Ka Nupepa Kuokoa, Volume XL, Number 48, 28 November 1902 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, NOVEMABA 28. 1902.

 

HOOLAHA KUMAU

_____

Ka Hui Alahao ame Aina o Oahu MANAWA HOLO Mahope aku o Ianuari 1, 1902

MAI HONOLULU AKU

 

HALE HOOLULU

                                    Na la apau       Na la apau       Na…               Na la apau       Na la apau

                                    koe ke Sabati                           Sabati

Honolulu                     7:10 am           9:15am                        11:05am          2:15pm            5:10pm

Manana                       8:03am                        9:48am                        11:40am          3:45pm            5:30pm

Ewa Mill                     8:32am                        10:08am          12:00pm          4:05pm            6:10pm

Waianae                           -               10:30am               -               4:45pm                 -

Waialua                            -               11:55am               -               5:40pm                 -

Kahuku                            -               12:32pm               -               6:15pm                 -

 

MAI WAHO MAI

 

HALE HOOLULU

                                    Na la apau       Na la…            Na la apau       Na la apau

                                    koe ke Sabati   Sabati 

Kahuku                            -               5:25                      -               2:08

Waialua                            -               6:10                      -               2:30

Waianae                           -               7:10                      -               3:55

Ewa Mill                     5:30                 7:45                 1:05                 4:32

Manana                       6:15                 8:03                 1:30                 4:52

Honolulu                     6:30                 8:35                 2:05                 5:26

 

G.P.Dennison, Luna Nui,  F.C. Smith, Luna Kuai Kikiki

_____

Kakela me Kuke [KAUPALENAIA]

_____

Poe Kalepa ma ke Komisina A HE POE LAWELAWE KOPAA

_____

POE AGENA NO NA MAHIKO LEHULEHU

_____

S. OZAKI

WAIHO I KA OIHANA KUAI PAPALE.

Kuai Hoemi Loa I NA PAPALE

35c NO KA PAPALE $1.00

HALEKUAI 178 - ALANUI HOTELE

_____

O KE…Koko Ino ka mea e loaa ai na Pilikia ma ke Kino.

_____

E Heluhelu i keia mau Manao.

O KA LAAU

AYER'S ARSAPARILLA KA laau nana e hookaawale na ma'i ino aia i kou koko aku.  He laau hoonoono ai, a he laau e hooikaika ana i kou mau lala apau.  O ka Laau Ayer's Sarsaparilla ka laau kaulana loa a puni @ holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu'ipu'i maikai kou mau papalina, a loaa ke kulana ola kino maikai.

            He loaa na pu'u paa o ke kino i ka hou Ayer's Sarsaparilla, e hoopakele @ mai ka ma'i puu paa (Brights' @ ame na ma'i oia ano.  Ke koi @ aku nei makou e lawe ia keia @ laau ma kahi i ike ia na ma'i Puu paa apau.

            Hoomakaukau ia e Kauka J.C. Ayers & Co., Lowell, Mass. U.S.A.

            E loaa nokeia mau Huaale ma na halekuai laau a pau.

_____

O KA LAAU KUNU A CHAMBERLAIN ua hana wale ia no no ke kunu, @ anu, ka nae, kunu kalea ame ka na@.  Ua lilo mai ia i mea kaulana no @ ana i keia mau ano ma'i ma @ wahi apau o keia poepoe honua ma@.  Ua loaa mai na olelo hooia e @ ana i kana hana maikai; o ke @ kunu inoino loa, ua hoolaia e ia; @ laia hoi ke anu e kona mana lua @ a o ka nae i hiki mai me kona ika@ nui ua hoopauia ae, a he hoopakele @ no hoi i ke ola o na kamalii.  O @ lawe nui ia ana no ka hoola ana @ ke kunu kalea he hoike ana ia i kona @ i ka aihue ana i ka ikaika oia ano @.  Ua lilo oia i milimili na na ma@no ka mea, aole he mau mea @ i ke ola iloko ona he ole loa @ ka pilikia ma ka haawi ana aku na keiki, ina no ia he bebe.  He hoola kana a he hoola hikiwawe no hoi.  Hui @, Smith, ka agena kuai laau.

_____

Maleia no ke Aloha HE MOOLELO NO KE KAIKAMAHINE ALII IETIWA

Ka Ui nohea i ahai ae i ka puuwai.

_____

KE ALOHA ILOKO O KA HALEALII.

_____

MOKUNA XI.

_____

            E ;ole ,e la mee ana o ka manawa pela ka pii ae o ka manao uluhua i loaa kau io Lore.  Aole i loaa loa ia Lore ke kulana piha o keia poe koe wale no na mea a Anagusi e hooaiai mau aku ai iaia pili i ka hoopakele ana ame kekahi mau mea ana i lohe ai no ka ohana alii.

            O kahi e ai ai oia oia no ka lumi o ke Kaukaualii mamuli o ka hiki ole ia Lore ke hele i ka lumiaina o ka halealii.  A hiki i ka manawa e loaa ai iaia ka maha alaila hookahi ka noho pu ana ma ka papaaina o ka ohana alii.  Ma ka aoao o ke kauka o ka ohana alii ua hooiaio aku oia e ola io ana o Lore no kekahi manawa aka o na palapu i loaa maluna o kona kino e haawi ana oia i laau e hoemi koke ai i ka eha o ia mau palapu.  I keia ame keia manawa e hele mau mai ana na Kaukaualii-kane ame ke Kaukaualii-wahine Halefonto, o Anagusi ame kekahi poe e ae e hoohauoli i ka mea i loaa i ka pilikia, aka aole i lilo ia mau mea i mea hoohauoli oiai oia ua piha i na manao uluku o ka ehaeha.  Ua ike maopopo loa ka poe e komo aku ai i ka uiha o ke kanaka ma'i mamuli o ka eha i loaa iaia, o ka alawa wale ae no kana hana ma ka pukaaniani no ka hoohala manawa, e koo ai i na lima i o a ianei, e punia ana hoi kona poo i ka eha a o kona puuwai e ui ana i ke aloha i kuni paa ia iloko olaila no ka mea nana i ume i kona noonoo e haalele i kona aina hanau a e au mai i ke kai loa a noho ana i ka aina malihini.

