Ka Nupepa Kuokoa, Volume XL, Number 47, 21 November 1902 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

 6    NUPEPA KUOKOA,  NOVEMABA  21,  1902

 

 Ka Hihia o Mitchell.

 

HOIKE  KA  ILAMUKU  KIEKIE  I  KONA  MANAO  MALUNA  O  KEIA  HIHIA.

 

Keena o ka Ilamuku Kiekie,

 Honolulu, Nov. 15, 1902

(Mai ka Adavataisa mai, a i kaomiia.)

 

Mr. Lunahooponopono Adavataisa:  Maloko o na kolamu o kau pepa o keia la (Nov. 15) ua ike iho wau i kekahi leta aohe inoa e hoolapuwale ana ia'u ma ko'u kulana Ilamuku, a e hoinoino ana hoi ia'u ma ka kino ame ko'u hanohano.

 Ua loaa ia'u ka manao e panai i keia leta i ka uku kupono, aka, oiai o ka mea nana keia leta aole he Keonimana e ae, aka o ka Rev. W. D. Westervelt no ia, ua manao wau e pono e hoikeia i ke akea me ka hoike oiaio e pili ana i keia hihia ame ka kumu o ka hoopau wale ia ana.

 Ua lohe mai au ua kuai o Mitchell i ka waiona i ka la koho balota, a ina ua hana io oia i kela hana, aole oia i kue i ke; kanawai o ka Teritori i hiki  pono ai ke hoopai ia.  O kona laikini, oia wale no ke ano laikini o ka hui Primo Beer i pau ole kona manawa, a ma kekahi ulia aole keia Keena Makai i hoouna aku i ka lohe ia Mitchell e pani i ka puka o kona halekuai i ka la 4 o Novemaba.

 No keia kumu, ua hamama no kona halekuai ma ka la koho balota e iike me kekahi poe halekuai waiona e ae, a hoolilo i ka poe e kuai mai ana e like me ka maa mau.

 A oiai, o keia iho la ka oiaio maoli, aole loa he wahi kumu e hiki ai ke hoopii ia oia.  No keia kumu, ua hoao ae la kekahi keonimana paele, Walter E. Lee e hoopii ia Mitchell ma kekahi ano e ae a no keia kumu, ua imi aku la oia i kekahi loio opio i makaukau ole ma ke kanawai kalaima, a nana i hoomakaukau ka palapala, a Lee hoi i hoohiki ai no ka hoopii ana ia Mitchell no ke kuai waiona i na keiki opio.

 Iloko o na hihia kalaima apau, e like iho la me keia ano, he mea maa mai kahiko mai, a he hana pili paa no hoi no na loio i iini i keia no ka pono o ka lehulehu, e hoakaka mua mai ia'u a i ole, i ka hope Ilamuku o ka Teritori i ke ano o ka hihia, i hiki pono ai hoi i keia Keena ke hoohana i ka hana no ka waiho moakaka ana aku imua o ka hanohano o ka lunakanawai.

  Ma keia hihia, aole i launa pu mai ka mea hoopii ame kona loio me a'u ame ka hope Ilamuku hoi, aka, ua lawe ae la no ua loio la a hana iho la i ka palapala hoopii i piha me na hewa ame na hemahema.

 O keia malalo iho ma olelo pololei o ua palapala nei:

 O Walter E. Lee ka mea i hoohikiia oia ka'i olelo ae o Alabama Mitchell ka haku hale inu bia kamaainaia, ka Road Saloon, ma Kamoiliili, Oahu.  Ma ka la 4@ o Novemaba, ua kuai aku o Mitchell no ka dala i kekahi, Manuel Camache elua omole bia, me ka uku aku o Manuel Camache i oleloia he hapalua.  Maluna o keia palapala epaepa, ua ike iho la au, he mau hana hoomauhala wale no keia, a no ia kumu ua hoopau wale au i keia hihia.

  O keia leta a Rev.  Westervelt i hoao ai e hoinoino ia'u me ka hoohaahaa ana i ko'u hanohano, he mea oiaio ole ia, a aohe kahua no ia hana ana.

  Me ka mahalo

 A. M. BROWN,

Ilamuku Kiekie, Teritori o Hawaii.

 

 He Paio no ka Laikini.

 

KUE  NA  KAUKA  IAPANA  I  NA  HANA  A  KUPA.

 

 Aole e ae ana na Kauka Iapana i loaa pono ko lakou laikini mai ka papa kahiko noi laikini lapaau mai, e haawi pio malalo o na hana a Kupa me ka paio ole ma na Aha Hookolokolo.

 Ma ka Poaono i hala aku nei, Novemaba 15, ua hoopuka mai o Lunakanawai Gear he Palapala Papa, e keakea ana i ka mana o Kupa i ke kaha ana i na laikini o keia poe kauka, wahi a Kupa e olelo nei, aole lakou i koho pono ia, a no lakou keia poe inoa malalo iho:

 T. Nomiya, M. Dyama, T. Yoshimoto, T. Kikawa ame I. Yamada.

  Ma ka Poalua, la 25 e hoihoila aku ai kela Palapala Papa a iloko o keia manawa, ua hiki ole i ka puuku ke keakea aku i ka hana a keia poe kauka e lawelawe nei.

