Ka Nupepa Kuokoa, Volume XLI, Number 2, 9 January 1903 — Page 6
| This text was transcribed by: | Paka Westin |
| This work is dedicated to: | Awaiaulu |
NUPEPA KUOKOA, IANUARI 9, 1903.
O na umii a nahu o ka opu ame na namoiea, o ka laau lapaau o ia ai maa'i oia no kaAila Inikini Kikapu (Kickapoo OIL)
Ua hiki ke inu maloko a hemo mawaho a he laau Kupalanaha oia i hoomakaukauia mailkok ma o na mea ulu aoale hoi mai na holooholona mai.
AILA KIKAPU
O ka Aila Kikapu ka mea hoopua ia Umii ame Opu Nahu
"I na kau hooilo apua e loaa mau ana wau i ke nahu o ka opu a na ia mea e hiki ole ai ia'u he hele i ka hana a pau elua pule. Oia ka mea maa mau ia'u. A hiki maai laai kela makahiki ua emi loa aku ko'u ano mamuli o ka loaa ole o kekahi maha mai na kauka mai.
I kela kau Hooilo iho nei ua pii hou mai la ka eha, a kuai aku la wau i ka aila inikini Kikakpu a hele aku ia malalo o kan mau kuhikuhi a loaa iho ia ia'u ka oluolu iloko o 3 la p ela ai hiki ai ia'u i kuai ai no 25 keneta o ka omolu hookahi i kuu oia a me ko'u mau loaa"--Frank Bacon St. Paul Minn.
HE 25 KENETA NO KA OMOLE HOOKAHI, A E LOAA NO HOI MA NA HALEKUAI LAAU APAU A MA KAAHI O HOBRON DRUG COMPANY.
Mea hou o na Aina E.
(Mai ka Uwea Kelekalapa mai)
_____
SHANGHAI, Ianuari 3.--Ua hoakoakoa ae nei o Prince Tuan i kekahi pualikoa ikaika loa o 50,000 a ua hui ipu aku nei me Kenerala Tung Fun Sian ka enemi ino loa o na lahui e iloko o kina. He alihikaua o Tung Fu Sian no ka Northern Imperial Army a he alakai hoi no ka poe kipi a ke liuliu nei oia me kela pualikoa nui hewahewa e hookahuli i ke aupuni e ku nei i keia manawa. Eia keia mau hoailona kaua ma ka pea aina akaou o ke aupuni o Kina a ke kau nei ka weli ina ohana alii ma Pikina. No kekahi mau mahina loihi ae ne ua alakai aku keia Tung Fu Sian i kekahi pualikoa ikaika loa o na kipi, aka a hiki i keia manawa aoale oia i nee aku imua o ke kulanakauhale o Pikina. Ua olelooia ae ua a'o pono ia kona mau koa a ua makaukau loa, a ua manao pu ia ua laako keia pualikkoa me na mea ai, na pu ame na poka no ka hoouka ana aku i kekahi kaua hahana loa me no pualikkoa o ke aupuni.
Ma kekahi wahi o ka aina ua oleloia ae ua komo pu aku he 5,000 o na koa no ke aupuni me na koa kipi o Tung Fu Sian aka aole he mau lono i loaa mai no ka hooiaio ana mai i keia lono. Ua oleloia ae ua hoopakele aku ka moiwahine i keia mau Kenerala oiai he hoina loa laua i na lahui e aka i keia manawa oiai ua ike laua ua makaukau ua makemake laua e lawe ia Pikina malalo o ka laua hoomalu ana.
HAALELE MALU O PERESIDENA CASTRO.
NEW YORK, Ianuari 3.--Ua hoike ae ka Herald(Elele) ua loaa mai nei kekahi lono mai Caracas mai e hoike mai ana ua haalele aku o Peresidena Castro o Venezuela i kona kulana a ke liuliu nei no ka hooko ana i keia. Ke hoopoina nei ke kulanakauhale e na koa kipi a he kupilikii loa ke kulana i keia manawa. Hopohopoia ke Koi Poho o na aupuni ekolu.
POWA WIWO OLE
KAPALAKIKO, Ianuari 3.-- I keia auwina la ua paaia aku kekahi kaa ma Calistoga, Kaleponi. He umi (10) ohua oluna o keia kaa i kela manawa a ua kukulu laina ia aku lakou, a pau na ekeeke i ka hulila. Mahope o keia mau hana ua holo aku ia lakou a nalowale. Aole i maopopo ka huina dala i lilo aku.
HAUNAELE MA MORROCCO
TANGIER, Ianuari 3.--Ua komo mai nei i ke kualakauhale nei o Fez ke kanaka noho hookamani i ka noho kalaunu o ke aupuni o Morrocco. Ua kupilikii loa ke kulana o ka moi i keia manawa oiai he mau tausani o na Iukalo ke kokua pu la me keia kanakaa hookamani i ka noho kalunu.