            Iloko o ka manawa o ka ehaeha a iloko o ka aina malihini e like iho la me keia ame kona waiho i kahi o ka nohona hanohano iloko o ka poaialii ame na mea like ole e komo mai ana iloko o ka noonoo o ke kanaka opio ua huikau ae la na mea apau aka hookahi  mea i maopopo loa aole e nalowale kona hoomanao no ka wahine ana i aloha ai.  O na welu maikai loa i hoopaaia ma kona poo e uhi ana i na palapu he mau welu maikai keokeo i hanaia me ka maiau loa.

            I kekahi la ua ike aku la oia i ka wehe malie ia ana mai o ka puka o kona lumi e moe ana a manao wale aku la no oia na Aanagusi, aka i ka manawa i komo loa mai ai o ka mea nana i wehe ae i ka puka ua hooleleia ae la kona hauli ma ka ike ana i kekahi o na haiawahine o ke aliiwahine:

            "Eia ke Aliiwahine" wahi a ua haiawahine nei, "I hele. -"

            "E ae mai ana anei oe e komo aku wau iloko?" wahi a kekahi leo i pa-e mai ai mahope he leo hoi i olu loa iho ai koianei puuwai.  Me ke kali ole aku ame ka nana ole ae i ka eha ke oni ae ua huli koke ae la oia a ike aku la i ka mea nona ka leo.  He wahine e kali ana o ka ae ia mai e komo aku.  Ke Aliiwahine Ietiwa.

            "Aole au e hiki ke hoole i ke noi a ke Alii," wahi a Lore i pane aku ai me na hiohiona hauoli ma kona helehelena.  Ia manawa hookahi ua haawi aku la oia i kona lima no ka lululima ana me ke ano maka'u nae o lalau ole ia mai kona lima.        

            Ua hele mai la ke Aliiwahine Ietiwa ia Lore me ke kanalua ole a haawi mai la i kona lima no ka lululima ana.  Alaila ua huki loa aku la o Lore i ua lima la a hoopili ae i kona ihu no ka honi ana.  Ke ku la ka Wahinealii imua o Gerenefolo me ka helehelena ano kaumaha no na palapu i kau aku maluna o kona kino.

            "Pehea oe i keia manawa?" i pane aku ai ke Aliiwahine Ietiwa me ka leo oluolu.  "Ua kaumaha loa wau no kou pilikia a ua lilo i mea na'u e noonoo nui ai."

            "Ua manao wau la ua poina oe ia'u."  Wahi a Lore i pane aku ai.

            "Poina ia oe wahi ana i pane ae ai.  E ae mai ia'u e hai aku wau ia oe i ka'u mau hana i hana ai ma kahi o ka poina.  Ua hoouna aku wau i kekahi e kii a lawe mai i na puolo la iloko o ka hale nei no ka mea ua ike wau he wahi kunono loa keia e noho ai olua, a @ nei au ia oe e noho olua ianei a hiki i ko olua manawa e haalele iho ai ia Edelewesi nei.  Oia iho la ka'u hana i hana ai ma kahi o ka poina."

            "E kala mai oe ia'u."  Wahi a Lore i pane aku ai.  Ua lilo keia manawa mehameha a'u e moe nei maluna o keia moe ma ka noonoo ana i na manao like ole e komo mai ana iloko o ko'u noonoo a lila ae la i mea hoohuikau.  Aka e ke Alii aole oe e manao e noho ana maua i ka manawa e loaa ai ia'u ka maha mai keia nawaliwali o'u.  He hana -"

            "Aole au e ae aku ana ia oe e kamailio mai ia'u i kekahi o kela ano manao."  Wahi a ka Moiwahine Ietiwa i kahamaha aku ai.  "E hoomanao oe, o oe ka malihini hanohano o Grostaka nei.  Aole anei oe i hoopakele i ke poo aupuni o keia aina?  Manao anei oe he mea liilii kekahi mea i haawi i kona ola iho ho kekahi mea oi loa aku i ka wahinealii kumakaiaia e like me a'u?  Aole, e kuu Amerika wiwoole.  Nou keia Kakela nui, ua hiki ia oe ke hauoli iloko o kona mau paia oiai ina aole i hoea mai oe iloko o na ipuka o keia Kakela alaila he mea maopopo loa ua noho keia Kakela iloko o ke kanikau weliweli loa.  Mawaho ae o keia ua hai mai o Anagusi ia'u ua makemake oia e noho i Edelewesi nei a e noho ana i hookahi makahiki ianei."

