Ka Nupepa Kuokoa, Volume XL, Number 49, 5 Kekemapa 1902 — Hakahaka Kahi o J. H. Boyd. [ARTICLE]

Hakahaka Kahi o J. H. Boyd.

(Kaomiia.) ka Poalua i halk, Dec. 2, maloko o ka paia ihiihi o ka Aha Senate, ua waiho mai la ke komite o ke Keena o na Hana Hou e pili ana ia J. H. Boyd i ka lakou hoike, a mahope o na koho balota;ana o na lala o ka senate, ua hoa» pons ae la ka hapanui o ka Hale e hookaaīwaleia o J. H. Boyd mai kona Keena aku ma ka 8 kue i ka 4. Mahope o ka hoike ana o ka senato i ke Kiaai,na i keia mea ua hoike aku la oia ia J\ H. Boyd ia mea. Ua waiho mai;ke Komite o ke Keena Hana Aupuni i ka lakou hoike ma ke kakahiaka aka ma ke noi a ka aoao uuku ua hoopaneeia ka noonoo ana i ka hoike a ka auina la. ī ka manawa i noho hou ai ka hale, ua noi ae o L. L. McCan<3less e hoaponoia ka hoike a ke komite. Ua noi mai o senatoa Kalauokaīani e waihoia ka hoike maluna ma ka papa a e noonooia ma ka senate ku mau e hiki mai ana. Kue mai o senatoa Aehi i keia noi no ka. mea ua huhewa mawaho o na rula, aka, aohe oia i maliu ia aku, a kokua aku la o Nakapaahu e waihoia ka hoike ma ka papa a i ke Kau kumau ma ka makahiki 1903, ninau, haule,"^—s. Ma ka ninau ina e aponoia ka hoike a ke komite, ua koho lokahi ae na Repuhalika ehiku a me hookahi Demokarata e aponoia ka hoike a ke komite a fie elima wale no Home Rula i makemake ole e apono. Ua hoikeia aku keia hana a ka senate i ke Kiaainā a pau ae la no hoi ka moolelo o J. H. Boyd. / Maloko o ka hoike & ke komite e olelo ana ua malama o Boyd i rfa dala i loaa mai no na aina maloko o ka hanako me' ka hoopaa ana ma kona inoa, a aole hoi i hoopaa maloko o leana buke; o keia mau loaa ua paa aku oia no hookahi | makahiki a oi mamua o ka hoopaaia | ana iloko o ka buke a haawiia aku i ke kakauolelo nui; o na dala i loaa mai I na palapala kuleana mal no na apana o j Tantaius he $1,195.00 me $231.39 ukupa- ! nee mai Novemaba 1897 a hiki i Febe- ! ruāri, 1902, a aole i haawiia ma ke-Kee-na o ka Puuku a hiki I ka mahina o Okatoba 27, 1902 mahope o ke kauoha ana o ke Kiaaina iaia no keia mau dala; io na loaa aina.he $4,450.00 aoie no oia i hoopaa maloko o kana buke. Mahope o na noii pono ana, ua manao kou komite o na hana pono ole a me ka hawawa o ka Luna Nui o na Hana Hou me na_dala o ka lehulehu he mea ia e hoike mai ana i kona kupono ole ma ia oihana kiekie. Nolaila ke hoaiai nei makou 1 ka senate e aponoia ka manao o ke Kiaaina ma .ka hookaawale ana ia J. H. Boyd mai ke Keena aku o na Hana Hou a e ao aku i ke Kiaaina e hana i keia. Ua kohoia kou komite no ka noil pono ana i na hoopii a ke Kiaaina ia J. H. Boyd, ka Luna Nui o na Hana Hou, aka Ke manao nei makou e pono ke Keena a me kona mau lala e noii pono loa ia aku, a ke hoaiai nei makou e kohoia i komite e noii pono i keia Keena ame kona inau lala, a e hoike n\ai i keia senate kumau e noho mai ana.

E HOOMAKA I KA MANAWA KU- | PONO NO KA LAPAAU ANA I PAU| AI KA NAEOA'IKU. O ka hoailona mua o keia ano ma'i oia ka paa o ka leo; a o ka hope aku. oia no ka pii mai 0 ke kunu ikaika e ike koke ia aku ai 1 ka manawa e loheia ai ke kunu mai eka inea i maa ia ano ma'i. O ka manawa maikai loa no ka lapaau ana oia ka manawa e paa mai ai ka leo o ke keiki. Ina e haawiia ka LAAU KUNU A CHAMBERLAIN o ka pau koke no ib. me ka hakalia ole. Ina no i ka ma,nawa o ke kunu maoli e haawiia ai, e pau ana no ka ma'i. Aohe he poino e loaa ana ma keia laau. He haia ole kana hoola a he hakalia ole. Ma ka Halekuai Laau o Benson Smith & Co., Ltd., na agena kuai kukaa e loaa ai no ke kumukuai kupono.