Ua heluheluia ae kekahi leta e pilli ana i ka hhawi pio ana o kekahi mahele koa o ka moi. Ekolu mahina ihala ae nei ua ala ku-e mai kekahi ohana ikaika loa o ka aina i keia moi e hooplikia ana i na kanaka e hele ana ma ke kula me ka hoopilikia pu ana aku i ke kulanakauhale o Tetuan, 300 mile mai Tangier aku. O keia kanaka hookamani i ka noho kalaunu o ke aupuni oia no o Omar Zarabuni ke alakai hoi o kela haunaele e hoouluia nei iloko o ke aupuni.
KANAHA LA PUNI KA HONUA.
VIENNA. Ianuari 4.--Ua olelo ae na kanaka o ka Oihana Alahaao ua hiki loa ke hekeia a puni ka houna iloko wale no okanaka la me ke kaulele ana no nae o ko lakou mau manao maluna o ka holopono o ka hanaia ana o ke alahao o Trans-Siberian. Ua olelo pu ae na makaikai i ike a kamaaina i keia laaina he mea maikai loa ke hooi ia ae ka hollo o kaahi ma keia mau alahao oiai ke holo nei na kaa maluna o keia mau alahao aole oi aku maluna o 14 mile o ka hora hookahi. Ke hoomoeia nei kekahi mau alahao nunui ma keia laina e like me ia ma Amerika Huipula.
KOHO HOU IA O KUHINA NUI MR. COMBES.
PARISA. Ianuari 4.--Ua malamaia ke koho Kuhina nui i keia la me kekahi hauneaele ole. O na hoike i loaa e pili ana no ke koho balota ana ua koho hou ia o Kuhina nui Mr. Combes ma kona kulana mua. Ua loaa aku ma ka aoao o ke aupuni he 13 mau noho ma ka Hale Kau Kanawai.
E HUE IA ANA O SENETOA PERKINS.
SACRAMENTO, Cal., Ianuari 4.-- E noho ana ka Ahaoelo o Kaleponi nei i ke kakahiaka la apopo. E hooukaia ana kekahi paio hahana loa in ka noho hanohano o ka Lunahoomalu o keiaa Ahaolelo e noho mai ana. O na moho e hoao ne i lawe i keia noho hanohano oia no o F.E. Dunulop o Stockon, ame A.G. Fisk o Kapalakiko.
E kohoia ana i pani makahi o Senetoa o ke kau loihi aka e paio ana o Irving M. Scott no keia noho. Ua olelo ae o Walker i keia la ua noila mai oia e lawe $1,500 amae kekahi oihana aupuni aole oia e koho ia senetoa Perkins. E ponila ana o Kiaaina Pardee ma ka Poakulu.
ONOU O MORGON I KANA OLELO HOOHOLO.
WASINETONA, D. C., Ianuari 4.--E hookomo ana o Senetoa Morgon i ka la apopo maloko o ka Senate i kana Olelo Hooolo e kuhikui ana i ke Keena Mana Hooko o ke aupouni e hookila na kukai kamailio ana me Columbia ma na mea e pili ana no ke kuleana alanui o ka Isthmian Canal a me ka paniku ana i na olelo hooholo me na aupunni o Costo Rica ame Nicaragua no ke kukulu ana i ka auwai ma ke ala hele o Nicaragua.
HOOPIIA O PERESIDENA RUSAWELA
LOS ANGELES, Ianuari 4.---Ua waihoia ae nei i keia la he hoopii e Mr. William Muldoon i ka Peresidena Rusewela a ua hoopuka ia kau ka Palapala Kii. Mamuli o ka hanaia ana o kela mau hana me ka malu aole i loaa pono na mea ano nui loa o keia hoopii.
PANIIA NA HALE HANA A PAA.
NEW YORK, Ianuari 4.--Mamuli o ka nele maoli no k ka lanahu ua panikula ae i keia ia na hale hana a ua hoea mai keia mau pilikia apau loa mai ka hooki hana i hoomakala ma ke kau wela i hala aku nei. Maluna o na tausani kanaka e noho wale nei mamuli o ka loaa ole o ka lanahu.
KUEMI HOPE KE KANAKA HOOKAMANI I KA NOHO KALUNU.
MADRID, Ianuari 5.--Ma na hoike pili Gihana e olelo ana aia ke kanaka hookamani i ka noho kalaunu ke kuemi hope la aa ke hoakoakoa hou laa ka moi i kona mau pualikoa.
