Ka Nupepa Kuokoa, Volume XL, Number 45, 7 Nowemapa 1902 — KA PAIO HAHANA A LORE ME ANAGUSI MA KE KAHUAKAUA. [ARTICLE]

KA PAIO HAHANA A LORE ME ANAGUSI MA KE KAHUAKAUA.

Ma ka manawa 'i haaiele aku ai o Gerenefolō Lore ma i ko laua kahua mua a hiki i ko laua. manawa e kali ana aole laua i ike iki i ua poe powa nei. Aole o ka lohe 1 ko lakou leo. O ka meha pu wale no me ka aaki paa ana o ka pouli oia wale no ka mea hoomaopopo ia ma ko laua aoao. Aole wahi mea nana e wawahi ae i keia la'i, aohe loheia aku o na leo o na manu e kani mai ana, ina aole ia o ke kani mai hoi a na lana noho wai. oki loa aka na uwiuwi leo o na laau mamuli o ka hoonaueue a ka makani pela i maalo loa aku al kela mau manao mai ia laua aku a hookahi wale no mea iloko o ko iaua noonoo a e upu aku nei no hoi oia ka ike ia aku o ua poe la.

Me he mea la he manawa pokole 'loa ka noho kali ana o laua malaila aka o ka mea oiaio ua hala ka hapalua hora aole he ike ia aku o na enemi o laua. O na manao uluku i loaa ia laua mamua iho ua nalohia aku lakou a hookahi wai o ka like o na manao e mo-ku la iloko o ko laua noonoe» a me he mea la ua hoih<fiia mai ko laua ikaika a akoakoa i kahi hookahi a o ko laua manaopaa e hooko i ka hana oia wale no ka mea e hakukoi ia iloko me ke ake nui ana e hiki koke mai ka manawa, a ina no e maalo ae kekahi ma kahi a laua e pee ana aole no laua e ikeia mai ana no ka mea wahi a laua i ka laua noonoo ana e ikeia mai ana iaua he mau pohaku nunui wale iho no'oia hoi kekahi kumu o ka hoolana ia o ko laua manao.

Me he mea la i ka Lore hoomaopopo iho o kela po a laua e kali ana i ko laua poe eneml oia kekahi po pouli loa. aole hoi mamua aku. O ka mea oiaio ma ko Lore aoao, iloko o keia hana ano nul, he hana nui maoli io no e hiki ole ke hoohewahewa ia, eia nae, aole oia i p.oina iki no ka hoomanao ana i ka wahine opio Gagenesaloka iloko o kona noonoo—aia no ka mino aka ke kau mau la ma na paipalina lahiiahi 0 ka ui ana i anoi nui ai, ka leo e kani hone ana iloko o kona pepeiao a i kekahi manawa me he mea la ua hele ae la ua ui nei ma kona alo e like me na haawina i loaa mau ai iaia i na manawa i hala aku o kona lohe aku i ka ' owe nehe ae o kona Jole he mea hoi 1 hoohihi loa ia e ia. Maliope o ka uiha o ka noonoo no keia loihi loa ua komo mai la ka halia he malihini laua iloko 0 kela pa a ina e ikeia ana laua aole e nele ko laua kiia mai i ka pu e ka poe kiai o ka pa alii mamua o ka hiki ia laua ke wehewehe aku i ke kumu o ko laua komo ana i ka manawa kapu e like iho la me ia. Aka ina e loaa ia laua ka lanakila ua loaa ae la no keia manao mailoko mal no ia o ka hooikaika o ko laua mau io paahana i alakaiia e ko laua mau noonoo hooko hana me ka wiwoole. O ke ano o ka hele ana aku a hui me na enemi a laua e ake aku nei e hui he alo a he alo ua komo hou mai la no keia manao malia o hui ole aku laua me lakou, aka me ka poe oloko <vka pa alii, nolaila iilo no ia i mea waiwai ole no ka lanakila a laua e upu wale aku nei no. No ka uiha loa ua komo mai no ka noonoo ia laua e haawi pio i ka hana 1 hooholoia e laua, eia nae, aole i hookoia ia manao o ke kumu aole he hoike aku o kekahi i kekahi. • Ua hiumule loa laua I kela mau minute, aka, ke lohe maopopo loa la laua i ke kapalill o na pana o ko laua mau puuwai mamuli o ko laua ike ke kokoke loa mai la ka manawa ma ka laua hoomaopopo iho. Ma na ano āpau aia na hoopakele o ka Moiwahine ke noho la iloko o na wiliau like ole o ko laua noonoo me ka maopopo ole heaha ana la ka hopena e hiki mai ana maluna o ko laua kino. "Pehea la e Lore ina e hiki mai ana keia poe a lanakila lo laikou maluna o ke kiai puka-pa a ke pani ia mai ka puka e lakou heaha iho la. ka kaua hana i komo ai kaua iloko o ka. pa alii," wahi a Anagusi i pane aku a:i mahope o ko laua noho mumule ana no kekahi manawa. (Aole i pau).