Ka Nupepa Kuokoa, Volume XL, Number 44, 31 ʻOkakopa 1902 — Maleia no ke Aloha HE MOOLELO NO KE KAIKAMAHINE ALII IETIWA Ka Ui nohea i ahai ae i ka puuwai. [ARTICLE]

Maleia no ke Aloha

HE MOOLELO NO KE KAIKAMAHINE ALII IETIWA

Ka Ui nohea i ahai ae i ka puuwai.

MOKUNA VII. KA WAHINE ILOKO O KE KAAPIO.

Ua haalele aku laua i ka makai a hele mai la no me ka haupu ole ae no ka hul aku me kekahi mea hoolele hauli hauoll, ua ike like aku la laua i kekahi ka&hale e hukiia ana e hookahi paa lio keokeo a o ke kulana hiehie e holke mai ana ko laua hiohiona ua malama pono ia ia mau lio, a no ka poe waiwai ia mau holoholona a i ole no ka poe hanokano paha; a o ke kaa no hoi he kaa naikai a nani maoli i pena eleele ia me ma kinohinohi like ole o ka wai gula ame ka wai daia, e kalaiwaia ana no hoi e ke kalaiwa kaa i hoaahu la me ka aahu nani o ke ano kalaiwa kaa a ma kona aoao he kokua paha i ka laua koho aku a i ke kokoke loa ana mai ua hoomaopopo loa aku la laua aole ka, he kaa alii ma ka ike aku he mau koa kek&hi e holo .ana maluna o ko laua mau lio mahope pono o ke kaa i aahuia me na lole koa f he lole wawae ulaula a he kuka eleele ko laua a elua i kinihonohiia me na mollna, a he ui maoli i ka nana aku me ka papale kapu ulaula ma ko laua mau poo a e lewalewa ana no hoi ka laua mau pahi kaua ina ko laua aoao ame ka haaheo nui iaua e kāu ana maluna o ko laua mau lio. Ua ike pu aku no hoi laua i kanaka e haawi ana i ko lakou aloha ma ke kulou ana ilalo, a no kela hiohiona maiihini i loaa ia laua ua huki pu ia aku no hoi ko laua noonoo ilaila a i ke kokoke loa ana mai o ke kaa piai e holo mai ana ua kaa la ma ko l{tua nei wahi e ku nei, a i ka maalo ina ae, ua lele aku la o Lore ma ka'anao o kona hoaioha Anagusi a hopu la i ka lima me ka ikaika he mea* hoi e puiwa ai kela a mamua o ko l£la hoomaopopo loa ana i ko ia nei ano, ua hoopuka la 0 Lore me ka W hawanawana e lohe mai ai no o And.susi, "E, e Hale, oia kela. O ka ma keia aoao o ke kaa." \ "Owai? O Miss G®enesaloka anei kela iloko o kela kaaiia|]e?" i ninau aku ai o Anagusi me he la ua paupauahoia oia no ka piha loa i ka hauoli. "Ae, oia kela, ua hoomaopopo loa aku nei au oia kela, ua ike maopopo loa aku nei au," wahi a Lore me ke ano paupauaho, a oia no hoi ka manawa i ku iho ai o ke kaa a puka mai la no hoi na ohua o ke kaa. He elua mau wahine opio i lele mai ke kaa mai a he mau wahine ui maoli e lilo ai no ka puuwai o ke kanaka. Ua kuhikuhi pono aku la o Lore i kona hoaloha no ka wahine a laua e huli nei a loaa aku la no hoi ka hoomaopopo iaia nei. Ma ka manawa i lele mai aifua wahine nei ua huli papu mai ke alo o ka wahine ui a Lore i hele huli a aneane e puni ka honua i ke kaahele ia e ia, a e huli papu aku ana no hoi keia me ke kalele ana o kekahi lima o Lore i ka no ke kakoo ana iaia no ka mea ua loaa mai la oia i kekahi haawina uluhia nui ia me he la ua noho ia e kekahi uhane ano e, a oia no hoi ka manawa i hui pu ae ai na ike o ko laua mau