TANGIER, Ianuari 5.--Mahope o ka ike ana o ka moi Muley Abdul Axiz i ka holomua ole o kna aupuni mamuli o kana mau rula ana a me kana mau hana ino i kona lahui kanaka ua wawaia a ua oleloia ae e haale ana oia i kona noho kalaunu no kona hoahanau oiai oia ka i makahehila e ka lahui. ua ulu ae kela mau haunaele mamuli o kekaahi mau hoaiai a na lahui e iloko o ke aupuni, a ma keia alahele ua apo aku kekakhi hapao kalahui i keia mau hoaiai ana a lulu mai la hoi keia haunaele. Ua ku-e aku lakou i na hana apau a ka moi a me na ohi auhao ana a me kekahi mau hana e ae e hookuemi nei i ke aupuni ma na mea pili i ka oihana kalepa. Nui na ulia pilikia i loaa i kela moi ma kona la i ponila ai he moi a hiki wale iho la i kela manawa. O na Kelemania ame kekahi o na lahui e ae ua pau aku lakou i ka pepehiia a ua hooukala mai ka hoopai koikoi loa maluna o keia moi e ko lakou ma aupuni pakahi iho, me kona u ku pu aku i, na koi apau o kela mau aupuni.
HOOLIMALIMA ANA I MAU MOKU LAWE KOA.
WASINETONA, Ianuari 5.--Ua hooholo iho o Kakuolelo Root e noi k ka mana o ka ahaolelo no ka hoolimalima ana i mau moku lawe koa ame kekahi mau mea e ae no Manila.
POINO NUI KOKOKE MA SEATTLE.
SEATTLE, Ianuari 5.--Nui ka poino i hanaia ma keia kuanakauhale ame kekahi wahi e ae o ka aina e ka wai kahe nui. Ua panikula aku na hana pili a ka oihana alahao a me kekahi ma hana e ne. Eia ka muliwai iloko o ka kupikipiki o a he lehulehu o na uwapo nuni i pulumiia e ka wai.
HONOLULU PU KAKAHI MA KA PAPA INOA.
WASINETONA, Ianuari 5.--Ua hoouna aku ke kakauolelo o ke Keena Puuku i ka hale i keia la i na hoolaia no ka hale hoolulu limahana ma Honolulu. E hiki aku ana na hoolilo ana no keia hale ke hanaia maluna o ka #30,000.
LILO O TAFT I LUNAKANAWAI KIEKIE
WASINETONA, Ianuari 5.-- E hookohu ana o Peresidena Rusawela i ke Kiaaina Taft o ka paemoku o Pilipipe i Lunakanawai Kiekie no ka Aha Hookolokolo Kiekie o Amerika Huipuia ma kahi o Lunakanwai Kiekie Mr. Shiras i pau.
KAPALAKIKO, Ianuari 5.--Ua manaoiaa e lilo ana keia wahi hanohano ia J.W. McKinley oia hoi ka noho Lunakanawai Kiekie ma kahhi o Lunakanawai Kiekie Shiras. He poo nui o McKinley no ke kula kiekie o ka State University.
HOIKE A KE KOMITE MITCHELL, BURTON AME FOSTER.
WASINETONA, Ianuari 6.--ke komite o ka Aha Senate o n amokupuni Paikpika ame Porto Rico oia hoi o Senetoa Mitchell, Burton ame Foster i kipa aku nei i Hawaii ua waiho mai la lakou i ka lkou hoike a penei ka heluhelu ana:
E hooholoia ka Bila Auwai o Kohala.
E ukuaa na Koi Poho Pauahi.
E hooholiloia na Aina Aupuni o Hawaii malao o amerika huipuia iloko o Elua apana me ka poo Keena ma Honolulu.
E paniku koke ia na Hoolimalima Aina ana
Ke kuai hoolilo ia Puowaina ame na Aina o Kapiolani i na Mea PaaHoolimalima e paa nei.
E hoomaluia na Lepera apau loa, pau pu na maa'i Lepera o ka aina Makua ma Molokai.
E haawila i 4 keneta maluna oke Kope o Hawaii.
E hana hou i n Awa ame ka Palekai no Hilo.
Hoonohonoho hou ia na Kanawai.
Noli Pono ia na Aina me na Aina Ululaau.
E kukulu koke ia i Aupuni Kalana.
LILO 18 MAU OLA MAKAMAE.
SEATTLE, ianuari 6.--Ua ili ka moku kia kolu Noelwai e noho kapena ia nei e Mr. hansen inawaho o nakapakai o ka mokuaina o Wakinekona mahope o kekahi holo ana iloko o ka ino.
Umi-kumamawalu oia i mae a elua i pakele. Ua hoikeia mai ua haalele aku keia moku kia kolu ia Cape Town, Aferika Hema no Puget Sound a ua wawahi aku oia i ka manaw holo. He moku keia nona ke tonna i hiki aku maluna o ka 1498 a he halihali papa kana hana.
KIAAINA GAGE I PAU.
KAPALAKIKO, Ianuari .-- ua hoouna aku o Kiaaina Gage o Kaleponi nei i pau i kana olelo hope i ka Ahaolelo me kan mau olelo ikaika aole he ma'i bubonida i ikeia ma Kapalakiko. Ua pane ikaika aku oia ia Kauka J.J. Kinyou no ke kuahaua ana he ma'i bubonika oloko o Kapalakiko. ua hoike pu ake oia i ka pilikia i loaa ia Kapalakiko mamuli o keia mau hana a ke kauka.