            "Ua pololei oe, no ka mea, ua like aku la no ia manao au e hai mai ia me kona ano."  I pane aku ai o Lre me ka akaaka pu ana aku.  "Ke kanalua nei au no ka mea eia oe ke hoohanohano nei i kekahi mau wahi kanaka ano ole iloko o ka home e like keia ke ano.  O ka hana i hanaia e maua i kela po ua hanaia ia ma ke ano ulia wale no o ka laki.  Ma ke ano laki wale no ka mea i loaa ai kela puka pono ana.  Ina aole i loaa ia maua kela lanakila ma ka ulia wale aole e loaa keia hui ana.  O ka mea maopopo loa e hailukuia ana maua i ka pohaku.  Ua hiki ia oe ke hoomaopopo iho i ke kupilikii o ke kulana o ka pakele ana ou mailoko mai o kela poino.  Ke noonoo ae au i na hana i hoolalaia no ka lawe aihue ia aku ou mai kou home aku ua lilo i mea menemene loa iloko o ko'u noono.  O, ina wau i ike mua he kulana alii kou alaila aole paha e loaa ia'u ka ikaika o ka noonoo e hele mai a hiki i keia wahi."

            "He Aliiwahine ano ole."  Wahi a ka Moiwahine Ietiwa i pane mai ai.

            "Alaila he Aliiwahine io no oe," wahi a Lore i pane ae ai ma ke ano aole oia i hoomaopopo loa i ka mea i hai mua ia mai iaia."  Akahi no a loaa ia'u ka oiaio.  Ua manao mua no wau pela a oia no ka'u i hoohuoi ai aole oe he wahine o ke kulana ano haahaa."

            "O, he wahine kulana haahaa wau.  Ua like no wau me na wahine e ae," wahi a Ietiwa.  "Aole oe i ike i ka maalahi o ka lilo ana i wahinealii a i wahine kulana o ke ano maa mau e like no me na wahine e ae i ka manawa hookahi.  He poo no ko'u a he puuwai no hoi ko'u.  He hanu no wau i ka ea, a he ai no wau i ka ai, a he hiamoe no wau a he aloha no.  Aole anei i like kela mau haawina me ko na wahine e ae?"

            "He mea oiaio no ia, he hanu no oe, a he inu wai no, a he hiamoe no, a he aloha no aka iloko no nae o ke ao okoa loa mai ka poe ae no lakou na kulana haahaa."

            "E nana i kuu makamaka wahine e noho nei me a'u.  he aino oia e like me a'u, nei, he hiamoe no a he aloha no, a he hauoli no e like me a'u e hauoli nei.  Nolaila ua haiia ka haina o kela manao ou."

            "He oiaio no paha ia o kou hana i ka ea hookahi o kou wahine e hanu nei, aka, he aloha anei oe i ke kanaka e like me ke kanaka a kou wahine e aloha ai?"

            O ke kanaka wale no anei ka mea e hiki ai ke hoohana ia ke aloha e loaa ai ka like ole? wahi ana i ninau aku ai.  "Ina pela alaila ke olelo nei au i mea e like ai, ua like ma ka inu ana, a hiamoe, ai a hanu i na ea huihui; o lakou wale no na mea i like aole kekahi mau mea e ae."

            "E kala mai oe ia'u.  E hiki mai ana ka manawa e hiki ole ai ia oe ke ai, ke inu, ke hiamoe, ke noho mai ka noonoo nui iloko ou no ke kanaka au e aloha ai.  Aole e hiki i ke aliiwahine ke alo ae mai keia haawina ae."

            "He kue anei ka pili ana o ke kanaka kulana ano haahaa i ka wahinealii?" iaia i ninau mai ai ia Lore e hilinai ana i ke kikina o ka pukaaniani.

            "He hiki no ke hiki," wahi a Lore.

            "Hookahi no mea e hiki ai, a aia no ia ma ka aoao o ka wahinealii, ina no e makemake oia e hana pela alaila aole he mea nana e ke'ake'a iaia."

            "Pela no, aole nae a pau loa.  I ka manawa o Gagenesaloka kou inoa, alaila, aohe he kaukai ana i keikialii ke kanaka, aka i ka maopopo ana he aliiwahine oia, ua pau ae la ka manaolana o ke kanaka nona ke kulana haahaa."

            "Aka o Miss Gagenesaloka no wau, nolaila aohe he kamailio ana no ka hiki ole o ka pili ana," wahi ana i pane aku ai me ke ano kuio."  Ma ko'u ano iho he wahine no wau e like no me na wahine e ae.  Aole au i hele i ko oukou aina no ka hoikeike ana ia'u iho i ko'u hanohano aka i hele au ilaila e hoonaauao ia'u iho ma ke kaahele ana."

            "A ke hoomanao nei au i ko'u ike ana i kekahi apana dala a oia kekahi mea nana i hoonaauao mai ia'u," wahi a Lore.

            "Ae, oia no kekahi o na dala i hooliloia, a ke hai aku nei au ia oe ua hooliloia ke dala iloko o ka hana maikai e like me ia o ke kaahele ana.  No kela apana dala au i kamailio mai la ke hauoli nei au no ka mea oia ka mea nana i alakai mai ia oe a hiki ianei.  Aole anei pela?"

            "Pela io no.  Ua pololei kela manao ou i hai mai la oia ka mea nana i alako mai i ke kanaka e hooko e like me kau i olelo mai la aka ke kanalua nei au i ka hiki i ua apana dala la ke hooko piha i ka manao o ua kanaka la.  Aole hiki ia oe ke hoomaopopo i ke kulana o na Amerika."

            "E loaa anei ka manao ikaika e hele mamuli o ke kono i haawiia aku ia oe ina i ike oe o ka mea nana i kono aku ia oe he alii oia?" i ninau aku ai ka wahine.

            "Aole e hiki ia'u ke pane i kela ninau au aka hookahi mea i maopopo loa ia'u aole au i ike iki a manaolana ae heaha la oe a owai la."

