Ka Nupepa Kuokoa, Volume XL, Number 41, 10 ʻOkakopa 1902 — Ke Kahua o Arlington Hotele. E HOOMAEMAEIA ANA-KA MEA NANA E NOHO KUAI MUA ANA MA KA HALEPOHAKU O YOUNG [ARTICLE]

Ke Kahua o Arlington Hotele.

E HOOMAEMAEIA ANA-KA MEA NANA E NOHO KUAI MUA ANA MA KA HALEPOHAKU O YOUNG

Eia ke hele loa nei e paa ka halepohaku nani o Young e kukuluia nei. O ke keena kuai mua loa e wehe ia aku ana oia no ko David Lawrence keena kuai paka. O keia no ka haole nona kekahi keena i poino ai ma kela pauahi aku nei ma ke kuea o Kimo Lahaina (Campbell Block. Aole no i paa loa kona keena, a oiai no e nee ana ka poe hanapuna ame ka poe pena aia no keia haole ke hooponopono nel i kona mau mea hana. Ua manao wale oia ke pau ka hana ana o ka poe pena e wehe koke aku ana oia i kona keena kuai. Oiai ke hele loa nei keia halepohaku e paa ke manao nei na kahu malama waiwai o Pauahi Alii e hooponopono ae i kē kuea o Arlington Hotele, oiai J keia manawa aia ke ku nei kekahi mau hale liilii malaila. Aole no nae e hana koke ia ana a hiki i ka wa e hoi mai ai o Frank Dodge ka āgena. Aole i maopopo i keia manawa no ke kukulu ana aku i hale ma ke kahua e waiho wale nei, a i ole haawi ia aku paha ma ka hoolimalima i kekahi mau mea i makemak» e kukulu iho i mau hale mala&a.