Ka Nupepa Kuokoa, Volume XL, Number 46, 14 November 1902 — Makemake oia i Luakupapau nona ma ke Alanui. HOOPUIWA NUI AE KEKAHI WAHINE PUPUKI PUPULE I KO MAKIKI POE I KA PO POALIMA, NOV. 7, 1902. [ARTICLE]

Makemake oia i Luakupapau nona ma ke Alanui.

HOOPUIWA NUI AE KEKAHI WAHINE PUPUKI PUPULE I KO MAKIKI POE I KA PO POALIMA, NOV. 7, 1902.

E moe ana iwaena o ke alanui aupuni Keeaumoku kokoke i ke alanui Waila, I ka po Poalima i hala, Nov. 7, 1902, kekahi wahine Pukiki pupule ma ka nana Ja aku e kuhea ana i kela ame keia ke maalo ae e eliia mai i lua kupapau nona ma ke alanui aupuni. Ua oleloia ae keia manao ma na olelo a ekoiu, a aole he mea i aa aku e hoolohe i kana olelo ma ka hooko ana, alaila ua ku ae la oia i iuna a hele aku la ma kekahi mau wahi e ae o Makiki e olelo ino ana i kela ame keia e maalo ae ana mamua ona, a no ka hiki ole ke hodmana\vanul a he hana hoohaunaele maoli no i ka maiuhia pili laula ua kauoha aku la o Mr. Fisher i ke keena o ka oihana makai no ke kii mai iaia e hoopaa ma kahi maluhia e maluhia ai oia. Mamuli o keia leo nui o ka wahine ame na olelo maikai ole ua hoopuiwaia na ohana ma ia wahi oiai kekahi o iakou aia ma ko lakou papaaina no ko lakou ainaahiahi aka no ka lohe ana i keia mau hana a ka wahine pupule ua hukiia ko lakou noonoo ilaila a haalele aku lakou i ko iakou manawa paina a pau nui aku la iwaho a hui ia rrie kekahi poe iho ua nui maoll no ka poe o waho o ke alanui no ka lohe ana heaha la ka pilikia o ka wahine. I ka manawa i hooponoponoia aku ai e kekahi poe e hoopau i keia mau hana, o ka mea i ikeia ua hakaka, mai la ua wahine nei me he daimonio la a hemo ana mai ko lakou mau lima aku a hele hoohaunaele aku la, ma na alanui o Makiki. Ma ka aoao o ke kaa o na makai ua uleu mai la no hoi oia ma kana hana, a i ka hiki ana mai i kahi o ka hana ua nalowale iho ia ka wahine a mahope o ka ninaninauia ana ua loaa aku la ua wahine la iloko o kekahi wahi haie uuku ma ke ellanui Enos. E paaia ana ka wahine e kekahi mau kanaka eha* maiuna o kahi moe a e kupaka ana no hoi ka wahine, a mamuli 0 ka hai ana mai o ka poe o ka hale na lakou-e maiama me ka hookuu ole iaia iwaho ua aeia ka lakou noi a hoi aha ke kaa o na makai me ka lawe ole ana iaia. O ka haie, he home ia no elua kane ame eha poe wahine. Ua olelo ae ke kaikamahine a ka wahlne pupule ua hoinoino aku ka poe hoa noho i kona makuahine i loaa aku ai keia ano inoino iloko o kona noonoo ka mea hoi o ka poe o Makiki i kapa ai he pupule. Me he mea la ua komo aku na .Pukiki olaila iloko o ke ano pa-ee ke kumu o ka loaa ana o keia piiikia ; 1 keia wahine. >■» >