Ka Nupepa Kuokoa, Volume XL, Number 37, 12 September 1902 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

NA ALOHA ELUA

i ka

IPO HOOKAHI.

            He hoike ana mai ia aohe one pololi," wahi a Lede May i olelo aku ai me ka hoao ana iho e akaaka, aka, aohe ia i oluolu i ko Miaa Lokawahie pepeiao a nana ae ia oia iluna me ka pihoihoi loa iaia.

            "Ua ike anei oe iaia, e May? Aia iloko o kona helehelena kekahi mea i hiki oe ia'u ke hai aku heaha la ua mea la- aka, i ko'u hoomaopopo aku he mea e hoomaka'uka'u mai ana ia'u. Ua ike anei oe iaia?"

            No ka hoomau loa mai o Miss Lokawahie i ka ninau ana, ua huli ino aku ia o Lede May 1 kahi e, a olelo mai la oia:

            "Ae, ua ike mai nei no au iaia, aka, no ka wahi munute pokole wale no nae; no ka piha loa nohoi, a he wa ia iloko o ka hauoli. I ka la apopo au e hai aku ai ia oe i na mea apau.:

            "Aka, e May, ua makemake au e hai mai oe ia'u e pili ana no Sir Kilinetona; oia no ka'u mea nui, aohe o'u nana i ka poe e ae apau. E hai mai oe ia'u, ua huhu anei oia?"

            "Manao aneri oe e hoike mai ana oia i kona huhu ilaila in a ua huhu lo oia?" oia ka pane pololei a Lede May I pane mai ai. No ke aha hoi oia e huhu ai?

            "Heaha no la kau i hele aku nei, e May; ua olelo mai oia ia oe aole oe e hele. Ua hiki no ia oe ke akaaka mai ia'u in a o kou makemake ia, aka ua ike au i kekahi mea iloko o kona helehelena, he mea hoi e hoomakaukau mai ana ia'u. Heaha no la kou mea o ka hooko ole ana i kona mau makemake?"

            "E kuu auntie aloha, e hana ana au i na wa apau i i mea a ko'u manao e oluolu ai. O ka poe apau e manao e oluolu ai. O ka poe apau e manao mai ana e ae aku ana au i ko lakou makemake a hoolohe aku hoi i ka lakou mea e papa mai ai, he poe naaupo loa ia, a e hookoa mau ia ana no ko lakou manaoiana. Ua kaumaha maoli au i kou hoopihoihoi ia ana ua kaumaha nohoi au u kou aia ana iho nei e kali ia'u. A ka la apopo alaila au hai pau aku i na mea apau e pili ana i na hana a makou."

            Mhope iho o kana kamailio ana, ua hele aku la oia me ka awiwi loa. Ke ano emi mai a ka ikaika o kona kino. E haalulu ana kona mau lehelehe, a pela nohoi me kona mau ilima; me he mea la aia kekahi mea iloko o kona puuwai ke pii mahuahua ae ia a hiki i kona puua ana.

            Iaia i hele wikiwiki aku ai a komo iloko o kona lumi moe, ua loaa aku ia no iaia o Duvale kona wahine lawelawe e kali mai ana no iaia. Ua nana ae la oia iluna me ka piha pahaohao i ka helehelena o kona haku wahine opio.

            "E kii aku oe i wahi waina no'u," wahi a Lede May I olelo mai ai:" ua hele au  amaluhiluhi loa."

            E like me ka olelo kauoha a Lede May i kana kauwa wahine pela oia i eleu aku ai i ke kii ana i waina nona. ALaila i kona koe hookahi ana iho, oia ka wa i ala mai ai o na manao weliweli ame na manao kaumaha iloko on a. Alaila hooho aw ia oia me ka lea nui ame kona puiki ana ae nohoi i kona mau ilima:

            "E na Lani Kiekie e, e aloha mai oe ia'u! wahi ana i olelo ae ai.

            He oiaio ua nalowale aku oia mai iaia aku ua haalele iho oia iaia, aole loa oia e huli hoi hou mai ana. Ua hoea mai la kekahi ao pouliuli mawaena on a ame ka malamalama ana e ike aku ana a pouli pu ae la na mea apau. Ua uwe hou ae la no oia me ka leo nui; a i ko Duvala hoi ana mai, ua loaa mai la iaia kona haku wahine e moe ana iluna o ka papahele me ka huli o kona aio ilalo a ua haule iho hoi oia mai kahi mai ana i haalele iho ai.

            Ua loihi loa kona noho ana iwaena o na lede opio e like me ko Lede May ano, a ua manao iho la oia ua loaa paha kekahi mea nana i hoopuiwa i kona noonoo. Ua hapai ae la oia iaia wehe aku la i ns ipuka aniani i komo mai ka wa huihu, maikai; ua hoomau iho ia oia i kona mau ilima ame kona mau maka i ka wai. A i ka wa i kaakaa ae ai o ko Lede May maka, ua eleu aku ia kana kauwa e hoohoihoi iaia i mea e pau ai kona kanalua a i ole ia kona manao pihoihoi.

            "Ua manao au ua lohi loa ko'u lawe ana mai nei i ka waina, e kuu Lede," wahi a ke kauwa i olelo aku ai.

            Aka, iaia e kamailio la e like me ia, ua olelo wale iho la no oia iaia iho aole no ka maluhiluhi ka mea i ano e ai o kela mau maka e hoolilio aku hoi i kona helehelena i helehelena haikea. Ua noeau maoli no ko Duvala noonoo ana. Ua hoomaopopo iho la no iaia ke kumu i ano e ai ai kona haku wahine.

