Ka Nupepa Kuokoa, Volume XL, Number 36, 5 September 1902 — KA LINEKONA LETA KONO I NA LUNA NUI AME NA HAKUHANA O KA APANA KOHO ELUA. [ARTICLE]

KA LINEKONA LETA KONO I NA LUNA NUI AME NA HAKUHANA O KA APANA KOHO ELUA.

Ke makemake nei au ia oukou pakahi e hoomaka aku e hoonaauao i ko oukou mau limahana Hawaii i ka hopena kupilikii a na Hawaii e auamo ae al ke holo ka bila lepera a Wilikoki i ka Ahaolelo America. E kuhikuhi aku ia lakou i ka hopena e loaa mai ana i ko pukou mau mahiko a pela pu me na limahana, E ao aku ia lakou ano. E pono oukou e hana. Mai kali na ka mea hookahi a eiua e hana. Ina he manao nul ko oukou e haule o Wilikoki, e hele ae a e hana mawaena o na limahana a' oukou. E hoolohe mai ana no lakou ke hoomaikeike aku i ka mea kupono. Ke hana nei ke Keikialii Kalanianaoie i lea hana maikai iwaena o kona lahui a pela hoi oukou e hana ai ma ko oukou aoao. He 79 balota wale no ka oi o Wilikoki mamua o Paka i kela kau koho balota aku nei ma ka Apana Elua. Ua hiki no ke haule o Wilikoki ke hoao kakou, a ma ke ano he mana hooko no oukou, ke manaolana nei au e holohe mai ana oukou i ka'u mau alakai. H. L. HOLSTEIN (LINEKONA), Mana Hooko Repubalika, Apana Koho Elua, Mokupuni o Hawaii.