maka kekahi i kekahi no ka manawa mua loa mahope iho o keia kaawale ana, a ma ka aoao o Lore ua haawi ae la oia i ka piha pono o kona kino ma ke ku ana ae a pololei, a he kanaka ui maoli no oia e makahehi ai kekahi wahine ui a ua piha no hoi oloko ona me na hakukoi like ole i hoikeia mai ai hoi ia niau haawina oloko ma ka ulapuni o kona helehelena, a he ui hoi kau ke nana aku. Ma ka aoao o ka wahine ui ua hoohikilele ia kona noonoo emoole ua holo puni ae la ke koko o kona mau aa ma kona mau papalina lahilahi a pual mai la ka ula nohea, a aohe mea e hiki ke hooho ole he ui maoli io no kela wahine opio. Ua haohao loa oia i ka ike ana mai i kona hoaloha Amerika a ua ano kulou mai oia imua no ka hele mai e halawai me ka malihini, aka, ua hookuha'u hou ia kona noonoo i ka ia nei koho aku mamuli paha o kona kokoolua nolaila ua ku hou aku la oia i hope, eia nae, ua haawi mai la oia he kunou a e like me ka mea i paanaau ia Lore, oia haawina ka i haawiia mai e ka wahine ui, ka haawi ana mai i kela minoaka poina ole iaia nei. Ma ka manawa 1 halawai like ae al na ike o ko laua mau maka ua haule like iho la no, a I ka manawa i ea ae ai ko Lore mau maka ola no hoi ka manawa i huli aku ai ua ui la a hele aku no kahi i manao ia. Ua uhai pu aku no hoi kona kokoolua iaia he wahine ui no hoi. "O, ua waiwai loa keia hele huli ana mai nei a kaua, e laa ka loaa ia' kaua ka pomaikai nui. Ua waiwai maoli keia huakai au * hele mai nei i Europa nei," wahi a Anagusi i pane mai ai i ka manawa i hala aku ai na wahine a oia no hoi ka manawa i huli ae ai o ke kaa a ( holo aku la. | "O, aole au e hoi anā i Amerika me! kona loaa ole ia'u. Ke lohe ia anei oe, e Hale i keia mau olelo a'u a mai po-; ina iki oe i kela," wahi a Lore i pane aku ai ia Anagusi. "He mea oiaio no ia, a aole no hoi au e hoohewahewa ia mea," wahi a kona kokoolua i pane aku ai. "Ua ike au i kau mea e noono nei oia ka inoa o ka wahine opio. O ko'u manao, aole kela 0 ka inoa oiaio o poe. He poe hanohano loa kela ke nana aku i ke ku\ana o kela wahine opio. A o kela inoa 1 haiia mai ai ia oe he inoa hunahuna wale no kela i mea e nalo ai lakou ma ka lakou huakai kaahele i hele iho nei. O ko'u manao maoli he poe hanohano maoli kela me ka hoopaapaa ole. "O ka mea wale no i kpe o ka imi pono aku a loaa ka inoa pololei. E, eia ae keia wahi koa. E ninau ae kaua iaia nei malia o loaa mai ka inoa pololei o ka wahhine, a o ka pau no ia o ka hana." E hele mai ana he koa me kona aahu plha, aole nae ma ka oihana oiai aole kana mau mea kaua, o pahikaua a pu hoi, aka, he kookoo kana e paa ana ma konk lima e hele ana me ka wiliwili hoomau ana i ke kookoo. Me ke kali ole ua haawi aku la o Anagusi i kona aloha hoolauna ma ka olelo Farani mua a i ka maopopo ana iaia nei aohe lohe o ke koa ia olelo ua olelo hou aleu la oia ma ka olelo Geremania 4 a oia no hoi ka manawa i haawi ma ai kfe koa i kona aloha ia laua nei me ka hoike pu ana mai i kona ano keonim&na a oluolu no hoi.

