Ka Nupepa Kuokoa, Volume XL, Number 37, 12 September 1902 — Hoalohaloha UA HALA O MRS. NAOMI KEKELA MA O. [ARTICLE]

Hoalohaloha

UA HALA O MRS. NAOMI KEKELA MA O.

Ma ka hora 2 p. m. Augate 30, 1902, ma ka home o Mrs. Kekela, kekahi o ka laua kaikamahine ma Waianae, ua kii mai la ka anela o ka make,' a kaili aku la i ka uhane o Mrs. Naomi, Kekela, a waiho iho la i ke kino pume ka walohia. ' KONA HUAKAI HOOLEWA. Ua malamaia ka huakai mai ka home i make ai a i ka luakini, ma ka hora 3:30 p. m„ ua lawelaweia na hana haipule. Ua hoopiliia ka olelo i ke kane, ame na keiki ame na moopuna o ka mea i make, a ua pili laula no hoi i ke anaina o ka poe kanikau iloko o ka halepule. Ua * hoopihaia ke anaina .me na naau mokumokuahua no ka hoomanao i ka mea i hala. Na'oleio hopē i ke kahu. • Eia ke ano nui o na olelo: "Ua hala o' Mrs f Naomi Kekela ma o, no ka hoomaha mau loa. Ua pau kana hana me kakou. Pomaikai ka poe make, ke make iloko o ka Haku, oiaio, wahi a ka uhane, e hpomaha lakou i ka lahui, a ke hahai nei ka lakou hana me lakou."

Na ka makua Rev. J. Kekahuna i hoopau ioa na hana o ka oihana haipule o ka mea i make, a hoi ka lepo i ka iepo, e like me ia i oleloia: "He lepo no oe, a e hoi hou aku no oe ilaila." A moe aku la o Mrs. Naomi Kekela, ma ka pa ilina o ka ekalesia o Waianae, a i kela ia hope e hoi hou mai ai'o lesu, alaila, e aia hou no ka nani mau loa, i hoomakaukauia no kona poe kanaka: ana i wae mai ai mai waena mal o ko ke ao nei. Ma keia, e ike mai e na haipule, ame na hoaloha, mai Hawaii a Kauai, o Mrs. Naomi Kekela, oia no kekahi o na wahine misionari mua loa, mai waena mai o na wahine Hawaii ponoi, i hoounaia i ka Paeaina o Nuuhiwa no ka oihana kuwaho, e ko kakou Papa Hawaii. Ua noho laua ma ia mau aina, e hoike ana i ka lamaku o ke ola nia, o lesu la, no na makahiki he 40 a oi. Ua hoi mai no Hawaii nei e hoomaha. / A ke koe nei kana kane aioha Rev. J. Kekeia, ame na kaikamahine 4, ame na moopuna. Aia no kekahi mau keiki, ame kekahi mau moopuna i Nuuhiwa, e paiauma aku maanei no ko lakou makuahine i aloha nui ia. Ua loaa ia o Mrs. Naomi Kekela i ka mai eha ma ka umauma, a na ia eha i hoemi mai i kona ikaika, a haia wale aku la i ke ala hoi ole mai. Na ka Hāku e hooluolu mai i Kona poe haipule, mai na haawina kaumaha, a hiki hou mai Oia. S. P. KAAIA. waijfrtae, Sept. 1, 1902.