 Ma ka lakou palapala hoopii, e wehewehe ana keia poe he kauka pakahi lakou i laikini pono ia no ka lawelawe ana i ka oihana lapaau ame oki iloko o ka Teritori o Hawaii, a o ka laikini i haawiia ia lakou he laikini iloko o ka maemae i hoikeia ma ke kanawai, kakauinoa ia e W. H. Wright, ka puuku ame Henry C. Hapai, ka Luna Kakauinoa.

 E olelo ana no maloko o ua palapala hoopii la mamua o ka haawila ana ia lakou na laikini, ua akoakoa aku lakou imua o ka Papa Noi Laikini i hoohuiia hoi e J. P. Andrews, William E. Taylor, ame J. F. Wayson i koho ponoia hoi no ia papa no ka hooko ana i ka lakou hana, a na ia papa i hoapono i keia poe kauka no ko lakou makaukau ma ka oihana.

 E olelo hou ana noma ka palapala hoopii ua uku lakou he $10 i ka waihona no ko lakou laikini, a ua hoomaikeike mau ia aku hoi ko lakou mau inoa i ka Papa Ola.

 Ua oleloia ua hana aku o Kupa ma kona ano kulana he Puuku no ka Teritori e kaha i ko lakou mau laikini, me na kumu ole e hiki ana hoi ke hoike i ko lakou hawawa, kupono ole ame kekahi ano e ae hoi e pili ana i keia poe kauka.

 Ua olelo hou ae no, ua palapala hoopii nei, he poe kauka ilihune wale no lakou apau, a ke kaulele nei hoi ko lakou ola maluna o keia oihana lapaau, a o ka hoaoia ana e kaha a hoopau i ko lakou @aikini, he pilikia nui ia a lako@ e auamo ai, i hiki ole hoi i na kanawai ke haawi mai i na lima aloha o ke kokua.

 

 Ma keia Sabati ae, Novemaba 23, e haiolelo ai o Mr. Henry Waterhouse kekahi keiki kamaaina o ka aina i hele aku nei i ka aina Hemolele i Palesetina, ma ka @akini o Kawaiahao, ma ke anaina kakahiaka.  He mea maikai no ka hele nui o na makamaka e lohe ai i kana mau olelo no na mea e pili ana i kana mau ike no ka aina Hemolele kahi a ko kakou Haku Iesu i hele ai ame kana mau haumana hoolaha euanelo@.

 

 Ninau Pili Waiona.

 

KA BIA AME KE OLA.

 

 1.-Heaha ke kumu o ka inu ana o na makuahine i loaa nui na keiki i keia mea o ka bia?  No ka mea, ua oleloia lakou he mea ia e hooulu awiwi ai i na Keiki, a he mea hooemi hoi i ka uwe ana o na keiki, a he mea hooikaika i ko lakou kino.

 2.-He mea kokua nui anei ka bia i ka makuahine ame ke Keiki?  Aole.  E hoopuipuiia ana ko lakou kino a momoa, aka, aole he momona maikai, a aole kela ikaika iloko o lakou mamua o ko lakou inu ana .

3.-Pehea no ka hooemi ana i ka uwe o ka bebe?  I kekahi manawa, ua hooi ia ka uwe o ka bebe, no ka mea, o ka waiu a ka bebe e ai ai, aole he maikai, a nolaila pololi oia.

 4.-Aka i kekahi manawa o ka bebe a na makuahine inu bia he emi ko lakou uwe ana. Pehea kau hoakaka ana no kela?  No ka mea, he nui ka-bia a kela bebe i inu ai mai ka waiu mai o kona mama, a ua lawa hoi ia no ka hoopouli ana i ka manao maikai o ke kamaiki, a no ia kumu, ua ona oia a hiki ole hoi iaia ke uwe.

 5.-Heaha hou ae na hua pono ole e hahai mau ana i na makuahine inu bia?  He aloha i ka waiona ke kanuia ana maloko o ka bebe, a aia he mau kahoaka pilikia no kona ulu ae he kanaka ona.

 6.- Mamuli o ka inu bia, loaa mai keia ma'i rumatika ame ka pehu; pehea kau hoike no ka hiki ana mai o keia ma'i?  He mea keakea ka bia i ka hana pilipaa o ke akepaa i ka hookaawale ana i na mea pono ole mai ke koko aku; e lawe hele ia ana keia mea pono ole iloko o na ami ame na io o kakou e keia koko, a mai ilaila mai i puka a loaa mai keia ma'i o ka rumatika ame ka pehu.

 7.- O ka lala hea o ko kakou kino ke kaikai ana i keia mea pono ole i kahi e?  Heaha ka hopena e hahai ana mamuli o ka keakea o ka bia i ka hana a keia lala?  He ma'i i maopopo ole ke ola, a i kapaia ma ka inoa, Bright's Disease.