PAAIA KAUKU MILE O KA ELELE R. W. WILIKOKI.
_____
AOLE HIKI IAIA KE ALO AE I KEIA MANAWA.
____
WAKINETONA. D.C., ianuari 7.--ua paa aku nei na kanaka i aieiea e ka Elele Wilikoki i ka elua tausani dala o kona uku mile ma keia kau pkole o ka Ahaolelo no ka uku ana i kona (elele Wilikoki) aie.
E.G WALKER.
No elua makahiki i hala ae nei ua lilo ae kekulana o R.W. Wilikoki i kumuhana nui e kamailioia ai ma Wahinetona ame Hawaii. Mamua o ka hoomaha ana o ke kau mua o ka Ahaolelo ua komopoo aku ka Elele R.W. Wilikoki iloko o kekahi mau aie a ua ui
ae na Hale Kuai i kona mau poe haole hoi i kona kulana (r.W. Wilikoki) ma Hawaii. Ua noila aku kekahi o ka oonei poe kanaka e hoaiai aku i keia kumuhana i na loio no ka ohiana i keia mau dala a Wilikoki i aie ai.
Ma kekahi mau leta iho ne ineinei ua hoikeia ae aole i loaa keia pilikia iaia mamuli o kona nawaliwahi. Ma kan (Wilikoki) huakai mua ma ka Ahaolelo Lahui ua nui kona mau hhlilo mamuli o ka hele pu ana o kana wahine ame kana keiki ame ka ohana.
Ua noho aku kona (wilikoki) ohana iloko o ke kulana aulii e like me na hoike i haawila i na kanaka Hawaii i kipa mai, a i kamailioia hoi maluna o keia kumuhana aie e na kanak hoale o ka Elele R.W. Wilikoki. he $5,000 ka uku makahiki o ka Elele me $2,000 uku mile hookahi uku mile oia hoi he iwakalua keneta (20) o ka uku mile hookahi.
Aole e hiki ke paaia ka u ku makahiki o ka Elele ak o ka uku mile he mea okoa loa ia.
SACRAMENTO, Cal., Ianuari 7.--Ua koho hou ia o George C. Perkins i senetoa i keia la no ka Ahaolelo Lakui e ka hahawai makaainana nui Repubalike.
ULIA POINO MA KE ALAHAO.
PITTSBURGH, Ianuari 7.--He 8 kanaka i make a 5 i hoehaia mamuli o ka hooku'i ana o na kaa-ahi.
___________________
Hauoli piha no ka Uwea Olelo
(Mai ka aoao 1 mai.)
_____
Kakauolelo no ka Peresidena.
I kela auina la no ua huliamahi aku na kanaka ma ka halawai makaainana i malamaia ma ka pa alii a i kamanawa i kani kapaulu ae ai o ka oeoe o ka hale hana uwila he mau kaukani i akoakoa aku iloko o ka pa alii. Ua hoea pu ae ilaila na keiki puhi ohe o ke aupuni i alakai-ia e Mr. Berger, a i ka hoea ana mai o na kanaka na lakou i waiho mai na haiolelo imua o ke anaina ua hoomak koke ia iho la na hana. Maluna o ka awai puhi ohe ua ike-'a aku keia mau kanaka kuonoonoo o ka aina:
B.F. Dilingham, George R. Carter.
E hele i kahi o na kauka hiki niho noeau, Helu 215 Alanui Hotele, ma o aku o ke Alanui uniona ma ke alo iho o Young Halw. Hemaikai na lawelawe hana ana a emi no hoi ka auhau. He maikai na mea hana o ke ana hou loa. Aohe auhau no ka noho ana, a he wahine Hawaii ke kokua.
Hoopiha me ke Kala------50 keneta NO PLATES
hoopiha me ke Gula $1.00 a pii aku REQUIRED
Papa Niho Gula-------------)
Papa Niho Kala-------------( $5
Papa Niho Maoli------------)
papa Niho piha pono-------------$5.00
Huki ana i ka Niho-----------------50c
NA KAUKA HUKI NIHO NOEAU
W.E. Allen. D.D.S. F.L. Ferguson, D.D.S.
_____________________________________________________________
Senatoa Clarence Crabbe, Thomas Trebell, Prince David, Sam Parker, W. W. hall, F.A. schaefer, Dr. McGre F.W. Macfarlane, C.M. Cooke a nui wale aku.
Mahope o na hana haiolelo ana o keia la ua malama-ia iho he aha hulahula ame ka hoolele ahi-kao ma ka ao keia kulanakauhale nei me keia hana hiahi a ua awaiaulu pu aku na kanaka i haawilia ma ia la.
___________________
WEHEIA AKU ANA NA AINA HOOKUONOONO O KONA.
