Ka Nupepa Kuokoa, Volume XLI, Number 3, 16 January 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IANUARI, 16, 1903.

 

IWAENA o na Inikini ua ikeia he kanaka keia ame keia i piha koko ame ka ikaika.  He kanaka oia nona ke kulana ikaika, o@ maikai, he haawina hoi i @ ia aole mai ke ano oia ana o na haole.  Heaha ia ka mea huna iloko o keia haawina pookela a na Inikini i loaa ole ia kakou?  Eia, Laau Inikini Kikapu Sagawa (Kickapoo Indian Sagwa.)  Iwaena o na Iinikini mmuli o ko lakou maa o ka hele nahele na kamaaina loa ka laau Sagawa he hoola no lakou @oko o ka wa nawaliwali; pela i imila ai a aloaa mailoko mai o na aa, ili-laau ame kekah mau ano e ae pili i na mea ulu: ua ikela ka mana hoola o ka

Laau Kikapu Sagwa

Ma ka Hoomaemae Koko

            Mamuli o keia laau i loaa ai i na Inikini ka ikaika o ko lakou kino.  Ma ka inu mau ana i ua laau a i maemae mau ai ko lakou koko.  He ikaika ko ianei i ka hooponopono hou ana i na wahi poino o ke kino a @ hoi hou e like me mamua.  Aohe loaa o na Inikini i ka ma’i nahu: a ke make, aole no ke akepau mai ke kumu.  O kona akemama ua like me ka upa-makani o ke kanaka amala ma ka hoohalike ana ae i ka piha i ka makani.  Aole nohoi ona loaa i na ma’i puu-paa oiai oia nei ka mea nana e pale aku ia mau ino a haawi mai i ka ikaika.  E hoao i ike pono.  E hoihoila aku no kou lilo ke loaa ole ke oia ma ka hoohana pololei ana.  E loaa no ka Laau Kikapu ke hele ae i ka poe kuai laau apau; a he emi no hoi ke kumukuai. Loaa no ma ka Halekuai o Hobron ma.

 

Na hoomanao ana no Kamehameha V.

(Hoomaula.)

            @a olelo ae o Kamehameha V e pili ana ia Rev. H. H. Parker, wahi a kona manao he kanaka oia e imi ana a e hana ana no ka pono wale no aole no ke dala.  Ua makemake loa oia, wahi ana, ina e loaa ana he mau kanaka iloko o ka aina e like me ia, he loli ana ae ia o ka aina i ka maikai no ka lahui kanaka.

            He Moi o Kamehameha V i ku mau ma ka aoao o kona mau healoha me ke kuio, a he ikaika iloko o kona mau makemake a makemake ole paha.

            He Moi mahalo nui oia i na hana aloha ia mai iaia ma na wahi ana e kaahele ai ma na mokupuni a ma kekahi wahi e aku, a i ka manawa e hoea mai ai kekahi mea i Honolulu, aole e nele kona hooikaika e hana i kekahi hana ku i ke aloha ma kona aoao no kona hoaloha i hiki mai.

            I ka wa o ke oia maikai a kanakamakua, a i ka wa holomua o ka nohoalii, oia ka manawa i hiki mai ai ka make i ka Moi Kamehameha V a lawe aku ia i kona oia.

            Mamuli o kona loaa ana i ka ma’i ua noho paa ae oia iloko o kona hojme alii no kekahi mau mahina.  Ma ke kakahiaka nui o kona la hanau, ua hoomakaukauia ae he hoomanao nona, ka ia kulaia, e komo mai ana a puka aku ana na kanaka ike allii.  O Kauka oia kona kauka a o Kauka Trousseau ina he mau hana kekahi nona, e pono oia @ hooponopono koke ae me ka hookaiia ole, no ka mea aole oia e oia a @ ka ia.  Ua haiia aku keia mea, a i k@ lohe ana o ka Moi ua kulou iho ia kona poo ilalo me he mea la e pule ana.  Mahope iho o kekahi manawa ua pua@ ae la oia i kekahi mau olelo  “He mea kaumaha loa ia o ko’u make i ko’u la hanau, aka, o ka makemake o ke Akua ke hanaia.”  Ia manawa koke no ua ku koke ae la oia iluna a hoomaka koke aku la e hele, aka ua kulana koke aku, ia oia a hina a mai hina loa i’o no, ina aole i loaa mai i na lima kokua.  Ua paaia ae ia oia iluna oiai nae oia e kukuli ana a puana ae ia oia i keia mau olelo.  “Me keia iho la no hoi ka hina ana o ko kakou Haku aloha, iaia @ alakaiia ana no ke ke’a a make.”  Ma ia wahi no ua hoihoi hou ia oia i kona lumi moe mua, kahi ana i hoomaka mai ai e hele a hina ai.