            "E lawe wikiwiki aku oe i keia mau mea apau ma kahi e," wahi a Leda May i olelo aku ai iaia. Iaia i kamailio mai ai, ua kuhikuhi mai la oia i na daimana, i na pua ame ka lole nani ana i komo ai me ke ano paupauaho. "E lawe koke aku ia lakou ma kahi e," wahi ana i olelo hou mai ai," aohe o'u makemake e ike hou aku i ko lakou mau hiohiona!"

            Ua hoolohe iho la kana kauwa wahineme ka hookaulua ole.

            "Duvala," wahi a Lede May i olelo mai ai, i ka wa a kana kauwa e hoomakaukau ana e haalele iho i ka lumi," e oluolu hoi oe e aloha mai ia'u mamuli o kou hai ole ana aku i kekahi mea i kuu maule ana iho nei. Aole o'u makemake e lohe mai kekahi poe."

            "Aole loa au e hai ana ia mea, e kuu lede," wahi a ke kauwa wahine i olelo aku ai, ka mea hoi i hoomaopopo i na mea apau i hanaia e kona haku opio mamuli o kela manao hailalia wale ae no iloko oe.

            Alaila haaleleia iho la o Lede May e noho hookahi me kona mau manao kaumaha apau. Ua haalele mai oia ia ia, a ua hele aku oia i na huaolelo e hoahewa ana iaia; ua olelo mai oia me ke ano hoohenehene ame ka hoowahawaha.

            "E haawi aku iaia i ka lima ana i hoopa mai la," oia kana poe huaolelo i olelo mai ai.

            I ko Lede May wa i hoomanao are ai i keia poe huaolelo lokoino, haakei, a ku nohoi i ka eehia, ua hoomaka mai la kona kino holookoa e naka; a i keia wa a no, ua hale aku la oia ma ke alahele i ike ole ia.

            Ia wa iho la akahi no oia a hoomaopopo mai i kona aloha palena ole iaia o na manao wahahee, o na olelo hoakamai, ame na manao kuhihewa apau ua pau loa ae la i ke kapae ia ma kahi e Ua hoomaopopo iho la oia mamuli o kona aa ana e kue aku i na makemake apau o kana ipo, i kona kipaku ana iaia e hele i kahi e, o ia hana ana ana pela he hana pepehi maoli iho no ia i kona hauoli. O kona mau manao haakei ponoi iho no kana i manao nui ua hana no oia mamuli o kona makemake iho; aka i keia wa a no o ua kulana hookiekie wale la no on a ka mea i koe no ka hooliolu ana aku iaia.

            I ke ala ana ae o kona poo mai ka uluna ae, ua kukuli hou iho Ia oia ilalo o ka papahele, palulu ae la i kona helehelena, me kona mau lima, a uwe iho la me ka ehaeha nui, a he mau waimaka hoi la i hiki ole ke hoopoina ia. Nana no i imi ke kumu o ka hewa; aohe na kekahi mea okoa ae. O kanahana ia o ka hoohauoli aku i ka manao o kana ipo, o ka hoolohe aku i kona mau makemake apau o keia mau mea apau ua waiho ia aku ia aku ia iloko o kona mana eia nae, aohe i hooko ia ia mea. Ia ia i huli mai ai i hope a nana, aole oia i haohao iho i ka hana kipi a kana ipo i hana mai al mamuli o kana mau hana hoowahawaha. haawi aku ai iaia. Ua hala ae la keia mau mea apau-ua hala aku la pia, a in a oia aohe oia e ike hou ana iaia; nolaila, ua nalohia aku la ka malamalama o ka la o kona ola ana ma keia ao iloko o ka pouli, a ua koe hookahi iho la ola. Eia ke ala o ke kaumaha ame ka ehaeha ke hana mai nei; he mau hora loihi kana i hoohala ai i kela po iloko o ke kanikau ana nona-ua makaukau ola ma na ano apau e hoihoi hou mai  i na mea apau ana i hana ai, aka, ua hiki ole ia ke hoololi hou ia ae. Ua kumakena iho la oia iaia, ua hiolo iho la kona mau waimaka aloha nona, ua kahea wale ae la no oia laia me ka leo nui. ua uhau iho la ola i kahi lima uuku keokeo a ka Duke o Rosekana i honi ai a hiki i kona uliuli ana. Ua kokoke la no oia e hoohalike i kona mau lehelehe e like me ka hana ana. I hana ai i kona ilima, a pela hoi ime ka helehelena i nana aku ai iaia me ka lokoino ame ka hookiekie. Alaila olelo iho la oia iaia iho e malama ana no oia i kona kulana haaeo aohe pono e ike mai kekahi mea i ka mea huna e pili ana no kona kaumaha. A i ka puka ana mai o na kukuna malamalama o ka la i ke kakahiaka ana ae ua loaa mai la no oia e kukuli ana ana no iluna o ka papahele; ua hele kona helehelena a upepehu i ka noke i ka uwe. Na ka pumehana o ka la i hoala ae laia mai kahi ana e kukuli ana.

            A iaia i ala ae ai iluna mai ka papahele ae ua ike koke aku la ola i kona ano iloko o ke aniani nana, a u ahiki ole iala ke hoomaopopo pono aku i kona helehelena ponoi.

            "Aohe i pono keia hana ana a'u" wahi a Lede May. olelo ae ai. Ua hana iho no au e like me ko'u makemake; ua kipaku aku au iaia me kona manaolana i hoopono loa ia-ua kipaku aku au iaia ehookaawale mai a'u aku. Ua makehewa na waimaka e hiolo wale nei no-e pono no au e uku ia mai. no ka'u mau hana hookiekie i hana ai."

            Aka, o na aia like ole o na mea aia apau e moani mai ana mai kona pakaukau waiho omole wai ala mai aohe no ia he mea nana e kaohi mai i ka helelei ana iho o kona mau waimaka. Alaila haawi aku la ua hooilina opio hookano la i ka olelo kauoha ua makemake oia e ai i kona aina kakahiaka iloko o kona lumi ponoi. Aohe pono e ike mai kekahi poe i keia mau waimaka o hoomaopopo mai auanei lakou he meau waimaka ia i hookaheia nona.

