Ka Nupepa Kuokoa, Volume XL, Number 47, 21 Nowemapa 1902 — Makemake na Kanaka Hawaii i Aina ma Waiakea. [ARTICLE]

Makemake na Kanaka Hawaii i Aina ma Waiakea.

HILO, kov. 4,—Ma "ka po Poalua nei, ua akoakoa ae ma ka halepule hou o Waiakea he 80 poe kanaka oiwi ponpi 0 ka aina no ka noonoo ana ame ke kukakuka pu ana i loaa ai ke alahele e loaa pono ai ko lakou iini no ka aina. Ke paa nei ka Hui Mahiko o Waiakea ma ka hoolimalima he 95,000 eka aina' mai ke kai a hiki aku i ke kiekiena o Mauna 'Loa. He mau ihakahiki i hala ae nei, ua hoao aku keia hui mahiko e hoolilo i kekahi hapa o ka hoolimalima, 87,000 eka i ke aupuni no kekahi mau aina maikai, aka, ua hoole aku ke aupuni il keia noi. | Ua wawaia iwaena o na kanaka Hawaii a ko lakou manaolo ua hiki loa no 1 ka Hui Halewili ke uku i aina ko ma ke ano kuleana kaulike, a e haawi pio ana i na aina makai ame kekahi mau apana e ikeia nei he aina ululaau. O na kanaka Hawaii i naho a kupa maluna o keia aina, ua iini nui loa lakou e lilo keia mau aina ia lakou ma ke ano he mau home hookuonoono, a mamuli o keia manao, ua malama iho la lakou i ka h£lawai i hai mua ia ae la maluna, no ke noi ana hoi i ka Aha- . olelo kuloko e noho mai ana ma ka mahina o Feberuari e hoaiai aku ia Amerika Huipuia no keia kumuhana. —(Mai ka nupepa Herald mai.)