 8.-Heaha na olelo a Kauka Redemour maluna o keia?  "Aole o'u hopohopo o ka laulaha emoole o keia ma'i, Bright's Disease o ka puupaa mamuli wale no ia o ka holomua o keia mea he inu bia maloko o ke aupuni.

 9.-Heaha na olelo a Kauka Kirkley no ke oia o ka ma'i a ehaeha paha o ka poe inu bia?  "Ma ko'u ike he pilikia hohonu loa ka ma'i maluna o ka poe inu bia, a he hopena hopohopo no hoi ko na ulia i loaa i ka poe inu bia."

 10.-Heaha na olelo a Kauka-Oki Callamore o ka Puali Koa Amerika, e pili ana i ke ke'ake'a o ka bui i ke ola?

 "Ma keia kumu hookahi wale no, ma kou manao ua oi ae ka hoopilikia o ka bia mamua o na kii alakohola i hoakoakoaia."

 11.-Houluulu ae i ka mea i loaa ia oe e pili ana i ka bia ame ke ola?  He hoao mau ka bia e hooma'iia oe i kou wa maikai, a he hoao mau e keakea i ke ola i kou wa ma'i.

 12.-Heaha ka kakou mea e hana ai ina kakou i iini e loaa mau ke ola kino maikai ame ka lanakila?  Aole loa kakou e hoopa i hookahi kulu bia ame na waiona e ae o na ano apau.

 

Kuai Waiona i Kekahi Opio.

 

KEKAHI  MAU  KAHOAKA  MALUNA  O  ALABAMA  MITCHELL  AME  LA  OIHANA  MAKAI.

 

 (Mai ka nupepa Adavataisa mai).

Lunahooponopono Adavataisa:  Ma ka Poaha o kela pule i hala aku nei, Nov. 13, ma ka Aha Hookolokolo Apana, ua hoopau wale ia ae ka hihia o Alabama Mitchell no ke kuai waiona i na keiki opio.  O Alabama Mitchell kekahi mea malama halekuai waiona o ka Moiliili, ame ka hoohewahewa ole ua uhakiia ke kanawai e keia keonimana ua hoopau wale ia ae la no nae keia hihia e ka Ilamuku Kiekie Balaunu.

 Ma kela la hookolokolo, ua akoakoa ae he mau keiki ame na makua i makaukau no ka hooiaio ana imua o ka Aha ua hoolilo aku no keia Alabama i ka waiona i na keiki opio.

 Mawaho ae o keia aia no he mau hoopai maluna o keia kanaka mamuli o kona kuai waiona i ka Lapule ame ka la koho.  Ua olelo ae o Balaunu aole oia i hoike aku ia mea ia Mitchell no ka papaia o ke kuai waiona i ka la koko.

 Nolaila ma kela hana o ka Ilamuku Balaunu e pili ana no keia hihia ua hooko ole ia ka mana ihiihi o ke kanawai, oiai no nae, ua maopopo loa, ua ku keia Mitchell i ka hewa.

 He mea oiaio, ua pau ka manawa o kona laikini i keia wa, aka o ke kanaka e kuai ana i ka waiona i na keiki kupono ole, e pono lakou e hooneleia me ka laikini, a o ka hoopai ana iaia ka pohaku nana e keakea i ka loaa hou o kona laikini.

 Nolaila ua ulu mai keia ninau, ua pono a lanakila anei ka waiho ia ana o ka mana ame ke kaokoa o ka hana a ka loio o ka aoao hoopii ma ka lima o ke poo nui o ka oihana Makai?

 He mea oiaio e loaa ana no ka kuko i kekahi nona mamuli o ka haulehia wale no o ka ihiihi o ke kanawai.

 Manao wau e ae pu mai ana no ka ilamuku me makou me ka manaolana i keia Ahaolelo ae, e laweia ae keia mana mai ke poo mai o ka oihana makai a waihoia iloko o ka lima o ka loio, a e hoomana ia oia e hoohana aole wale i ka Aha Apana aka iloko o na Aha Kaapuni.

  KAMAAINA,

 

 Eia ke Kula o Kamehameha he hanai puaa nei a he momona maoli no na puaa e makepona ai na okeni, a o ka poe e ake ana e loaa na puaa momona opiopio e hoolawaia no ka makemake ma ka hele ana ilaila aole e nele ka hookoia o ka makemake no ke kumukuai kupono.

 

 I ka wanaao o ka Poakahi a ao ae ka Poalua i kii mai ai ka make a lawe aku la i ka hanu o Mrs. Albert Trask ma kona home ma Kalihi-uka, mahope iho o ke kaa ma'i loihi ana.  O Mrs. Trask kekahi hoahanau o ka Ekalesia o Kawaiahao a he makuahine maikai o ka pono.  Ua haalele iho oia ma keia ola ana he kane Mr. Albert Trask o ke kulanakauhale nei ame na keiki i hooneleia i ka makuahine ole ame ka ohana holookoa.  Aloha no ia makamaka maikai o ka pono.

 

Hoike ma ka aoao o na Kalaiwakaa Iapana.

