Ka Nupepa Kuokoa, Volume XLI, Number 3, 16 January 1903 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA KUMAU

Hui Alahao ame Aina o Oahu

MANAWA HOLO

@ahope aku o Ianuari 1, 1902

 

MAI HONOLULU AKU

@

MAI WAHO MAI

@

                         G.P. Dennison                                                                              F.C. Smith.

                          @                                                                                          Luna Kuai K@

 

Kakela me Kuke

[KAUPALENAIA]

Poe Kalepa ma ke Komisina

:: A HE ::

POE LAWELAWE KOPAA

POE AGENA NO NA MAHIKO

LEHULEHU.

 

NA

WAIWAI KALIKIMAKA

EIA KAHI E KUAI AI I KAU MAKANA...

NUI NA WAIWAI KEPANI NANI

MA KA HALEKUAI O

S OZAKI,

                                   Helu 178,                                                Alanui Hotele

 

Poe Akepau i loaa hou ke Ola Kino Maikai.

 

   Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakele ia mai keia ma'i mai mamuli o ka laau "AYER'S CHERRY PECTORAL."

   Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole @ like me kekahi ano laau okoa ae.

   Aohe Laau Kuau @ oi ae o ka maikai mamua o ka LAAU KUNU "AYER'S CHERRY PECTORAL."  He mea maikai e ike kakou i keia, no ka mea ua hoola keia laau i ka poe i loaa i keia haawina no aneane kanaono makahiki.  E malama mau i keia laau. Ina aole au omoie laau kunu o keia ano, e kuai kok@ mamua o ka loaa ana i ke kunu.  Ina ua loaa kekahi ilo@ o ka ohana i ke anu e hooinu i keia laau a e loaa no ka maha.

   Hoomakaukau ia @ Kauka J.C. Ayers & Co., Lowell, Mass., U.S.A.

   E loaa no keia mau Huaale ma na halekuai laau a pau.

 

   O ka mea kuhehonu loa e loaa mai ana mai ke anu @me ka nalulu mai oia no ka ma'i numonia.  Ina e malamala keia me ka noonoo maikai a hoohana pu ia ka laau kunu Chamberlains' Cough Remedy e hookaawaleia no keia mau pilikia apau.  E hoola no keia laau i ke anu ame ka nalulu iloko @ manawa pokole mamua o kekahi mau ano laau e ae.  He hoola mau keia laau a he hoola iloko o ka manawa pokole.  E loaa no ma ka halekuai laau o Benson Smith & Co. Ltd., na ag@na kuai aku no ke kumukuai kupono.

 

   Ua huli hoi mai nei ke Kiaaina Dole @ Hawaii mai ma ka Poaono nei, @ maluna o ka mokuahi Kinau me ke @ kino maikai a ke noho nei ma Wai@.  Maikai no kona ola kino a me kana wahine.

 

Ka Poka Nui ame ka Poka Iki

He @oolelo no kekahi mau Opi@ Elua @oko o ke Kaua Kuloko wawahi Mana Kauwakuapaa Amerika Huipuia.

(Unuhiia e S. K. Nawaa.)

 

MOKUNA XX

           "Hookahi umauma-

               Ma ke kahua mokomoko,

             He ole ke kuhau iho-

               He hana makamaka ole."

 

   I ko'u huli ana ae a nana @ku, ua ike aku la wau ia Generala Miki ame Generala Warena e makaikai ana i k@ kahua o na enemi me ka laua mau oh@ nana.  Mahope mai ua hele aku ia kekahi mau generala eae a hookahi ka makaikai pu ana.

   "He aha kuka ka kaua," wahi a KaBuka i hawanawana mai ai ia'u.

   Ua kunou aku wau no ka kapena Puka mau olelo, a @ana aku la wau ma kahi o ka aha e noho ana.  Ma ko Generala Miki aoao akau e ku ana o Generala Sake o ka mahele Eono.  Mahope aku, ma kahi kiekie e ku ana o Generala Pelisetona o ka pualikaulio ame Eale, ko makou alakai.  Ua kukakuka iho na generala me ka malie, a ma ka nana aku aia ke hoohalikelike nei i ka lakou mau papa hana i manao ai.  O Generala Warena oia ka mea oi aku o ka pihoihoi a eia kona mau maka ke haka pono la maluna o na enemi.  E ku ana o Sewika me kona kulana koa maoli aole hoi he wahi mea a onioni ae o kona kino.  I waena konu e noho ana ka alakai nui o ka aoao Federala me kona kulana hiehie, a aia iluna o kona helehelena ka nanaina koa a kanaka makua.  Ma kona ano apau, he kanaka oia i piha me ka uwila, aka nae, ua uumiia iho ia haawina mamuli o ke koikoi e kau ana maluna o kona hokua.  Iaia e noho ana e hoolohe i na olelo a kona mau hope aia no kona mau maka ke haka pono la maluna o Generala Warena,  kona eneginia nui, oiai oia e nana ana i ke kahua o na enemi me ka ohe nana.

   "Aia hou no ua lio keokeo nei," wahi a Kapena Euka.