_____
HOOHOLO KOMIKINA BOE E HOOKO AKU MAHOPE O KA LOAA OLE ANA O NA PANE MAI KA POE MAHIAI MAI.
_____
O ka Aina Aupuni o 2,400 eka aina hookuonoono a ke Aupuni i hookaawale iho nei no kka pooe mahiai o Dakota, e waiho la i Kona, Hawaii, e wehe ia aku ana i ka lehulehu o keia Paeaina no ka hookuonoono ana ma ka mahina e hiki mai ana.
Aole i loaaa mai kekahi pane mai ka poe mahiai mai o Dakota, e like me ka mea i hoike mua ia, e hele mai ana lakou ianei no ka oihana mahiai maluna o ka aina o oleloia ae la, a i hookaawaleia no lakou, i keia manawa ua ooholo iho ke Komikina aina Aupuni Boe e wehe i ua aina ia no keia lehulehu. Ua hoopaaa mai o Mr. Giddings ame ka poe mahiai no ko lakou holo mai i Honolulu nei, e hiki ana ianei i ka la 16 o Novemaba o ka makahiki i haia, eia nae aole he mea i lohe iki ia no lakou pala i pau ai ka manaolana o ke Komikina no lakou.
he nui ka poe o keia Paeaina i hoouna ae i ka lakou noi no na aina hookuoaoono no ia mau eka aina aupuni ma Kona, no ko lakou makemake e lawe i mau aina hookuonoono, a u loaa keia manao i ke Komikina e wehe 2,400 eka aina no na kueana hookuonoono.
Ma ka hoike a ke Komikina i ka Poakahi nei, me he la e hoomaka ana ka wehe ana i ka ia ekahi o keia mahina ae, Feberuari, ia 1.
No ka piha loa, ua hoopaanee hou ia na "Hoomanao ana no Kamehameha V no keia pule ae."
_________________
KE NALO AKU NEI KE KULANAKAUHALE O OCOS ILOKO O KE KAI.
____
(Mai ka Adavataisa mai.)
Kapalakiko, Ian. 4.--Ma ke ku ana mai o kekai mokuahi o Amerika Waena ianei i keia la, ua lawe pu mai oia i ka nuhou hoohikilele manao o ka nalowale aku o kekahi kulanakauhale me ke inoa o Ocos, Guetemala, mamuli o ka pa-hu ana o ka pele ma ia mau wahi. ke io malie aku nei kela kulanakaauhale e nalowale iloko o ke kai. Ua haalele aku na kamaaina o ua kulanakauhale nei i ko lakou mau pono iho a holo aku no ko lakou mau ola:
O ke kulanakauhale o Ocos, aia ia ma ka aoao komohana o ka luapele kaulana o Santa Maris no kekahi mau mile mamao mai iaia aku. I ka w i u hi ma ai ka poino a ka luapele maluna o ka aina ame ka make nui o kekahi mau oia makamae, ua holo aku ka poe i pakele mui keia poino aku. O keia Ocos oia no kahi hoolulu o na kaaahi, no lakou na alanuihao e noe ana iloko o na mahikope. He kauhale no hoi ia e ku la ma ka huina o na miliwai o ''Navango ame Tilapa, a i mea e pakel ai na kamaaina o ua kulanakauhale nei he mea pono ia lakou e kau uku maluna o na kaaahi, a i ole, maluna o na mokuahi.
O ka nui o ua kanaka o ua kulanakauhale nei ame na wahi kokoke ilaila, oiai oia no ke kulanakauhale ma la mau wahi, ua hiki aku ka heluna kanaka ma kahi o ka 200,000.
____________________________
HOPUIA IA MAU LUNA AUPUNI POKORIKO.
____
(Mai ka Adavataisa mai)
_____
San Puan, Porto Rico, Ianuary 4.--Ma ke ahiahi nei, na hopuia ae ka Mayor Egoneze mamuli o ka hoopoino ia ana o na moolelo pili kulanakauhale.
I ka mamanw i loheia ae ai ua paa ka Mayor ua hoohaunaele koke ae ia kona mau hoaloha i hoopiha ae i na alanui, a he hana nui ia ma ka aoao o na makai i ka oomalu ana i ua poe hoohaunaele nei. Iloko o keia makawalu ana o na poka a ua ku aku no kekahi poe, na poka a ua ku aku no kekahi poe, aka, aole nae he mea make.
Mahope kike iho no, ua hopuia ae ia kekahi mau luna aupuni Poko Riko a ua oleloia ae he nui na dala i nalowale o ke Aupuni ma na keena like ole o ke aupuni i hiki aku ma kahi o $43,000.
OLELO HOOLAHA.
