Ka Nupepa Kuokoa, Volume XL, Number 50, 12 December 1902 — Pahuia kekahi halekuai e ke Dainamaita. [ARTICLE]

Pahuia kekahi halekuai e ke Dainamaita.

Ma kekahi hana i hoaoia ae e lawe i na ola o kekahi lapana nona kekahi halekuai ame kana wahine ma ma ka hoopahu ana i ko laua halekual me ka poka pahu, he dainamaita, ua hoounaia aku o Mr. Doyle e huli pono i na mea e pili ana i ka hana 1 hanala. Ua hanaia keia hoopahu i ke ahiahi Sabati nei, Dekemaba 7, oiai nae o Honda ka inoa o ke kane nona ka halekuai ame kana wahine i kahi e, aole laua i noho iloko o ka halekuai ma ka manawa i hoopahuia ai. Ma na mea i ikeia, ua waihoia ka poka hoopahu iloko o ka halekuai, no ka mea, o loko keia o ka hale ua puehu liilii na mea kuai a o na pukaaniani keia ua nohaha ke aniani a ua hiki aku ke poho o na waiwai i hoopohoia ma kahi o ka $200. Aia he keena ai iee cream kekahi no ua kanaka nei, ua hoopoino pu ia e ka mana o ka mea hoopahu. Eia o Mr. Doyle ke hookolo nei ma ka meheu o ka poe i hana i keia hana a ua manaoia na ka poe i enemi i ke kanaka halekuai.. Ua manao pu ia o ka manao lili ke kumfr o ka ulu ana mai o keia hana.