| "Ea, ua ike anei oe i kela mau wajhlne opio i hala aku nei a owai la ko llaua inoa? i ninau aku ai o Lore. I kela manawa pokole loa ua ike aku la laua nei i ka pii ino ana ae o ka ena 0 na papalina o ke koa i ulupuni ia e ke koko e hoike mai ana i kona huhu , no ia mea, ua pane koke aku la o Ana- | gusi, "Alia oe e huhu. E kala mai oe j ia maua, aole maua i maopopo i ko oukou ano, no ka mea, he mau malihini maua i ko oukou wahi nei," i pane aku' ai o Anagusi me ke kali ole na Lore e pane. 1 "Alaila, e pono olua e ike i ko makou ano ame ko makou rula. Aole o makou wehewehe a olelo paha pili i ko makou poe wahine. Ina he hana oukou ma ko oukou aina ia ano hana, alaila ke kaumaha loa nei au no ka loaa o kela ano haawina i ko oukou poe wahine. Ke hoole nei au i ka ae aku i ko olua manao. E hookaawale ae olua i ke alanui," wahi a ke koa me ke kikoola o na olelo. Ma keia mea ua haule pu ko laua ma- 4 nao ui no la mea, ua pane aku la o Anagusi ia Lore aole laua e ninau hou. "Aole pono kaua e ninau hou no ka mea ke homanao nei au i ka olelo a ka makai Sitika he ano e loa na kane o keia wahi ke ninauia aku lakou pili i na wahine a he mea ia e alakai aku ai ia kaua iloko o ka huikau, kahi e ulu mai ai na manao hakaka ma ke ku papakahi ana me ka pahikaua a i ole me ka pu. He mea hoi e hoolololahili ai i ka ka'ua hana. Nolaila e hele no kaua me ke akahele." "Pololei kela," wahi a Lore i pane aku ai. "Nolaila e pono kaua e hoi no ka hotele a e kuka no na hana a kaua e hana aku ai no keia mua aku." Ma ko laua ala huli hoi no ka hotele ua pane aku la o Anagusi, "Ea, ma ko'u hoomaopopo ana he wahine ui maoli no ko keia wahi. Ua manao wau la o ko Parani ka poe wahine ui, ma ko'u ike 1 keia manawa ke ike nei au me ka hoopaapaa ole a o ko'u manao e hooia mai ana oe i ko'u manao." "Pela no ko'u manao," wahi a Gerenefolo i pane aku ai. Mahope o ko laua hiki ana aku i ka hotele ua hoomaha ae la Uiua ma ka lanai nui o ka hotele e huli pono ana i ke alanui a ia laua e kukai olelo ana no na mea a laua e hana ai no ka la apopo ua ike aku la laua i kekahi koa nona hoi ka aahu a laua i hoomaopopo ai o kekahi o na koa a laua i ike ai mahope pono o ke kaa nani i maalo ae ai ia laua e ku kokoke ana i ka pa alii. Emoole ua ihōea mai la ua koa la a ninau ma ka Inoa o Lore pela i hoea loa mai ai ua ma ke kuhikuhi ia ana mai, a haaw&iiiai la iaia nei he leta, aole no hoi keia 1 hookaulua iho i ka wehe ana a maopopo loa iho la oia na ka mea ana i upu nui ai ka mea nona keia leta a eia ka manao o ua leta la: * "E Kuu Mr. Lore. "Aloha nui kaua: "Ua puiwa loa au i kuu ike ana ia oe ianei i keia la—A ke hoike aku nei no hoi au ia oe i ko'u piha hauoli loa i ko'u ike ana ia oe—lna e hele mai oe ma ka ukali ana i ke koa e kii aku ai ia oe ke hiki aku ia i ou la i ka la apopo ma ka hora ekolu hauoli loa au i ka ike aku ia oe. E lawe pu mai oe i kou hoaloha. "Sofla Gagenesaloka... No ka piha hauoli loa o Gerenefolo ua hiki koke ole iaia ke pane aku ia Anagusi aka i ke akakuu ana iho o kona mau manao uluku ua pane aku la, "he kono mai nei keia." "Ua manao, mua no wau e hiki io mai ana kekahi o kena ano." "Ua kono pu mai nei ia oe." "Ao'e anei e lilo wau i mea