____
E ike auanei na kanaka e noho ana ma Pelekunu Mokupuni o Molokai oiai ua lilo i'u ka hoolimalima o na loi konohiki apau o ke Ahupuaa ma ka Ili o Kailiili ame Kapaioa iloko o Pelekunu i oleloia ke hoonoho ne au a ke hookohu nei ia D. Himeni o Pelekunu no i oleloia i Luna a i Agena no'u e hana a e hooponopono ma kuu ina me ke mana piha i ua mau aina nei o'u a ke kauoha nei au i na kanaka apau loa e hoolehe iaia.
JOHN W. KALUA,
Honolulu Ianuari 6, 1903.
2944--Jan 9, 16, 23, 30.
HOOLAHA
Ma keia ke hoolaha ia aku nei, ma ka la 19 o Dekemaba, A.D. 1902, ua hoohuiia mai o Mrs. Alice Robinson ma ke ano he iaia hou no ka hui o Gay & Robinson, a e ikeia no hoi na laka apau no ua hui i oleloia e like ma ia malalo iho:
Mrs. Hane R. Gay Wahi Noho, Makaweli, Kauai,
Mr. Helen Robinson Wahi Noho, Makaweli, Kauai
Francis Gay Wahi Noho, Makaweli, Kauai.
Aubrey Robinson Wahi Noho, Makaweli, Kauai
Mrs. Alice Robinson Wahi Noho, Makaweli, Kauai.
2945-jan. 9-15
BUKE BANAKO NALOWALE.
Ma ke Alanui Beritania mawaho o Moiliili, i ke Sabati, Ianuari 4, ua nalowlae he buke banako no ka Hui a Bihopa ma, ma ka inoa o Miliamaa Kalua, Kawika Kalua, Hana Pualoke ame Mele Pakui. O ka mea e loaa ana e hoihoi mai i ka Bishop & CCo. Savings Bank, ma Honolulu a e loaa no ka uku kupono.
HoolahaHooko Moraki
HOOLAHA MANAO PANIKU A KUAI A KA MEA PAA MORAKI.
____
I kulike ai me ka mana kuai i hana ia iloko o kekahi moraki e Kini Moike (w) ame Moses Akawa (k) kana kane mare, ia S.I. Shaw, i hanaia i ka la 1 o ka mahina o Malaki, 1901, a hoopaaiaa iloko o ke Keena Hoona Aina ma ka Buke 221 ma na aoao 63 ame 69, a mai ia S.I. Shaw i oleloia haawila ia Chas. S. Martin ma ka palapala hoolilo i hanaia ma ka la 25 o ka mahina o Novemaba, 1902, a hoopaaia ma ke Keena Hoona Ainna i oleloia ma k buke 221 ma ka aoao 68, ke hooiahaia aku nei ma keia ua makemake ka Asaini o ka me paa moraki e paniku i ka moraki i oleloia no na kumu e hoike ana, o ka uku ole la o ke kumunaa ame ka uku panee i ka manawa e uku ai, a mamuli o keia paniku, e kuai kudala ia ana ma ke akea ma ke Keena Kudala o James F. Morgan, alanui Moiwahine, Honolulu, ma ka Poaono, la 31 o Ianuari, 1903. ma ka hora 12 o ke awakea o ua ia la, na aina i hoopaaia maloko o ka moraki i olelola e like me ka hoike malalo iho:
No na mea i koe e ike ia William Savidge, Helu 79 alanui Kalepa, Honolulu.
CHAS. S. MARTIN
Asaini o ka Mea Paa Moraki.
Keia mau apana a mahele aina e waiho la ma Waiahole, Koolaupoko, Oahu, i apoia e elua apana a hoopaaia ma ke Palapala Sila Nui 2133. Kuleana 10231 i hopoukaia ia Manina.
2944--Jan. 9, 16, 23, 30.
HOOLAHA MANAO PANIKU A KUAI A KA MEA PAA MORAKI
_____
ke hoolaha ia aku nei ma keia mamulu o kekahi mana kuai i hoopaaia maloko o kakahi moraki i hanaia ma ka la 13 o ka mahina o Novemaba A.D. 1901, e Kaimimoku Luiki o Honolulu mokupuni o Oahu, Teritori o Hawaii ame Pukoa K. Luiki o Honolulu i oleloia, kana wahine mare, na mea moraki mai ia Lyle A. dickey Kahu Malama Waiwai no Honolulu i oleloia, ka mea paa moraki, i hoopaaia ma ke Keena Hoona aina ma Honolulu, ma ka Buke 227, a ma na aoao 256-258, ke manao nei o Lyle A. Dickey, kaau Malama Waiwai, a mea paa moraki hoi i leloia e paniku i ka moraki i leloia no na kumupaa mae ka ukupanee o ka moraki i ka manawa e hookaa ai.
Ke hooiaha pu ia aku nei o ka waiwai i hoopaaia maloko o ka morkai i oleloia e kuai kudala akea ia aku ana ma ke keena kudala o James F. Morgan ma ke alanui Moiwahine, kokoke i ke alanui Kaahumanu, Honolulu, ma ka Poaakahi la 26 o Ianuari, A.D. 1903 ma ka hora 12 o ke awakea o ua la ia i oleloia.