 

MA  KA  NUPEPA  IAPANA  HAWAII  SHIMPO  I  IKE  IHO  AI  MAKOU  I  KEIA  MALALO  IHO:

 

 He mea oiaio o na Iapana ame na Pake kalaiwakaa i makaukau ole ma ka olelo.  Beretania ame ka olelo Hawaii, i maopopo ole hoi i na wahi noho o na ilikea kuonoono o ka aina, e makemakeia ana lakou i kekahi manawa e na ilikea e kalaiwa aku ia lakou ma kahi a lakou i ike ole, a mamuli o keia, ua loaa mai ka ulolohi ame ka uluhua.  Aka ua like a like no me na kalaiwa kaa ilikea ame na Hawaii.

 E lawe ana kekahi poe makaikai Iapana a Pake paha i ke kalaiwa kaa Ilikea a Hawaii no i kekahi manawa, e ninau ana hoi i na kalaiwa kaa e laweia lakou ma kahi noho o na Iapana ame na Pake, aka mamuli no o ka hiki ole ana i keia kalaiwa kaa Ilikea ame Hawaii ke lohe i ka olelo Iapana ame ka olelo Pake, oiai he nui hewahewa o ia poe kalaiwa Ilikea ame na Hawaii i hiki ole ke olelo i keia mau ano olelo, ua ulu like mai la ia mau mea a ka poe Ilikea ame na Hawaii e hoohalahala nei, i ka lohi ame ka hoopau manawa maluna o keia poe o ka hikina.

 Aole loa e poina ke Kiaaina i keia mea oiaio o ka hapalua o na makaainana o keia Teritori mai Hawaii a Lehua he poe Iapana ame ka Pake wale no, a o ka hapanui o lakou he poe ike ole i ka olelo Beretania ame ka olelo Hawaii, a i iahona iki wale no i ko lakou hoa lahui.

 "I mea e lilo ai i kalaiwa kaa kupono loa, wahi a Kiaaina Dole e pono i ke kanaka e ike i ka olelo ame ka hoomaopopo ana i na olelo like ole o na aupuni malamalama;" aka he mea paakiki loa keia a aole e hiki ke hanaia.  O ka mea pono wale no oia no ka lawa kupono o na Kalaiwa Kaa me na olelo e i hiki ai i kela ame keia ano lahui ke kii i kaa e kalaiwaia ana e kona hoa lahui.

 

Hookalakupua hou o Pele i ka Lua.

 

HOUHELE  NA  ALELO  O  KE  AHI  MA  NA  PAIA  WAKAWAKA  O  HALEMAUMAU.

 

 Na na makaikai i huli hoi mai nei mai ka luapele mai maluna o ka moku Kalaukina ma ka Poaono i hala aku la, Nov. 15, i lawe mai i ka nuhou, aia ka luahine Pele ke hoohana mai la i ka hana hookalakupua, a ke hou-hele la na alelo o ke ahi ma na paia wakawaka o Halemaumau.

 Ua hoikeia mai e na maikai i ko lakou ohohia a hauoli piha i ka ike maka ana i na hana mana a Pele, a he mea e poina ole ai no na makahiki he nui.

 Ma ka pule i hala, ua loaa mai ia Mr. Richard Trent na hoike e pili ana i keia hana hookalakupua ma Halemaumau ma ka uwea olelo mai, e hoakaka piha ana i kana hana i kela ame keia la, a penei ka hoike:

 Poaona ame ka Lapule:  Aohe loli.

 Poakahi Nov. 10:  Keia kakahiaka, hora 2, hoomaka na lapalapa ahi e paani.

 Poalua, Nov.11.  Ikaika loa i keia la.  Ua noha liilii ka puoa, a ke lele nei na alelo ahi 20 kapuai ke kiekie; pela i ka po ame ke ao.

 Poakolu ame ka Poaha:  Ke pii mahuahua nei ka ikaika a ke hana nei i ka loko pohaku wena me ka hikiwawe.

 O ka papaku ilalo loa o Halemaumau ua hoopiiia ae la he 100 kapuai, a ma ka mea i ikeia, e mau ana ka pii ana.  Ua hoike mai o W. H. Lambert ka poo nui o ka Hui Alanui Hao o Hilo, ua hoomaka mai ke ano e o Pele ma Halemaumau iloko o na la eha a aole paha he ahi i ikeia i like me keia.

 E piha kui ana ka Mauna Loa i ka poe makaikai no ka hele ana e ike i keia hana kamahao a ka luahine.

 Hawaii hookalakupua Pele.

 

MAHUKA  ELUA  IAPANA  MAI  KA  MOKU  KOREA  MAI.

 

 He elua Iapana i mahuka ma ka moku Korea mai iaia e ku ana ma ke awa o Kou nei ma ka la 13 iho nei a he mau Iapana hoi hoowahawahaia mai e na luna kuke awa o Kapalakiko.  O ko laua mahuka ana aku la, he lanahu hahauia maluna o ka poohiwi o ka Agena Malama Ukana Kuloko, no ka mea, ina e loaa hou ole ana laua e uku ana keia Egena i ka hoopai.  O keia mau Iapana, ua malama ia laua ma kekahi lumi o mua o ka moku, a me he la, ua mahuka aku laua mai ka puka aoao aku o ka moku.  Ua hoomaka koke ia ka imi ana i na mahuka e na Egena Kuloko, aka, a hiki i keia manawa, aole laua i loaa.