akeakea i ko olua hui ana?" "O, aole. Mai makau oe no ia mea. Aia a hala aku ke koa alaila e haawi aku wau ia oe i ka leta e heluhelu oe." Ua haawi fiku la o Gerenefolo he hoailona i ke koa e kali iki iaia, alaila noho iho la ke koa a o kona holo koke aku la no ia iloko o kona lumi a ma ke pakaukau i kakau iho ai oia i leta na ka mea ana - aloha nui ai. Eia ka manao o ka leta: "I Kuu Miss Gagenesaloka. "Aloha nui kaua: "Me ka hauoli au e hoike aku nei ia oe e hiki io aku ana wau i ka manawa 1 makemakeia ke hiki mai ka la apopo me kuu hoaloha Mr. Hale Anagusi. Ua hele mai au mai kekahi aoao mai o ka honua no ka ana ia oe e like me ke koho i haawiia mai ia'u mai a oe mai; a aole no hoi au e hoohala i kau kono i haawi mai ai. E oluolu oe e kala mai ia'u no ka hoike aku ia oe i ka haohao nui ia o kou inoa e a'u mamuli o na ninaninau ana a ua maopopo ole i ka poe o onei a ua aneane e pau loa ko'u manaolana no ka hui aku me oe. E manaoio iho oe e hiki io aku ana wau ilaila i ka manawa i makemakeia, a he hauoli hoi ia no'u. "Owau no me ka aloha, "Gerenefolo Lore." Emoole ua haawi aku la oia i ke koa a hala aku la no hoi kela a hoomaka iho la no hoi o Anagusl e heluhelu. "Ma ko'u hoomaopopo ana aole i kali hou aku kela wahine no ke kakau leta ana mai ia oe. Aia he haawina ma keia mau mea. I ko'u manao iaia no lanei aia no kona manao ame kona iini ma kela aoao o ka moana Atelanika. Ea, e noonoo mai kaua no keia mea, eia ka leta ke i mai nei ua puiwa loa oia i ka ike ana ia oe i keia kakahiaka. He mea hou loa keia ia'u," wahi a Anaj gusi i pane aku ai ia Lore mahope iho i o kona heluhelu ana i ka leta. "No'u I lho ke haawi aku nei au ia oe i ko'u I mahalo no keia mea," wahi no ana i I panai aku ai me ka haawi ana aku i ; kona lima akau no ka luiu lima ana. MOKUNA VIII. NA HOOLALA E AHAI MALU I KE KAIKAMAHINEALII. I kela auwina la ua hele aku la laua ' e Ike i ke kiai nui o ka pa alil no ke ' noi ana iaia e ae mai ia laua e komo makaikal ia loko o ka pa alii. I ko laua ; hiki ana i kahi o ka hana ua halawai j aku la laua m(e kanaka nui ano ' poupou he kino laula kona o ke ano ikaika, he mau maka oluolu nae kona o ke ano heahea a puuwai hamama, a I | ka ike ana mai o ka puuku ua hookipa maikai aku oia i na malihini me ke ohaoha nui ka.makamua loa hoi o ko lakou hui ana. j He kanaka Geremania oia ma kona ! hanauia ana, nolaila, ua maalahi loa ko lakou hui kamailio ana oiai ua lawa like lakou la haawina hookahi a ma ke kamailio ana ke hele wale la no lakou iloko o na kukai kamailio oluolu ana a hiki i ka manawa a laua i hoohaili aku ai i ko laua makemake no ke komo makaikai ana Iloko o ka pa alii ma ka mahaoi ana aku no a Anagusi aole no hoi kela i hoohakalia loa iho o kona hana mai la no ia i kekahi hana ku i

