Ka Nupepa Kuokoa, Volume XL, Number 49, 5 December 1902 — HOOKAHAKAHA MOKUKAUA. [ARTICLE]

HOOKAHAKAHA MOKUKAUA.

Ina holopono ana na hoolala ana a ka oihanakaua moana Amerika, e ike ana o Hawaii nei i kekahi hana i hana mua ole ia ma ke ano hookahakaha mokukaua ma ka ili-kai o'na mokupuni 0 Hawaii nei. He lohe pepeiao wale no a ke hookoia kela papa hoonohono, alaila e kapalulu mai ana ua aumokukaua nei i o kakou nei no ka hooko ana i ka hana. Ma na mea i loaa mai i hoomaikeikeia aku ai, e malama ia ana ka hookahakaha mokukaua ma na kai o Hawaii nei ma ka malama ae nei o Feberuari, makahiki 1903, iwaena o na auV mokukaua Amerika e noho hoomalu nei 1 na ale o ka moana Pakipika. Ma ka napa ana, ina e holopono kela mau hana, oia hoi, no ke kukulu ana paha i uwapo no ka hookipa ana mai i keia aumoku, a hanaia paha ma kekahi ano he helehelena kela e hoike mai ana i ka pii iiikiwawe loa o Hawaii ma na anuu maluna ae ame ka holomua o ke au hou a oiai ua holomua no o Hawaii nei i keia manawa a hakalia a hoohuiia īnai keia nu hou maikal alaila aole he' aina liilii o ke kai e hiki ke uhai mai e loaa ke kulana o Hawaii, oi loa aku ke hoolilo loa ia mai keia mau kai o kakou i Avahi e hookahakaha mau ai na aumokukaua. Me ka hoopaapaa-ole he kikowaena 0 Hawaii nei apuni ke ao holookoa iwaena o na aupuni naauao apau iwaena o 1 na hana holomua ame na hana hoonaauao alaila aole e nele ke komo i'o mai o ia mau mea, ina no e hooko ole ia ana kela papa hoonohonoho o ka Tiookahakaha aumokukaua i ka manawa i oleloia alaila e hiki mai ana no ka manawa aole, no i ka loihi loa e hoohana ia mai ai ia. ano hana, no ka mea aole keia he aina ano ole e poho ai ka 1 manaolana o ka hana ia mai. I Ua maopopo ia kakou na hookaha- ! kaha paikau ana o na koa ma ka aina ma ko lakou mau kahua paikau, a aole e hiki i kekahi mea ke hoole mai i kaP hiwahiwa maoli o ia ano oihana, a ina ua komo ka hialaai o ka noonoo ia anō' hana aole no e nele ke komo pu aku o ka noonoo iloko o ia haawina hookahi ma keia hookahakaha mokukaua ma ka ili o ke kai. I ka manawa e eha ana ka ili o na kupuna o kakou i ka piaka o'ihe mal na komo kaua ana aole e nele ka paa-j pu o na kai o Hawaii aloha i na auwaa pukahi a pulua o na koa e alakai ia ana e na oiwi a.lii o kakou no ke komo kaua ana maluna o kahi mokuouni, a i ka Inanawa e haalele ai i ka aina a au mai I ke kal o na mokupuni nei me he la he nani ōkoa no ia o ka nanaina o na auwaa i ka holo mai e hulali ana na hoe ika maka o ka la. Aole no paha i loaa ia lakou ka manao hookahakaha ma na ili-kai o ko lakou mau kai aka o ka hana a lakou I hana aij oia hoi, ka holo aluka ana aole e nele ka loaa o ka manao ke hele la ka auwaa ma ka helehelena o ka hookahakaha. Ua loa no i ko kakou mau kupuna ka ike i ka nani o ka holo aluka ana o na aumoku alaila e puiwa loa ana lakou i ka ike i keia hookahakaha ina e ia lakou ke ola nei i keia mau la, aiaila ua oi loa aku ko kakou aomoikai i ko lakou, no ka mea, eia kakou iloko o ke au e ike i'o ai ia mau mea. Ma keia hana e ike ana kakou i na ano mokukaua like oie o ke ano pilikua ame na moku liilii.