            Ua olelo iho la oia iaia iho aole oia e uwe hou ana; o na mea e ae apau ua pau ia i ka hookaawale ia mai iaia aku e pono oia e malama maile no i kela kulana haaheo on a. Aka, i ka pau ana ae o kona ainakakahiaka, a ua hala ae la hoi he mau hora loihi o ke kakahiaka, e mau ana no ke ano upepehu o kona helehelena ua haikea, a ua powehiwehi nohoi ka ike a kona mau maka.

            :Ua hiki loa ia'u ke olelo aku ua nalili ia kuu poo. Aohe mea nana e haohao mai ua maluhiluhi la au mamuli o na hana i ke ahiahi nei."

            Nolaila ua iho aku la oia ilalo iloko o ka lumi hookipa, kahi hoi o Miss Lokawahie e noho ana me kana mea hana lima.

            "Aole au i haohao i ko'u lohe ana mai nei ua nalulu la ko poo, e May," wahi a Miss Lokawahie i olelo mai ai, "ua aumoe maoli no oe i ka po nei."

            "Ae, no kuu aumoe loa ana no paha kekeahi: aka, me he mea la he mau eheu ko ko na hora i lele wikiwiki loa ai, e auntie. Nolaila e hai aku ana au ia oe i na mea apau e pili ana no na hana o ka po nei."

            "Mamua o kou hoomaka ana e hai mai ia'u e kuu kaikamahine aloha, e ae mai oe ia'u e ninau aku i hookahi ninau, a oia keia aia ihea o Sir Kilinetona?"

            Me ka piha noeau nohoi o ke kaikamahine ua hoopili mai ia oia i ka ninau a kona auntie i ninau mai ai.

            "Aia i hea o Sir Kilinetona? Owau anei ke kiai o ko'u kaikaina, e auntie au i ninau mai ia ia'u me ka leo eehia?"

            "E ua oki, e kuu kaikamahine aloha; mai noho oe a hoopuka wale mai i na huaolelo Baibala. Aia oia i hea, e May?"

            "Malia paha aia nohoi oia i kona hale; ua kaia loa ia paha e ka hiamoe."

            "O kona ano maa mau he hiki mua oia ianei nei mamua o keia manawa," wahi a Miss Lokawahie i olelo mai ai; "a, ua ike anei oe, e May, ua hoounaia mai nei kekahi mea ianei mai kona home mai e nana ai in a eia oia ianei, a i ole ia he mea hou paha ka kaua e pili ana nona. Ua hoouna aku oia i kekahi telegarama, e hai aku ana i ko ka hale poe e hoouna aku oia i kekahi telegarma, e hai aku ana i ko ka hale poe e hoomakaukau iho lakou no kona hoi aku, a aole nae oia i hoea aku a hiki i keia manawa."

            "Aohe ka oia i hoi aku i kona home i ka po nei?" wahi a Lede May i ninau aku ai me ka manao haohao.

            "Ina paha oia i hoi i ka hale, aohe e ninauia mai kela ninau. Aohe ka oia i olelo mai i kekahi mea ia oe, e May oia hoi e hoi hou ana no paha oia i Parisa, a i ole ia, he mea okoa ae no paha?"

            "Aole oia i hai mai ia'u i kekahi mea o ia ano; he mau wahi munute pokole wale no ko'u i ike ai iaia. He helehelena maluhiluhi kona e hoike mai ana, a aohe nohoi he ano oluolu maikai."

            Ia wa o Miss Lokawahie i nana pono loa mai ai iaia.

            "Ua ike no au ua piha hookano oe, e May," wahi a Miss Lokawahie i olelo mai ai, a ua ike nohoi au he makemake ole oe i na ninau e ninauia aku ana ia oe; aka, he mea pono no ia'u ke olelo aki i ka mea a'u e noonoo nei, in a no he mea ia nou e oluolu ole ai."

            "E olelo mai e like me kau i makemake ai, e auntie, ua aponoia oe ma na ano apau. Aole loa au e noonoo ana me ka manao oluolu ole, e like me kau i olelo mai la."

            "Alaila, he wahi manao ko'u, e May aole hiki ia'u ke hai aku i ke ano aka, manao au ua loohia ia o Sir Kilinetona me kekahi poino. Ua ike no au e malama maile ana no oe i kau mea huna ponoi, kaa, aole hiki iaia ke pale aku i ko'u noonoo ua hanala kekahi hana hoopaa mawaena o olua i ke ahiahi nei. Ua aa loa oe e kue aku iaia i ke akea; manao au, na kau mau hana hookiekie i kipaku aku iaia me kona manaolana i pepehiia a make, a malia paha ua halawai oia me kekahi ulia weliweli."

            "No keaha i komo mai ai keia noonoo iloko ou?" wahi a ke kaikamahine i ninau aku ai me ka leo ano e loa.

            "E mino ana mai ana oe i ko'u wa e hai aku ai ia oe, aka, he manaoio ko'u iloko o keia mau mea a'u i hai mua aku nei ia oe. Oiai i kekahi po ua hoopuiwa loa ia au mai ko'u hiamoe ae mamuli o ko'u lohe ana i kona leo oia hoi i ko Sir Kilinetona leo e kahea mai ana me ka leo nui, e kokua aku iaia. Aole ia he manao ulu wale ae no no'u, ua lohe aku no kuu mau pepeiao me ka moakaka lea a like me ka moakaka pono o ko'u lohe ana i ko'u leo ponoi, a, in a aole kaua e lohe ana i kekahi mea, e pili ana nona i keia la, e lilo ana ia i mea no'u e kaumaha loa ai."

