Ka Nupepa Kuokoa, Volume XL, Number 49, 5 December 1902 — Pau ka manaolana o Mr. Aukakini. [ARTICLE]

Pau ka manaolana o Mr. Aukakini.

Mamuli o ka hana a ke senate e hoaponoia ke noi a ke Kiaaina a e hoopauia ae o Mr. Aukakini mai kona kulana Luna Hooia mai, ua hoopau waie ia ae ka manao o ka Lunakanawai Gear e hookau aku ka hoopai maiuna o ka poe i ke'ake'a aku i ke alahele o Mr. Aukakini no kona keena ame ka i ka palapāla kii a ka Aha i hoopuka ia. '

Ua waiho ae o Mr. Aukakini ma o kona loio la ma ka Poaono nei he noi no kekahi palapala kii hoowahawaha, a maloko o kekahi palapala i kakauia a hoohikiia a kakauinoaia e Aukakini ame Ashford e olelo ana ua palapala nei, ua kue loa ka'Luna Hooia Meyers, Uamuku Kiekie Brown ame ka makai Elvin me ka ikaika ia Aukakini mai ke komo ana aku iloko o kona keena a ua hoowahawaha hoi i ka palapala a ka Aha i hoopuka ai. Ua oleloia ae ua hoike aku ka makai Elvin i ka loio Ashford aia oia ke hooko nei i ka olelo kauoha d. ke Kiaaina a aole o kahi mea e ae. Ua hoole mai o Lunakanawai Gear i keia noi maluna*o keia mau kumu: "Ekahi, no ka mea ua maopopo loa mai ka palapala i kakauia a hoohikiia ke paniku nei ka makai Elvin ia Aukakini mai kona keena aku malalo o ke kauoha a ke Kiaaina, a oiai aole ke Kiaaina he hoa nrvaloko o ka palapala kii aole i pili kela palapala iaia, a he mea kakanalua loa no hoi ina ua hiki ke hooliloia ke Kiaaina i hoa maloko o ka palapala kii i hoopukaia e like me keia. "Elua, Ua hoaiai ia i ke Komite o ka Senate e hookaawaleia o Mr. Aukakini mai kona kulana Luna Hooia mai a no keia kumu ua hooliloia keia palapala kii i palapala waiwai ole oiai he hoopai wale ia no ko ka aoao pale ina e hookuli ana. "A oiai ma ka oielo hoike ua mao-! popo loa me ka hoohewahewa ole aole loa i hiki ia lakou ke hooko i kela palapala kii a o ko lakou hoole ana e hoopaiia no lakou me ke kaupalena ia e like me ka kuhikuhi o ke kanawai e like.me ka hiki ia lakou ke hana a aole j e hoopaiia e like me ka hihia hoowaha- j waha maa mau a ke hoole nei au i ke nol e like me ia i hoikeia maluna. I GEAR, J." i •