Ka Nupepa Kuokoa, Volume XL, Number 46, 14 November 1902 — Makemake e mare i ke Kaikamahine a ka Peresidena. [ARTICLE]

Makemake e mare i ke Kaikamahine a ka Peresidena.

WAUKESHA, Wis., Okatoba 25.—Aia he kanaka ma ka inoa o Ferdinand Kenzel, he kanaka ma ke kulana hana hana e noho la i Delafield, ua nanaia ae oia no kona ano pupule a pela oia i malamaia ae ai iloko o ka haukapila. Aia oia ke hoohanaia la e kekahi ano manao iloko ona ua haawiia mai iaia ka lima o Miss Aliee Roosevelt no ka maie ana / ka manawa e ma.ke ai ka Peresidena Hoosevelt, ka makuakane o ua kaikamahine nei. Ua hana iho oia i papa hoonohonoho no ka male ana. He nui na mea ano e iloko o keia mea. Ua kuai keia kanaka he komo Uma iloko o kekahi halekuai kii paani a kamalii, ana hoi i olelo ai ua haawiia mai iaia e ka Peresidena no ka pono 0 kana kaikamahine. O keia komo lima oia kekahi o na waiwai i kuai IiiIii ia i loaa mai ai hoi no ke kumukuai o 10 keneta nona hoi ka pohaku aniani omaomao i omouia maluna ona. Aia ma kona home kekahi komo lima oia hoi, ke komo lima e hoolilo ana i ua kaikamahine nei i wahlne nana. A ua kual pu iho nei oia I mau pono no ka hale. Ua olelo ae ua kanaka la 1 ka manawa o laua e noho ae ai e hoomaka aku no ko laua noho ana ma ke ano hoomakaulii, aka e hiki mai ana ka manawa e kokua mai ai o Teddy alaila e noho ulakolako ai laua. He kanaka keia I hoonaauaoia a i hiki hoi ke olelo i ka olelo me ke akamai.