Ka Nupepa Kuokoa, Volume XL, Number 37, 12 Kepakemapa 1902 — NA MANA O KA MOKUAINA. [ARTICLE]

NA MANA O KA MOKUAINA.

1. Nawai e hana i ko kakou mau kanawai? O na kanawai o na mokuaina na keia ame keia mokuaina no e hana, ma o ko lakou mau ahaolelo kuloko iho. 2. Heaha' ia mea he ahaolelo? He huina ia o na kanaka 1 kohoia no ka hana ana i na kanawai, a na kanaka no i koho. 3. He mau kanawai eae no anei kekahi mawaho ae o na kanawai i hanaia e ka ahaolelo? Aia ke kumukanawai i hanaia e na kanaka i ka wa i kukuluia ai ka mokuaina. Na keia kumukanawai ī hoike ae i ke ano o ke aupuni ame ke ano o ka hana ana i na kanawai anie ke ano o ko lakou hooko ia aku.

4. Heaha ka like ole mawaena o ke kanawai iloko o ke kumukanawai ame na kanawai i hanaia e ka ahaolelo? O ke kanawai iioko o ke kumukanawai aole lakou e hiki ke hoololli ia ae, aia waie no ma ke koho balota ana o na kanaka; o na kanawai i hanaia e ka

ahaolelo ua hiki no ke hoololl ia e kekahi ahaolelo.

5. O na kanawai laikini aia anei lakou iloko o Ke kumukanawai a i ole ma ka hana ana paha o ka ahaolelo? He mau kanawai wale no ia i pakuiia aku e ka ahaolelo. 6. Ua hiki anei ke hoololi i keia mau kanawai laikini kuai waiona? Ae; ua hiki no i ka ahaolelo ke hoololi ae a iiio i kanawai e papa ana i ka laikini ia o ka waiona. 7. Ua nana mau ia anei pela? Aole; ua oi aku ka ikaika o ka oihana waiona i ka ume ana i na manao o na kanaka hana kanawai, no ia mea, he kakaikahi waie na ahaolelo i hiki ke ku a hoololi ae i na kanawai laikini waiona i mau kanawai kue waiona. 8. Heaha ka mea kupono loa e hana ai? O ka hana pono e hana'i oia no ka hoololi ana i ke kumukanawai a pakui aku i ke kanawai kue laikini waiona iloko o ke kumukanawai. 9. Pehea e hiki ai? Elua wahi e hiki ai. O ka mua, ma ka loaa ana o ka ahaolelo e haawi ana i ka mana. iioko 0 ka poholima o na kanaka no ke koho balota no na pakui ame na hoololi i manaoia, a ina e lilo ka hapanul ma ka aoao e makemake ana i ka pakui a 1 ole ka hoololi e lilo ia i hapa no ke kumukanawai. O ka lua, i kekahi manawa ua hiki no ke iy>ololi ia a ke pakuiia ke kumukanawai ma ke kahea ia ana o kekahi aha elele no ka hooko ana i ka manao o ka halawai i kaheaia al, a na keia aha elele e noonooi ka pakui ame ka hoololi mamuii o na alakai ia ana e na manao o na kanaka. 10 Ehia mokuaina i hooliio ae i ke kanawai kue laikini waiona i hapa no .ko iakou kumukanawai ? He eha, o Kanast, o Maine, Dakota Akau ame Dakota Hema.

Ho makemake anti na kanaka Hawaii e huhuki ae i -keia daimonio ino? Ina pela ano ka wa. Aole na kakou i hana mai i ko kakou kanawai kumu, aka, na ka Ahaolelo Amerika, a ua haawiia mai ia kakou ka mana e haua i mau kanawai no kakou, a eia kakou ke liuliu nei no ka hakoko a-na ma ka pahu balota, aoie anei he mea pono e hana aku na moho e ianakiia ana i kanawai e hoopau ana i ka laikini ia o Ra waiona? Ina aole e hiki ia kakou ke hana peia maanei, ua hiki ia kakou ke hana ma ke kau'oha ana aku i ( ko kakou eleie e noi aku i ka Ahaoieio Amerika e hoololi mai i ko kakou kanawai kumu a pela e ko ai ka makem'ake. Pela anei kakou e manao ai? 10 ae n-.al a o ka pau ae ia no ia.