mokupuni o M@

uya lilo ia`u ka hoolimalima @

nohiki apau o ke Ahupuaa@

o Kailiiii. Ame Kapaloa @

kunu i oleloia ke hoonolo @

hookohu nei ia D. Himeni @

no i oleloia i Luna a i @

hana a e hooponopono ma @

ka mana piha i ua mau @

ke kauoha nei au i na kanaka@

e hoolohe iaia.

 

JOHN W. @

Honolulu Ianuari 6, 1903

2944-Jan. 9, 16, 23 @

 

New York Dental Parlors

 

Aia ko makou keena huki @

ka helu 1057, Aalanui Papu@

o ke keena kuai lako pa`i pi@

Photo Supply Co. O kahi e @

ai i ke keena pa`i kii o Willi@

no ko makou ipuka i ko makou Agena

 

Ua nee mai makou ianei mai @

mua mai o makou i Elite Building Alanui Hotele.

 

Papa Niho Gula           $3.00

Papa niho pono           $@

Hoopiha me ke gula $1.00 a @

Hoopiha me ke dala 50 keneta

 

He mau kauka huki niho norau ko makou a he maikai no hoi na mea paahana a he hiki ke hooiao la aku ka maikai o na hana ma ke ano maikai @ Aohe auhau no ka hana ana @ no hoi he eha no ka huki ana.

 

New York Dental Parlors

 

Helu 1057, Alanui Papu manawa @

Alanui Moi ame Hotele.

Ma ko William Pa`i Kit Ipuka@

Komo ai a loaa ko makou keena

 

            O ka laau lapaau “Cham@

Cough Remedy” ua hanaia la@

Ma`i kunu, anu, naeoa`iku, ku@

ame ka nalulu. Ua hookaulanaa @

laau iaia iho ma na aupuni @

lama apau o ka honua nei ma@

hoola kamahao ana i keia mau@

oleloia ae ia. Ua loaa mai na@like ole mai na kanaka mai @

kela mau pilikia e hoike mai a@

hana kamahao o keia laau@

kunu ikaika loa i hooiaia e@

na anu ikaika loa i haawi @

lalo o ka ikaika o kela laau@

ma`i naeoa`iku i hoolaia e keia@

hoopakele mau ana i ke ola @

o ke kamaiki. O ka hana @

ia o keia laau no na ma`i @

ke kunu kalea ua hoike @

mai keia laau i kona ikaika@

hookaawale i na hua ino @

ana mamuli o kela mau @

mahehi loa ia keia laau e na @

me he milimili la na lakou @

mau mea hoopilikia iloko @

a ua hiki loa ke haawi ia @

ka bebe uuku. He hoola mau @

i keia mau ano ma`i a he @

hikiwawe loa.

 

            E loaa no keia laau ma ka @

laau o Benson Smith & Col Ltd @

kumukuai kupono.

 

KIAAINA OSBORNE MA KE HOTELE HAWAII.

 

Ma ke ahiahi Poakolu nei la@

malamaia ae he paina @

Hope Kiaaina Osborne o ka@

o Wyomina (Waiomina) ma ka @

ka hotele Hawaii e Dr. Gaibra@

hoaloha Ua hoohiwahiwaia @’kaukau me na pua poni @

ka aina nei me na mea on@

halii ana maluna o ka pakaukau@

hope o ka paina ana ua ho#,

kekahi mau haiolelo hoohau@

loha i akoakoa aku hoi ilaila.

Amerika Mr. Breckons ka mea@

Na i keila po a ua hoike mai@

Piha hauoli. O na hoaloha i@

Ilaila mawaho o ka mea hanahano@

Borne ame Mr. Breckons oia no o@

Kanawai Estee Lunakanawai @

Galbraith, Mr. Dole, W. B. Ma@

F E. Thompson, W. F. Farrington, Dr. Sloggett, Herbert, Wood. Mays Wa@

Burgess Malster, Alvarez. 11 di@

Wayson, Lewis, Francis Gay o Kauai

Ame W. H. Smith.