Ka Nupepa Kuokoa, Volume XL, Number 49, 5 December 1902 — MOHO MA NA-KEENA LIKE OLE [ARTICLE]

MOHO MA NA-KEENA LIKE OLE

Ma ka auina la Poalua nei, Dec. 2, ua hoouna aku.** Mark P. Robinson i kana leta i ke Kiaaina e hoole ana i ka noonooia o kona inoa no ka Puuku o ka Teritorl o Hawaii, a o keia hoole ana o Mark P. Robinson ua haulehia ka manaolana o na mea apau, a ua manaoia aole e' hoounaia ana nāi inoa ma ka Senate i keia la. • Ma ka Poalua nei ua makaukau loa ke Klaaina e hoopiha hou i na hakahaka o ke Keena Puuku, Luna Hooia ame ke Keena o na Hana Hou, a o keia iho malalo na inoa ana 1 manao ai: Puuku, M. P. Robinson Luna Nui o Na Hana Hou, Henry E. Cobper, L.una Hooia, J. H. Fisher. Ua loaa keia mau inoa mahope o na noonoo pono ana a ke Kiaaina, na se-

natoa ame ke komite o ka asiio Repubalika, a ua lokahi like ko lakou manao apau maluna o keia poe inoa. Ma ke ahiahi Poalua nei, ua hoohala iho na Rfepubalika he elua hora a oi no ka noonoo ana i ka hoole a M. P. Robinson a mahope o kekahi mau kukakuka ana ua holo like ae iwaena o lakou e hooikaika aku ia M. P. Robinson e maliu mai i Ka leo o ka lehulehu, a e lawe ae i ka hana o ka Puuku. Ua manaoia mamuli o keia mau manao lokahi i loaa ia 'iakou e holopono ana na hana, nolaila ua hoopaneeia ae ka halawai. Ua manaoia, ina e hoomau ana o M. P. Robinson i ka hoole i keia hana, e' lawe ia mai ana he inoa hou ma ia wahi. i