O ka aina i hoopaaia maloko o ua morkai la i oleloia a e kuai la aku ai, oia kela aina apau loa e waiho la ma Kapahulu, Waikiki, iloko o Honolulu i oleloia, i ikeia ma na Apana Umi-kumamakahi (11), Umi-kumamalua(12), Umi-kumamahiku(17), ame Umi kumamawalu(18) iloko o ka Malele Aina Nui Helu Eono,(6), o na apana o Kapahulu, a i hoakakaia e like meia malalo iho nei:
E hoomaka ana ma ka ma-ka ma ka aoao hikina o ke Alanui D, he 400 kapuai mai ke kihi hikina mai o n Alanui Kanaina ame d, malaila aku holo,
1. Akau 74o34' Hik. 97 kapuai holo ma ke Alanui D.
2. Hem. 15o26' Hik. 200 kapuai holo ma na apana 16, 15,14, ame 13,
3. Hem. 74o34' Kom. 97 kapuai holo ma ke alanui E.
4. Akau 15o26' Kom. 200 kapuai holo ma na apana 10 ame 19 a hiki i kahi i hoomaka ai, nona ka iliaina o 19,400 kapuai kuea, a oia no hoi ka aina i lilo mai i ka mea moraki mai, ma a C. Winam mai, Kahu Malama Waiwai, ma kekahi palapala kuai ana i hana ai ma ka la 23 o Dekemaba, A.D. 189, a i kopeia ma ke Keena Hoona aina iloko o ka buke Helu 165, aoao 465-466.
Kuike ka makemake a ma ke dla guia Amerika no hoi.
Na lilo palapala apau ma ka aoao o ka me kuai mai.
Honolulu, Dekemaba 30, 1902
LYLE A. DICKEY
Kahu Malama Waiwai, Mea Paa Moraki
Jan 2, 9,16,23
Hoolaha Mana Hookolokolo
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAAPUNI ELIMA E PILI ANA I KA WAIWAI O ISAAC H. KAHILINA O WAIPAKE KAUI, I MAKE.
___
Eia ke Kuoha no ka Hoolaha no Ka Hoolohe ana i ka Palapala Noi Lunahooponopono Waiwai.
_____
ma ka keluhelu ana a wihoia ana mai o ka palapala noi a Lizzie kaio o Honolulu, i haila mai ai me ka pololei i ka make kauoha ole o Isaac H. Kahilina o Waipake, kauia, i Waipake o oleloia ma ka la 17 o Novemaba, A.D. 1902, i waio iho hoi he waiwai iloko o ka Paeaina Hawaii, he waiwai i kupono e noho hooponoponoo ia, a ke noi aku nei e hoopukaia mai i mau palapala no ka hookuleana lunahoooponopono waiwai ana no Samuel Kanewanui.
Ua kauohaia o ka Poaha, ka la 22 o Ianuari, A.D. 1903, ma ka hora 10 a.m. o ka la i oleloiaa oia ka ma@@ i kohoia a ma ia manawa @@@@@@ ai ka palapala noi i olelo @@@@@@ ena hookolokoloo o keia @@@@@@ kolo ma Lihue, Kauai @@@@@
nawa a ma kahi @@@@@@@@@@@@ ana i ua palapala no @@@@@@@ akoakoa ae na poe @@@@@@@ mea a hoike @@@@@@@@@ halahala kekai o ka @@@@@@@ pepa olelo Hawaii @@@@@@@ papa oia hoi, he@@@@@@@ kahi hebedoma, @@@@@@@@@ koa ma Honolulu.
hanaia ma Lihue @@@@@@@@
Lunakanawai o ka @@@@@@@ kaapuni o ka A@@@@@ Kaapuni Elima
Ike maka ia:
(kakauinoaia) JN @@@@@@@
Kakauoleo o ka Aha H@@@@@@@@@@@@@@@
puni o ka Apana H@@@@@@@@@@@@@@
puni Elima
2943--Dec 26-Jan@@@@
ILOKO O KA AHA P@@@@@@@KAAPUNI O KA@@@@@
KOLOKOLO KAAPUNI@@@@@
KA TERITORI O HAWAII
____
Fran@ Robbins Winslow @@@@@
E. Winslow
Palapala Kii.
Ka Teritori o Hawaii @@@@@@@@ i kona Hope, ka makai @@@@@@ puni o Oahu, ai ole i k@@@@@@
ke kauoha ia aku @@@@@@ Henry E. Winslow, M@@@@@@@ waiho mai an oia i k@@@@@ kauia iloko o na la he @@@@ io o ka hookoia ana o k@@@@ o u Aha la, e malama @@@@@@ Honolulu, Mokupuni o Oahu @@@@@@ kahi, la 4 o Augate a@@@@@@@ hora 10 kakahiaka, e ho@@@@@ mu e ae ole ia ai ke k@@@@@@ bin Winslow, ka Mea H@@@@@@ paia oki mare i pakuha@@@@
A e hoihoi ma i ka @@@@@@ ka hoike piha o kau @@@@@@ mea.
