Ka Nupepa Kuokoa, Volume XL, Number 47, 21 November 1902 — Loaa ka Makana i na Makai. [ARTICLE]

Loaa ka Makana i na Makai.

Oial, he mea inaa mau ina e lele ana kekahi poe kela mai luna mai o ko lakou moku, aole lakou e huli hoi koke ana, pela iho la ai na kela o ka mokukaua New York. Ua maopopo loa ia lakou, ina e huli hoi ana lakou no ka moku mahope iho o ka manawa i ae malaelaeia mai ai, e hoopaiia ana lakou, a no ia kumu, ua kauhihi ae la kahi manao e mau no ka noho ana iuka o ka aina, a launa pu hoi iloko o na hoohauoli ana, mamua o ka hoi ana aku i ka moku, me na hoopai e kakali ana maluna o ka poohiwi. Noiaila, ma ka Poalima i hala aku nei, la 14, he 25 poe kela i huli hoi ole aku, a ua waihoia mai ka uku maa mau o $10 pakahi no na mahuka ma ka lima o ka oihana makai. Iloko o ka manawa pokole, aia .hoi, ua paa aku ua poe kolohe nei, a hoihoiia ma ka mokukaua, me ka uku ia mai $£50 ma ke gula. O kapena Kanae ka mea i ponopono loa o na makai, no ka mea, mamua o ka napoo ana o ka la ma kona wahi, ne poe kela i pau i ka hopūia e ia. E hoomanao pu ia, o keia kekahi o na kanaka ikaika loa maloko o keia oihana i Makai, a nana no i hopu o Sharkey j iloko o elua manawa ma ke kuiana- | kauhale nei, ka haole hoi i kaulana mai | nei i ka pelepele. I Mamuli o ko Kanae hopu ana iaia, ua 'hoomaikai mai oia iaia (Kanae) me ka I i ana aku iaia i kona lawa ma ka puili. • Aohe no paha e pakele i ka poi uouo o j ka Aina.