            "Manao anei oe e hiki mai no oe i Grostaka nei ina i loaa ia oe ka ike he aliiwahine au?"

            "Ke hoike aku nei au ia oe ua hele mai nei au ianei no ko'u manaoio o Miss Gagenesaloka oe."

            "Oia hoi he wahine o ke kulana maa mau"

            "Aole au e hooia aku ana i kena manao ou.  Heaha kou manao no ke kanaka i au mai i keia kai loa, haalele aku i kona aina, e like i ka lahui i ma@ iaia no ke aki e ike i ua wahine kulana haahaa la?"

            'Ke manao nei au he nui na anoi iloko ona." wahi a ka wahine.

            "Oia hoi he kanaka noonoo ole oia.  He hiki wale no ke kolohe ia.  Aia wale no he hookahi wahine a ke kanaka e upu nui ai nona, a e hai aku wau ia oe aole kela he wahine ano hoomeamea iloko o ka noonoo o kela kanaka.  He mea nui kela wahine ilokoo ka puuwai o kela kanaka.

            "Oi loa ke ike oia i ua whaine la he aliiwahine." wahi hou a ka wahine.

            "O, aole oe e pono e olelo mai ia'u, ua hele mai nei oe e ike ia'u."

            Ae, ua hele mai nei au e ike ia Miss Gagenesaloka.  Pehea la e loaa ai kela ike ia'u he aliiwahine oia," wahi a Lore i pane aku me ke ano hooiaio ana.

            "A ua pau loa hoi kou kuhihewa i keia manawa nona."

            "Ke kuhi nei wau ua olelo mai nei oe ia'u ano koke iho nei he wahine kulana oe o ke ano mau nei no."

            "Ae, he wahine kulana haahaa wau.  Oia ke kumu o ka pilikia," i kela manawa ana i hoopuka ae ai i kela mau olelo ua pili aku la ka wahine ma ka aoao o ka moe o Lore ma kona poo nae a pane hou aku la:  "Oia ka pilikia.  He wahine kulana haahaa oia oiai nae he aliiwahine ana no.  "Aole anei e hiki ia oe ke ike iho i ke kupono ole ia oe ke olelo mai i kela mau olelo ia'u?"

            "No ka mea he aliiwahine oe ke kumu o ke kupono ole."

            "Aole oia ke kumu; no ka mea he wahine kulana haahaa wau."

            E hoolohe no wau ia oe ke kamailio mai oe ia'u ma ke ano he wahine haahaa au, a ma ke ano he aliiwahine aole au e hoolohe aku i kau olelo.  Aole anei i maopopo aku la ia manao o'u ia oe la?"  Ma kela mau olelo ana i hoopuka ae ai ua pii ae la ka ula o kona papalina.

            "Oia hoi e olelo mai -" i pane ae ai o Lore me ka hawanawana ana aku me ka nee ana aku a kokoke i ka wahinealii opio e noho ana me ka helehelena i pua ia e ka ula nohea o ka ui nui wale.

            "Heaha la ka'u mea i hana aku nei nou?" wahi a ka wahine i pane aku ai me ka puiwa nui i keia nee ana aku o ke kanaka opio.

            "Ua hoopuka mai oe i na olelo ku pono i kuu puuwai e kono mai ana ia'u e lohe hou, mai ia oe mai," wahi ana i pane aku ai me ka hopu pu ana aku i ka lima o ka wahine, a ia manawa hookahi no hoi i kaili aku ai ka wahine i kona lima mai iaia aku me kona ku pu ana ae iluna.

            "Ua olelo wale ae nei no wau i ko'u makemake i ka hoolohe aku i kau olelo ua hele mau oe e ike ia'u.  He mea nui anei ia o ka olelo a kekahi wahine i ku i ka waiwai ole?  Ke kaumaha nei au i ko'u ike aku i kou kuhihwa i ke ano o ko'u mana o i hai aku nei ia oe."

            "Alaila ua nana koke oe i kou ano wahine a poina i kou ano wahinealii a he pooaupuni no kekahi aina, a aia a hai aku wau ia oe i kou ano alii alaila e hoomanao ae oe," wahi a Lore i pane aku ai.           

            "Aole oia ka'u mea i ha'i aku nei ia oe, a aole no oia ko'u manao a aohe no he wahi mea iki o ia ano iloko o'u.  Aole au e hoolohe ana i kau mea e kamailio mai ana." wahi a ka u'i kaili puuwai.

            "E hai aku wau ia oe me ka nana ole ae i kou hoolohe ole mai ia'u, ua hele mai nei au no ka mea ua lilo oe i mea nui na kuu puuwai a e moeuhane mau ia ai e a'u i kela ame keia manawa mai ka manawa au i haalele mai ai i ka uwapo o Nu Ioka a hiki i keia manawa.  Aole loa au i poina i kela la."

            "O, e oluolu oe e hoopau i ka noonoo ana i na mea i hala," wahi a ke aliiwahine me ka huli ana o kona alo i ka pukaaniani.

            Me ka nana ole ae o Lore i ka pane a ka wahine ua hoomau aku la no oia i kana olelo ma ka pane ana aku:  "I ka wa au i haawi mai ai i kela honi lima mai ka moku mai he aliiwahine anei oe ia manawa?  "Ma ka aoao o ka wahine aole i pane iki mai oia, oia no hoi ka manawa a Lore e noonoo ana i kana mea e pane hou aku ai, alaila pane hou aku la oia:  "Ina aole ou makemake e hoolohe mai i ka'u mau mea e pane aku nei ia oe alaila heaha ke kumu o kou ku mai malaila?"