 Mai ka hoopaiia ana mai o ka Hui o Hackfield no ka mahuka o na limahana i hoowahawahaia e na luna kuke awa o Kapalakiko, ua hooholoia mai nei he rula hou, e i ana, e kau no ka koikoi maluna o ke Kapena o ka moku no ka mahuka o na limahana.  Ma keia, ua haawe iho la ke kaumaha ame ka koikoi maluna o ke kapena o ke Korea. Captain Seabury, no ka mea, he $300 ka hoopai o ka mahuka hookahi.

 

KA  MAKEMAKE  O KONA  MAKUAKANE  HANAUNA.

 

UA  HAUOLI  KEIA  WAHINE  OPIO  I  KA  LIKE  O  KONA  MANAO  ME  IA.

 

 Aia he wahine ma New Hempshire, i hiki ke mahalo iaia iho no ka like o kona manao me ke noi a kona makuakane hanauna iaia.  O Mrs. Ella Chapin kona inoa, a no Clarement oia.  Aole i liuliu loa ua loaa, oia i ka ma'i inoino o ke koko ka mea hoi i lilo ai oia i mea nawaliwali no kekahi manawa a hiki i ka manawa a kona makuakane hanauna i noi aku ai iaia e lawe i na HUAALE  AKALA  A  KAUKA  WILLIAMS no ka poe hokii a ua hooko i'o aku no keia wahine.  A o ka maikai loa i hanaia mai i keia wahine e keia laau kamahao na kana mau olelo ponoi no e hoike ae:

 "No ka malama ana i kuu makuahine i hoomauia no kekahi manawa loihi," wahi ana, ua emi mai la kuu kino Holookoa ke kumu hoi i loaa ai ia'u ka ike i kuu kino ke hele la i ka nawaliwali.  Ua haalulu mai la kuu kino a ano maikai ole mai la kuu koko.  Ua pii mai ka nalulu ino o kuu poo a poniuniu maoli no a pau mai la ka ono i ka ai a hele loa mai la e hiki ole ia'u ke hana.  He paupauaho maoli no ko'u hanu i ka hoohikilele o kekahi wahi mea uuku.

 O keia kulana, ua mau aku ia a hala ka makahiki a oi pela hoi ka emi ino loa mai o kuu kino.  Ua lohe kuu makuakane i na Huaale Akala a Kauka Williams no ka Poe Ma'i Hokii i Springfield, ame kona hai pu ia mai i kekahi mau ma'i i hoolaia, pela oia i kuai ai i laau no'u.  Ua hoomaka koke aku wau e ai, a i ka hala ana o elua pule o ko'u ike koke no ia i ka loli maikai ana o kuu kino.  O kuu hoomau aku la no ia a hiki loa i ko'u ola loa ana."

 O ka ma'i i loaa ai o Mrs. Chapin he ma'i ino a holowai o ke koko.  Ua hiki ke iki ia aku ka loaa ana ma na hoailona o ka mae wale mai o ka helehelena, haikea o na lehelehe, lomaloma mai na maka, a koko ole mai ke alelo, paupauaho mai oi loa i ka manawa e pii ai ma ke alanuipii, kapalii o ka puuwai, nawaliwali loa, nele i ka ono i ka ai ame ka iini nui ole o ka noonoo he mau hiohiona no ka hele loa aku i kahi o ka make.

 O ka laau wale no e ikeia no keia ano ma'i oia no na Huaale Akala a Kauka Williams no ka Poe Ma'i Hokii.  O keia mau huaale aole e hala ka lakou mana hoola ke hoomau ia ka ai ana ke hoonui ia na huaale e ai ai.  He kupono no hoi keia ano huaale no na ma'i hu'i ma na aalolo, rumatika, nalulu a ano haalulu o loko o ke poo maeele o na aalolo o na u-ha, na ano naluea mahope iho o ka ma'i ka gripa, kapalili o ka puuwai, hohoma mai o ka helehelena ame na nawaliwali apau pili i kane ame na wahine.

 E loaa no na Huaale Akala a Kauka Wiilliams ma na helekuai laau lapaau apau a loaa pu mai no hoi mai ka Dr. Williams' Midisine Company mai Sshenectady, N. Y. no 50 keneta o ke poho hookahi a eono poho i ka $2.50.

 

 NA MEA O KE AO-ULI.

 

("Ko ka La Poe.")

 O na Hoku hele a pau e Motio (nee ana) ma ko lakou ala hele poai a puni ka La, ua kapaia'ku lakou "ko ka La poe."

 Eia iho ko lakou mau inoa.

  Venusa

  Melesuria

  Honua

  Veseta

  Iuno

  Parasa

  Peresa

  Naholoholo

  Holoholopinaau (Saturene)

  Kaawela (Iubita)

Helekela

 Aole no keia poe Hokuhele ko lakou malamalama, aka, mai ka La mai, a me ko lakou pumehana.