   Ia'u i huli ae ai ua ike aku la wau i ua hoohololio nei e nee mai ana:  he ano okoa ae no nae i keia manawa, oiai mahope mai ona, ua oili mai la na pualikoa.  Iaia e nee awiwi mai ana aia pu na koa ke nee mai la me ka awiwi, a iloko o ka manawa pokole ua paa ae la ka olaelae laau me na koa, na puli na mahele ame na pualikoa kaulio.

   "E lele kaua mai ana lakou," wahi a Mekia Hadina me ka ohe nana ma kona mau maka.  "Ke ike nei wau i ka hoonohonoho ia mai o na laina koa kiai ma ko lakou mau kahua iho."

   Ua pololei ka mekia; oiai iaia i kamailio ai pela ua nee ae lakekahi laina loihi mawaho o na pualikoa Konofedereta, he hoailona hoi no ka lele kaua like ana mai.

   I ka pau ana o keia hoonohonoho ana ia wa i kani ae ai kekahi pukuniahi, he hoailona hoi no ka nee ana mai, a ia wa i ike aku ai makou i ka nee ana o ka pualikoa holookoa me he nalu la e hai ana i kahaone.

   "Auwe no hoi ka nani e!" wahi a Kapena Buka.

   "He oiaio hoi kau," wahi a ka Mekia.

   Ua huli hou ae wau a nana aku ma kahi a na aliikoa e noho ana a ike aku la wau i ka loli ana o ke ano o ko lakou noho ana.  E ku ana o Geneala Miki iwaena o lakou, i keia manawa nae he kohu kii oia, he ole ka onioni ae, a e haka pono ana kona mau maka i ka nee mai o na enemi.  O Warena hoi, aia oia ke noho la ilalo me kona mau maka e nana pono ana iaia e hilinai ana iluna o kekahi pohaku nui.  Ua hoihoi ae o Generala Sewika i kana pahikaua mamua iho o ke alo me he mea la e hoomaha ana a aia kona kino ke ku la me ka onioni ole, a e haka pono ana kona mau maka maluna o na enemi.  E ku ana o Generala Pilisetona i keia manawa me ka onioni ole a o kona mau maka pueo aia ke haka pono la ma kahi e hiki ai laia ke hoohana aku i kona pualikoa kaulio.  Ua nalowale iho o Generala Eale, a ma kona wahi e oioi mai ana ke poo o Generala Kilipatika me kona mau maka aeto e halo ana i keia hoonee kaua a ka enemi, a o kona helehelena oia ka oi aku ma ka pihoihoi a e hoopuka ana i kekahi mau huaolelo.  Iloko o ka wa pokole i ku ae ai o Generala Warena a haawi aku i kekahi kauoha i kekahi o na kokua aliikoa a oia no ka wa i kunou aku ai o Generala Miki he hoailona o ka hoapono aku i ka Generala Warena Kauoha.  I keia wa ua maopopo aku ia i ke alakai nui o na Federala ka manao o keia hoonee kaua a hoomaka ae la oia e hoonohonoho i kana papa hana.

   "E lutaneia, owai hoi keia kanaka e ku mal ia?" wahi a Denisa me kona kuhikuhi pu ana aku i kahi o ka aha kuka kaua.

   Ua like a like ko'u pahaohao me ko Denisa, oiai he mea ano hou ia la'uka ike ana i kekahi kanaka me la lole makaainana maluna o ke kahua kaua.  Ma ka nana aku ke nana nei oia i keia nee mai o na enemi me ka makau ole, a e nana ana oia me kana ohe nana i ka nee mai o na enemi.  Mahope ua ninau aku la oia ia Generala Sewika a nana i hai mai laia i kana mea i makemake ai, a ia wa pu no hoi i huki ae ai ola i kana buke a kakau iho i kekahi mau huaolelo.  Ia wa ua hoomaopopo iho la wau he kanaka kakau nupepa keia, a oia ka'u i hai aku ai ia Denisa.

   "Aole anei he make o ka poe kakau nupepa i na poka?" wahi hou a Denisa.

   "I kekahi manawa," wahi a'u.

   "Alaila, heaha kana oonei?"

   "He poe pili mau keia me na alakai nui, a me he mea la e huli ana i mau mea hou no ka lakou mau nupepa.

   "He ao kupaianaha maoli no keia!" wahi hou a Denisa.  "O ka penikala mo kahi apana pepa oia iho la ka mea kaua a kekahi e kokua ai i ke kaua."

   He keu no ke koa o keia kanaka kakau nupepa, aohe he hopohopo iho iloko ona ma kona ano ke nana laia e holoholo ana me ka makaikai ana i ka nee mai a na enemi.  Oiai no nae aole ona loie koa, ke nana aku nae i ke ano o kona mau kahiko ame kona kulana, me he mea la ua komo mua no oia iloko o ka oihana koa.  He lole holu manuwa kona e komo ana, i hanaia e like me ko ka poe hoohololio, a e paa ana kona mau wawae me ua kamaa @u@ ioloa i aneane e hiki i kona kikala.  He palaka holu huluhulu kona me ka lei a-i i hikilia e like me ko na luna manuwa; a maluna o kona poo e kau ana kekahi papale laulau nui i like aku me ko na keiki hoohei bibi o Waimea.  Ia'u e ku ana me ka nana ana aku @aia ua hookomo iho la oia i kana buke pakeke maioko o kona eke, a ma ia hana @na.  ua ike aku ia wau i kekahi pu panapana e lewaiewa ana ma kona kuapo opu.  Ma na ano apau, he kanaka oia i makaukau maoli no ka malama ana laia iho mai kona mau enemi mai.