Ikea e ka Mea Hano@@@@@ Humphreys, Lunaka@@@@@@ ka Aha Hookoloko@@@ Apana Hookolokolo i@@@@@@ ma Honolulu, Oahu.
Mei 1903
J.A. T@@@@@@@@
Teritori o Hawaii )
)ss
Mokupuni o Oahu )
______
Ke hoike aku nei @@@@@@@@ luna ae he kope @@@@@@ kii ma ia hihia a ua k@@@@@ ka hihia a ke kau @@@@@@@@ 1903, e hiki mai ana @@@@
GEORG@@@@@@@@
Kakauolelo o ka Aha H@@@@@@@@ PUni o ka Apana H@@@@@@ puni, Ekahi, Teriori o Hawaii
Dec. 5, 12, 19,26, Jan@@@
MA KE KAUOHA
ILOKO O KA AHA KAA@@@@@NA HOOKOLOKOLO @@@@@ MA KA HANAA O KA W@@@@ KAPUNIKALA (k) H@@@@@@ OLE.
_____
ma ka waiho ia ana m@@@@@@@ pala hoopii a S.W. Kalei@@@@@ Honolulu, Oahu, kahu malama @@@@ ua keiki oo ole la, e nonoi ana @@@@ia'ku iaia ka mana e kuai h@@@@@ i ka waiwai paaa o kana hana @@@@@ he eono (6) mau mahele @@@@@@ Hui Aina o Holualoa, ma Kona A@@@@ Mokupouni o Hawaii, a e hoike ana i @@ kumu ku i ke kanawai no @@@@@peia; nolaila.
Ma keia ke kauoha ia'ku nei na @@koko o ua keiki oo ole la ame ka @@ anau he kuleana iloko oia w@@@@@ hele mai lakou imua o keia @@@@ POAKAHI, l a 19 0 Ianuari, @@@ kakahiaka, ma ka rumi hook@@@@ Aliiolani Hale, Honolulu, @@@@@ Oahu, ma ia wahi a ma ia m@@@@@ hoike mai ai lakou i na @@@@@@@@ mau kumu kekahi no ke aha a@@@@@ ia'ku ai ke noi a ke kaha @@@@@ ia i hoikeia ae la maluna.
Honolulu, Dekemaba 23, 1902
Na ka Aha,
GEORGE LUCAS
KA@@@@@@@
2943--Dec. 2,--Jan 2, 5,16, 190@
NA HOOLAHA WAI
_____
I kulike ai me ka Pauku i @ ka @@kuna XXVI o na Kanawai o ka M.H.
1680 e hoike ana. O ka poe apau i @@@ na kuleana wai pela me ka poe e @@ nei no ka wai, ke hoolaha @@@@ ma ke akea o na uku wai @@@@@ manawa e pau ana i @@@@@ e uku ae ma ke Keena Oihana Wai i Honolulu i ka la 1 o Ianuari M.H. @@@@
O na uku wai e uku ole ia @ana ia mahope o ka manawa @@@@ kakiia no he 10 pa-keneta.
O na kueana wai euku @@@@@@@ ana i ka la 15 o Feberuari M.H. @@@@@ ia mahope o ka manawa @@@@@@ ka wai me ka hoike hou @@@@@
E ukuia ka uku wai n@@@@ Wai ma ke keena malalo @@@@@Kap
(Halealii)
ANDREW BROWN
Luna Nui o ka @@@ Wai
Honolulu, Dec 20,19@@
2943
HOOLAHA HUI I H@@@@@@A
ma keia ke hoolaha ia @@@@@@ hui ma ka inoa o S. I. Shaw, @@@@ lawelawe oihana kalepa @@@@@@ iloko o Honolulu, Oahu. H@@@@@@@ Hawaii, ma ke ano kale@@@@@@@@ ame n waiona, he nui @@@@@@@ mau laia--S.I. Shaw, Sa@@@@@ ame J.S. Canario, ua h@@@@@@@ la me na manao holo like @@@@@@@@ hoolaha hou ia aku nei @@@@@@@ kulu hou ae nei o Seele@@@@@@ Honolulu, Oahu, ame J.S. Canario @@ Hilo, Hawaii i keia la h@@@@ a ma ka inoa o S.I. Shaw & @@@@ no ka lawelawe ma ke ano oihana @@@@@@ na, hia ame na waiona @@@@@@ Honolulu, Oahu, a ma Hilo ame Hana, Hawaii.
Hanaia, Honolulu, T.H.
Novemaba 22, 1902.
J.S. CANARIO
S.I. SHAW
SAM'L NOWLEIN
2940--Jan 2, 9.