 O ka La. oia ka mea nui loa a ke Akua i hana'i i oi ae mamua o na mea apau.  I na e huipuia na Hokuhele a pau a hoohalike aku me ka La aole no elike, no ka mea, he nui na Mile o ke anapuni ame ke ana-waena o ka la.

 O ka inoa o na Hoku-hele a pau a koe o Honua, ua kapaia ko lakou mau inoa mamuli o na inoa o na'lii wahine kaulana o ke au kahiko o ke ao nei.

 O na Hokupaa a pau, no lakou iho no ko lakou malamalama a me ko lakou pumehana, aole no ka La mai.  No ka mea, he La no ko lakou elike me kakou nei.  Aole no kakou e ike aku me na Lene ike o ko kakou mau maka ina Hoku Hele a me na Hokupaa, a me na Hoku-welo-welo me na maka aniani Hoonui ike Paa-iii-ono wale no e ike'i.

 Aia na Hoku-welo-welo he nui e Motio ana ma ko lakou ala hele e hookokoke ana i ka La aka no ka nui loa o ka wela o ka La, nolaila, ua kaawale aku lakou (elike me ka huina o ka "Pa," pela ka huina i hoihoi ia mai.)

 Iwaena o na mea a pau o ke ao uli, he nani i oi aku mamua o na mea a pau kekahi poe o lakou, elike me Saturene ame Jubita.  A ua ike hou ia aku no o Melesuria i ka piha ana o 105 A. D. Mai ka ike ia ana ma Kailua, Hawaii a hiki aku ia wa.

  Kou Oiaio

S. H. P. KALAWAIAOPUNA,

 

EMI LOA NA AUHAU NO KA HANA HUKI NIHO

 W.E.Allen, D. D. S.    F. L. Ferguson, D. D. S

 

Hoopiha me ke Kala - -50 keneta

Hoopiha me ke Gula $1.00 a pii aku

Papa Niho Gula - -}

Papa Niho Kala - -} $5

Papa Niho Maoli -}

Papa Niho piha pono - -$5.00

Huki ana i ka Niho - -50c

 

 He makaukau no hoi na hoohana ana aia ma ARLINGTON HALE, HELU 215 ma kahi aoao o na Alanui Hotele ame Uniona

 He mau Kauka makaukau loa laua a ina oe e hele ilaila aole e nele ka hana polo'ei ia mai e ku ai kou makemake  Aohe auhau no ka nana ana

 

 'Ua loaa ia'u ka ma'i La Gripa, he ma'i ikaika, ka mea hoi i noho ai au i kauhale no kekahi manawa,i ka manawa he mau hihia ka'u ma ka aha hookolokolo.  O kekahi oko'u mau hoa ua olelo mai la lakou ia'u e hoao wau i ka laau KikapuInikini Sagwa, a ua hooko i'o aku n@ wau.  Maloko o 24 hora ua emimai ia ka fiva@ a loaa mai ka oluolu ia'u.  O ko'u hoomaka aku la no ia i ka inu ana i ka laau a iloko o elua pule ua pau loa ae la kuu pikia a ola ae la wau.  Ua hoomaika mai oia i kuu kino holookoa, hoonui mai i ka ono o ka ai a hooikaika i ka mana hoowali ai o kuu opu  He mea manaoio loa wau i ka laau lapaau Kikapu Sagwa."  O ka pane keia a Hon. Geo. P. Kelly, Peresidena o ka South End Bar Association, Chicago, Ill.

 

 KIKAPU  SAGWA

Ka Hoola Hikiwawe no ka Ma'i La Garipa.

 

 O ka lanakila kamahao o ka laau lapaau Kikapu oia no @ hiki iaia ke alaa pu ae i ke kumu o ka ma'i.  Oia ke kumu o kona lanakila a haule hoi kekahi mau laau e ae.  he laau keia o na mea maoli i hanaia ma na aa-laau mai, ame na mea pili i na laau ulu a h@ hoohana akahele oia ma kana hana hoola e like na hana me ke kanawai o na mea maoli.  E loaa no ia oe ka maha i ka oolopu mua no au e inu ai a he ola no hoi ka mea loaa ia oe mahope mai ma ka hoomau ana.  Mai kanalua no keia laau aka e kuai koke i omole laau nou i keia la.  E hoomanao he hooko aku keia laau i na mea apau a makou i hoakaka ai a i ole e hoihoiia aku no ke dala ke loaa ole ke ola.  Aole e hoohala wale ia ka manawa e pau wale ai me ka waiwai ole aka e hoopiha ia no me ka waiwai nui, ma ka lawe ana i ka laau Kikapu Sagwa.  He loaa keia laau ma na halekuai laau apau a ma ka halekuai o Hobron Drug Co.,  Alanui Moi, Honolulu.

 

KE  KUMU  O  KA  NOHO  ANA  O  KA  WAHINE  MAI  KA  HA.  LEPULE  AKU.

 

MA'A  I  KE  KOMO  MA  KA  HALEPULE  ME  KA  HAUOLI,  A  HAALELE  ME  KA  HOIHOI  OLE.

