Ka Nupepa Kuokoa, Volume XL, Number 34, 22 August 1902 — O SENETOA BURTON KEKAHI KOMIKINA NANA IA HAWAII EIA I HONOLULU NEI ME KAKOU. [ARTICLE+ILLUSTRATION]

O SENETOA BURTON KEKAHI KOMIKINA NANA IA HAWAII EIA I HONOLULU NEI ME KAKOU.

Ma ka Augate 20, i hiki mai ai ke Senatoa ,J. R. Burton ame Senatoa J. M. Thur»ton ame ka laua niau wahine i Honolulu nei ma ka mokuahi Sievva, he mau malihiii! ano mii na ko Hawaii nei e pulama ai, no ka mea, aia iloko olaila ka mana e nowele pono mai ai ia kakou piii i ke ,Teritori o HawaU nei. O Senatoa Burtoft oia kekahl'o na komikina a Amerika i hookohu ai no ka hele mai i Hawaii nei e nowele ai ia Hawaii nei a o ka ike e loaa ana oia ka mea e hoihoiia aku ai a hoike aku ia Amerika. Oinei . ka mea o na komikina i hoea mua mai nei a aia a hiki mai ka hapanui o lakou alaila hoomaka aku ka lakou hana no ka hooko ana i ka leo kahea i haawiia mai ia Iakou e hana. O ke kumu o kona holo mua ana mai nei i Hawaii nei oia no kona makemake e hoohala i kekahi manawa hoomaha ona ma ka Paredaiso o ka Pakipika a oiai o ka-manawa e hiki mai ai ka hapanui o na komikina he manawa waie no ia e hoohalaia ai no ka imi pono ana i ke kulana o Hawaii. E hoohaia aku ana i ua manawa hoomaha la ma ka mokupuni o Hawaii maiaio o ka hooponopono ana a ka Hon. Samuela Paka no ka uhai holoholona ma ke kuahiwi i kamaaina i ke keiki Hawaii S. Paka. E hala ana kekahi manawa malaiia aka e hoi mai ana ke koniikina mamua o ka noho ana o ka aha elele o ka aoao Repubalika iloko o ka pule mua o Sepatemaba no kona makemake e ike a e lohe i na mea e hanaia ana e ia aoao no ka pono o ka lehulehu. Ua loaa mua keia hoonohonoho hana

ana i ka Hon. Samuela Paka no ka hookipa aloha ana, nolaila ua ka-uaia ka mokuahi Helene no ke kali ana i' ke Komikina Burton a o ko lakou holo .ana aku nei no ia i ka Poaha iho la, Augate 21, a me he la ke lualai la lakou ina na'-kai o Alenuihaha no ka pae aku i Hawaii a hanu aku i na ea huihui' o Waimea. > ' Ma ka manawa i hiki mai ai ke ICo- j m'ikina Burton ua nui na makamaka i hookipa aloha mai iaia ame kona mau hoahele a na kekahi i'haawi aku i kona keena hana i keena hana no ua komikina la'oiai oia e noho ana i keia inanuwa ianei. Ua manao pu ia ae e haawi ana ke Teritorl o Hawaii nel i kekahi keena nui o ka halealii, ka Haie Mana Hooko o ke Terltori, oia ka hale o na lunamakaainana i keena hana no ua voe komikina la ke hoea mai ka hapanui. | He nui na manao i hoikeia ae e ke Komikina Burton a o kekahi o lakouj oia keia malalo iho nei: "No'u iho aole e hiki ia'u ke hoike piha aku I na hoolala ana a k6 komike 'a Amerika i hooholo ai e imi pono i ko Hawaii nei kulana a hiki mai ka hapanui o makou, aka, hookahi a'u mea hiki ke hoike ae oia ka loaa ana o keia manao e kapae loa aku i ka hoolohe ana i na mea pilikino o na ano apau ma keia hana a makou, aka, ua hauoli loa makou i na mea' apau e hoikeia mai ana ia makou e pili wale ana no no ka pono o ka iehulehu. O ka oiaio maoli o ka makou hana oia no ka imi ame ka huli ana i na mea oiaio, ka mea hoi e loaa al a e hoopomaikai ai ia Hawaii nei, oiai, oia no ka hua'o ka makou misiona i makemakeia ai e hua mai."..

SENATOA J. R. BURTON •