Ka Nupepa Kuokoa, Volume XL, Number 35, 29 August 1902 — NA THURSTON KA PUKUNIAHI MUA NO NA HOONAAUAO KALAIAINA I O KAKOU NEI. [ARTICLE+ILLUSTRATION]

NA THURSTON KA PUKUNIAHI MUA NO NA HOONAAUAO KALAIAINA I O KAKOU NEI.

Ma ka loaa ana o Senatoa John M. Thurston i ka nawaliwali ke kumu hoi 0 ka hoopanee ana i kana haiolelo e like me ka mea i hoopukaia e ke Kuokoa i ka pule i hala, pela i nele ai na kini o ke kulanakauhale i ka lohe ana 1 kona leo no ka manawa mua, aka me ke kanalua ole e haawi mai ana oia i ka pukuniahi mua loa o kona mau manao kalaiaina hoonaauao no ka pono o keia lehulehu ma ke ahiahi o ka la apopo, Poaono, Aug. 30, ma ka Hale Keaka Opiuma. Ua oleloia he kanaka noeaū loa oia ma ka haiolelo nolaila mai hoohala i keia manawa kupono ioa no ka lohe ana iaia. Iwaena o na loea kalaiaina o Amerika Huipuia ua heluia o Senatoa John M. Thurston maloko o na papa o ka poe akamal loa ma ka haioleio oiai, oia kekahi mahele o kona ola ana oia hoi ma na hana hoonaauao pili kalaiaina, a mamuli o keia kalena i loaa iaia, huiia me kona manao ikaika no ka hooholo mua ana i ka pono o ka lehulehu ua ioaa keia manao e piha ku'i ana kela keena nui i hoike mua ia ae nei a he

mea pono no ia o ka hele mai o na mea apau e hoolohe i kona manao kalaiaina no kā pono o keia lehulehu. Ma kona aoao ke hiki ke hoopiha ia, e haioleio mai ana oia no hookahi hola me ka hapa a mahope o ka pau ana, alaila, e unuhiia mai ai e ka Lunakanawai W. L. Wilikoki o ka Ahahookoiokoio Apana o Honolulu nei ma ka olelo Hawaii no ka pomaikai o na oiwi j Hawaii, he mea hoi e hoike mai ana e loaa like ana na pomaikai I na mea apau e akoakoa ae ana malaila. E hoohiwhiwaia aku ana ua hale ia no na hana o ia po a e konoia ana na lala o ke Komike Kuwaena, a e maheieheieia ana na wahi e noho ai no na wahine ame na keonimana, a e hiki mai ana ke Kiaaina ame kona mau hoa a ke hiki mai ke iKeikiaiii Kalanianaole e hookipaia mai ana oia me kona mau hoa hooikaika pono lahui no ka hoolohe ana i na manao kalaiaina o keia kanaka kaulana. E hiki pu ae ana na alakai o na aoao kalaiaina e ae. O keia mau hoolala apau maiaio no ia o ka aoao Repubalika.

SENATOA THURSTON.