            "O -," wahi a ka wahine i pane wale ae ai no.

            "Aila oe e haalele koke mai.  Makemake au e hai aku ia oe i ke kumu o ko'u hele ana mai nei, a pau hoi ka'u alaila ua hiki oe ke hoi i ko nohoalii, a i ko ohanaalii ame kou pono hanohano apau, a e hoi aku no hoi au i kuu aina kahi o'u i umeia mai ai e oe.  Ua hiki mai nei au ianei no ka mea ua aloha wau ia oe.  Aole anei i lawa kela hawina e alako i ke kanaka e hele mai kekahi aoao o ka honua a i kekahi aoao?  I hele mai nei au e male ia oe ina he mea hiki oiai o Miss Gagenesaloka oe ia'u.  Aka i keia manawa ua ike wau he wahinealii oe he haawina e hiki ole ai ia'u ke launa aku.  Nolaila ua maopopo loa ia'u he wahinealii ka'u mea i aloha ai.  Mamua aku aole.  O Miss Gagenesaloka ka'u mea i aloha ai.  "Ma keia wahi ua hoopau koke ae la o Lore i kana kamailio ana o ke kumu mamuli o ka hele ana o ka wahinealii, a ma ko ia nei aoao, ua ulupuni ae la ka ula nohea o ka wahine u'i ma kona mau papalina, a hopu mai la i na lima o ke kanaka e noho ana iloko o ka ehaeha me ka pane ana aku:"  E oluolu oe e hoopau i kau kamailio pili ia mea.  "Ke kauoha aku nei au ia oe aole oe e hana hou mai i kela ano hana.  Mai manao oe o oe wale no ka mea i komo iloko o ia ano haawina, e hai aku wau ia oe o wau no kekahi i komo kulipolipo aku ia haawina hookahi e li'a mau ana ia oe i na po apau, me ko'u upu nui ana ame ke ake nui ana e hiki koke mai oe ianei.  Aka aole pono oe e hoike mai ia'u ua aloha oe ia'u - aole oe i aloha ia'u."

            "He hauoli nui ia no'u o ko'u lohe aku i kou aloha ia'u." wahi a Lore i hawanawana aku ai.

            "Manao anei oe e hiki ia'u ke hoike aku i ka mea oiaio?" wahi a ka wahine i panai aku ai.  "Aole au i aloha ia oe."

            Mamua o ka hiki ia Lore ke hoomaopopo loa i ka mea i pane ia mai ua ku koke ae la ua u'i nei a hele aku la a ku ma ka pukaaniani me ka pii ino ana ae o ka ula nohea ma kona mau papalina ke kumu hoi o ko Lore uluku nui ana iloko iho ona i ka ike aku i keia mau hiohiona nani.

            "Alaila ke manaoio nei au ua aloha i'o oe ia'u." wahi a Lore i pane aku ai i ka wahine e huli ana kona alo i ka pukaaniani.  "Ke ike nei au he wahinealii oe aole hoi he wahine o ke kulana nei no."

            "Aole au i manao e olelo mai ana oe i ka mea i loaa iloko ou, a i ole e hoike aku wau ia oe i ka mea i loaa iloko iho o'u.  Ua ike no wau a ua manaoio no wau ua aloha i'o no oe ia'u, oiai, aole oe e hiki mai ianei ina aole oe i aloha ia'u," wahi a Ietiwa i pane aku ai me ka leo oluolu.

            "Ua lokoino iki no hoi oe ia'u i ka hai ole mai ia'u i kela haawina i loaa ia oe no'u i komo pu ai hoi kaua iloko o ia hauoli like.  A ke ike nei au i keia manawa no ia mea.  Heaha la ka mea e hiki ai ia'u ke hana?  He alii oe.  O, ina he mea hiki e lilo oe i MissGagenesaloka, ka wahine a'u i aloha ai a i imi mai nei, e pono e hanaia mai pela."

            "E hana ia mai pela," wahi a ka wahine."  E hiki anei ia'u ke hilinai aku ia oe oia hoi aole oe e hoopuka hou mai ana ia mau mea?  Ua ike ae la no kaua ia ano ame na kulana a he mea kupono loa e hoopau loa i ke kamailio ana maluna o ia mau mea.  E pono e haalele aku i ka noonoo ana no ia mau mea.  He lokomaikai no hoi ia nou ia'u ke ike mai ia'u ma ko'u ano aliiwahine aole ma ke ano he wahine.  Ke noi aku nei au ia oe e hoopau loa i na kamailio ana maluna o keia kumuhana no kou pono ame ko'u pono no hoi.  He hiki no hoi ia oe ke ike iho i ke pono o ka manaolana mawaena o kaua.  Ua maopopo loa no ia'u e mau aku ana kou ano iloko o o ke ano wiwoole a he kanaka puuwai oiaio oe ka mea i hoopaaia a i hooiaioia ilokoo kuu puuwai e hoike mau mai nei ia'u.  E oluolu anei oe e hoopau i keia mau kamailio a kaua?"