 (Mai ka nupepa Adavataisa mai.)

 

 Mr. Lunahooponopono Adavataisa:-  Ua kaumaha au i ka olelo a'e ua like ka'u mau kumu me ka manao i hoopukaia e "Ka Lawehala," i kela mau la ma ka nupepa Adavataisa.  He nui ka manawa a'u i hoomakaukau ai e hele i ka pule me ka manao hauoli, ka halepule a'u i aloha nui ai, o ka manao hoihoi ole no na'e oia no ko'u haalele ana i ka'u kane aloha i hoomanawanui iloko o ka hana kaumaha o na pule apau, a ua ike no wau iloko oia la hookahi e hauoli ana no kuu'u hoa maka home pono, aka ma ka'u hoomaopopo ana, he hana pili paa ia maluna o'u no ka hele ana i ka pule no hookahi manawa o ka la, ua haalele iho wau no ka Hale o ke Akua me ka manao hauoli ame ke ku'ihe ole.  Komo aku wau ma ka halepule, launa pu ma na lawelawe pili i ko ke Akua hana, kukuli a mahalo aku i ke Akua no kona lokomaikai palena ole ia'u ame ko'u ohana.

 I ko'u wa e haalele ai. nalohia koke keia manao hauoli ia'u, a hoomaka mai la na manao hoihoi ole.

 Halawai aku la au me lakou, i kapaia lakou iho he Karisitiana nana aku la ia lakou me ka iini e pana'iia@ mai me ka minoaka, a i ole ia me ke kunou paha, aka, he hiohiona paewaewa ka i pana'iia mai.

 Manao anei oe he pono ia, a i ole ia, ua lawe nui paha lakou i na haiolelo maikai a walohia a hiki ole ke kiola i kekahi kulu noonoo o keia honua?  Ke maka'u nei au aole i hiki ia'u ke hoike aku i ko'u aloha. a noonoo hoi no ka mea hope.

 O kela poe a'u i hoaiai a'e la ma ko'u lunaikehala, he poe hookamani, a he poe i ka wa loa mai ka mole mai o ke kulana Lede.

 Ua kaumaha au no ka loaa ana ia'u keia mau hoopapa ana, aka, he mea oiao keia, a no ia kumu, ua waiho aku wau ma ku'u home ma ke ano, he mea ano ole au, a he mea hoowahawahaia hoi na ka lehulehu.

 Ua poinaia au i ka haiolelo maikai i ha'iia mai e ko makau kahunapule aloha, a no ia kumu ke kaumaha nei ku'u uhane.  Aole au e noi ana i keia poe e ku a e lululima a pela wale aku, aka, e haawi wale mai no i kahi minoaka, a i ole o ka nanaina o ka ike mamua o ka nana ana mai me he ahiu la.

 A pela i hoi aku ai ka wahine hauoli i kona malumalu hale me ka manao hoihoi ole.  I kona hiki ana aku ma ka ipuka hale, panai mai la ke kane aloha i ka minoaka hauoli i kana wahine, aka, i ka nana pono ana o ke kane, aia ua hoololiia kela manao hauoli o elua hora i kaahope ae a he kaumaha ke kau ana maluna o kana wahine.

 Ua wehewehe aku kana wahine iaia mamuli o na hana a kekahi poe iaia i ka nana kee i loaa ai iaia keia ehaeha ame ke kaumaha.

 No ia kumu ke noho nei au i kauhale, hoohala ka manawa me ka'u kane ma ka heluhelu buke, aka, he iini nui loa ko'u e hele i ka pule, ina he hiki ia'u ke haalele me ka hauoli e like me kou hele ana.

 O keia iho la ka'u mau kumu o ka hele ole ana i ka pule.

 He wahine au o ke kanaka no.

  MEA LAWEHALA.

 

Hookui ka Pake me ke Kaa-ahi.

 

 Oiai kekahi kaa-ahi ukana e huli hoi mai ana mai Halawa mai me ka puahi nui, aia hoi ua loaa aku la kekahi Pake i ka aoao o ke kaa-ahi e paukiki nei a kiolaia ana ua Pake nei ma kekahi kahua lepo e like me kekahi apana pepa, mamuli no hoi o kona hoao ana e holo ma kekahi aoao o ke alanui hao, oiai ke kaa-ahi he 15 kapuai wale no mai iaia aku e kapalulu aku nei,  I ka manawa o ke kiiia ana aku o ua Pake nei, ua pau ka ike ame ka lohe, o ke poo hoi keia ua upaia a kapakahi, a he mea pahaohao nui no hoi i ka make ole ana o keia Pake, oiai ua loaa pono aku oia i keia kaa-ahi e puahi ana me he makani la.

 Ua kaikaiia ae ua Pake nei ma kekahi lumi ohua o ke kaa-ahi a hoomoeia iho la me ka maikai, a i ka hoea ana i Honolulu nei, ua lawe loa ia aku ua Pake nei maluna o ke kaa o Kuapapanui a noho ana i ka haukupila, a malaila i lawelaweia ae ai kona mau palapu me ka maiau e na kauka Kupa ame McDonald.