            Mamua o ka pau loa ana o kona noonoo ame kona ike, ua haawi aku ia oia i ka nohoalii ia Pauahi, aka ua kuemi o Pauahi me ka pane ana, “Aia hoi ko kaikuahine Keelikolani,” alaila pane hou aku la o Kamehameha.  “Aole i lawa iaia.”  Alaila “Iawai hoi au e haawi ai i ka nohoalii iwaena o keia mau mea eha o Pauahi.  Keelikolani, Emma, ame Lunalilo.”  Me keia ninau a ka Moi ua hiki ole ia Nahaolelua ke pane nolaila ua pane hou aku la ka Moi “Kei no, he kanaka naauao manao paa oe, aka aole ka.

            Aole i liuliu loa ua make i’o aku la no ka Moi mamua o ka hiki ana iaia ke kakauinoa i ka palapala kauoha e hoomakaukauia ana a aole no i maopopo ka mea e noho ai ma ka nohoalii oiai aole no oia i koho a hala wale i ka make.

R.A. LYMAN.

 

HE HOOMANAO POKOLE NO KAMEHAMEHA V.

            Ua hanau o Kamehameha V ma ka 11 o Dekemaba, 1830, iloko o ke kulanakauhale nei o Honolulu, a ua kapaia ma ka inoa o Lot Kapuaiwa Kamehameha, ma kona manawa i bapeti@o@a ai.  O kona makuahine, oia o Kinau, he kaikamahine ponoi oia na Kamehameha I, a ma ka aoao o Kulakaua he hoahanau ponoi oia no Kaahumanu.

            O Kinau, oia ke Kuhina Nu i ka manawa i make ai o Kaahumanu i ka la 5 o Iune, 1833, a ma ia kulana oihana oia kahi i noho ai a hiki wale no i kona make ana i ka ia i o Aperila, 1839, a ma keia oihana no hoi ana i noho ai i ikeia ai ke ano kupaa ame ka manao paa o keia wahine.

            O Kekuanaoa, oia ka makuakane alii o Kamehameha V, aole nae he alii kiekie, aka, o ka papa malalo mai, aka he alii manao ikaika a paa no hoi a ua noho oia ma ke ano he kiaaina no ka mokupuni o Oahu nei no kekahi mau makahiki a mahope mai he luna o ka oihana makai no Honolulu.

            Ua hoonaauao ia o Kamehameha V me kekahi mau alii opio iho ma ke kuia o Kehehuna oiai oia ke kuia lii, malalo o ka hooponopono ana a Mr. ame Mrs Cooke mai ka makahiki 1839 a hiki i ka makahiki 1819.  I ka makahiki 18@ ua uk@ aku ia @ alii opio nei ame Al@kanakero Liholiho ia Kauka Judd no kana huakai elele i Pelekane ame Fa@i no hookahi makahiki a pau pu e Amerika Huipuia i ka makaikai ia e lakou.

            I ka manawa i nawaliwali mai ai o John Young, ke Kuhina Kaiala@a, ua hookohu@a aku ia o Kamehameha (Kapuaiwa) ma ia wahi, a malaila oia kahi i noho hana ai a hiki wale no i ka pau ana o ia nohoalii ana.  Ma ko Kamehameha aoao, ua loaa iaia kekahi mau ano o kona makuakane, ma ka manaopaa a kuio a makaala o ka noonoo ame ka hoopili wale ole a ua maikai kana lawelawe hana an ma ka oihana.

            I ka makahiki 1862 ua hele aku la oia ma ke kaahele ana a hiki i Victoria a pau pu me Kaleponi.  Ma kona hiki ana i Kaleponi ua hookipa maikai ia oia e ko laila Kiaaina.  Ma kona ano iloko o ka oihana kalaiaina, he okoa kana nana ana ma kekahi mau mea, ai ka manaw i hanaia ai kekahi mau hana mamuli o ka hooholo ana i ke au o ka Kamehameha III, ua hoike ae oia i ka like ole o kona noonoo mamuli o ka hooholo pupuahulu ia me ka noonoo pono le.

            Ma ka manawa i make ai kona hoahanau ponoi, i ka la 30 o Novemaba, 1863, ua poni koke ia ae la oia i Moi ma ka inoa o Kamehameha V.

            Ua maikai ka hookele ana o ke aupuni, a iloko o ia makai a oiai no oia i kawa ikaika o kona oia, ua kii mai la ka make iaia a lawe aku la.  Make oia i ka makahiki 1872, i ka la 11 o Dekemaba, a o keia no hoi ka panina o ka ohanaalii ma ka aoao o na Kamehameha.