   "Auwe, o Kale Osebone ka kela," wahi a Mekia Hadina.

   "Owai ia mea o Kale Osebone?" wahi a'u i ninau aku ai.

   "He aliikoa oia mamua, a i keia manawa hoi he mea kakau nupepa no ka oihana kaua, a he wahi kanaka maalea a koa no hoi oia."

   "Pehea oe e ka Mekia?" wahi a ua kanaka nei i kona hiki ana mai ma kahi a makou e noho ana.  "He wahi maikai maoli keia e makaikai ai i ke kaua ana.  Oia no paha ko Generala Miki kumu o ka pii ana mai nei ianei."

   "Ke manao nei wau ua kaahele ae nei oe apuni ke kahua kaua," wahi a Mekia Hadina.

   "Peia no.  Ua haalele iho wau ia Reonola e hakoko ana a holo aku no ka hoouna ana i ka'u hoike, a huli hoi hou mai i ka po nei, a i keia la no hoi ua aneane e pau loa ko'u manawa maluna o ke kua o ko'u lio."

   "Heaha ka hana e hana ia mai la ma ka aoao akau?" wahi hou a ka Mekia.

   "E kali ana no e like me oukou.  Ke hai aku nei wau ia oe e ka mekia:  e hiki mai ana he paio hahana maanei iloko o ka manawa pokole ke nee pono loa mai kela mau pualikoa Konofedereta," wahi a Osebone me kona hookaha ana iho i kana penikala.

   "Pela no; ua hiki ke ike maopopo ia aku ia mea," wahi a Mekia Hadina.  "Ke manao nei no nae wau, ua hiki no ia makou ke hoihoi hou aku ia lakou ihope."

   "Ke manaolana nei wau pela.  Aka nae he nawaliwali loa ko kakou mau koa manawaena o ko kakou kahua kaua, a ua maopopo no ia Generala Miki ia mau mea, eia nae, he oi aku ko ke generala hilinai no kona lanakila."

   "Ke hauoli nei wau no keia lono," wahi a'u : "o ko ke generala hilinai no ka lanakila, he hapalua ia o ka hana i pau."

   "Pololei.  Aole anei o Wilimona kou inoa."

   "Ae, o ko'u inoa ia."

   "E kala mai ia'u," wahi a Mekia Hadina.  "Ua hewa loa wau i ko'u hoolauna mua ole ana ia olua."

   "Ua kuhikuhila mai nei oe ia'u e Wilimona, o @e ke aliikoa i hana ai i kela hana koa wiwo ole i ka po nei:  nolaila au e hele mai nei e lawe ae i ka moolelo o kau hana.  He nuhou maikai loa ia na'u e kakau ai a he mea kokua hoi i ka'u inau wehewehe ana no ke kulana o ke kahua kaua."

   "O, aole ia he mea ano nui," wahi a'u me ko'u pahaohao i ko'u lilo ana ae he mea nui.  "Me he mea la he nui na mea ano nui e loaa mai ana ia oe mai keia paio ana aku, mamua o ka'u hana i hana ai i ka po nei."

   "Ke maopopo ole nei ia'u ia mea.  Aole anei ou ike iho aia ke ake nui mai la na kanaka e ike i kekahi hana i hanaia e kekahi mau aliikoa e like me kou ano?  Hoi iho no hoi, aia ko'u mama ke noho mai la me ka iini nui e lohe aku i na mea e pili ana no'u; aole anei oia e hauoli ana ke ike iho maloko o ka nupepa ua hana aku kana keiki i kekahi hana maikai e kaulana ai kona inoa iloko o ka oihana kaua?  Pehea iho la ia e ka lutanela?  Aole no hoi oe e ae oluolu mai ea, a o ka pau ae la no hoi ia o keia."

   Ia manawa noi kani hou mai la kahi pukuniahi mai na Konofedereta mai, a ia makou i huli ae ai a nana aku, ua hoomaopopo iho la makou he hoailona hou keia i haawiia mai, oiai ia manawa i nee awiwi mai ai na Konofedereta.  Ua poina iho maua i ka maua mea e kamailio ana a lilo aku la i ka nana ana i keia hoonee kaua a Generala Li; a ia manawa koke no hoi i huaipau aku ai na pukuniahi a makou i na poka paa ame na poka pahu maluna o na koa hele wawae Konofedereta.  I ka wa i kani ai na pukuniahi a makou, o ka wa no ia i huai mai ai ko na Konofedereta mau pukuniahi, a malalo o ko lakou malumalu i nee mai ai na pualikoa hele wawae me ka hiehie nui a lilo iho la ia i mea na makou e mahalo aku ai i ke koa maoli o keia poe Konofedereta e nee mai nei me ko lakou hiehie nui.

