Ka Nupepa Kuokoa, Volume XL, Number 49, 5 Kekemapa 1902 — Noi ia Unele Sam i Kokua. MAKEMAKE NA PORTO RICO O HILO E HULI HOI NO KA AINA. [ARTICLE]

Noi ia Unele Sam i Kokua.

MAKEMAKE NA PORTO RICO O HILO E HULI HOI NO KA AINA.

HILO, HAWAII, Nov. 29—Ua malania ae na Porto Rico o Hilo nei ma ka po Lapule i hala ma ka halekeaka 0 na lapana he halawai no ka noonoo ana i alahele kupono no ko lakou huli hoi ana i ko lakou aina makuahine. He nui o na Porto Rico i loaa 1 ka onawaliwali ame ka ma'i, a ke hookonokonoia nei na kanaka hana 0 ka mahiko e hoala niai i mau hana leupono ole. Ua olelo ae kekahi 0 na Porto Rico 1 hiki ae ma ka halawai nk na luna mahiko e uku ia lakou 110 ka huli hoi ana i ka aina, no ka mea na lakou i lawe mai ia lakou ma Hawaii nei. Mahope 0 kekahi mau hoopaapaa ana ua hooholo lokahi ae na Porto Hieo e noi ia o Amerika Huipuia e kokua mai ia lakou no ka hoihoi ana ia lākou i ka aina hanau, a ua kohoia ae he komiife. no ka hooponopono ana i Palapala Not *a waiho aku i ke aupuni Amerika ma ke poo kulanakauhale o Wasinetona. He aneane e piha eha tausani Porto Rico ma ka aina nei, a ke iini nui nei ka hapanui o keia huina e huli hoi aku no ko lakou aina hanau. !KA HALE HOOLULU KAA-AHI O j HILO. O ka hale hoolulu kaa-ahi o Hilo e kukuluia nei ma ke kihi o Fi*ont ame Waianuenue alanui he nani hiwahiwa ia i papahi hou ia ae la maluna o*ke kulanakauhale 0 Hilo. He elua papahele ke kiekie 0 keia hale me kekahi puo-a o hookahi haneri kapuai ke kiekie a e hanaia ana keia hale me he hale pohaku la. O ka papahele mua 0 keia hale e maheleheleia ana iloko 0 na Keena Ukana ame Keena Kikiki ame kekahi lumi nui no na ohua e kakali ai i na. kaa. O ka hohonu o kona kahua he 160 kapuai, a nolaila ma keia e ikeia ua hiki loa ke hoakoakoaia ke kaa-ahi a piha malalo o kona malumalu. E huli ana ke alo o keia haie ma ke alanui Waianuenue a poaipuni ma ka hale leta a nolaila e huli ana ke Keena Ukana ame ke Keena Kikiki ma ke ' Alanui Front. | Ma ka papahele elua, e hooliloia ana ia i keena nui no ka Luna Nui Lam- ' bert ame kekahi mau luna e ae. Me he la e hookulipolipoia ana ke kulana hiehie o keia hale hou mamuli 0 ka haleleta ano ole e ku la malaila aka oiai aole he wahi kupono e ae no ke kukulu ana i keia hale, ua hooholomuaia aku ka hana imua. Ke hoolalaia nei ke kii e Mr. Richley Herald. v KA LOKOMAIKAI A DILLINGHAM. Ua haawi makana aku 0 Mr. Dillingham ika Waihona Buke 0 Hilo h e $300, a mamuli o keia mau hana lokomaikai a keia kanaka puuwai hamama, ua panai' mai na hoaloha o ka Waihona Buke 1 na mahalo ame na hoomaikai. HALA O HON. F. C. LEBLOND. Ua haalele mai i keia ola ana ma kona home ma eelenia, Ohio, Nov. 9, ka Hon F. C. Le Blond, makuakane o C. M. Le Blond o Hil(s. He nui kona manawa i komo ai iloko 0 ka Ahaolelo Lahui a Ua Kamaaina hoi ma ke koinohana waena a puni:— rferald.