            I ka makahiki 1865, ua hookomoia mai la kekahi bila kanawai iloko o ka Ahaolelo no ka hooholo ana, he kanawai e kuaiia a e haawiia ka waiona i na kanaka Hawaii, a ua kokua nui ia keia bila kanawai e na Hon@. R. C. Wylie ame Davd Kalakaua, aka, ua puiwa loa laua i ka manawa i lohe ai laua i ke ku-e ikaika o ka Moi e olelo ana, “Aohe loa wau e kakau ana i keia palapala pepehi kanaka i kuu lahui,” a ua haule i’o no ua bila la ma ka heluhelu elua ana.

            He mea oiaio no ia, aole he mea hoohalahala i ke ano maikai o keia Moi e like me na haawina i loaa iaia.  Oia no kona makemake o ka haawi i na oihana i ka poe makaukau ma ka paa ana i na oihana a ua makaukau loa oia e haawi i kona kokua i ua mau limahana la.

W. D. ALEXANDER.

 

Me’o ka Puakea o Iowa i Wahine Honolulu.

LOAA KANA PALAPALA NOI WAHINE I KA MAYOR O HONOLULU.

HUNA NAE I KONA HOME AME KONA INOA.

            Ina aia he lede ma keia paeaina aloha o Hawaii i kupono na makahiki no ka mare, a e iini nui nei paha iloko o kona puuwai palupalu e loaa ona kane opiopio maikai, hoonaauao pono ia, kulana keonimana, hiwahiwa ke nana aku, e loaa no iaia keia ano kane ma ke kuka’i kamailio ana me ka Mayor o Honolulu.”

            E hoomalamalamaia ana no ka lede i makemake i keia kane ma ka heluhelu ana i keia leta malalo iho i loaa mai nei ma ke Keena o na Hana Hou, a penei ke ano o ua leta nei:

            Di Moini, Iowa, Dec. 30, 1902.  I ka Meia o Honolulu, Mokupuni o Hawaii:

            Aloha oe: Aole paha oe e hoomaopopo pono ana i ke ano o ka’u leta ina e loaa aku ia oe aka me ka nana ole i keia ke lalau nei au i ka’u makakila no ke kakau ana ia oe i keia.  O ka mua he keiki opio Amerika au aole i waiwai oiai no na’e, ke paa nei au i kekahi oihana me ka uku maikai.  He keiki pookela au i hoonaauao maikai ia, kulana hiehie a kulana keonimana no hoi, a ua hiki ia’u ke haawi ia oe i ka hoolalo o keia mau materia a’u e kenaenae nei mai kekahi mai o na kanaka profe@a a kiekie hoi o keia mokuaina.  Aole wau i hoike aku i keia mau mea ma ke ano kukaliki aka, no ka hoaiai ana i ka’u mau mea e kakau nei.  “Ua iini nui loa wau e hoike mai oe ia’u ina he nupepa kekahi o Honolulu ame ke kaki o na hoolaha.  Oluolu oe e hoike mai ia’u no ka hookomo ana i kekahi hoolaha matrimonia maloko o lakou?  Ua makehehi loa wau a ua makemake hoi e launa pu me kekahi lede opio oia mau mokupuni me ka manao e mare, a ua makemake wau e hoolilo ia Honolulu i home no’u no keia mua aku, a ke hoolaio aku nei wau oiai ua ulu wale ae no keia manao iloko o’u he manao ia i punipaaia me ka maikai ame ka luli ole.

            “Oluolu oe e hoike mai i kou manao a i ole ia hookomo aku a hooloaha iloko o na nupepa.

            “E like me ka’u i olelo mua iho nei ua makemake au e launa pu me kekahi lede opio me ka manao e mare.

Owau ho me ka oiaio,

C. J. MORRIS,

General Dilivery.

Di Moini, Iowa, U. S. A.

            P. S.—Aole keia o ko’u inoa @ololei aka e hauoli no wau i ka hoike aku me ko’u wahi noho ame na hoaiai i @ mea apau i makemake me ke kui@.

C. J. MORRIS.

Di Moini, Iowa.

             Ma keia leta a “Morris” aole oia i hoike mai i ke ano o ka wahine ana i makemake ai a e maopopo ana no na’e mahope o kekahi kukai kamailio ana, aka me ka nana ole i keia ua hamama keia keiki opio Ili Puakea i na lede Hawaii, Amerika, Kepani, Pake, Pukiki, Poko Riko, Kilipaki, Manahiki, Kukuma ame na lahui e ae apau.

 

Nuhou o ko na Aina e.

NA BILA HAWAII MA KA HALE O NA LUNAMAKAAINANA.

Mai ka Uwea Kelekalapa Mai.)

            WAKINEKONA, D. C., Ianuari 10—Ma ka hoike a na Komite o ka Hale o na Teritori ua apono lokahi lakou maluna o ka Bila Koi Poho Pauahi o Hawaii.

