Ka Nupepa Kuokoa, Volume XL, Number 47, 21 Nowemapa 1902 — PAKELE KA ELELE LAHUI Paio o Kuhio me Kona mau Hoa me na Ale o ka Moana. HULI KO LAKOU MOKU PE'A LIILII HE EKOLU-HAPAHA MILE MAI KA MOKUKAUA OREGON AKU. [ARTICLE]

PAKELE KA ELELE LAHUI

Paio o Kuhio me Kona mau Hoa me na Ale o ka Moana.

HULI KO LAKOU MOKU PE'A LIILII HE EKOLU-HAPAHA MILE MAI KA MOKUKAUA OREGON AKU.

Ma ka Lapule i hala, Nov. 16 ua huli hoi mai la ka Elele Lahyi Kuh'io Kalanianaole mai Kauai mai maluna o ka mokuahi Malulani, a ku malaelae i ka aina nei. Ua huli pololei aku la laua o Archl6 Mahaulu no ko laua home mawaho o "Waikiki, a mahope o ka laua paina kakahiaka ana, hora ehiku paha ia, ua kau aku ia laua maluna o ke kaa, a o ka hale waapa hui Mekaia ka pahu hopu. I ko iaua hoea ana aku, e nonoho mai ana na luina o laua a o ka hoomaka iho la no ia e liuliu no ko lak°u holo ana aku i ka muliwai Momi, maluna o kona moku pea, "Ka Kaikimahinealii." i haalele iho ai \ ke awa nei o kou me na helehelena hauoli e hihipe'a ana maiuna pakahi o lakou, ke Keikialii Kuhio mahope, ua poina ae ia ka ino ame ka makani o ia la, i he nani ulumahiehie wale no ia e pahee la. O na iuina ame ke Keikialii, ke huli la ko lakou mau maka ma o a maanei i na ale nunui oiai ka mkkani e hana lokoino ana me ko lakou manao nui ole he nul loa ka ino, e huli hoi ana lakou no ke awa nei. I ka puka pono ana o ko lakou wahi moku pea liilii iwaho o ke awa, a aneane paha he ekolu hapaha mile mai ka mokukaua Oregon mai, ua ike aku la ke Keikialii i kekahi nalu nni e pii mai ana maluna o lakou.

Me ka wiwoole ua kauoha aku la ke Keiklalii i na luina e hoalu iho i na |pea, a e hoomakaukau ana hoi ke Keikialii e hoohuli i kahi moku o lakou i ka makani aia hoi me he anapa ana a ka uila, a mamua hoi o ka hiki ana ke pale ae ua paia mai la kahi moku pea liilii o lakou i ka makanl, a o Jta huli aku la no ia me na mea apau maluna ona. Oiai he ekolu hapaha mile wale no ke kawa mai ka mokukaua Oregon aku; ma kahi a lakou e lana nei aole lakou i hopohopo Iho no ka mea, ua manao lakou aia he kanaka kiai maluna o kela mokukaua i na wa apau a e ikeia ana no lakou/ Nolaila me keia manao e haulani nel maloko o ko lakou noonoo, ua hoomaka nul iho la lakou e kakali no na kokua, me ka puliki no nae o lakou i kahi moku pae liilii i hull. , Hala ka minute a hala ka hapalua hora aole wahi kokua i hoea aku, aka ma ke aloha o ke Akua ka Alakua Lani ua ikeia aku la lakou e kekahl poe kakaikahi maluna o ka lanai o ka hale hui waapa o ka Mekala, mahope iho no nae o ka hala ana he hookahi hora a oi. - • • ■—^ Ua kelepona awiwi ia ae la o Young Brothers e hoouna koke aku i waapa mahu no ka kokua ana i ka poe i pilikia, ā iloko no hoi o ka manawa pokole ua ho)o aku la kahi 'waapa mahu e haawi i na kokua. I ka hoea ana aku o kahi waapa ma ka pahu hopu, e lana mai ana ke Keikialii, Archie Mahaulu ame na luina elua, a maluna hoi o ko lakou heleheleha e hoike mai ana.ua paio aku lakou i na ale ahiu menemene ole o ka moana me ka wiwoole, a ua lanakila hoi maluna o na ale ame ka makanl mamuii o na kokua. Ua kau aku la lakou maluna o kahi waapa mahu, a i hakalia no a paa kahi moku pea liilii o lakou i ke kaula mai kahi moku mahu aku, o ko lakou huli hoi mai la no ia no ke awa nei. Nolaila ua papahiia maluna o ka Elele LalVui ame kona mau hoa na ano o ka wiwoole no ka lakou paio ana me na ale kai.