 Ma kekahi la ae, Poalua Nov. 18, ua make iho la ua Pake nei.

 O ke kiura i koho pono ia e ka Hamuku Kiekie Balaunu no ka noii ana i ke kumu o ka make ana o keia Pake ua hooholoia iho, o ke kumu o ka make o keia Pake Yum Kun mamuli no ia o kona nahili, hawawa a hoomaopopo oio@.

 O na olelo hoike imua o ke kiure na@  naninau e hoike moakaka ana e hele ana keia Pake i kela manawa ma k@ alanui hao, a ua lohe hoi i ke oeoe @ ke kaaahi e puahi mai ana me he makani la.

 Aole keia Pake i hoao ae e hele m@ kekahi aoao o ke alanui hao, aka, @ lele iho la oia maloko o kekahi malu@ me ka manao e holo wale ae ana no k@ kaa-ahi maluna iho me ka po ole ma@ iaia.

 O keia kaa-ahi kekahi o na kaa-al@ hou a he haahaa kona palau ihu, a i@ ia haahaa, ua loaa pono aku la ka@ Pake.

 Ua ike ke kiure ninaninau:  "Ua hiki@ mai ka make maluna o Yum Kun @ oleloia ma Honolulu, Oahu, Novemaba 18 mamuli o ka puupuu ikaika i loaa ma kona poo ma o ke kiola ia ana ona e ke kaa-ahi mamuli o kona hawawa ame ka nahili, ma Kalauao, Novemaba la 17th, 1902 a mamuli o keia puupuu ikaika i loaa iaia ka haawina o ka make."

 

  Loaa Auhau ma ka Hapalua Miliona.

 

  Ua hookaa aku ka poe auhau o Honolulu nei iloko o ka Waihona Teritori, iloko o 15 la o keia mahina, he hapa miliona dala.  O ka Poaono i hala aku nei, Nov. 15, ka la hope hoi no ka hookaa auhau ana, ua hoohana paa ia na kanaka hana a Luna Ohi Pratt, a i ka hora hope loa, ua ikeia he $480 000 ka i ohiia.  Me he la, e hoonui ia ae ana ke huina dala ina e loaa mai ana ka Ewa, Waianae ame ko Waialua mau uku auhau.  Ua olelo ae ka Lunaauhau Pratt ua nui ae ka uku auhau i loaa i keia makahiki mamua o ka makahiki hala.

 

 O Kauka Geo. W. Burgess, ke kauka i ike ia i o kakou nei ma ka oihana lapaau ame oki, i noho loihi me kakou i hele aku nei i na aina e kahi ana @ makaikai nui ai ma kekahi mau haukapila o kekahi mau kulanakauhai nui, ua hoi mai nei oia, a eia oia m@ kakou he hauoli loa oia i ka hele ak@ o na makamaka ona e kipa aku m@ kona keena hana helu 240 S. alanui Moi. Mai poina i ke kipa ae ilaila.

 

 Chamberlains

 O KA HANAPILO E LOAA ANA I KE KEIKI LIILII MAMULI MAI IA O KA NAEOA'IKU, ka hoailona maopopo maoli o ka ma'i.  Ina e haawi koke ia ka laau kunu a Chamberlain i k@  manawa no e hanapilo mai ai ka leo@ ke keiki a i ole mahope iho o ka manawa e ikeia aku ai na hoailona o ka ma'i oiai he ma'i hekau mau keia i ka keiki iliili, alaila e pau koke ana me ka@ hakalia ole.  He mana hoola kana ana@ ka hakalia ole no hoi kana hana an@  E loaa no keia ano laau kunu ma k@ halekuai o Benson, Smith & Co.

 

O  Oe no Kou Kauka Nou iho.

 

 Ina he kunu kou a he anu paha a @ he laau maikai e ae e hoopau ai m@ ka hikiwawe e like me ka Putnam's Cough Comfort (Laau Kunu a Putnam)@  He oi loa aku ka maikai o keia i na kamalii.  He 50 keneta no ka omole nunui hookahi a he 25 keneta no ka on@ liilii hookahi.

 O na HUAALE A ENO, o lakou na huaale hoonaha maikai loa.  He h@ mau i ka maikai o ke ano mau o ka opu a o kou maikai mau no hoi ia. O ka hoohemahema ana ia lakou oia ka loaa ana i ka ma'i.  He 25 keneta ke kumukuai.

 O ka Aila KASTOL oia ka aila h@ na-ha maikai loa, a i hanaia a ono @ ka inu ana.  He hana no oia like @ me ka aila hoona-ha.  He inu na k@ malii me ka hakalia ole.  He laau kupono keia no kauhale oi loa aku i k@ home nui o keiki.  He 25 a he 50 keneta na kumukuai.

 Ina aole oe i kuai ma ko makou ha@ kuai nei alaila ua makemake makou e hele mai oe i ko makou halekuai n@ ke kanalua ole.  Ua ike no makou e @ ana oe i mea kuai mau no ko makou halekuai laau nei.

  HOBRON DRUG CO

HALEKUAI LAAU MELEMELE ALANUI PAPU.