Ka Nupepa Kuokoa, Volume XL, Number 44, 31 October 1902 — KA PULE A NA LEPERA. [ARTICLE]

KA PULE A NA LEPERA.

-• J : "E hoomaopopo e ka lahui Hawaii ua hoouna aku makou i kekahi palapala kue i na hana a Wilikoki i kakau- ' inoaia e 750 inoa, he hoike no ko mak'pu lokahi ma ke kue ana aku i kela blla makona a Wlllkoki a ke lana nei ko

makou manao ke pule a ke uw%Jo aku nel i kela anie keia kanaka Haw?til ina he aloha ko oukou ia makou, e.kapae loa ae oukou i ka inoa o R. W, "Wiilikoki mai luna ae o ko oukou mau balota"i no ka mea, ina e puka hou ana o Wilikoki aole e nele kona hooikaika hou; L kela bila aloha ole ana. Ke pule ak? uwalo aku nei no hoi makou i ko makou mau ohana ponoi ame na hoaloh» fte mau ohana a makamaka paha ko lakou iloko o kela Panalaau, e hoike i aloha ia makou ma ko oukou koho ole ana ia Wilikokl i Elele no kakou i Wakinekona." O keia maluna ae ka pule ma ka helu o ke Kuokoa i hala iho la, he noi na na ma'i lepera o ke Kahua Ma'i Lepera o Kalaupapa ia kakou e ka lahui, e hiki ole ai i kekahi kanaka Hawaii ke alo ae mai ke aloha io aku i keia leo. He pule keia i hanaia e kela mau makaainana o ka aina o ka ehaeha, he mau makaainana o ka i'o hookahi, ma o ke komike la a lakou i koho ai o kanakolukumamalua lala. Ua kakooia keia noi a lakou mamuli no o na kumu a lakou i hookomo ai iloko o ua palapala noi nei a eia kekahi o ia mau kumu a he mea pono e noonoo ke kanaka koho balota mamua o ka hiki ana mai o keia Poalua 9-e: 1. O ke kanaka a kakou i hljinai ai a i hookau aku ai i ka hanohano kiekie i loaa iloko o ko kakou lima oia ke koho an» iaia i Elele Hanohano na ka lahui i ka Ahaolelo o Amerika ua lawe ae oia a panai mai la j ke ino no ka lokomaikai a ka lahui i haawi aku ai iaia ma kona hookomo ana i kekahi bila iloko o ka Ahaolelo o Amerika e hoolilo ana i ka hoomalu ana o keia Panalaau malalo o ke Aupunl .Pederala. 2. Ō ka hana ana o ka Elele a ka Lahui i keia mea 'me kona ui ole mai ia makou ka poe i komo kukonukonu iloko 0 ua bila la ina paha he mea pono a pono ole paha ka hookomo ana aku ia makou malalo o na hoomalu ana a ke Aupuni Federala, oia kekahi hana lokoino a makona haalele loa a keljcahi hoa kanaka i hana aku ai i kekahi hoa kanaka o ka ili hookahi. 3. Aole e hooiia na pomaikai ame ka noho oluolu ke kaa malalo o ka malama ana o ke Aupuni Federala, a e papalua iho ana ke kaumaha ame ka pilihua o ka noho ana, & oi aku mamua o ka hiki ia makou ke hoomanawanui. 4. O ka bila kanawai ma'i lepera a Wilikoki, he kanawai ia e ho-o ana ia makou iloko o ke ahi a e hooi pa-haneri aku i ko makou ehaeha ana. Aole keia wale no na kumu hoohalahala a lakou i waiho mai ai, no ka mea, aia no he mau leka i hoike mua ia ma ke akea, a ke hjptohuiia kela mau kumu a lakou me na kumu kupono i loaa i ko waho nei poe,. ua lawa ia mau kumu e hoolohe aku ai ka lahul i keia mau leo uwalo. O ke kanaka e pani aria i kona mau pepeiao alaila, e kau aku ana keia inoa hōokahi a na lepera 1 hookau aku ai maluna o ka Elele Wilikoki he Hawaii oiaio ole. A i mea e kau ole mai ai keia mau haawina i ke kanaka he hana maikai a ku no hoi i ke aloha i'o ka waiho i'o ana ae i ka inoa o Wilikoki ka Elele a kakou a e hoouna aku i,ka elele e kukala mai nei no ka pono, aole no kela poe ma'i lepera wale no, aka, wahi ana, no ka pono o ka Paeaina holookoa. Aia no iloko o ka lima o ka lehulehu ka pono o ka aina, no ka mea, ma o ka lakou koho ana e maopopo ai ka pono ame ka pono ole. O ka paipai hope loa a,;ke Kilohanā o ka Lahui, e like me kana i manaoio ai e pono ana, e waiho i'o ae i ka Elele Wilikoki a e hoouna aku i ke Keikialii Kuhlo. A ke hana ia ka hana pela alaila, ua hookoia ka pule a ko kakou mau hoaloha o ka aina o ka ehaeha aoka maha no hoi ia o ka lahui holookoa oiai o ka lakou pule he pule ia no ka pono o ka Paeaina holookoa.