            O ka paku-i a Capless e pili ana no ke koho balota ana ua waihoia aku la iloko o ka holowaa o ka make mau loa aohe ona kau e ala hou mai ai.

            O ka Bila no ka pai hou ia ana o na dala i holo iho nei i na Hale Elua, ua haawiia aku ia i ka Peresidena no kona apono.

PAA NA IPUKA O NA HALEHANA.

            PITTSBURG, Pa., Ianuari 10—Mamuli o ka nele maoli no me ka nanahu ua paniku ia ae na ipuka o ka hale hana hao kila o Steelton.  He kaukani o na kanaka ke ku nana nei i ka lewa no ka loaa ole o kahi hana.  Ua keheaia ae nei he Aha Huliamahi no ka halawai ana ma ke kulanakauhale o Wakinekona no ka hoike ana i ka Peresidena i ka nui hewahewa maoli o ka pilikia me ka noi pu ana i kana mau kokua.  Aia na mea apau iloko o ke kupikipikio.  Aia ka wi nanahu ke holopapa la ma na kulanakauhale nunui.

            LADANA, Ianuari 10—Ua hoohana ae nei o Kina e uku i na Aupuni Mana Nui i ko lakou mau poho ma ke kala, aka ua hoole aku la na aupuni mana nui

            CARACAS, Ianuari 10—Ke pani la na mokukaua o na mana nui i na lako ai o na ano apau i ke komo ana iloko o ke kulanakauhale nei a mamuli o keia mau hana paniku ke holo hele la ka pilikia maluna o ka hokua o na poe ilihune.

            MADRID, Ianuari 10—I ka Moi Alfonsa e huli hoi mai ana mai ka halepule mai, ua ki aku la kekahi kanaka iloko o ka huakai alii.  Aohe i ku aku kekahi mea.  Ua paa koke aku la ke kanaka, o Feito kona inoa i ka hopu ia.  Ua olelo ae oia aole oia i makemake e ki i ka moi aka i ka Duke o Sotomayor Kona Luna Nui.

HOLOPAPA KE ANU MA O A MAANEI O KA AINA.

LADAN, Ianuari 11.—Nui ke anu e holopapa nei ma Pelekane a nui na wai kahe e hoikeia mai nei ma Airelana (Ireland).

            KIKAKO, Ianuari 11.—Nui ke anu e poloai ia ma ke awawa o ka Mikikipi.  Ma Minesota na loko ame na muliwai ua hoopaakiki ia ae lakou e ka nui o ke anu a he ni ka pilikia i hana ia.

LAULAHA KA MA’I BUBONIKA MA MEKIKO.

            HERMOSILLO, MEKIKO, Ianuari 11.  Elua kanaka i make i keia la mamuli o ka puupuu ikaika o ka ma’i eleele bubonika.  Ua laweia mai keia ma’i e na Pake ma ko lakou alahele i ka Akau Ke holopapa nei keia ma’i.  Ua panikuia aku na awa ia Mazatlan kahi nui loa o ka ma’i.  He 15,000 kanaka e noho nei ma keia kulanakauhale.

INO LOA MA MOROCCO I KEIA MANAWA.

            LANADA, Ianuari 11.—Ua haalele mai la i keia kulanakauhale o Fez nei na kanaka o na mana nui o Europa.  Ke makaukau la ka Suletana e lele kaua aku i na poe kipi.

KOHAKOHA NA KAA-AHI.

            DENEVER, Ianuari 11—Mamuli o ka haule nui ana o ka hau ua hookui ae la na kaa-ahi ukana kokoke ma keia kulanakauhale.  Hookahi kanaka i make a elua i hoeha ia.

PEPEHIIA E KE KANAKA POWA.

            PILAKELEPIA, Ianuari 11.—Ua pepehiia a make o Edward Powers he kanaka kalepa no keia kulanakauhale e kekahi kanaka powa i ike ole ia.

HOOHIWAHIWAIA O DR. PARDEE I KEIA LA.

            SACRAMENTO, Ianuari 12.—Ua hoohiwahiwaia o Dr. George C. Pardee ma ke ano Kiaaina no Kaleponi i keia la.  Umi-kumamalima haneri i hoea aku ma ka hulahula.

AIA VENTURA MA KE ALA.

            KAPALAKIKO, Ianuari 12.—Ua haalele aku ka mokuahi Venture i ka mokupuni o Fanning no Honolulu ma ka hora 3 p. m. o ka Poaono nei.

HA-I KE AU O KAKAUOLELO MOODY.

            ANNAPOLIS, Md., Ianuari 12—Mamuli o ka @ia, pakalaki i loaa iho i ke Kaukauolelo o ko Amerika Aumokukaua.  Hon. Wm. H. Moody ua puiwa aku la kona lio a hoeha kuhohonu ia oia.

