Ka Nupepa Kuokoa, Volume XL, Number 43, 24 ʻOkakopa 1902 — Wilikoki mamua, Kuhio i keia manawa. HOOIKAIKA MOEHEAU BECKLEY NO KALANIANAOLE-MOE OLE KA PO I NA HOME RULA-ONO KA AI A NA REPUBALIKA. [ARTICLE]

Wilikoki mamua, Kuhio i keia manawa.

HOOIKAIKA MOEHEAU BECKLEY NO KALANIANAOLE-MOE OLE KA PO I NA HOME RULA-ONO KA AI A NA REPUBALIKA.

Ma ka nupepa namu o Hilō l'ribune i ike iho ai makou i keia nuhpu hauoli nona ke poo e kau ae la maluna, a oia ka makou e hoopuka aku nei. Oiai ua nui na lono i loaa mai a i hoikeia maloko o na nupepa maanei i ko Moeheau Beckiey ku ana nō Elele Wilikoki ame kona hooikaika ma na awa e ku nel kona moku ma Matii ame Hawaii no ka aoao Home Rula; nolaila ua lawe mai makou i keia manao a hoopuka aku i pau ke kuhihewa. Penei na mea i hoikeia ma ua nupepa la: "Ua kipa mai o Adimarala Beckley ma ka la inehinei ma ke keena o ka Tribune me kona hele)aelena hauoli ame ke pihi o ke Keikialii Cupid. Ua ninau koke ia aku oia heaha lafe ka mea nana i kono iaia e hoololi i kona kakod ana no Wilikoki a lilo aku i mea hooikaika no ke Keikialii Cupid. ; Oka nuhou oko Beckley hoololi ana i kona manao ua hiki mua i Hilo nei mamua o ke*ku , ana mai o ka moku, a ua hoolahaia ae ma Hilo nei. O kana haiolelo hoonioni puuwai e kakoo ana i ka aoao Repubalika ma Lahaina ua kakauia ae maluna 0 nui o mua o ke alo a malaila pu ka papainoa o na ohua oluna , o ka moku. Ua ikeia ua kamailio nui i ka Admirala no Wilikoki a aole hoi i i kuha'u iho ma kona hai ana i kona manao. O ka lono 'o kona hoololi ana i , kona manao ame kana hana oia ka mea . nana i hoohauoli ae i na Repubaiika a i hookaumaha aku i na Home Rula. Aole i hoohunahuna iho ka Adimarala 1 kona manao. Aole oia i noho nhumule . iho, no kona ike ke hai nei oia i kona , manao no ka pono holomua o ka aoao v ßepubalika ame ka pono no hoi o na Hawaii aole hoi no kona pono iho. "Ae, eia au no ke Keikialii Cupid," , wahi ana. "Aole a'u mea e kue aku ai ia Wilikoki. He hoaloha oia no'u a he iini no hoi au i kahi holomua e loaa ana iaia me hoopoino ole i na Hawaii. E hai aku i ka poe heluhelu o ka Tribune he kanaka Hawaii wau i hanauia ma kela mokupuni a mai lilo no hoiJ kiaaina ina wau i E hai atyi ia lakou ua konoia mai au e -ka hapanui o ko'u poe kanaka e komo i moho Repubalika, aka, aole i ae rqai ka'u 1 hana e hana wau pela. "Ke kakoo nei au i lee Keikialli 6upid no ka mea ke ike e nei no wau i ka pomaikai e loaa ana i na Hawaii aine a'u no hoi ke koho ia oia. Ua maopopo ia'u o ka elele e holomua ana, oia ke kanaka nohona ulakolako. I kanaka he noonoo 1 piha kona, naauao a niana hoohuli no hoi. He waiwai ko ke Keikialii Cupid. He talena no hoi kon,a. He kulana kona e kokua ai īaia iwaena o na anaina ma Wakinekona. He Hawaii oiaio oia. He wahine maikai kana. O keia mau mea apau ka mea nana e lawe aku iaia iloko 0 na anaina kiekie o ka poe hanohano a e kokua ai hoi ka hana. ana i na mea ano nui no ka. pono o kona poe kanaka. Oia nei no ke kanaka kupono loa no keia wahi. Ua hana ka aoao Repubalika i ka mea pono ma ke koho ana iaia i mea nana e lawe aku i ko lakou hae. E hanohano ana keia Teritori ma o kona elele hou no Wakinekona. E kamailio a e hana no wau, a e haiolelo no hoi ma kona aoao a hiki 1 ka la koho balota. Ua ike aU A na ouli o ka manawa, a oiai o Adirtiarala Beckley me kona mana hoohuli 'Wia 'ka aoao o ke Keikialii, aole o'u kanalua i ka hiki ole i ke Keikialii ke lawe ae i ka hanohano o ka la" (koho balota.)