Ka Nupepa Kuokoa, Volume XL, Number 42, 17 October 1902 — MAKEMAKEIA I MOKU OHI DUTE AWA. Kupilikii ka ohi ana i ka auhau Dute o ka l'a a na Kepani. [ARTICLE]

MAKEMAKEIA I MOKU OHI DUTE AWA.

Kupilikii ka ohi ana i ka auhau Dute o ka l'a a na Kepani.

Mamuli o ka nele maoli o ke Auounl Federala maanei i ka moku ole e hoohana ai no ka ohi ana i na auhan dute awa ua kupilikii maoli no ka ohi ana i ka auhau dute o ka ia e lawaia ia nei na Kepani. A oiai ua loaa mal n& apono ana mai ke Keena Dute Awa ma Ws- - i ka pono e auhau ia ka ia a na lahui e e lawaia nei ma na kaf o kakou nei, ke hooikaika nei ka oihana dute awa maanei e ohi mai i ka auhau o 1 keneta no ka paona me ke kapilikii no. Ma ka loaa ana o kekahi moku no keia hana maanei ua hiki loa ke loaa aku na waapa iawaia o na Kepani mamua o ko lakou pae mua ana i ka aina a lawe ae i ka lakou ia e hoopae malu ae ma ka makeke. Aole wale/no o ka ia, aka, o na hana hoopae malu e ae i na waiwai maanei i kaawale ae ai ka auhau ana. Ke manao nei ka iuna dute awa maanei e hoouna aku i ke noi no Wakinekona e hoouna ia mai kekahi mokuahi uuku no keia hana maanel. Ke !oaa mai keia e maalahi ana ka laweiawe ana o keia hana maanei. Eia keia mea kt* noonooia nei e ka loio o na Mokuaina Huiia.