            I ko Lede May lohe ana i kela mau huaolelo ua ku koke ae la oia mai kona noho ae; ua auhee aku la keia helehelena wahine ui on a mai iaia aku, a waiho iho la i ke ano hailepo. Ua hoike mai Ia kona mau lehelehe; alaila, olelo mai la oia me ka leo nawaliwali:

            "Ina no he mea ino loa ia in a paha ua hakaka io maua aole oe e manao mai ana e lilo ana ia i mea nona e puupule a hoopoino iho oia iaia iho? He kanaka makua oia, e auntie, aole he poe hohe wale ka poe kanaka makua."

            "Ua hai pinepine aku no au ia oe, e May, he kanaka makua oia. Ua kamaaina au i na mea apau o keia noho ana ua ike au i na hana apau e pili ana i ka hoipoipo ana, aka, aole loa au i ike i kekahi aloha e like me ko Sir Kilinetona aloha nou. He mea ehaeha no ia ke hoomanao ae, a no kana hana e hana aku ai in a e loaa io ana kekachi hoopaapaa mawaena ou ame ia, he mea hiki ole ia ia'u ke hai aku me ka maopopo loa ua hanaia kekahi hana hoomake manaolana."

            "Auntie," wahia ke kaikamahine i hookauhaia i olelo aku ai, "ua hele au a pija i ka maka'u! E malama malie oe i kuu mea huna ua hele au a puiwa! Mai noho oe a hai iki i kekahi mea ua hoopaapaa maua i ka po nei a ua kaawale maua. Ina e loaa ana ana kekahi haawina o ka poino iaia, o ko'u wa ia e pepehi ai ia'u ino a make loa!"

            "Ua oki ka olelo ana e like me kela, e kuu kaikamahine. Ua ano makau no au ua hanaia ia hana."

            "E pono e malama malie i kuu mea huna," wahi a Lede May i hooho aku ai me ka leo ikaika; "aole o'u makemake e lohe i kekahi mea. E hoomau ana no au i ka malama ana i ko'u kulana haaheo mamua o na poe e ae a pau, aka, aole nae mamua ou, e kuu auntie he mea hiki ole ia ia'u ke hana aku, no ka mea, o oe no kekahi i aloha iaia. Ua hakaka io no maua a ua kaawale maua. Aole hiki iaia ke kala mai ia'u no kuu komo ana iloko o kela mau hana naaupo, a he hana hookano nohoi ka'u i hana aku ai iaia. Ua kaawale maua, e auntie; ua hele ko'u noonoo a pono ole a ua makemake loa au e make." A uwe iho la oia me ka ehaeha. "Ua lawa loa keia hoehaeha ana mai ia'u; mai noho oe e hoahewa, mai ia'u. Pehea la e hiki ai ia'u ke hoomanawanui ia mea? Owau no ka i hewa. E manaolana aku kaua e hiki mai ana no ka wa e pono ai o na mea apau. E kakau aku nohoi oe iaia, e May, a e ha'i aku oe iaia ua hewa oe. I kona wa e heluhelu iho ai i kela leta a ike oia i kela manao, oia kona wa e hiki koke mai ai ianei nie."

            Aka, ua luliluli mai la ua hooilina wahine opio la i kona poo.

            "Aohe oe i ike i na mea apau i hanaia, e auntie aole oia e noi hou mai ana i o'u nei, aka, e hoouna aku oe i kekahi mea kona hale e nana ai aia la oia i hea. Nau ponoi e hoouna aku, aole na'u."

            A o ka pane i loaa mai ia laua, oia hoi ua loaa mai kekahi leta i ka wahine malama hale o Sir Kilinetona e hai mai ana iaia e pani paa ia na puka apau o ka hale, no ka mea aole e hoi mai ana kona haku i ka hale no kekahi manawa loihi loa.

            Ua ninau aku la Miss Lokawahie mai hea mai la ka leta i kakaula ai, a o ka pane i peneia mai ai, mai ai, mai Esetona Kuea mai, hale hoolulu kaa-ahi.

            Ua nana aku la o Miss Lokawahie i ka wahine malama hale o Sir Kilinetona a pela nohoi oia i nana mai i kona kokoolua, a kulu iho la na waimaka o ka lede mua no ka mea i nalowale.

            "Na na Lani e hoomaikai iaia a e malama nohoi iaia ma na wahi apau ana e hele ai," wahi a Miss Lokawahie i olelo mai ai; aka, aole o Lede May i aa aku e olelo, "Amene."