   I keia manawa aole he hookahi pu raifera i kani ae ma ko makou aoao, oiai ua maopopo i ko makou mau alakai pakahi ka waiwai o kela ame keia poka iki i ka manawa e lele mai ai e like me keia.  Ke hoomau mai la no ka nee ana mai o na Konofedereta a hiki i ka wa au i manao ai ua komo mai ka hapanui o lakou iloko o ko makou kahua hoolulu.  Ia manawa akahi no a eueu ae na koa Federala, a o ka wa iho la no ia i hakoko ai na aoao a i eiua.  Iloko o ka hoomaumauia aku o na poka iki, aole he mea a kuhau iho o na enemi, aka ua nee mai me ka ikaika e hoopuehu liilii ana i ko makou laina koa kiai me ka weliweli.  He minute mahope moi, akahi no a eueu ae na pualikoa Federala e noho ana iloko o ke kahua a o ka wa no ia i huai like ae ai o na @u raifela mai kekahi aoao a hiki i kekahi aoao.  Ua hiki ia makou ke ike aku i ka hulali mai o na mea kaua ma Puu Ilin@ i ko makou mau hoa e paio ana.  I keia wa akahi no a kuhau iho na Konofedereta a hoomaka ae la e @ahaha; iloko no nae o ka wa pokole, ua hui hou a'e la a hoomaka hou mai la e kaua.  Ia manawa no i huai aku ai na pukuniahi e ku ana mahope o ko nakou mau koa hele wawae i na elele o ka make, a ke nana aku, aole loa he mea hiki ke ku mai imua o lakou.  Aka nae ua komo mai ko Alanuiloihi mau pualikoa iloko o ko makou kahua, a no iwakaiua mi@u@ ka paio ana o keia pualikoa he alo a he alo, he lima hoi me na lima, a ike aku la wau ma ke ano o ka nee koa, ua mahae ae ko makou aoao.  Aole i loihi mahope iho, ua hui hou ae la kona mau puali, a ia wa no hoi ua loaa mai la ko Alanuiloihi mau puali kokua.  No ka nui ikaika maoli o ko makou mau pualikoa pukaa, ua hoomaka ae la e mahae na enemi, a iloko o ka wa pokole, aia lakou ke ahai la i ka holo.

   Ua hooho hauoli ae ko makou poe, aka nae, ua uhi koke ia iho ia mau hooho hauoli ana oiai ua huai hou aku la na piha pukuniahi a makou e hoopuehu liilii ana i na Konofedereta a pau i ka holo.

   "He wahi mea hou maikai keia na'u e piha ai elua kolamu," wahi a Osebone, ia makou i hoi aku ai ma ko makou mau wahi pakahi iho.  "O! ua hala aku la kahi elemakule a kakou!  E pono no la'u ke hele aku.  Gudi bai, e na keonimana; o ko oukou ike hope ana keia la'u ma keia kahua kaua.  E hele no wau i keia po a hiki i ka loaa ana ia'u o ka uwea telegarapa."

   "Ke manao nei anei oe ua pau ke kaua?" wahi a Mekia Hadina i ninau aku ai.

   "Peia ko'u manao.  Malia paha e loaa ana no he mau paio ana, aka, ke manao nei wau, aole ana pela.  He mea paakiki loa ia Generala Li ke houluulu hou ae i kona mau pualikoa mahope o keia haulehia ana.  Ina e kulike ole ana ka manao o na aiakai, aiaiia  paha wau noho hou iho, ina aole pela, alaila e holo aku no wau a telegarapa aku, ua lanakila na Federala ma Getebaka."

   "Gudi bai, oe e Osebone," wahi a ka mekia.  "Ahea oe e halawai hou mai ai me makou?"

   "O! e holo no wau a ke kuianakauhale o Federika, a telegarapa aku i ka'u hoike, a e loaa aku no oukou ia'u ma kela aoao o ke kuahiwi Hema, a ke manaolana nei wau e hoea aku malaiia i ka wa a oukou e paio hou aku ai.  E malama pono ia oe e ka Mekia," Me keia mau huaolelo, ua holo aku la o Osebone a lekei ae la maluna o kona lio, a hoio aku la oia a nalowale mai ia makou aku ma ke alahele a makou i hele mai ai.

   I keia manawa, ua hiki aku la na Konofedereta ma kahi e kau ana ko lakou mau pukuniahi, a noho aku la iloko o ka ululaau a makou i ike aku ai i ko lakou puka ana a nee mai e paio me makou.  O keia ka hope loa o ko makou ike ana ia lakou ma ke kahua kaua o Getebake.  O ke kahua kaua a Alanuiloihi i alakai mai ai i keia mau pualikoa, ua paa pu ae la i na kino make o na koa, oiai i ka wa o lakou i pakele aku ai mai ka makou mau pu raifela aku, ua kakiwiia aku lakou e na pukuniahi a mokaki ana ilalo.