ka hauoii ma ko laua nei aoao ma ka haawl ana i kona ae me ke kakau pu ana i palapala hoapono no laua nei e haawi ana i kela kuleana me ka ioaa ole o kekahi keakea ke hana aku laua i ua liana la. Iloko iho o ko laua naau ua hoopiha loa ia laua me na haawina o ka hauoli. No keia piha hauoli ua manao ae la 0 Anagusi e noi aku i ua hoaloha maikai nei o laua, me ka hakalia ole, ua ' pa-e aku la kona leo e hookuu aku ana 1 kona manao iloko o ko ia'la noonoo e hoike aku ana e aeia mai laua e pai kii aku laua. Me ka hakalia ole a hookau-: lua ole iho no hoi ka pane ma ka aoao o ka puuku a kiai hoi o ka pa alii e hoike mai ana e nele no laua i ke kuieana makaikai ke hoohana iaua i ua mea pa'i kii la. Ma ka aoao o na malihini ua hookuihe loa ia ko iaua manao oiai o ko iaua makemake o ka aeia mal o ko laua manao a o ke ko no hoi ia o ko laua manao 0 ka paa o ke kii o ua wahine ui nei ke t loaa aku ia laua ka ; manawa e hookoia ai ka iini. Aka ma keia ua haule pahu ko laua iini, o ka mea kupono 'wale no no laua e hana aku ai oia ko laua hooiohe i ka mea i»haiia mai i hiki ai laua ke ike ia loko o ka pa alii.. Mahope o na haawi aloha ana ua haalele aku ia laua i ke kiai, a ua hele mai la laua no ka makaikai ana, a i ka manawa aole laua i kaawale loa aku, aole paha i kaa aku mawaho o umi kapuai, ku ana kekahi koa mamua ponoi iho o laua, a hookipa mai la ia laua, a nana . i lawe hoomakaikai aku ma na Avahi 1 hiki iaia ke hoomaikai i ka poe malihini. O ka halealii he hale nui ia me kona mau nani apau o ke ano mau o na halealii apau, a e ku ana oia he hapalua mile paha mai ke kakai pali mai, a e huii ana kona alo i ka mauna e nele oie ai ka hanu aku o kona mau ohua i na ea huihui e pa kolonahe mai ai, e kuu mai i na kehau o ka mauna ka mea hoi a ka wahine opio i hoike mua aku ai ia Lore, ia lakou i Amerika no ka maikai ame ka oluolu o ka nohona. Me he la, ua hiki aku ka loa o ka pa alii ame kona akea ma kahi o ka hapalua mile anapuni kuea a e ku ana ua halealii nei ma ka aoao komohana-akau o ka pa e moe ana na alanui nunui no ka halealii ame na wahi e ae, ma ka nana ana i na wahi apau o ka pa ua piha wale no i na mea e hokiia ai ka noonoo no ka hooho mal?aio ana. Ua hoomakaikai aku ke koa ia laua a i kekahi alanui ma ka iihi pa e pHll aku ai a hiki iluna pono o ka pa a i ka/ hiki ana aku o lakou ilaila ua ike iho la laua he akea kupono o luna o ua pa la, a hoomaopopo koke iho la o Anagusi he alanui keia e moe ana e hiki aku ai i ka puka nui o ka pa alii, pela i loaa ai iaia ,keia manao e hiki aku ana laua i ka*Se anlna ° ka laua makaikai. Ia lakou e hele ana maiuna o ua wahi la ua alawa ae o Anagusi i hope a ike aku Ia oia i kekahi poe wahine opio e nonoho ana malalo o kekahl mau kumulaau oiai he wahi ia i paa i na kumulaau like ole ame na laau pua o na ano like ole. "He nani maoli no ka pa alii a ua makepono maoli no ko kaua hele makaikai ana aku nei ilaiia," wahi a Anagusi i pane aku ai ia Lore i ka manawa 0 laua i hala loa aku ai mawaho o ka pa. •'He mea oiaio o ko kakou lohe ole i ka inoa o keia aina me kona nani a me he moeuhane la keia a'u e ike nei no kona nani." Wahi a Lore i nanai aku ai ma kona aoao. ' "He pololei ia manao ou i hai mai la a ke hai aku nei au ia oe me he la, he hiki no ke olelo ia aohe no he a hoomaopopo o kekahi aoao o ka honua nei pela no hoi kekahi aoao i kekahi. Ke manao nei wau aole paha e hiki aku ka nui ovka poe o Amerika 1 ka iwakalua-kumaihalima i ike a hoomaopopo.i keia aina nani." 1 Ke manao nei au aole no he hookahi kanaka o Amerika i lohe a hoomaopopo i k'eia aina nani," wahi a Lore i pane hou ae ai. "Owau kekahi