            Mahope mai ua kaea iho la na poe apau i ka ninau mau, "Aia la i hea o Sir Kilinetona?" Aka o ka manao nui no nae e oleloia ana ua hala oia i na aina e, a o ke kumu o kona hele ana he mea pohihihi ia, aole i ike kekahi mea. Ua koho wale iho la no kekahi poe a he mau koho ana nohoi i ki i ka oiaio, eia nae he mea hiki ole ia ke hooiaio aku. Hookahi no mea i maopopo loa oia hoi, ua pau ka hoopalau ana o Lede May me ia. Ua kuokoa oia i keia wa mamuli iho no paha ia o kona makemake ponoi iho, a i ole ia mamuli paha o ko Sir Kilinetona, aohe mea hookahi i ike i ke kumu. Ua uhaki ia ka mea i hooholoia mawaena o laua. Ua lanakila o Lede May i keia manawa a ua loaa hoi ka wa kupono i kekahi mea okoa aku e kii mai ai iaia. Ua ploloke iho la hoi ka manao o ka poe imi waiwai, a piha auoli iho la hoi ka manao o kekahi poe ipo ana. Eia nae oia no ka mea i kuleana iaia iho, a aohe mea i ike i ka moolelo pololei. Ua hoomanawanui iho la o Lede May e noho me ka oluolu e like me ka mea hiki iaia. O ka mea nui hookahi wale no ana e manao nui ana mawaho ae o na mea e ae apau oia no kona kulana. Aohe oia i makemake e ike mai kekahi mea ua lilo ko Sir Kilinetona kaawale ana aku i mea nui iaia; aohe nohoi on a makemake e ike ia mai eia oia ke hookaumahaia nei me na ehaeha he nui eia oia ke noho nei iloko o ke kanikau ana nona a hoike aku hoi iaia iho ua hoopoino ia kona ola ana ma keia ao. Ua oi loa aku la kona launa ana iloko o na anaina hoolaulea, aka, aole nae oia i hele hookahi. Ma ka hele ana i ka holo kaa, holo lio, i ka hulahula, i ka nana keaka, a i ole ia i na ahaaina, ua hiki loa i kekahi mea ke ike mau aku o Lede May hookahi ka moiwahine ui a kaulana iloko o keia mau anaina apau e ike mau ia ana ia iwaena o na ipo he lehulehu e hoomahie ana, e olelo ana i na olelo hoomakeaka, e hauoli ana, a aole loa on a hoike mai i kona ano maluhiluhi no neia mau mea apau. A owai hoi ka mea i hiki ke manaolo aku he puuwai keia i hoehaehaia me na kaumaha he nui e huna ia nei malolo o keia mau hana apau he mau mea olelo wale ae no oia me ka oiaio ole, i ka huna ana i ka mole oiaio o keia mau ehaeha e walania nei me he kui la e hou ia mai ana? He oiaio, e hiki mai ana no ka manawa e auhee aku ai o keia mau hauoli ana apau mai iaia aku- ka wa hoi a kela helehelena onaona e lilo ae ai i hele helena hailepo, a powehiwehi mai hoi kona mau maka me na waimaka- ka wa hoi on a e lele aku ai a puiiki i ka ai o kona auntie a uwe aku me ka leo nui, ua oi aku kona makemake e make oia mamua o konaola ana no ka mea ua piha kona mau la i ke kaumaha a ua hiki ole iaia ke hoomanawanui ia mea: a hoolohe aku la o Miss Lokawahie iaia me ka pauaho ole, a hoao aku la nohoi e hooluolu i kona manao.

            " E hiki mai ana no ka wa e pono ai o na mea apau," wahi ana i olelo aku ai," ka wa hoi o Sir Kilinetona e hoi hou mai ai. E pono o Lede May e kakau aku iaia e pono oia e hai aku iaia ua kaumaha oia no ka hana ana i hana ai. A aohe nohoi e nele ana kona hauoli no ka hoihoi hou ana mai i ko laua hoopalau hou ana."

            Aka, ua luuliluli aku la o Lede May i kona poo, a hoole aku la i na mea e hooluolu ia mai ana kona manao.

            "Aole loa oia e kala mai ana ia'u," wahi a Lede May olelo mai ai; "he mea makehewa ka noono ana aku no ia mea."

            Aka, ua waiho aku la no Miaa Lokawahie i kona manaolana no na mea i oi ae ka maikai, a hana iho la oia i kana olelo hoohiki me ka oiaio loa, oia hoi i ka wa o Sir Kilinetona e hoi hou mai ai, e noi aku o Lede May iaia e kala mai iaia.

            "He hana hewa a lokoino maoli no kau i hana ai, e kuu kaikamahine aloha," wahi a Miss Lokawahie i olelo aku ai. "Aole au e hoahewa aku ana ia oe; aka, aohe kanaka i loaa ke kulana kanaka makua, i hiki ke hoomanawanui i ka mea au i hoao aku ai iaia e auamo me ka hoomanawanui."

            Nolaila, ua haawi mai ia o Lede May i kona ae, i ka wa a kana ipo e hoi hou mai ai, e hai aku ana oia iaia ua hewa loa oia, a e noi aku ana oia iaia e kala mai iaia.

            I kona wa e huli hoi mai ai! aka, he manawa loihi loa keia e hilinai aku ai. I ka nana aku me he mea la aole oia e hoi hou mai ana.

            Nolaila ua hiki mai la ka hopena o ke kau iloko o ka olioli. Ua haalele iho la kekahi poe i ke kaona a hele aku la ma na wahi like ole apau. Ua hoea mai la ke kau o ka makalii a hala ae la ia me kona mau pono apau, a komo aku la hoi iloko o ke kau o ka hooilo, a aohe no he wahi mea hou i lohela mai e pili ana no Sir Kilinetona. Ua kauoha koke aku la o Lede May ia Miaa Lokawahie e kakau aku ia Esawale, a ninau aku in a aia oia ilaila. A o ka pane i paneia mai ai aohe lakou i lohe iki i kona wahi i noho ai, a aohe nohoi lakou i ike i kona wa e hoi mai ai. Alaila kakau aku la o Miss Lokawahie i kona poe malama banako, a hoea mai ia kekahi pane pokole, e hai mai ana aole lakou i ike i ko Sir Kilinetona wahi i noho ai.

            Nolaila ua hala ae la ke kau o ka hooilo, a hoea hou mai la ke kau o ke kupulau; a o ke kau nohoi ia o Ladana e piha mai ai i na hana hauoli o kela ano ame keia ano. AKa, aole no he wahi mea hou i hoea mai e pili ana no Sir Kilinetona- me he mea la ua nalowale loa aku no oia mai ka ili aku o ka honua.