   Ua uhi hou iho la ka malu maluna o ke kahua kaua, a ia wa i hoomaka ae ai makou e hoiliili ae i ko makou poe i eha ame ka poe i make.

 

MOKUNA XXI.

"HE ALO A HE ALO."

           "Mai hoohilahila iho oe,

             Mai hookuekue maka iho hoi

            No keia paa ana ou ia'u."

 

   Aole i loihi loa aku ko Kale Osebone hala ana aku, ua hoopuiwaia makou i ka hoi hou ana mai o Generala Miki ame kona mau ukali ma kahi a lakou i ku mua ai ma Luna Poepoe Iki, a malaila lakou i noho iho ai a hiki i ka poeleele ana.  Oiai ua hoopuehu liilii ia ko Generala Alanuiloihi mau pualikoa, ua noho iho ko makou generala me ka hauoli e haawi ana hoi i kona hoomaikai i na alakai o na mahele i paio aku me na enemi, ia lakou i hele ae ai e hoike aku i ke kulana o ko lakou mau mahele pakahi.  No ka nui loa o keia poe i hele ae ai, a e pii mai ana no hoi kekahi; ua ike mai la ka poe kipu pololei o na Konofedereta a hoomaka mai ia lakou e ki i ka lakou mau pu raifela ma kahi e noho ana ko makou alakai nui.  "Mamuli o ka nui hoouluhua o keia poe kipu pololei," ua kauohaia o Generala Filita e hoouna aku i mau koa no ka hookuke ana aku i na Konofedereta kipu pololei.

   "Lutaneia Wilimona, ua makemake ke generala e ike ia oe," wahi a ke kakiana-mekia iaia i hoea mai ai ma kahi a maua me kapena Buka e noho ana a e paina ana i ko maua paina ahiahi.

   "O Generala Filita anei?  Heaha kana mea i makemake ai?  Ua ike anei oe?" wahi a'u i niau aku ai.

   "Aole wau i maopopo loa; aka, aia he hoonee kaua o kekahi ano, no ka mea ua lohe aku nei wau ia Generala Warena e olelo ana no ka olaelae laau, a na Konela Loila i hoopuka aku nei i kou inoa."

   "He wahi hana hookalakupua hou no, e Palanike," wahi a Kapena Buka.  Ua laki hou no oe e Wilimona.  Heaha la hoi ka mea e haawi ole ia nei i ke Kapena he wahi hana o keia ano?"

   "Ke ake nei wau pela.  Ke manao nei no hoi wau ua lawa no hoi wau i ka'u mea i hana ai i ka po nei."  A ia manawa no i hele aku ai wau e hooko i kekahea.

   "E ke generala, ua hoouna ae nei oe e kii ia'u?" wahi a'u i pane aku ai meko'u haawi ana aku i ke aloha oihana kaua.

   "Ae, e Wilimona; o oe paha ka i nee aku ilalo o ke awawa i ka po nei?"

   "Ae; ua hele aku wau a hiki i ke alanui e holo ia i kahi o na Konofedereta."

   "Pololei,--Generala Miki, o kela ke aliikoa opio i hopupio ai i ka poe Konofedereta me ke akamai lua ole i ka po nei."

   "He hana maikai kau i hana ai," wahi a ke generala me kona mino aka ana mai maloko o kona mau maka aniani.  "Ke haawi aku nei wau i ko'u hoomaikai ia oe."

   Ua kunou aku wau me ko'u ano hilahila no na olelo mahalo a ke generala.

   "Ke ike nei anei oe i kela poe kipu pololei e pee mai la mahope o kela mau puu pohaku?"  wahi a Generala Filita me kona

 kuhikuhi pu ana aku.

   "Ae."

   "Well, e Wilimona, makemake wau a oe, ina oe e oluolu ana, e lawe aku i kekahi mau koa a e hookuke aku ia lakou, a i ole e hoopau i ka walaau ana o ka lakou mau pu ai laiki.  Heahe kau pane e Wilimona?"

   "Ua oi aku kou pono e kauoha mai la'u e hele aku," wahi a'u me ko'u mino aka ana iho.  "E hele no wau ina oe e makemake ana ia'u e hana aku pela."

   "Ke hoomaikai nei wau ia oe e Wilimona.  Ua @ua mua no wau e ae mai ana oe e hele, eia nae he wahi hana lapuwale keia.    Ano e hele aku e wae ae i kou poe koa, ina no i kanaha ua lawa ia.  Ke pau kau hooponopono ana, alaila e hele aku ia Konela Loila, a nana e haawi mai ia oe i ka mea e hana ai."

   Ua haawi aku la wau i ko'u hoomaikai a huli ae la wau a hoi aku la.  Ua kahea aku wau ia Kakiana Poka ame Denisa, a iloko o ka manawa pokole ua lawa ae la ko'u mau koa, olai aole he mea paakiki ka huli ana i ka poe e ae oluolu ana e hele aku, no ka mea ala ka @ iloko o kela ame keia mea pakahi e loaa he manawa e komo aku ai iloko o na hakoko ana.  Iwaena o lakou o Kakiana Keoni@a o kekahi pualikoa okoa ae, a i aeia hoi mamuli o kona hoopaakiki launa oie.