            Ma keia hai ana mai a ka wahine i kona manao, e papa ana ia Lore aohe e kamailio hou no na mea a laua i kamailio ai no ka manao kuio, ua lilo aku la oia no ka hooiaio aku i kana olelo e hoopau loa ia i ke kamailio hou aku i na mea i kamailioia e laua:

            "E hilinai mai oe ia'u e ke Alii.  O kau mea huna apau no kou pono ua oi aku ia mau mea mamua o ko'u.  A e lilo no hoi ia i mea nui na'u e hoomanao ai.  E pokole ana no ko'u ola ana ma ka honua nei a maalo aku wau mai keia ao aku, aka o ka ike i loaa mai ia'u mai a oe mai pili i kau mea huna i hai mai nei ia'u he mea hoohauoli nui mai ia ia'u, a i lilo i waiwai nui na'u, aole loa wau e poina ana ia mea.  Aole loa wau e poina iki ana i kou aloha ia'u no ka mea ua ike no wau ua aloha io no oe ia'u; a no'u iho aole loa wau e poina ana i ko'u aloha nou.aa A e like me ka loihi o ko'u ola ana ma ka honua nei pela ka loihi o kuu aloha ia oe a e hoomau aku ana no wau ia ano.  No'u iho aole au e hoopaa aku ana iaia iho ia oe no ko'u kamailio ole aku ia oe i na mea a kaua i kamailio iho nei.  Aole e hiki ia'u ke kamailio ole aku ia mau mea ia oe.  Ia'u e moe nei maanei ua komo mai kekahi haawina o ka ikaika iloko o kuu uhane a'u e ike nei i kona ikaika me ka hiki pono ole ia'u ke hoakaka aku ia oe i kona nui io."

            "Aole, aole e hiki ia'u ke hoomanawanui hou aku.  He mea pono loa ia oe e hoopau i ke kamailio hou ana."  Wahi a ka wahine me ke kalele ikaika ana.

            E kala mai oe ia'u.  E ae mai oe ia'u e kamailio wau ia oe e malama mau aku wau i ka mea i loaa ia'u a'u hoi e pulama nui nei iloko o kuu puuwai a hiki i ka hopena.  E ae mai ia'u e hai aku ia oe aole i ike ko'u ohana i ka manao o keia huakai a'u i hele mai nei a aole lakou i maopopo i ka mea iloko o kuu puuwai.  Nolaila aole i maopopo ko'u lanakila ma keia hana a'u ame ka haule pahu paha ia lakou."

            "Ua hiki no ia oe ke hoomaopopo iho o ka puuwai o ke aliiwahine ua hoopuniia ia a paa i na paia paa ehiki ole ai ke komoia, a a'i ia ia paha i ka manawa no ana e manao ai e paniku."  Wahi a ke aliiwahine.

            "Eia nae o kekahi poe aliiwahine ua hana aku no lakou i ka hana i manaoia aole e hiki ke hanaia, oia hoi, ua hoolilo iho no lakou i ua mau paia-paa la iloko o ka manawa pokole loa oiai he hiki ole i ke kanaka kulana haahaa ke hana i ka manawa pokole."

            "E pono kaua e hoopau i keia ano kamailio a kaua.  Hookahi mea i maopopo loa he wahinealii au, he pooaupuni hoi no Grostaka a no'u nei e ike aku ana wau ia oe ma ke ano he hoaloha maikai loa no'u a pela no hoi oe ia'u.  E hui hoaloha mau aku no kaua ma keia hope aku."  I pane aku ai o Ietiwa me na hiohiona o ka hauoli.

            "O ka mea a'u e hoomaopopo nei e kaawale koke aku ana wau mai nei aku i ka manawa e loaa ai ia'u ka maha."  Wahi a Lore i pane ae ai oiai nae iloko ona e noho ana na manao kanalua ano poho no keia kulana ana e ike nei o ka hiki ole e ko kona iini.

            "Oia hoi aole oe e kaawale mai nei aku a hiki i kou hopena."

            "Aohe.  I ka manawa no e ola koke ae ai au"  E kala mai oe ia'u no keia hookuikui wale aku no ia oe."  Ma keia manawa ua hoomaka like ae la laua e akaaka pu oiai nae e kaumaha ana ko Lore manao, a no ka wahinealii, he haawina hiki ole hoi kana e hana ai o ka hoololi ae i kona kulana alii i wahine e like me Miss Gagenesaloka.

            "O, o ka hora ekolu keia a o kou manawa keia e ike ai oe ia'u e like me ka mea i hoike mua ia mai ai ia oe."

            "Akahi no wau a hoomanao ae la.  Ua kono io ia mai no wau aka ua poina wau i ka manawa e hooko ai ia hana.  O ka'u wale no i hoomaopopo ai ke ole nae au e kuhihewa o ka hora ekolu o ke kakahiaka."

            "A ua loaa mai no anei wau ia oe i kauhale," i hoomaeakea aku ai ka wahine.

            "Aohe oe i loaa ia'u no ka mea ua noho oe iloko o na paia paa e hiki ole ai ia'u ke komo a e a'e aku ai, a aia ia ke noho la iloko o ka hanohano piha." wahi a Lore.

(Aole i pau.)

NA ALOHA ELUA i ka IPO HOOKAHI MOKUNA XX.  HE WAHINE I ALOHA OLE IA.

_____

 

            "He mau lono oiaio ole wale no lakou a pau," wahi a Sir Kilinetona i olelo mai ai.  "O ka mea oiaio oia keia, ua halawai au me kekahi poino ulia, alaila waiho iho la iloko o ka nawaliwali no kekahi wa loihi loa, i ka wa i loaa iki ai ia'u ka oluolu ua hele aku la au i Farani e hoolana ma'i ai, a ike iho la nohoi au e hoi koke mai i ka aina nei.  Nolaila, ke ike mai la no oe, aohe mea pohihi e pili ana no ko'u nalowale ana iho nei."

