Ka Nupepa Kuokoa, Volume XL, Number 45, 7 Nowemapa 1902 — He Kanaka Au Kai. NO EKOLU HAPAHA HORA MAWAHO AE O MOLOKAI KA AU ANA. [ARTICLE]

He Kanaka Au Kai. NO EKOLU HAPAHA HORA MAWAHO AE O MOLOKAI KA AU ANA.

' ■ \ He ekolu hapaha hora ka loihi o ka manawa i au ai a pae i ka aina me kekahi mikini liiiii no ka Hui Telegarapa Uweaole mawaho ae o ka halekukui o Molokai i ka po Poalua nei, e kekahi kā.naka Hawaii, a sela hoi no ke kuna Eclipse. Ua hoounaia aku ka mokuahi kolo Makauole me kekahi mau mikini no ke kahua o ke telegarapa uweaole o Molokai i ka Poalua iho nei. Ia po ua kalewa ae oia mawaho me ka hiki ole 1 iaia ke hookokoke aku i ka aina ma-J muli o ka ino. Ua hoaoia e hoauna aku i waapa, aka, ua like no a like. Ua hopu iho kekahi kanaka Hawaii i kekahi o keia mau mikini liilii a lele j aku la loko o ke kai, a mahope o kona hakoko ana Iloko o ka ino ua pae maa-| lahi «ku la oia i ka aina, a waiho i kana ukana. LTa huli hoi ku oia *no luna o ka moku. Iloko o ka pouli nui e aaki ana, ua hiki pono ole i na kanaka o luna o ka| moku ke ike aku iaia, a pela no hoi mej ia, nolaila, ua hoomauia ke kani ana oj ke oeoe. I ka hala ana o ka hapalua, hora, ua hoounaia aku ka waapa no| ka huli ana iaia, aole no nae i loaa akuj i ka waapa. I piha ana o ekolu hapaha hora, ua ikeia oia e au ana ma ka aoao o ka moku. \Ja lawe koke ia oia, ilunaj o ka moku me kona ola kino maikai,j aole hol he wahl poino i loaa aku maluna ona ma keia huakai aukai ana. Ua hala no iaia he manawa loihi ma ka au ana ma kahi kokoke i ka moku, aka, mamuli o ka nui o ka nalu ua hiki ole iaia ke ike i ke kukui o ka moku. No ka hoomanawanui ana o keia kanaka e au i keia po ino i loaa ai na kukai ana ia kakou me ko Hawaii ame Maui, a loaa koke ai na mea hou o ke koho balota. _ I ke ahiahi Poakolu nei i ku mai ai ka mokuahi America Maru mai ka Ipuka Gula mai o Kaleponi. Maluna mai nei ona i loaa mai nei ka lono aole i haalele ka mokukaua Oregona ia Kapalakiko e like me ka mea i hoike mua ia ai. Ua ku hou oia no ka loaa hou aku o ke kauoha iaia.