PIHOLO A LILO 200 OLA.

            SHANGHAI, Ianuari 12.—Mamli o ka pakika a panee o kekahi kahua aina ma Nankin, ua hoopoinoia aku he 200 ole makamae.

            NEW YORK, Ianuari 13.—Ke hoao ia nei o Kauka Adolf Lorenz e lawe a malama i kekahi haukapiia nui ma Amerika Huipuia me ka uku makahiki o $50,000 e like me ko ka Peresidena o Amerika Huipuia i keia manawa.  I kona manawa i noho iho nei ianei ua lawelawe aku oia he @,000 poe kanaka i loohia i ka ma’i oopa a pela wale aku me ka uku ole, a ua loaa aku ka hapanui o keia poe ma’i ka lanakila kamahao a mamuli o keia kumu ke hoao nei kekahi haukapila nui e lawe iaia ma ke ano i kahu malama no keia poe ma’i e waiho nei ilaila.

INO LOA MA MOROCCO.

            LADANA, Ianuari 13.—Ua pio aku la ka pualikoa o ka Suletana i ka pualikoa o ke kanaka hookamani.  Aia ka paio mawaena o na ohana i keia manawa kokoke ma Tangier a ua kahea ia aku kekahi mau mokukaua no ka hele mai e kokua.  Aia kekahi mau hoailona hoomakaukau no kekahi mau kuee mawaena o na Pelekane ame na kanaka Farani olaila i keia manawa oiai ua ulu ae keia mau paonioni no kekahi manawa.

NA HOOLALA HOPE MAI NEI A CASTRO.

            ROMA, Ianuari 13.—Ua ae loa o Peresidena Castro o Venezuela e uku i na hoolilo o na mokukaua no ka paniku ana i ko lakou awa ina nae e hoopau ana na mana nui i ko lakou paniku ana i ke awa o kona aina makuahine.

NOHO HOU O TAFT ILAILA.

            WASINETONA, Ianuari 13.—Ua hooholo iho nei o Peresidena Rusawela e malama ia Taft ma ke kulana he Kiaaina mau no ka mokuaina o Pilipine.

PILIKIA MAWAENA O NA KANAKA LAWAIA.

            PARIS, Ianuari 13.—Nui ka pilikia e holopapa ia mawaena o na kanaka lawaia mamuli o ka holopono ole o ka i’a makale.

            LOKO PAAKAI, UTAH, Ianuari, 14.—Ua koho iho nei ka aoao Repubalika ia Reed Smoot, he haumana Mamona no ka Aha Senate o Amerika Huipuia.  He alakai keia Ili Puakea no ka hoomana Mamona a he kanaka i Mare lehulehu ole.  He kuonoono kona noho ana.

PII MAHUAHUA KA MA’I BUBONIKA ELEELE.

            MAZATLAN, Ianuari 14.—Aia he ewalu mau kanaka i loohia i ka ma’i eleele iloko o ka haukapila i keia manawa.  Eono i make i ka Poaono nei, a ewalu i ka Lapule.

HOAPONOIA O LUNAKANAWAI DE BOLT.

            WASINETONA, D. C., Ianuari 14.—Ua apono ka Senate ia J. T. De Bolt ma ke kulana Lunakanawai Ekahi no ka Aha Hookolokolo Kaapuni Ekahi o Hawaii.

PAHU KA PAUDA.

WASINETONA, D. C., Ianuari 14.

            NANAIMO B. C. Ianuari 14.—Ua pahu ae ka hale hana pauda o Departuro Bay a make 12, he umi o lakou Pake.

 

HAULE KA HOKU LELE ILOKO O KE KAI.

PA’I KA ILIKAI A HOOMALAMALA IA KA MOANA.

            Ma ke ku ana mai nei o ka Ventura ua lawe pu mai la oia he mau hooike e pili ana i ka ola’i ma na mokupuni o Royalty.  Ua mamao wale ia no oia hoi ka hoomaueueia ana o keia mau mokupuni mamuli no ia o ka hana o na pele e nunulu hele nei ma na mokupuni o New Hebrides.  Ma ka la 27 o ka mahina o Novemaba i hala aku nei ua ikeia aku kekahi mea paha’oha’o mai Mare aku. Ua ikeia aku la kekahi hokulele nui e iho mai ana me ka puahi nui a waiho ana mahope o kona meheu na lapalapa ahi loloa a i kona haul@ ana iloko o ke kai eono mile mai keia mau kapakai aku ua homalamalamaia aku ka moana.  Ua olelo ae na kanaka i ike maka i keia mea ua pu-a ae ka mahu mailoko a’e o ke kai.

 

KEIKI O KINA NO SAMOA.

MAKEMAKE NUI IA NA KEIKI O KA AINA PUA NO NA MAHIKO O SAMOA.