            Ua hoomaka mai la ka Duke Opio o Rosekana e hoohoo, e loaa ana he manawa kupono iaia i keia wa a no, a aole loa oia i haalele i ka noho ana ma kona aoao ke ike oia ua loaa iaia ke kulana laki. Ua hoomaikai ia na poe apau e noonoo no ka hooloia ae o ko laua hoopalau ana. Ua hoopukaia ae iloko o kekahi mau nupepa elua kekahi lono e wawa hele ana e pili ana no ka mare mawaena o ka Duke o Rosekana ame Lede May Terevelina- i ko Lede May heluhelu ana i keia hoolaha oia kona wa i piha loa ai i ka hoowahawaha.

            "E mare io ana anei oe i ka duke, e May?" wahi a Miss Lokawahie i ninau aku ai iaia i kekahi la.

            I ko Lede May lohe ana i kela ninau ua nana koke ae la oia iluna, a olelo mai la oia:

(Aole i pau)

 

HELE MALIHINI ANA O KEKAHI KEIKI OPIO AUWANA I KEIA AO A HIKI I KELA AO,

            Olelo aku la o Kealoha, pono no oe e kamailio me lakou, a e hoike aku ia lakou i ka popilikia e kau mai ana maluna o ka poe noho.

            Pela no wau; a hai aku ia au i ka mea a ke Akua i hoike mai ai ia'u no ka luku ana mai i ke kulanakauhale. Aka, ua like au ia lakou me ka mea hoomaewaewa, aole lakou i manao he oiaio.

            (Kinohi 19:14. Hele aku la o Lota iwaho, olelo aku la i kona mau hunona kane i mare me na kaikamahine ana i aku la, E ala ae, e holo aku iwaho o keia wahi; no ka mea, e luku mai ana o Iehova i neia kulanakauhale. Aka, ua like ia i ka manao o na hunona kane me ka mea hoomaewaewa."

            Olelo hou aku la o Kealoha, e pule aku no oe i ke Akua, e kokua mai ia i kau olelo ia lakou e hoohuli?

            Ae, wahi a Keristiano, e pule no au me ke aloha nui, no ka mea, he nui kuu makemake ia lakou.

            Hai aku no oe ia lakou i kou kaumaha ame ka maka'u o make?

            Ae, hai pinepine no au i kuu maka'u.

            Ua ike no hoi lakou i kuu kaumaha maloko o kuu mau maka, ame kuu waimaka, ame kuu haalulu me ka weliweli i ka hoohewa ia e kau mai ana maluna o makou. Aole nae i hiki ia mau mea apau ke hoohuli ia lakou e hele pu mai.

            Ninau aku la o Kealoha, Heaha ka lakou olelo i ka hoole mai ia oe, aole e hele pu?

Keristiano, Ua minamina ka'i wahine I na mea o keia, aole makemake oia e haalele aku; a ua lilo na keiki I na paani lapuwale o keia ao. No ia mau mea, -ookuu lakou ia’u e hele hookahi wale mai nei.

            Aole anei oe ma kau hana kekee ana, I hole aku I na olelo au I olelo aku ai e hoohuli ia lakou mahope ou? Wahi a Kealoha.

            Keristiano, aole au e kaena I ka’u hana ana, no ka mea, ke  ike nei au, he nui na mea kekee ou e pili mai ia’u. Ua ike hoi au, e hiki no I ke kanaka ma kana hana pono ana, e hookahuli wale I na mea a kona waha I ao aku ai ia hai ma ka pono. Aka, ua makaala no wau ia’u iho o hana kau au I kekahi mea e keakea I ko alkou hele malihini ana mai me a’u. Nolaila, ua olelo mai lakou, he nui loa kuu hoopono ana ia’u iho, a ua makau wale au I na mea hewa ole ke hane. I kuu manao, ina I ike lakou iloko o’u I kekahi mea hooke aku I ko lakou hele pu. Ola no kuu makau nui I na hana hewa a pau e hewa ai I ke Akua, a I ke kanaka. Olelo aku ia o Kealoha, Ua inaina o Kaina I kona kaikaina, no ka mea, ua hewa kana hana iho, a ua pono ka ke kaikaina, no ka mea, u ahewa kana hana iho, a ua pono ka ke akikaina. Ina ua huahua kau wahine amen a keiki ia oe I keia mea, aole no lakou I oluolu I ka pono. Ua hoopakele oe I kou uhane I ko lakou koko.

(Ezekiela 3:19. Aka, ina ao aku oe I kanaka hewa, aole nae ia I huli, mai kana hana hewa, aole hoi mai kona aoao hewa mai, e make no I a iloko o kona hewa; aka ua hoopakele oe I kou uhane iho.)

Pela no lakou I kamailio ai, a makaukau ka aina, alaila noho iho la lakou e ai. Ua kau ia ma ka papaaina na mea ono, ame ka waina maemae. O ka lakkou olelo olelo ana apau no ka Haku I anona ia puu, no kana hana ana am eke kumu o kana hana ana pela.

Ma ia olelo ana a lakkou, ike iho la au he alii koa nui kela I ka wa mamua, ua kaua aku no la a ua lanakila maluna o ka mea lala ku mana e make al.

(Hebera 2:14. A, I ka lawe pu ana o na keiki I ka io am eke kokko, pela hoi oia I lawe pu ai I ua mau mea la, ihiki ai iaia, me kona make ana, ke hoopio I ka mea iaia ka mana e make ai, ola ka daibolo; (15) A e hoola hoi I ka poe I noho I ko lakou wa e ola nei apau no ka makau I ka make.)