(Aole i pau.)

 

Ma@ano@ Aloha

HE MOOLELO NO KE

KAIKAMAHINE ALII IETIWA

Ka Ui nohea i ahai ae i ka puu@ai.

MOKUNA XVII

ILOKO O KA HALEPAAHAO.

 

   A eia ka pela ka kana e panai aku ai i ke kanaka i hana mai i ka maikai loa nona.

   Ma ka manawa i kakauia ai ka palapala hopu ua pii koke ae la ka hauoli e hoikeia ana ma na papalina o na hoaloha o ke Keikialii o ka Akau, a ia lakou i haalele iho ai i ka halealii ua piha hauoli loa lakou.  Ma ka aoao o ke Alii wahine, ua hoi hikaka aku la ola iloko o kona lumi ponoi a paaia ana e ke Kaukaualii Halefonta, ame kona nana ole ae i kona ukali ame ke Kaukaualii wahine Halefonta ua huli aku la oia i ka pukaaniani, a ia manawa hookani no ua ike aku la @ i ke kapena koa o ka poe k@ai o ka pa-alii e holo ana maluna o kona lio no ka hooko ana i ke kauoha i haawiia aku ai iala no ka hopu ana i ke kino o Lore no ka hihia pepehi kanaka, oia no ka manawa a ke Aliiwahine i kahea aku ai me ka leo nui:  "E Kuinoka, Kuinoka. E hoi mai oe.  E haehae oe i keia mau pepa.  Ke hoopau nei au i keia ano hana."

   No keia leo ku i ka walohia aole he lohe iki mai o ke kapena.  Aka moe aku la no kana huakai no ka hoopau loa ana i ka hana.

   Ina paha i lohe ke Kapena i ka leo o ke Aliiwahine ina ua hoopau wale ia kela hihia ma ka haehae ia o na palapala.  Malaila oia kahi i kiai ai a hiki wale i ka nalo ana aku o ke kapena.  Alaila emi mai la oia a kau ae la i kona mau lima ma kona poo me he mea la e kumakena ana a oia no ka manawa i hele makawalu mai ai na waimaka e iho makawalu ana ma kona mau papalina lahilahi.  Iloko o keia kulana o ka Moiwahine ua holo mai la ke Kaukaualii Halefonta a hopu mai la iaia a paa ana iloko o kona puili ana.  Ua mau aku ka Moiwahine iloko o ia ano kulana a hiki wale no i ka napoo ana o ka la.  Ua nui no hoi ka maikai loa i hanaia aku i ka Moiwahine e ka ukali wahine Dekamoa--e hoike aku ana i na manao hoolaha ame na olelo hoohauoli.  Ke makili ae na onohi maka o ke pooaupuni aole e nele ka ike ia aku o na hiohiona o ke kaumaha.

   Ma keia manawa ua komo mai la kekahi o na kauwa e haawi mai la i kekahi pepa inoa a aia maluna o ua pepa la ka inoa o kekahi o na kanaka Amerika a i ka lohe ana o ka Moiwahine ua puiwa koke ae la oia me ka hauoli nui a haawi koke aku la i ke kauoha e ae ana iaia e komo mai:  "O Anagusi, e ae aku iaia e hele loa mai iloko o keia lumi me ka hakalia ole.  O, e Degamoa, he mau olelo kana mai iaia mai no ka mea ua hele mai nei oia mai iaia mai.  Lohi maoli no.  Aole e hiki ia'u ke kali hou aku," wahi a ua Aliiwahine nei.

   Ma ko Anagusi aoao ua hele mama mai no oia eia nae he lohi ia i ka Moiwahine.  Ua komo mai la o Anagusi me kona lole i pulu i ka ua, me kona mau kamaa i okiloa i ka lepo a ua ano pupuku ae kona lauoho mamuli o ka makani ame ka ua i haluku iho i kela manawa.

   "E hai mai heaha ka pilikia ame ka nuhou?" wahi a ka Moiwahine i ninau aku ai ia Anagusi i ka manawa ana i komo mai ai iloko o ka lumi.

   "Aole au e nana ana i ka maikai ame ka maikai ole ia oe a aole no wau e nana ana i kou ana moiwahine ana," wahi a Anagusi i pane aku ai, "eia, he manao pokole ka'u i makemake ai e hoike aku ia oe!  O ka mua, makemake ana wau e ike, he wahine aha la kou ano o ka hoopaa ana i ke kanaka e like--i like O, ua hoopupule mai kela ano hana au i hana ai ia'u.  Aole o'u nana ina he hana hoowahawaha keia i kou ano Moiwahine ana.  He hoaloha oiaio oia no'u a ua like no kona hewa ole e like me oe a heaha la ke kumu o kou hoopaa ana iaia iloko o ka halepaahao.  Ua makemake loa wau e ike i ke kumu o ka hana ia ana pela?"

