Ka Nupepa Kuokoa, Volume XL, Number 45, 7 Nowemapa 1902 — Na Pahu Makai. AOLE HOOHALAHALA NO NA PAHU A NA MAKAI—MANAO KA LUNA MAKAI NUI BALAUNU E HOONUI HOU AKU. [ARTICLE]

Na Pahu Makai.

AOLE HOOHALAHALA NO NA PAHU A NA MAKAI—MANAO KA LUNA MAKAI NUI BALAUNU E HOONUI HOU AKU.

O ka holopono o ka lawelawe ana o ka oihana makai o Honolulu nei maialo 0 ka loaa ana o na pahu makai ma keia kulanakauhale, oia ka mea nana i hookomo aku i ka manao iloko o ka Luna Makai Nui Ba)aunu e waiho aku imua o ka Ahaoielo e hoea mai ana i kana hoike e apono ana i keia lawelawe oihana ana a e hoomahuahua hou aku ma na wahi mawaho aku nei o ke kulanakauhale. Ua manao ka Luna Makai Nui Balauqu i kanalima mau pahu hou i mea e paa pono ai ke kulanakauhale holookoa. He kanalima-kumama-kahi ka nui o na pahu e hoohanaia nei 1 keia manawa, a he holopono na hana e hariaia nei aole hoi he ioaa o ka hoohalahala. Ua loaa ka mea nana e kokua i na makai ma ka launa ana me ka Halewai iloko o ka wa pokole, no ke oi ana i na kokua, ame na hana e ae i manao ia.

Wahl a ka L>una Makai Nui, i na wa i hala ae nei, he mea paakikl loa i na makal ka hopu ana l kekahi lawehale oiai e alakai ana oia i ka lawehala a hiki ma kekahi wahi kupono e launa ai me ka halewai maloko o ka telepona, ina aia oia mawaho o ke kulanakauhale. O keia pilikia hookahi no ka i ikeia maloko nei o ke kulanakauhale. I keia manawa ua hiki i na makai ke hopu i ka lawehala me kona pilikia ole; aole wale oia, aka, i kela ame keia hapalua hora e launa mau ana na makai me ka halewai a hoike aUu i ko lakou ku makaukau e kiai i ka maluhia o ka lehulehu. Iloko no hoi oia manawa aia ko ka halewai kakauolelo ke lawe la i na hoike. I keia manawa ua makaukau maoli 110 na makai i ka hoohana ana i keia mau pahu a pela no hoi na keiki oloko o ka halewai, nolaila, aole he hemahema i ikeia. +++