Ka Nupepa Kuokoa, Volume XL, Number 45, 7 Nowemapa 1902 — Mea hou o na Awa Kumoku. [ARTICLE]

Mea hou o na Awa Kumoku.

HE BEBE WALE NO PIOLOKE NAK. I ke ku ana mai o ka mokuahi Alameda mai ka Ipuka Gula mai o Kaleponi i ka Poalima nei, ua ulolohi loa kona komo ana mai iloko nei o ke awa, a ua nui ka nune o na ohua o luna o ka moku. I ka wa a ke kauka e nana ana i na ohua, ua Ikeia iho he hookahi mea i koe aole i komo iloko o ka laina 0 na ohua. Ua ninau aku a ninau mai na ohua a hui pu me ke kauka ma ia ninau hookahi. Ua manao kekahi poe, ua leie kekahi ohua iioko o ke kai me ka ike ole ia e kekahi mea. Ua manaa hoi kekahi ua lilo aku kekahi o lakou 1 ke kai; a he nui a lehulehu wale na mea i kamailioia ae.

No ke pohihihi loa o keia mea, ua hui pu aku ke kupakako ame ke kauka ma ka huli ana i keia ame keia ohua, a iloko oia huli ana ua loaa iho la he bebe ka mea i koe. Ua hu ae ka aka a kahi makuahine o keia bebe a holo aku la oia no kona lumi a lawe mai la i ua bebe la, a o ka pau ae la no ia o ka nune ana, a ae koke ia ka moku e komo mai iloko o Kou nei.

Ma keia huakai mai nei a ka mokuahi Aiameda, ua haiawai mai me ia ka ino mahope o eiua la mai ka haalele ana ia Kaleponi, eia nae ua lilo ino nui i mea ole i ua mahimahl nei a ku mai la no ianei iloko o na la holo 6 ame 6 hora. O keia kana huakai hope oiai oia e noho aku ana ma Kapalakiko no ka hookomo ana i kapuahi aila, a o Zeaiandia mai ana ma kona wahi. HOOKAHAKAHA MOKUKAftA. WAKINEKONA, Okatoba 22.-Ua ho--kie ae nei o Hope Adimarala Taylor i ka papa kujiikuhi o ka hookahakaha mokukaua nui e malamaia ana ma na mokppuni o Culeba iloko o keia mahina ae. Ma ka la ekahi o Novemaba e haalel iho ai na moku lawe lanahu Leonidas, Lehanona ame Buluta ia Hametona no ke kahua hookahakaha. E uhai kokoke aku ana ka mokukaua Olomepia ia iakou no ke kiai ana ame ka hoomakaukau ana i ko lakou wahi e ku ai. Ua kauohaia na mokukaua ma na kal o Europa ame America Hema e hooiulu ae ma ke kaikuono o Paria ma ka la 25 o Novemaba. Ma keia hana ana e hoohuiia ana elua Hope Adimarala, oia no o Sumana ame Palekauakalaunualii (Crowninshield), a oiai o ka inoa mua oia ma ke kulana kiekie, e kaa ana malalo ona na lawelawe hookahakaha ana o keia mu mokukaua. Uoko o ka hapamua o ka mahina OjDecemaba, e hoomaka ana keia mau mokukaua i ka hookahakaha huli i ka i hunaia e like me ia i hanaia ai ma na kapakai o Nu Enelani i kela hookahakaha i malamaia i kela makahiki aku nei. O Hope Adimarala Higisona oia ka mea. iaia ka aoao kue. Mahope o ka pau ana o keia hana, e hui ae ana na mokukaua apau a kaa aku malalo o Adimarala Dewey, ka eueu nana i hoopuhili i na mokukaua ame na papu o Kepania ma Pilipine, ka lawelawe hookahakaha nul •ma ka huli hema o na mokupuni o Cuieba. KA MOKU HEIHEI AMERICA. Ma ka hoike a ka nupepa Kukala (Herald) ua pau i ka hanaia, a e kaa ana malalo o na lawelawe ana a c. Oliva Iseiin ka ona o ka moku heihei hou e hanaia ana e Hereshoffs no ka paa ana i ke kiaha Ameriea. Aia malalo o kana lawelawe ana ka moku heihei Vigilant i haulehia ai k'a moku heihei Valkyrie 11., oia nei no ka ona o ka moku heihei i haulehia ai ka moku heihei nana i hoohaulehia ia Shamrock 111. ! EIA AE KA MOKUKAUA OREGONA. O ka lono hope loa mai Kaleponi mai e nana ia ana ka mokukaua Oregona e Adimaraia Glass ma ka la 27 o kela mahina aku nei a e haalele ana i ke awa ma kekahl la ae no na kai o Kina a e kipa mai ana maanei. Ua hoomakaukauia ka moku me na lako apau. Ina o keia ka oiaio, alaila, e uina nakolokolo hou ana na pu ma na kai o Kou nei i keia mau la iho. E LOHI ANA KA MOKUAHI NEBALAKA. O ka mokuahi Nebalaka i ku ae nei ma Kapalakiko mai Nu loka no kona alahele no Honolulu nei, aole ia e ku koke mai ana ianei oiai e nui ana ka manawa e lilo ana ma ka hoololi ana i kona ipuhao, i ipuhao aila. Maialo o keia kumu e noho ana oia ma Kapalakiko a e haalele ana ia laila i ka la 13 o keia mahina. KAO ELI AWA NO PUULOA. ' I ka Poaha o ka pule i hala ua koloia j aku ke kao eli hou no ke awa o Puuloa a hiki aku la i kahi i makemakeia me ka loaa ole o kekahi poino. He maikai ke kulana o ke awa i keia manawa, a e hana koke ia ana ka hana me ka hlkiwawe e like me ka maikai o ke kulana o ke awa. ++«