   Ua hoao aku la ka Moiwahine e hoopuka i kona mau manao aole nae e hiki ma@uli o ka ikaika loa o na olelo i pana@ mai, a no ke kaumaha loa ua hoona aku la oia ma ka hilinai ana makawalu mai ai na waimaka mailoko mai o na maka onaona i piha i ke aloha no ke kanaka i hoopaahoia, a hala kekahi manawa o ke kali ana ua hoopuka mai la ka wahine kaumaha:"

   "Ua hoehaeha ioa mai oe ia'u e Mr. Anagusi," wahi a ka wahine i hawanawana aku ai ia Anagusi.  No keia ano uluku ana, a hooia iho la iloko ona aole i'o no i hana aku ka wahine me kona, manao maoli aka me ka hookikinaia.  Ua ike pu iho no hoi oia ua hana aku oia i ka hana maikai ole i ka Moiwahine.

   "He kanaka kumakaia maoli no oe," wahi a ka ukali Degamoa i pane aku ai ia Anagusi me ka huhu nui.

   "E kala mai ia'u," wahi a Anagusi i pane aku ai me kona kukuli pu ana iho ilalo imua o ka Moiwahine.  "Ua piha loa ia wau me na manao huhu a uluku maoli a po wale kela ia.  Ke ike aku nei wau ua kaumaha i'o loa oe no ke kanaka paahao.  No ko'u aloha maoli no ia Lore oia ke kumu o keia uluku nui ana.  Ua hewa loa maoli no ka hana ia ana o kela hana maluna o Mr. Lore."

   "Ua manaoio oia ua hana aku oe i kela hana mamuli o ka hookikina ia a pela no hoi oia i hoike mai ai ia manao la'u.  A no kona noonoo ua loaa maopopo iaia ka ike ka lilo ana o kona ola me kona ike pu iho aole oia i hewa iloko o kela hihia.  E hana mai ana kela poe o ka Akau i na mea apau @ poi@o ai ke ola e like iho la me ka haawi ana o kela kanaka i kona ola no ka hoau mai i ka hoopai maluna o ke kanaka i hewa ole.  E hoomanao oe i kela olelo a'u, ke manao nei au e olelo mai ana kekahi o lakou ua @@aoii no oia ia Lore i ka hou @@@ me ka pahi me kona nana ole ae i ka hoopunipuni o ia mau olelo.  O ka'u wale no i hele mai nei, o ka no ninau aku ia oe ina paha @ hiki ke hoopau ia kela hoopii."

   "Aole e hiki ke hana i kela ano hana.  He hauoli pi@a ia no'u ina he hiki iau ke hana aku.  Ma kekahi aoao no @e, he hana hiki no ia ia'u ke hana, eia nae, e komo ana keia aina iloko o ko kaua nui," wahi a ke Aliiwahine i pane aku ai.

   "Aka aole o'u makemake e ike i ke kanaka hala ole e lawela kona ola," wahi a Anagusi i ninau aku ai me ke ano huhu.

   Hookahi wale no mea e pono ai oia no na olelo ike mai ia oe mai ame ka poe e hiki e hooialo.  Ke lana maoli nei ko'u manao mailoko mai o kuu puuwai aole oia i hana i kela hana mahope iho o ka ae like ana no ka hakaka ku papakahi."

   "Aole oia he kanaka hohewale," i hookoikoi iho ai o Anagusi i kana olelo, he mea hoi i hoopuiwa aku i na wahine opio.  "Ke olelo nei au aole oia i hana i kela hana ekaeka nui wale a ke haawi nei an i kuu ola no ka hoolalo ana i kona hewa ole.  Ua ike no wau he mea hiki ole ke hoopau wale i ka hoopii a aole no o'u hoahewa ia oe no ia mea, no ka mea, he hana ia nau a aole e hiki ia oe ke alo ae.  Aka ke kaumaha nei au no Lore."

   "Malia e lanakila ana oia ma kana mau ike," wahi a ka ukaii Degamoa, me ke ano kaumaha no nae.

   "Malia paha, aole e hiki iaia ke pale iho nona a oia pilikia no ia.  Heaha la ka lanakila e loaa ana i na kanaka Amerika o Iaua wale no iloko o kela aina malihini, aohe o laua hoaloha maanei a i enemi hoi e ka poe apau?"

   "Ua oki kela pane au.  Aole oe e kamailio hou ma@ i kela ano olelo ia'u.  Aia a hiki mai i ka manawa o ka hookolokolo e nowele pono ia aku ana ka hihia aole e hookuukuu wale ia, a ina ua kue na mea apau iaia he hookahi wale no mea i koe a he hoaloha o@aio oia nona," wahi a ke wahinealii i pane aku ai me na maka oolea.

   "Ua loaa ia'u ka ike ua mahalo nui na kanaka o keia aina iaia no kona wiwoole ame na hana ana i hana ai no ka hoopakele ana i ko lakou poo-aupuni aka aole ia he mea e pakele ai ua kanaka nei mai keia poino mai," wahi a Anagusi i pane aku ai.

   "Ke hoehaeha hou mai nei no oe ia'u e Anagusi.  Ke olelo mai nei oe ua olioli makou i ke kaawale ana aku la o kuu kane e mare ai mamuli o kona make ana @ku la."