            Maluna o ka mokuahi Ventura i ku mai nei i ke awa o Kou kekahi kanaka koikoi loa o Kelemania oia o Dr. Sol@, ke Kiaaina o ko Kelemania Samoa i huli hoi mai nei mai Kikane mai no Samoa.  Ina ohua o ka mokuahi Ventura, ua hoike aku oia i ka holomua ole o na hana o ka aina oiai he molowa ka hana ma ka aina i keia manawa.  Ua hele makaikai aku nei oia i na mokupuni Pilipine. Java ame ka aina nui o Kina a ua hoike a’e oia e loaa ana ia Samoa he mau limahana Pake no ka hana ana maluna o kona mau mahiko.

 

            E hele i kahi o na kauka huki niho noeau, Helu 215 Alanui Hotele, ma o aku o ke Alanui Uniona ma ke alo iho o Young Hale.  Hamaikai na lawelawe hana ana a emi no hoi ka auhau.  He maikai na mea hana o ke ano hou loa.  Aohe auhau no ka noho ana, a he wahine Hawaii ke kokua.

Hoopiha me ke Kala   50 keneta

Hoopiha me ke Gula   $1.00 a pii aku

Papa Niho Gula           $5

Papa Niho Kala

Papa Niho Maoli

Papa Niho piha pono   $@.00

Huki ana i ka Hiho      50c

NA KAUKA HUKI NIHO NOEAU

W. E. Allen, D. D. S.              F. L. Ferguson, D. D. S.

 

O MAU KA INOA O KE KEIKI O HAWAII.

PUANA MAI KA MOE O KAPENA BALAUNU KONA @.

Hoike ia mai e na nupepa o ka Hikina.

            Ma ka Poalima nei i kudala akea ia ae ai ka moku kiakolu hao P@lekane 516 tona a ua akoakoa ae ilaila i ka hora i oleloia no ke kudala ana na kauaka ko’iko’i a makanehi no hoi i keia mea he moku.  O Mr. George P. Leme@ ka inoa o ka Haole nana i kudala mai ua moku nei a mahope o kekahi mau koho hahana ana, ua lilo aku ia ia Kapena @aiaunu o Honolulu.

            (Mai ka Nupepa mai o Hongkong.)

 

            Ua oi ae ka maikai o na palaoa e hanaia nei e ka Sunrise Bakery mamua o na hale hana e ae apau a o na meaono no hoi keia ua hana ia me ka maiau a iloko ona ka ono ame ka me@.  A@a ke Sunrise Bakery ma ke alanui Nuuanu, mauka koke iho no o ke alanui Beretania.

 

Ina He Makemake

KOU I KA

Lauoho Maikai

E HELUHELU I KEIA.

Malia paha ke pau nei kou lauoho i ka helelei, a koe kakaikahi.  E kau i ka laau mamua o ka pau loa ana i ka helelei, e hana i laau e ulu hou ai.  O ka laau

“Laau Hooulu Lauoho a Ayers”

ka mea e ulu hou ai.  He nani ka lauoho ke ulu mai, a he nui hoi.

Ina he nawali ka ulu ana o kou lauoho, o ka

“Laau Hooulu Lauoho a Ayers”

ka mea e manoanoa ai ka ulu ana, a ke loaa i keia laau pau loa ka helelei ana.  I na he piha kou poo ke Kepia, o ka

“Laau Hooulu Lauoho a Ayers”

ka laau e pau ai a maemae kou poo.  Ke loaa i keia laau e hoi hou ana ka ulu ana o kou lauoho a like m@ ko kou wa bebe.

Hoomakaukau ia e Kauka J. C. Ayer & Company, Lowell, Mass., U. S. A. 

E loaa no keia mau Huaale ma ka Hale Kuai Laau o Hollister, alanui Papu.

 

OLELO HOOLAHA.

D. KALAUOKALANI, JR.

Loio ma ke Kanawai.

me

T. McCants Stewart

Loea ma ke Kanawai

Halepohaku o McIntyre, kihi o Alanui Papu ame Moi.

Pahu leta 569  Telepona 181 Honolulu.  T. H.

 

KAUKA @EO, J @U@UR

Keena Hana 431 Alanui Beretania.

Hora Hana 10-12 a. m., 3-4 ame 7-8 p. m.

Sabati 3:30—10:30 a. m.

 

KOHO LUNA NUI.

            Ma ka halawai makahiki o ka United Chinese Society i malamaia ma Ianuari 1, 1903 maloko o ko lakou hale halawai ua koho ia aku keia mau keonimana no lakou na inoa malalo iho he mau Luna Nui no keia makahiki:

Presidena        C. K. AI

Hope-Peresidena         Y. KEE KAN

Kakauolelo     LAU TANG

Hope-Kakauolelo        C. KAN HOM

Puuku  HO FON

Hope-Puuku   LUM FAI

LAU TANG.