            "A heaha ka kou mea o ke kakau ole ana mai kekahi o makou."

            "No ko'u manao nohoi aohe a'u wahi nuhou ano nui e hai mai ai," wahi a Sir Kilinetona i pane mai ai me ka akaaka.  "Ua manao iho la nohoi au ua like no na mea a pau o ka aina nei, e like nohoi me ko'u wa e noho ana?"

            "Pela no; aka, nae i nalowale kekahi o makou no kekahi wa loihi loa, e like me oe.  Ua hiki mai la nohoi oe i ka aina nei i ka wa kupono no na la hope i koe o keia kau.  I kekahi aha hulahula nani loa au i ka po nei."

            Ua haalulu iho la o loko o Sir Kilinetona i ka lohe ana i kela inoa; malia paha he hana kela e kono mai ana iaia e nana hou aku i kona helehelena, a i ole ia, e kamailio aku paha ia ia; he mea hiki ole loa ia ke hai ae i na hana hoopohihihi e ala mai ana.  Ua hookuoo iho la oia iaia iho, e like me kana i manao ai.

            Ua olelo mai la oia," ka Dukewahine o Rosekana.  Ua ike no au i ka duke a me ka dukewahine i ko'u wa i haalele iho ai ia Enelani nei."

            "I keia makahiki aku nei no ko laua mare ana," wahi a Sir Kale Hakuwela i olelo aku ai.

            "Aole laua i mare i ko'u wa i ike ai ia laua, oiai no nae, e ano wawa ia ana kekahi lono o ia ano.  Pehea ka duke?"

            O kana i iini ai e olelo aku, "Pehea ka dukewahine?"  aka, ua haule pio wale ia manao ona.  Ua koni ae la kona puuwai me ke kapalili i ka inoa ana i lohe aku ai.  Aole loa nohoi oia i lohe aku i ka pane a Sir Kale Hakuwela i pane aku ai.

            "Naaupo nohoi keia mau ano hana," wahi a Sir Kilinetona i olelo iho ai iaia iho.  "Owau o ka mea i manao e hana i ka hana pono wale no!  Ae-e lilo no au i haku no'u iho!  Aohe mana i loaa i kona inoa, i kona helehelena a me kona leo no ka hoonee ana ia'u!"

            "Pehea ka dukewahine?" wahi ana i ninau aku ai; a pahaohao iho la kona hoaloha i kona lohe ana mai i ke ano e o kona leo.

            "He oia mau no kona ano e like no me ka maa mau i ike ia, oia ka wahine ui hookahi o Ladana nei, a ua manao au, oia nohoi kekahi wahine oluolu loa."

            "O kona ano mau no ia," wahi a Sir Kilinetona i olelo mai ai.

            "Aole manao au, aohe ia o kona ano mamua," wahi a Sir Kilinetona etaoin mamua," wahi a Sir Kale Hakuwela i pane aku ai.  "Ua loli maoli kona ano mahope iho o kona mare ana."

            Alaila hoomau aku la oia i ke kamailio ana no kekahi poe hoaloha e ae i kamaaina ia Sir Kilinetona.

            "Ua loli kona ano mahope iho o kona mare ana!  Pehea hoi keia?  -ma ke ano hea?" wahi a Sir Kilinetona i hoao ike ai e noonoo.  "Ua oi ae auanei kona wahine ui, a i ole ia ua emi mai paha, ua oi ae auane kona oluolu, ua emi mai paha, ua oi ae auanei kona hoekano, a i ole ia ua akahai iki mai paha?  Ma ke ano hea la i loli ai kona ano?"

            Ua makaukau oia i na w a pau e haawi i kana hoolohe ana no ka loli ana o ke ano o kekahi mea ana i kamaaina mamua.

            Ua nui palena ole mai la na palapala kono i hoea mai i ona la, aka, ua hoole aku oia ia lakou a pau.  Aole oia e hookomo hou ana iaia iho iloko o na ala o ka hoowalewale ia mai.  Ua komo ikaika mai la o Lede Sana iaia e hele aku i ke anaina hoolaulea ana e haawi ana.

            "Ilaila oe e halawai pu ai me ka Duke ame ka Dukewahine o Rosekana," wahi a ua lede la i olelo aku ai, "a ua holomua nohoi ka duke ma kana mau hana a pau mai kona manawa i mare ai."

            "He koi ikaika nohoi kena e kono mai ana," wahi a Sir Kilinetona i pane mai ai, "aka, ke hoole aku nei nae au i kona leo kono."

            I ko Lede Sana w ai puka aku ai iwaho ua akaaka wale iho la no oia iaia iho me na manao walania iloko ona.

            "Ae, ua oi ae nei ka hoi kona holomua i keia wa?  Manao au, na Lede May oia i hooholomua - malia paha nana aku la no i a'o iaia i ke ano o ke kamailio ana!  Aole au i ike e loaa ana iaia ke kulana holomua!"

            Ua hoomaka mai la oia e haohao ina paha he hana naauao ia ana i hana ai i kona hoi hou ana mai.  Ua oi aku no kona noho ana i Farani ina oia e lohe mau ana i na kamailio like ole e pili ana no Lede May.

            He elua po mahope mai ua hele aku la oia me kekahi kamaliiwahine kiekie, no kekahi kokua manawalea i manao ia ai.  Ilaila oia i halawai pu aku ai me Sir Kale Hakuwela.

            "Ia nei nei e loaa ai ia kaua na hoohanohano ana a pau o Ladana nei i keia po," wahi ana i olelo aku ai, "a, mawaena o na poe e ae, o ka Duke a me ka Dukewahine o Rosekana."

