Ka Nupepa Kuokoa, Volume XL, Number 47, 21 November 1902 — HOOKAHI WAI O KA LIKE. [ARTICLE]

HOOKAHI WAI O KA LIKE.

O nehinei iho la ka manawa i noho ai ke Kau Ahaolelo Senate Kuikawa Kuloko o kakou ma o ka noho ana ae la o na hoa i loaa na kuleana ahaolelo. O keia no hoi ka hoau mua ana o ke au aoao Repubalika, oiai, ua kaa ae la ma ko lakou aoao ka hapanui o ka Senate, aka iloko o ia ano, no ka hoopiha pono loa aku i na lala o keia aha ua hoopuipuiia aku ma o na senatoa Home Rula la ame Demokarata. Ua lohe mua ia ae na pa-ee leo e pi» ana i na kuleana hoa aha senate a iloko 0 keia Iike oie no kekahi manawa uuku a mahope o ka noonoo ana me he la ua holopapa ae kekahi mana e ho-iliwal ana ma ke koli ana ae i na like ole ame na apuupuu a i ka nana ana ma na mea i ulu mai e like me ka hoike i loaa mai a ke Kuokoa e hoike nei ma keia helu ma kekahi o kona mau kolamu aohe he paio i koe no na moho o ka Aha Senate mai na hoa mai o ka aoao kaiaiaina Home Rula mai laila ua ike iho la kakou i ke kulana hookahi wai o ka like, ma ka Aha Senate i noho iho la i nehinei, ma kekahi olelo ana ae he hua ia o na kuka malkai ana ame ka noonoo akahele ana. Ma ka manawa i ulu mai ai keia ano ua loaa mai no na a'o i na hoa Home Rula o ka Aha Senate o kakou he loaa no ia lakou he manawa e paio ai no ka loaa hou mai ia iakou na noho o ke Senate, he mau a'o hoi e hilinaiia ai, no ka mea. na na loio o kakou nei keia mau a'o e like me ka mea i puka mal, a he mea kupono e kau aku na maka maluna o na a'o o keia poe, oiai he iae-oo ma ia hana, aka o ka mea i ikeia, oia ka Iawe maoli ana ae no o ua poe hoa Home Rula nei i ka noonoo ana ma ko lakou aoao a hooholo iho i na mea i oluolu i ko lakou manao, ka Aha Senate a lana malie ae la, he hookahi wai o ka like. He hana noeau keia i hanaia ma ko lakou aoao o ka lawe ana i ka ninau a noonoo e like me ka lohe ia mai he mea hoi e nele ole ai ka loaa o ka haina kupono e like me ka loaa ana o kk haina o ka ninau i ka haumana e hooikaika ana e huli nona īho a ui aku i na kumu a i ole 1 kona hoa mahope mai ina e pohihihi. Ua hoomaopopoia ae o ka bila kanawai a Caypless i hooholoia mai nei e ke Kau Ahaolelo Nui i hala e pili ana| i ka manawa e mau ai ke kuleana o na hoa senatoa oia kekahi mea nana i hamau iho i keia like ole ame ka pa-ee. Ma kekahi wahi o ua kanawai la, kahi i pili i keia kumuhana no na moho i| koho pono ia i ke kau koho mua o keia Teritori e olelo ana: "e mau aku no kela ame keia ma kona kuleana no ka manawa o eha makaihiki mai ka ia mai o ke kau koho, koe nae na mea o keia mua aku." O ka holo ana o keia hila kanawai mahope mai o ka holo mua ana o ke Kanawai Panalaau, ua loaa ae ka manaoio, o keia iho la ka mea nana i kaomi iho i na pa-ee like ole iwaena o na hoa i koho pono ia no na manawa a lakou e noho ai ame ka panina o ko lakou manawa. M keia mea, hookahi mea i maopopo Ioa, ua hanaia ke kanawal, a ke kilohi iho ke kanaka malaila oia iho la no ka mea e pau ai ke kuhihewa kahi hoi e oul iho ai ka manao a o ka Iana malle no ia.