A ma ia hana ana ua loaa iaia ka pilikia nui. No ka mea, olelo lakou, ua lilo aku kona koko he nui ma ia hana ana. Aka, o ka mea pakela nani o kana mau hana apau, oia no kana ohana ana ia mau mea no ke aloh a I ko ka aina nona. A o kekahi poe ohua ona, I olelo mai noi lakou, ua ike io lakau iaia, a ua kamailio me la mahope mai o kona make ana maluna o ke kea. Ke hoike pono mai nei lakou, mai kona waha ponoi mai, aohe lua e aloha like ana me ia I ka poe e hele malihini ana. Hoomaopono mai hoi lakou ia me a lakou I hooiaio ai, ma kona waiho ana I kona nani, e hana mai ai la mea no ka poe ilihune; a ua lone hoi lakou I kana olelo ana mai, aole ia e noho hookahi wale ma na Mauna o Ziona. Olelo mai no hoi lakou, he nui na malihini hele ana i hoolilo ai i alii, o na mea nae i hanau piliwale, a o ko lakou noho mua ana, aia no ia a ka puu opala.

(Samuela 2:8. Ke hookiekie oia i ka poe ilihuna mai ka lepo mai: ke kaikai ae la ia i ka poe nele mai kahi ino mai, e hoonoho ia lakou me na lii, e hooili no lakou i ka nohoalii nani. No Iehova na kia o ka honua, Nana i hoonoho ke ao nei maluna o lakou.

Halelu 113:7. Ka mea i hapai i ka mea ilihune, mai ka lepo mai, a hookiekie hoi i ka mea pilikia, mai ke kiona aku.)

Pela lakou a hiki i ka hola moe; pule lakou i ko lakou Haku, a haawi lilo hou lakou ia lakou iho nona, e hoomalu mai a hele lakou e moe. Hoomoe lakou i ka malihini maloko o kekahi keena nui maluna, e alo ana kona puka aniani ma ka hikina; o Kamalu ka inoa o ia keena. Ilaila oia i moe ai a ka wanaao, alaila aia ae la a mele aku ia penei:

Auhea Ia wau ano? Penei ke aloha mai O Iesu i ka po, i na hele huaki? Ka lokomaikai mai i hale kipa nani. E noho iho ai ma ka puka o ka lani.

A ao ae la ala mai ia lakou apau. Aloha aku, aloha mai, kaohi lakou iaia e noho, a hoike lakou iaia, i na mea milimili o ia wahi. Alakai lakou iaia iloko o ka hale ahu palapala, a hoike mai iaia i na moolelo kahiko loa. Maloko oiaiia lakou i hoike mai ai i ke @@auhon@@ ka Haku nona ka puu, o ke keiki ia na ka makamua o na la, a hele mai la oia me kela keiki mua loa ana. Maanei no hoi ua kakau ia na oihana apau ana i hana ai, ame na inoa kinikini o ka poe ana i hoonoho ai i ohua nona, ame kona haawi ana mai ia lakou i na nohona naue ole, e hiki ole ka hookahuliia i na manawa ame ka make.

Heluhelu lakou i lohe kona pepeiao na hana kaulana a kana poe kauwa i hana ai. Ma ka manaoio lakou i hoopio ai i na aupuni, i hoopao ao hoi ma ka pono, i loaa ai hoi i na olelo hoopomaikai, i papani ai hoi i na waha o na liona, i hoopio ai hoi i ka wela o ke ahi.

I pakele ae hoi i ka maka o ka pahukaua, i hooikaikaia ai hoi ko lakou nawaliwali, a lilo ai hoi i poe ikaika i ke kaua, i hooauhee ai hoi na kaua o na aina e.

(Hebera 11:33. Ka poe nana ma ka manaoio i hoopio ai i na aupuni, i hoopai ai hoi ma ka pono i loaa ai hoi he mau pono i hai mua ia mai, i papani ai hoi i na waha o na liona; (34) I hoopio ai hoi i ka wela o ke ahi. I pakele ai hoi i ka maka o ka pahikaua, i hooikaikaia ai hoi i ka nawaliwali ana, a i lilo ai hoi i poe ikaika i ke kaua, I auhee ai hoi ka poe kaua o na aine e.)

Alaila heluhelu hou iho la ma kahi e o ka moolelo o ia hale, ma kahi i hoike ia mai ai ko ka Haku makemake e hookipa i ohua nona i na mea apau o ka poe i hana hewa mai mamua iaia, a i kue iaia. Maanei hoi e ahu ana na moolelo e ae o na hana kaulana o na mea kahiko loa, ame na mea mahope mai: o na wanana no na mea e ko io ana, na mea e weliweli ai na enemi, a e oluolu ai a e maha ai hoi na malihini hele.

Ia la iho alakai lakou iaia iloko o ka hale e ahu ana na mea kaua, a hoike mai lakou iaia i na mea apau a ko lakou Haku i hoomakaumaku ai no na malihini hele; i na pahikaua, na paleihe, na papalekoa, na paleumauma, na pule hoomau, ame na kamaa hiki ole ke weluwelu. Ua lawa na mea kaua o ia wahi no na kanaka e heluhelu ana e like me na hoku o ka lani. (Aole i pau.)

MALEIANO KE ALOHA

HE MOOLELO NO KE KAIKAMAHINE ALII IETIWA

Ka Ui nohea i ahai ae i ka puuwai.

MOKUNA II.

NA MALIHINI ELUA ILOKO O KE KAA HOOKAHI.

"Owai kahi hoolulu kokoke loa ma hikina akuo keia wahi? wahi a i kona komo ana aku iloko o ke ka telegarapa.

"P---," wahi a ka agena i mai ai me ka pahaohao nui.

"Heaha ka mamao mai nei aku?

"He eha mile."

"E telegarapa aku oe e paaia kaa-ahi i hala aku la."

"Aole he ku o ke kaaahi malaila.