            "Manao au, aohe au e noho ana," wahi a Sir Kilinetona i olelo koke mai ai.

            He kanaka kino ikaika oia, aka, e kela manao iloko ona o ka ike ona aku i ka hiona o ka mea ana i aloha ai, oia ka mea nana i hoohaalulu mai ia'u e like me kekahi ohe e hooluli la ana e @ makani.  Alaila hoahewa iho la oia @ iho no kana mau hana lapuwale a me kela manao nawaliwali iloko ona. 

            "Heaha auanei kona pili ia'u i keia manawa?" wahi a Sir Kilinetona i olelo mai ai - "he wahine oia na kekahi kana okoa, a pela nohoi au he kane au na kekahi wahine okoa.  Heaha no ananei hoi ka pilikia ina nohoi au e ike aku ana iaia, a i ole ia, aole paha?

            "Aia ka duke," wahi a Sir Kale Hakuwela i olelo aku ai, "a o ka dukewahine nohoi kekahi.  Aia oia ke kamailio mai la me Lede Sana, a no Lede Sana he kue loa ko'u manao iaia.

            "He wahine ui maole no ka dukewahine i keia po," wahi a Sir Kale i olelo aku ai; "i ko'u manao, oia ka wahine helu ekahi ma ke komo lole ana iloko o Ladana nei."

            "Ua ala mai la iloko o Sir Kilinetona na hoomanao ana nona iloko o na la i hala ae.  Ka hoomanao ana i na huaolelo awahia a kona mau lehelehe i hoopuka mai ai.  ua pupule anei oia o ka manao ana aku e halawai pu hou ma ia?

            "Aole anei ou manao ua loli maoli ke ano o ke dukewahine?" wahi a Sir Kale i olelo aku ai.

            Alaila, leha ae la kona mau maka iluna a nana aku la oia.  Auwe, aole kela o Lede May!

            "Aohe o'u ike aku i ka dukewahine," wahi a Sir Kilinetona i olelo mai ai me ka leo haalulu.

            Aohe ka ou ike aku i ka lede me ka lole silika hamelemele e ku mai ia? -e ua dukewahine la ia.  He mau omau daimana kona e hulali mai la.  Ala oia ke kamailio mai la me Lede Sana - ua ike no oe ia Lede Sana?"

            "Ae, ua ike no au iaia," wahi a Sir Kilinetona i pane mai ai.  "O ka Dukewahine anei kela o Rosekana kela lede?"

            "Ae, o ua dukewahine la ia: e kuhi ana au ua olelo mai oe ia'u ua ike oe iaia," wahi a Sir Kale i olelo aku ai.  "Oia kekahi o ka ohana Lanadela - e Lede Anne Lanadele kela - a ua loli maoli no kona ano mai kona wa i lilo ai i Dukewahine no Rosekana."

            "Aole kela o ka lede a'u i kau nui ai e ike," wahi a Sir Kilinetona i olelo mai ai me ka ulolohi.

            Ia wa i akaaka iho ai o Sir Kale Hakuwela.

            "Alaila, owai ka kau i manao ai ua mare ke duke?"

            "Ua lohe au he lede okoa kana i hoopalau ai, aka, malia paha ua kuhihewa ia au."

            E hoomaka mai ana oia e kamailio me ke ano ululohi; i kana hoomaopopo iho iaia me he mea la ua hu'ihu'i ke koko o loko o kona mau aakoko - e hoomaka mai ana kona mau lehelehe e laau a hiki ole ke oni.

            "Aole loa au i lohe he mea okoa ae ka ke duke i hoopalau ai.  He oiaio, ua olelo mai kekahi poe, ua aloha oia ia Miss Sanahope a me Lede May Perevelina; aka, aole loa oia i hoopalaau i kekahi o laua."

            Ia wa oia i puliki iho ai i ke kua o kona noho, a kalele iho la me ke kaumaha maluna ona.

            "Ke hoomanao nei au ua heluhelu au iloko o kekahi o na nupepa e mare ana oia ia - wahi a Sir Kilinetona i olelo mai ai.

            Alaila hooki koke iho la oia i kana kamailio ana; no ka mea aohe ona makemake e hoopuka mai i kela inoa.

            "E mare ana oia ia Lede May" wahi a Sir kale Hakuwela i olelo aku ai.  "Ae, ke hoomanao nei au ua heluhelu au i kela; aka, i kekahi la ae ua pakike ia ia hoolaha."

            "Alaila aohe oiaio o ia?" wahi a Sir Kilinetona i olelo mai ai.

            "Pehea hoi e hiki ai ke oiaio ia mea?  ua haalele mai kou noonoo maikai ia oe, e Adea.  Pehea e oiaio ai ia mea ina ua mare oia ia Lede Anne?  Ua ike no au ua makemake loa oia ia Lede May, aka, aohe ona makemake e kamailio mai iaia i kekahi mea."

            "No keaha hoi?" wahi a Sir Kilinetona i ninau mai ai me ka leo haalulu.

            "Aohe i maopopo ia'u ia mea," wahi a Sir Kale i pane aku ai.  O ka olelo a kekahi poe he mea okoa kana i makemake ai.  Heaha keia ou, e Adea?  Heaha kau mea e nana nei?  Manao au, ua haalele aku nei no oe i kou mau noonoo maikai a pau i Farani.

            "He noho'na ano hou keia o Ladana nei ia'u," wahi a Sir Kilinetona i olelo mai ai.

            Ia wa i ike ai ke Duke o Rose-…..