ma kela manao ou," wahi a Anagusi i pane aku ai. Ua haalele aku la laua ia wahi a hoohele loa mai la laua ia auwina la a hiki loa mai i ka hotele, ua ano ahiahi a mahoj»e o ko laua paina ahiahi ua hoonanea iki iho la laua ma ka lanai nui o ua hotele la. Ma ke kukakuka ana ua loaa keia manao ia laua e hele laua i kela ahiahi i ka holoholo e hoohala manawa ai i kekahi manawa o ka po a i moe aku ia aole e emo a oiUj mai ke alaula no ka manaolana e hala- j wai aku me ka wahine nana ka leta l i hoounaia mai ai, e kono mai ana iaia ame kona hoaloha e hooko aku ia kono no ka mea aia ka piha hauoli ke noho mai la no ka ike mai i keia mau maka i hele mai kekahi aoao mai o ka honua. Ua liuliu ae la laua a o na mea i hoomakaukauia ma ko laua aoao oia ka Lore i akaaka iho ai no ka lawe ana i kekahi mea make i hoopakele ma ko laua aoao ke loaa aku kekahi kuia o ka poino. *"Kupanaha maoli ko kaua lawe i keia mau pu oiai he wahi maluhia keia, a kaua e ike nei ma keia aina, e loaa ole ai kekahi manao e hanaia mai ana kekahi hana wawahi i ka maluhia e like me keia," wahi a Lore i pane aku ai i kona kokoolua. » | "Ke manao nei au he mea pono ia. kaua e hoomakaukau wale no ia kaua ma keia huakai, no ka mea, ua lohe pinepine au he maa keia aina i na ano hakaka o ke ano ku i ka hoomainoino 0 ke oki puu ame ka pepehi wale ana me ka manao powa." "E hoopau kaua i keia kamailio wale ana, no ka mea, aohe hiki ia ano walaau ke hoopakele ia kaua ke hiki aku 1 kahi o ka poino oiai o kaua no na mea e pale ana no kaua iho nolaila he j mea pono e liuliu no ka huakai." Ua lokahi ae la laua ma ia mea a aole no i liuliu loa, hanu hou ana laua i na l ea huihui o ua la, a malaila* aku i ka laua hoohele ana 'e makaikai hou » ana i na hale o ka poe kuonoono o ua 1, aina nani nei a ma kela hoomau ana ua i hala loa aku la laua mawaho o na pa- > lena o ke kulanakauhale. Ua ike iho la > laua ke hooaumoe loa iho ia e hiki akji > ai i ka manawa kupono no na mea l apau e mo-ku ai ma ko lakou mau home L iho, oiai, aia kela ipanawa mawaena o . ka hora umi ame umikumamakahi. O 1 ka hapanui o ka poe a laua i ike ai i kela ahiahi ua nalo aku lakou no ko 1 lakou mau home a he poe kakaikahi loa > ka poe a laua e ike ana i kela manawa j o ka po a i ka auwi loa ana aku ma o - 0 ka hora umikumamakahi ua uhi loa - Iho la ka aaki o ka po me ka maaloalo 1 kanaka ole, he mau koa kakaikahi 16a i ka laua i ike ai e hoi ana i ka pa koa. Ma ko laua ala huli hoi ua hiki mai 1 la laua mawaho ponoi o ka puka-pa o ) ka pa alii kokoke i ke alanui Kakela a i malaila ua hookuu iKI Iho la laua no l ka hoomaha ana maluna o ka mauu

i manienie, a aole no hoi i lluliu loa, ua lohe aku la laua i kekahi leo kanaka, aole no hoi i pane koke akn o Lore, oia no hoi ka manawa a Anagusi i hawanawana aku ai: "Eia ae kekahi kanaka ke hele mai nei i o kaua nei." "Manao wau he poe koa paha e hoi ana i ko lakou wahi iho." I pane aku ai o Lore. "Aole lakou e hoopilikia mai ia kaua." "Aole no iakou e ike ana ia kaua," wahi a Anagrusi i pane aku ai. "Ua lawa keia pouli ke huna ia kaua a 'nalo e ike ole ia mai ai." i Aole i liuliu loa ua ike aku la laua i kekahi mau kanaka, ma ko |aua hoomaoūopo aku ma ka