   "Mai huhu oe ia'u no ia mea e ke Alii," wahi a ke Kaukaualii wahine Degahoa.  "Ke kaumaha loa nei makou no keia pilikia a ma ko'u aoao ke lana nei kuu manao e hemo ae ana o Lore mailoko ae o na paia o kela halepaahao, e aka mai ai oia i ka poe e imihala nei iaia.  Ina he hiki iaia ke @i i kono wahi e hemo ai ua hauoli loa wau."

   Ma keia mau olelo a ke Kauakaualii wahine Degamoa ua hulili ae la na maka o ke Alii a iloko o ka manawa pokole ua maalo ae la na hiohiono kaumaha.  Ua aka leo nui wale ae la no oia no kela manao e hemo ae oia mai ka halepaahao mai, aka, ala nae he hiohiona ano e ke halii la me ia.

   He hapalua hora ka Anagusi noho ana iloko o kele kukai kamailio ana, a hiki i kona manawa i hoi ai, ua haalele oia me na manaolana.  Iloko o ka lumi moe o ke Aliiwahine he elua ma@ wahine opio e kuka ana no kekahi ninau nui a hala wale ka hapanui o keia po, he mea hoi i hoohikilele nui ae @ i ka noonoo o ka ukali Degamoa no keia mau hoolala a ke poo-aupuni i hoike aku ai me ka hilinai piha iloko ona iho no ka hoohana ana.

 

MOKUNA XVIII.

HOLO MALU I KA PO A PEE MA KAHI O NA MONEKA.

 

   O ka lumi i hoopahaoia ai o Lore he lumi ia i hanaia a maikai a malau mamuli o ke aloha o ka makainui ia Lore.  Aole i like kona lu@ paahao me ke ano o ka poe no lakou na hihia o ke ano like.  Aole kela he lumi i lalo o ka lua pouli aka aia iluna o ka aleo o ka halepaahao.  He lumi kela i hoopunila me na paia pohaku nona hoi kahi pukaaniani i hala loa ae iluna mai ka papahele ae.  Aia maluna o kahi moe hao ua hoomoeia iho la he wahi pela maikai a he noho hookahi i wahi nona e noho iho ai.

   I kekahi ia ae, ua laweia aku la ua wahi noho nei a ma kona wahi ua haawiia mai nona he nohopaipai, me ke pakaukau, he ipukukui ame na palapala heluhelu, he mau pua o na ano maikai loa, a he mau mea ai maikai loa ka mea lawe ia aku iloko o kona wahi lumi me ka maopopo ole iaia na wai la keia mau mea e haawi mai nei iaia.

   I kela auwina la ua aeia mai o Anagusi e ike ia Lore no ka mea ua hele a@u ola liaila e ike ai iaia.  Hoike aku la oia i kana mau mea i lohe ai no na hoaloha o ke keikialii o ka Akau.  O kekahi poe o lakou ua hoi aku lakou e hoike aku i keia lono i ka Moi Nui a e koi aku iaia e hele mai e hooponopono i keia pilikia.  Ua maluhia ka noho ana o kanaka o loko o ke kulanakauhale  i keia manawa aka aia no nae ke kaumaha ke kau la maluna o ke kulauakauhole.  Ua hoike aku o Anagusi i ka paahao aia ka manaolana o ka Moiwahine maluna o kou lanakila ke hiki mai i ka panina o na hana apau!  Ua hoike pu aku oia i ka manao aloha o na Kaukaualii Halefonta ame kekahi poe e iho o ke @ii me ka manaolana e hiki aku ana oe i ka hopena maikai.  Ua haawi ak@ no hoi ke kanaka paahao i kona hoomaikai ia lakou me @ Anagusi ia no ia ma@ manao hoolana.

   Ua aumoe loa i kela ahiahi i ke ahiahi ana iho, la Lore e moe ana iluna o kona wahi moe a e noonoo ana i na mea like ole i komo mai iloko o kona noonoo, aia hoi ua lohe aku la oia i ka nakeke ana mai o ka huihui ki pela i loaa aku ai iaia ka manao @ kekahi poe mawaho o kona lumi no ka hele mai paha e ike iaia.  Aole no hoi i liuliu loa ua hemo i'o ae la no ka puka a komo ana ka makainui ame k@ kapena Kuinoka.  O ke aliikoa e aahu ana oia i kekahi koloka nui loihi ua pulu i ka ua, he hoailona mailoko mai o ka ua ka hele ana mai.  Aole i hiki ia Lore k@ hoomaopopo oia paha ke ua nei a aole paha, no ka mea, o kahi ona i hoop@ ai he paa loa ia e hiki ole ai i kekahi e manaolana ae e ike ana i na mea o waho a loh@ paha i kekahi leo o waho.  I ka manawa o Lore i ike ai ua lele koko ae la oia mai kona wahi moe mai a ku ana imua o na kanaka ano nui o ka aina kokoke i ka puka.

   "Ua lawe mai nei ke Kapena he palapala pili laula ole mai ka Moiwahine