Ka Nupepa Kuokoa, Volume XL, Number 47, 21 November 1902 — Aole Kekeue no na Noho a k e Senatoa. [ARTICLE]

Aole Kekeue no na Noho a k e Senatoa.

Aole loa e hoao ana na senatoa o ka aoao Home Rula ia lakou ka hapanul o ka Ahaolelo i hala, e lawe i ko lakou mau'noho ma ka Aha Senate kuikawa nia ka la e noho mai ai ia, pela ka hihiona i keia mau la. Aole he mau hana pualu I hanaia e lakou, a ke manaoio wale ia nei no, o keia kumuhana, ua pau ia i ka hooponoponoia no e lakou. Ua loaa aku kekahi mau olelo ao ana i na senatoa Home Rula mai na loio mai, aia no he mau kowa maikai no ka hakaka ana a loaa hoi ko Iakou mau noho, aka ua waiho mai la no na Home Rula i keia mau olelo ao, a kaiele ae la no maluna o ko lakou manao. Ua ikeia , iho la 1 nehinei, la 13 o Novemaba, o ka .Rila a Caypless i holo mai nei ma ka Ahaolelo lahui i auwi aku ia oia iho la no ka panina hope loa maluna o keia kumuhana. Ua laweia ma keia bila e Mr. Caypless no ka aoao Home Rula, a hooholoia, e like me kana i kukala ai ma kana haiolelo, mamuli o kona hooikaika. Maloko o keia blla, e olelo ana, O na Senatoa.i koho ponoia ma ke kau Koho Balota mua o ka Teritori nei, e paa lakou i 'ko lakou mau noho no ke kau o eha makahiki (4) mai ka la ō la koho balota ana, koe na mea o keia hope aku. O keia Blla i hoohoioia e ka Ahaolelo Lahui, mahope o keia kanawai Okana, ua manaoia, e kapaeia , na ano hakumakuma, a e hooponopono loa ia na paonioni, e pili ana no na lala like ole i kohoia,, a me ko lakou mau noho. NUI KA POE NOI OIHANA. He nui na Rebupalika i waiho i ko lakou poe inoa no na oihana, a e loaa ana he manawa hoohauoli i ka mana hooko o ia aoao kalaiaina i ka hoolauna ana ia lakou imua o na Hale elua no ka kohoia mai. Ua waihoia aku keia poe inoa malalo iho imua o na komite: PUUKU O KA' TERITORI: A. J. Campbeli, H. M. Dow, Theo. F. Lan-| sing Geo. B. McClellan, J. H. Fisher . KAKAUOLELO KIEKIE: Keena o na Hana Hou Chas. L. Beal, E. G. Keen, Chas. F. Murray, G. E. Smithies, Clarenee M. White. LT'NA HOOIA O KA TERITORI: J. M. Riggs. KAKAUOLELO O KE SENATE: Wm. H. Coney, Wi,lliam Savidge, C. R. Bueklan(l. « MAKAI O KA §ENATE: Wm. H. Thornton. ELELE O ICA SENATE: D. Piikoi Okuu, Ed. C. Aldrich. KAHUNAPULĒ O KA SENATE: 1 . J. M. Ezera. I PULUMI HALE O KA SENATE: ! Soiomon Paawela, Geo. P. Paunini. PULUMI HALE O ICA HALE O NA LUNAMAKAAINANA: Moses Keliiaa ELELE O KA HALE O NA LUNA- ' MAKAAINANA: David Kama. MAHELE OLELO: Wiliiam J. Coelho. ' KAKAUOLELO O KA HALE O NA LUNAMAKAAINANA: A. H. Moore MAKAI O KA HALE O NA LUNAMAKAAINANA: James E. Shaw. Aole i pau pono na inoa o ka poe i makemake i ka oihana ma keia papa inoa, aka ke kakaH nei kekahi poe i ka kakau inoa ia aku o ko lakou mau palapala noi. Ua oleloia, aole e lawe mai ana Ke komite I keia kumuhana a noonoo, aka e waihoia aku ana imua o ke Kiaaina, a e kohoia mai hoi e ke Senate ame ka Hale, a e hooholoia ai hoi ma ka halawai e malamaia ana ma .ka Poakahi o keia pule ae. E hoea mai ana na Senatoa o ka mokupuni i ka la apopo, a e hoomaka ana na kukakuka ana me na alakai kuloko.