Ka Nupepa Kuokoa, Volume XL, Number 47, 21 Nowemapa 1902 — Hookalakupua hou o Pele i ka Lua. HOUHELE NA ALELO O KE AHI MA NA PAIA WAKAWAKA O HALEMAUMAU. [ARTICLE]

Hookalakupua hou o Pele i ka Lua.

HOUHELE NA ALELO O KE AHI MA NA PAIA WAKAWAKA O HALEMAUMAU.

Na na makaikai i huli hoi mai nei mai ka luapele mai ma:luna p ka moku Kalaukina ma ka Poaono i hala aku la, Nov. 15, i lawe mai i ka nuhou, aia ka luahine Pele ke hooAana mai la i ka hana hookalakupua, a ke hou-hele la na alelo o ke ahi ma na paia wakawaka o Halemaumau. Ua hoikeia mai e na maikal i ko lakou ohohia a hauoli piha i ka ike maka ana i na hana mana a Pele, a he mea e poina ole ai no na makahiki he nui. Ma ka pule i hala, ua loaa mai ia Mr. Richard Trent na hoike e pili ana i keia hana hookalakupua ma Halemaumau ma ka uwea. olelo mai, e hoakaka piha ana i kana hana i kela ame keia la, a penei ka hoike: Poaona ame ka Lapule: Aohe loli. Poakahi Nov. 10: Keia kakahiaka, •hora 2, hoomaka na lapalapa ahi e paani. Poalua, Nov. 11. Ikaika loa i keia la. Ua noha liilii ka puoa, a ke lele nei na 'alelo ahi 20 kapuai ke kiekie; pela i ka po ame ke ao. Poakolu ame ka Poaha: Ke pii mahuahua nei ka ikaika a ke hana nei i ka loko pohaku wena me ka hikiwawe. O ka papaku llalo loa o Halemaumau ua hoopiiia ae la he 100 kapuai, a ma ka mea i ikeia, e mau ana ka pii ana. Ua hoike mlai o W. H. Lambert ka poo nui o ka Hui Alanui Hao o Hilo, ua hoomaka mai ke ano e o Pele ma Halemaumau iloko o na la eha a aole paha he ahi i ikeia i like me keia. E piha kui ana ka Mauna Loa i ka poe makaikai no ka hele ana e ike i keia hana kamahao a ka luahine. Hawaii hookalakupua Pele.