okuu. ana mai o kekahi mau mea kino iloko o ka pouli. Nolaila ua makaala loa ae la laua, no ko laua la maalo ae malia paha o hoopoino ia mai paha laua nei pela no hoi laua i nihi hele ae ai a hiki i ka manawa a laua nei i hoomaopopo ai aia laua ma kahi o 15 kapuai wale no ka mamao mai ua mau kanaka la. Iloko no hoi o ia kokoke e loaa ai ke hoomaopopo aku i na kino kanaka ina paha laua he mau koa, a i ole, he mau mea e ae paha, aka, aole he hiki ia laua ke hoomaopopo aku. o ka pouli aaki loa ke kumu 0 ka hiki ole ia laua ke ike pono aku; eia nae, me ka hoopaapaā ole, he mau kanaka laua. Ua hoopuiwa'loa ia no hoi laua nei ma ka ike aku aole he hele hou aku o keia mau kino kanaka imua, aka, ua noho iho la laua ma kahi hookahi, ke kumu hoi i hooiaioia mai al kela manao a laua i kamailio ai inamua o ko laua hele ana ma keia holoholo ahiahi, oia hoi, ke hoohalua ia nei laua. Nolaila ma ko laua aoao ua makaala loa laua no ke ano o ka mea e hanaia mai ana. "E hiki mai ana oia i ka hora 12 o keia po me ke kanalua ole," wahi a kekahi mea i hoea hou mai ai no ka hui ana me na kanaka e noho ana. Ua hoopukaia ae keia manao ma ka olelo haole a oia ke kumu o ka maopopo loa ana ia laua nei, a ma ka aoao o na kanaka e noho hamumu ana he wahi uhu wale no ka mea o ka haawi ana aku. "Ina e loaa ole ka lanakila, a haule pahu, a lilo i mea ole, a ke ike ia, a loaa mai i ka'hopu ia, alaila o ka hope ' o ia, he haawina ikaika o ka hoopai ke loaa ana ia kakou," wahi a kekahi 0 lakou mahope o ka noho mumule ana. "Aka, ina no e loaa ana 'kakou ma keia hana ke haule pahu e lanakiia ole ai kakou a paa kakou iioko o ka halepaahao, e ioaa ana no ia kakou he uku mahuahua hoomau," wahi a kekahi, aole no nae he puka pololei o kana olelo ana ma ka olelo haole. No keia mea a Lore ma e hoolohe nei ua hoalaia ae ko laua noonoo me he la ua rrioe uhaneia iaua a oia no hoi ka manawa i hopu aku ai o Anagusi 1 ka wawae o Lore £t! umii ikaika iho la, he umii hoi e hoike ana e hoolohe mai i kana mea e kamailio aku ai. "Ke manao nei au he hana powa keia e manaoia nei e hana," me ka lele nui o kona hauli no keia mea e kamailio ia nei. "E pono kakou e akahele loa ma ka olelo, ana, a e pono kakovi e olelo ma ka olelo haole wale no, oiai he kakaikahi loa ka poe d keia aina i hiki ke olelo i keia olelo, a oia wale no ka mea o kakou e pakele ai," wahi a Gedoso. 0 Gedoso ola ke kanaka i hoopuka mua 1 ka olelo i ka manawa a lakou i hui ae ai. Aole no hoi i iiuliu loa iho ua ike aku la laua i ka hoea ana mai o kekahi a lohe \aku la laua i ka hoopuka leo nui ana 0 ke kanaka i hoea hope mai ai, "O oe ia e Gedoso. ua eleu. mai nei hoi oe. Ua maopopo loa ia'u o loaa ana ia kakou ka lanakila," wahi hou a ua kanaka la. "A pehea, ua loaa anei kou poe kokua no keia hana?" "Pela ko'u manao. O oe 0 " 1 "īna iku i kou makemake e kapa mai oe ia'u ma ka inoa o Mikaela." "Ua ae anei iakou e koino mai i'oko o keia hana." "'Ae, ua ae mai nei lakou, hookahi a lakou mea i makemake loa ai oia ka maopopo ia lakou ke kumu o ka hana. Nolaila ua hoike aku nei au e komo powa ana lakou iloko o ka Halealii i keia po a lawe aihue mai i ka waiwai oloko .0 ia wahi a e lawe i ōeneluka." (Aole i pau.)