            Kakauolelo United Chinese Society.  Honolulu, Ianuari 9 ^th ., 1903.

(Ian. 16, 23.)

 

OLELO HOOLAHA.

            E ike auanei na kanaka e noho ana ma Pelekunu Mokupuni o Molokai oiai ua lilo ia’u ka hoolimalima o na loi konohiki apau o ke Ahupuaa ma ka Ili o Kailiili, ame Kapaloa iloko o Pelekunu i oleloia ke hoonoho nei au a ke hookohu nei ia D. Himeni o Pelekunu no i oleloia i Luna a i Agena no’u e hana a e hooponopono ma kuu inoa me ka mana piha i ua mau aina nei o’u a ke kauoha nei au i na kanaka apau loa e hoolohe iaia.

JOHN W. KALUA.

Honolulu Ianuari 6, 1903.

2944—Jan. 9, 16, 23, 30.

 

HOOLAHA.

            Ma keia ke hoolaha ia aku nei, ma ka ia 19 o Dekemaba, A. D. 1902, ua hoohulia mai o Mrs. Alice Robinson ma ke ano he lala hou no ka hui o Gay & Robinson, a e ikeia no hoi na lala apau no na hui i oleloia e like me ia malalo iho:

Mrs. Jane R. Gay Wahi Noho, Makaweli, Kauai,

Mrs. Helen Robinson  Wahi Noho, Makweli, Kauai,

Francis Gay Wahi Noho, Makaweli, Kauai,

Aubrey Robinson Wahi Noho, Makaweli, Kauai,

Mrs. Alic Robinson Wahi Noho, Makaweli, Kauai,

2945-Jan. 9-16.

 

BUKE BANAKO NALOWALE.

            Ma ke Alanui Beretania mawaho o Moiliili, i ke Sabati, Ianuari 4, ua nalowale he buke hanako no ka Hui o Bihopa ma, ma ka inoa o Miliama Kalua, Kawika Kalua, Hana Pualoke ame Mele Pakui.  O ka mea e loaa ana e hoihoi mai i ka Bishop & Co. Savings Bank, ma Honolulu a e loaa no ka uku kupono.

(2@46.—Jan. 16.)

 

HOOLAHA LOAA.

            Ua loaa he huina dala ma ke gula malama o ke ka@ uwila.  E loaa no i ka mea nona keia waiwai ma ka hele ana i ke Keena Alanui Alapai, a hoolaio.                    2@46.

 

MA KE KAUOHA.

ILOKO O KA AHA KAA@NI @ NA HOKOLOKOLO @AHI @ HAWAII PAEAINA @ KE @ NA HOOPONOPONO @ MA KA HANA O KA WAI@ KAPUNIKALA @ KEIKI @ OLE.

            Ma ka waiho ia ana @ pala hoopii a S. W. K@ nolulu, Oahu, kahu @ ua keiki oo ole la @ ia’ku iaia ka mana @ i ka waiwai paa o kana @ he eono (@) mau mah@ Hui Aina o Holualoa, @ Mokupuni o Hawaii, a @ kumu ku i ke kanawai @ pela; nolaila

            Ma keia ke kauoha ia @ koko o na keiki oo ole @ ame ka @ apau he kuleana iloko @ hele mai lakou imua o @ POAKAHI, la 15 o Ianuari @ hora @ kakahiaka, ma ka rumi @ Aliiolani Hale, Honolulu @ Oahu, ma ia wahi a @ hoike mai ai lakou i na @ mau kumu keka@ no @ ia’ku ai ke noi a ke k@ ia i koikeia @ maluna.

            Honolulu, Dekemaba @

Na ka Aha,

GEORGE LUCAS

K@

2943—Dec. 26—Jan. @ 9, 16, @

 

Hoolaha Hooko Mora@

HOOLAHA MANAO PANIKU A K@ A KA MEA PAA M@AKI.

            I kulike ai me ka mana @ ia iloko o kekahi morak@ (w) ame Moses Akawa (k), @ mare, ia S. I. Shaw, i ha@ o ka mahina o Malaki, 1901 a @ iloko o ke Keena Hoona A@ Buke 221 ma na aoao @ ia S. I. Shaw i oleoia haa@ S. Martin ma ka palapala @ naia ma ka la 25 o ka mah@ maba, 1902, a hoopaaia @ Hoona Aina i oleloia ma k@ ma ka aoao 68, ke h@ ma keia ua makemake ka @ mea paa moraki e paniku @ i oleloia no na kumu e hoik@ uku ole ia o ke kumupaa @ panee i ka manawa e uku @ o keia paniku, e kuai kudala @ ke akea ma ke Keena Kuda@ F. Morgan, alanui Moiwahine @ lulu, ma ka Poaono, la 31 @ 1903, ma ka hora 12 o ke awakea @ la ia, na aina i hoopaaia @ moraki i oleloia e like me ka @ lalo iho:

            No na mea i koe e ike ia W@ Savidge, Helu 79 alanui Ka@a Honolulu.