E pono no e ku-ina aole e ku, alaila, e loaa ana i keia hui kekalo ino i ike mua ole ia mai kona hooke ia ana mai. Ua hoopunipuni ke i kakea ua holo aku nei ke kaahaalele iho nei i keia mau ohua a he pono no iaia e kali iho ma la a i ole holo hou mai i hope nei. Ina aole oe e hoouna ana i keia kauoha, e hoopilia ana olua no keia hana a olua wahi a Lore me ke kuoo. Ua manao ke agena he kanaka ano nui loa o Lono a ua hiki hoi ia ke haawi aku i na kauoha me ka mama nui, aka, ua hau iho no ia me ka pane ana ma "Aole he alahele nou e hiki aku ia P---"

"E kauoha aku oe e ku kela kaa-ahi. E hiki ana au ilaila iloko o iwakalua minute. Mai lohi oe. E hoouna koke aku i ke kauoha,- ke ole oe e makemake e loaa mai ke kauoha mai ko mau haku mai e hoomaha oe no nahe kanaiwa."

Ua nana pono aku la ka agena Lore no kekahi mana, a huli ae la oeoe hooko aku la i ke kauoha. Puka aole ia o Lore me ka awiwi nui a mawa aku i ike aku ai ia i kekahi kaa ku ana. aole nae he ohua o loko aku la oia i ke kalaiwa e pili ana ilo o ka nohoana a awiwi aku la oia a ana ma ka aoao.

"He makemake anei oe e loaa na dala he umi?" wahi a Lore i ke laiwa.

"Heaha kou makemake?" wahi a kalaiwa kaa i ninau aku ai me ka hou ana iho ilalo.

"E lawe oe ia'u no P-- iloko iwakalua minute, a e haawi no ao i na dala he umi. Pehea iho la Awiwi ka pane ana."

"Oiaio, aka, ua paa mua au i keia mea okoa ae.-"

"O, aole he hewa o keia. He dala kiwawe loa keia a he mama no he hui ana. Pehea, hiki no anei ia o lawe ia maua no P--- iloko o minute he iwakalua."

"He eha mile ka mamao o Pomai keia wahi aku, a o ke alahele hoi aole i kupono no ka hele ana. e hoao no au e lawe aku ia olua o me ka ikaika i ko'u mau lio ke lawe kakou. Ua haule anei alua mai ke kaoahi mai?"

"Mai ninau mai oe i kekahi ninau aka, e hoomakaukau koke oe no ka heihei ana aku me keia kaa-ahi. E lawe aku oe ia maua me ka awiwi in a no ia he mea e poino ai ke ola o kou mau lio. E kali oe ia'u no kekahi mau sekona pokole."

Huli ae la o Lore a komo aku la iloko o ka hale hoolulu a loaa aku la @ ka opio wahine ana e makahehi nei ia nana au ua ui nei ma ke alahao ka helehelena kaumaha. Maluna @ o kona kuiki o ke alahao, e hele ana kanaka kiai no ka ho-a ana i na ko hoomalamalama po, maluna aku la na kualomo e nehe iho ana ka mao a o na mauna hoi ke hoolei ae la lakou mau aka pouliuli.

"Ee haele ae kaua ae kaua me ka awi kahi o ke kaa," wahi a Lore i @@ aku ai i ua ui nei. Eleu ae la @ nei a iloko o ka manawa pokole @ ana laua nei iluna o ke kaa lio, a i aku la o Lore i ke kalaiwa kaa, "E aku ano me ka awiwi." Pani ia a ka puka o ke kaa, a iloko o ka mau pokole o ka uwiuwi ame ka pohapona kapuai wawae lio na mea lohe.

"Ihea kaua e hele nei?" wahi a ui i ninau aku ai ia Lore me kona ponopono ana ae i ke ano o kana ana.

"E uhai ana kaua i ke kaa-ahi na mea aku i koe, e hai aku no ole oe ke loaa mai he wahi aho ia'u keia ana paha kekahi o na uhai keo ahi mama loa e like ia ana iloko @@@ moolelo."

Iloko o ia wa ke paialewa ia la @ i o a ianei, oiai o keia no kahi apopo @ loa o ke alanui. Mahope o ko lawe noho ekemu ole ana no kekahi manao ua hai aku ia o Lore i kana mau i hana ai i hiki ai ia laua ke leo aku no kahi e loaa ai ia laua ke keo ahi.

"Ia'u i holo mai ai a hiki i kahi @@ kaa-ahi, aia ka hauoli iloko o'u no ka mea, ua manao au aole la wau e hana ana; aka, hoomanao ae la au nou, ua ike aku au ia oe e hele aku ana no koa holoholo. a ua maopopo iho la ia'u haule ana oe. He hana puuwai aloha e ole na kekahi kane i ike aku i kekahi haawina o keia ano maluna o kekahi wahine a haalele iho iaia i hope me ka haawi ole ana aku i na kokua uaua, no laila, ua hooholo iho la au e haale aku i ke kaa-ahi a e noho iho e kokua ia oe."

"Pehea la e hiki ai ia'u ke uku aka ia oe? Ua pono kou noonoo ana nou O, in a paha owau wale no, in a paha ua make au. Aole anei ou manao haohao ana ko'u makuakane ia'u, a koi aku ana oia e hoi hou mai ke kaa ahi i hope nei?"

"Pela paha, wahi o Lore me ke ani pihoihoi. Aka, aole au i ike ia muo Malia paha aole oia e haohao ana noo no kehii manawa loihi, no ka mea. kou manao la no oia aia paha oe iloko o kekahi kaa ohua okoa," wahi a Lono me ka hoihoi.

"Ua hiki anei i keia kanaka ka lawe aku ia kaua no keia wahi hoolulu a kaua e hele nei iloko o keia mau nute he iwakalua?"

"Ua hiki no in a nae aole kaua e make mamuli o keia lualele ia ana I o ianei. Ke ike ae la no kaua ke holo paukke nei kakou."

"Ke apuupuu loa mai nei ka alanui Ina paha oe e ae mai ana i ka'u manao nei au e ike ana oe he manaka naauao maoli keia. Ua hiki ia oe @.