CHAS. S. MARTIN

Asaini o ka Mea Paa Morak@

            Keia mau apana a mahele aina @ waiho la ma Waiahole, Koolaupoko, @ ahu, i apoia e elua apana a h@ ma ka Palapala Sila Nui 2133, K@ 1@231 i hopukala ia Manina.

2944—Jan. 9, 16, 23, 30.

 

HOOLAHA MANAO PANIKU A K@ A KA MEA PAA MORAKI.

            Ke hoolaha ia aku nei ma keia @ muli o kekahi mana kuai i hoo@ maloko o kekahi moraki i hanaia @ la 13 o ka mahina o Novemaba A@ 1901, e Kaimimoku Luiki o Hono@ mokupuni o Oahu, Teritori o Ha@ ame Pukoa K. Luiki o Honolulu i o@ ia, kana wahine mare, na mea morak@ mai ia Lyle A. Dickey Kahu Malam@ Waiwai no Honolulu i oleloia, ka @ paa moraki, i hoopaaia ma ke K@ Hoona Aina ma Honolulu, ma ka @ 2@7, a ma na aoao 25@-258, ke manao @ o Lyle A. Dickey, Kahu Malanma W@ wai, a mea paa moraki hoi i oleloia @ paniku i ka moraki i oleloia no na k@ e hoike ana, ka uku ole ia o k@ k@ paa ame ka ukupanee o ka moraki @ manawa e hookaa ai.

            Ke hoolaha pu ia aku nei o ka w@ i hoopaaia maloko o ka moraki @ e kuai kudala akea ia aku ana ma @ keena kudala o James F. Morgan ma @ alanui Moiwahine, kokoke i @ Kaahumanu, Honolulu, ma ka @ kahi la 25 o Ianuari, A. D. 1@ ka hora 12 o ke awakea o ua @a @ leloia.

            O ka aina i hoopaaia mal@ moraki ia i oleloia a e kuai ia aku @ oia keia aina apau loa e waiho @a m@ Kapahulu, Waikiki, iloko o Honolulu @ oleloia, i ikeia ma na Apana @ mamakahi (11), Umi-kumamalua @ Umi-kumamahiku (17), ame Umi-kum@mawalu (18), iloko o ka Mah@ A@ Nui Helu Eono, (@), o na Apana o Kapahulu, a i hoakakaia e like me ia malalo iho nei:

            E hoomaka ana ma ka ma@ka @ aoao hikina o ke Alanui D. he @ kapuai mai ke kihi hikina mai o na A@ Kanaina ame D. malaila aku @

1. Akau 74º 34’ Hik, 97 kauai @ ke Alanui D.

            2. Hem. 15 º 2@’ Hik. 20 kapuai @ ma na Apana 16, 15, 14 ame 13.

            3. Hem 74 º 34’ Kom. 97 kapuai @ ma ke Alanui @.

4. Akau 15 º 2@’ Kom. 200 kapuai @ ma na Apana 1@ ame 1@ a hiki @ kahi @ hoomaka ai, nona ka iliaina o @ kapuai kuea, a oia no hoi ka aina @ mai i ka mea moraki mai, ma@ W@ nam mai, Kahu Malama Waiwai ma kekahi palapala kuai ana i hana @ ma ka la 2@ o Dekemaba, A. D. @ kopeia ma ke K@na Hoona Aina @ o ka Buke Helu 1@, aoao 4@-@.

            Kuike ka makemake a ma ke dala gula Amerika no hoi.

            Na lilo palapala apau ma ka @ o ka mea kuai mai.

            Honolulu, Dekemaba @, 1902.

LYLE A. DICKEY

Kahu Malama Waiwai

Mea Paa Moraki.

Jan. @, @, 16, 23.

           

            O ke @ aole ia i a@a iloko @ poai o ka ma’i koikoi.  He hoa@ e hoike mai ana ua pehu ia ke @mama ame kekahi mau paahana e ae iloko  O keia ano e, he alahele ia @ alako ana a loaa i ka ma’i numonia.  O ke alahele oiaio loa no ke kau@ ana i keia ma’i numonia oia no ka lawe ana i ka laau kunu Chamberla@ Cough Remedy i ka manawa e hoomaka ai o ke kunu.  He hoola mau keia laau a he hoola me ka hikiwawe.  E@ loaa no ma ka halekuai o Benson Smith & Co Ltd, na agena kuai aku, no ke kumukuai kupono.