Ka Nupepa Kuokoa, Volume XL, Number 34, 22 August 1902 — Me he la he Popoki ke kumu o ka Pauahi. WAHI A KA MOOLELO A AH SUI I KA PAPA KIURE PAUAHI. [ARTICLE]

Me he la he Popoki ke kumu o ka Pauahi.

WAHI A KA MOOLELO A AH SUI I KA PAPA KIURE PAUAHI.

Ma ke kahea ana a ka Ilamuku Brown, ua akoakoa ae la na i wae pono ia mailoko mai o kekahi poe o ke kulanakauhale n6i. Messrs. E. O. White, Frank Mclntyre, E. R. Adams, J. S. McCandless ame C. Gilman. he mau kiure ninaninau pono ame ka imi pono ana i ke kumu o ka pau ana o kela mau hale i ke ahi i ka wanaao o ka po Lapule iho nei i haia. 0 ke kanaka i kahea mua ia no ka hoolohe ana o na kiure, oia o Ah Sui, he Pake, ka mea nona kekahi halekuai pipi ma ua wahi la i pau aku la i ke ahi. Wahi ana, ma ka manawa ana i hele ai mai kona halekuai pipl aku mahope o kona wehe ana i ka puka o ua haiekuai nei ona, e hele ana oia no kekahi halekuai e aku no ke kuai ana i mea ai lau nahele nana, ua ike aku la oia i kekahi ipu kukui ua hina, a e au ana ka aila i ka loa ame ka laula o kahi hiki iaia ke kahe aku, a e holapu ana ke ahi me ka loaa ana aku o ka paku-makika o ke kan(jka e moe ana iloko olaila, a mamuli o ia ahi, ua uwa leo nui ae la oia me ka hooikaika nui ana e wawahi i ka puka a oia hoi ke kumu o ka haawi mau ana mai o kela kanaka iaia i na hoomaikai no ka pakele ana o kona ola mailoko mai o ka make a ke ahi* Ma ka olelo a Ah Sui he popoki ke kumu o ka pilikia mamuli o kona holo ana malaila a pa ke kukui ke kumu hoi o kona kahuli ana a au ai ka aila a puoho ae ai ke ahi, ke kumu o ka lilo ana o kela mau hale o ke kulanakauhale i mau puu lehu. Wahi ana he popoki ano hulu iole ia, a o ka lohe ana o ka Ilamuku ame kona hope ua ano like ia īne ka laua ike ana i kekahi kino popoki make e waiho ana ma ke alanui Muliwai i ke kakahiaka Poakahi ae. O ke kumu o ka honmaopopo ia ana, mamull no ia o ke inoino a maea a i ka nana pono ia ana aku he popoki nona ka hulu ano iole, e like me ka hoike a ka Pake Ah Sui; a i ka manawa a ka Hope Ilamuku . hooholo ai e kii e kioia i ua holoholona la oia kona manawa i hele aku ai no ka hooko ana, eia nāe, ua nalowale aku la ua popoki la. Ua hoopaneeia ka no- 1 ho hou ana o ke kiure a hiki i ka manawa e ikeia ai ke kanaka nona ke| keena kuai kahi i kahuli ai ka ipu-ku-| kui, i wahi e loa ai ka oiaio Mamua o ka panina o na hana a na kiure ua ninauia aku la ka luna nui 0 ka oihana kinai ahi Mr. Thurston oiai oi£ kekahi i kaheaia e ka aha kiure Ao ka hoike ana i kana ike t>ili 1 ka like ole o ke kani o ke oeoe hoailona pauahi ame na mea like ole, oiai, aole i pono loa ka hana a ke oeoe hoopuiwa pauahi ma kana hana i kela po pauahi ai. Ma kana pane, ua hoike ae oia i ke kum\J o ka pilikia, oia no ka piha ana| o ke oeoe i ka wai mahu a ano e ke kani ana i kela po. 1 ka manawa e weheia ai ka pahul haawi hoailona pauahi ua hiki ia ae ka huka e kau lop ana malaila, aiaiia, o ka manawa no ia e kani makawalu aku ai ma na wahi apau, alaila huikau ae la a oia kekahi kumu nana e hoopii ae i ka wai mahu i kahi e kani ai ke oeoe pela hoi i loaa ai kela ano hemahema. I keia po ua ioaa io no keia haawina Iike i kinohi, aka, mahope mai ua kani pono aku la. Ma kekahi manawa ua hoao aku Ja oia i kekkhi o na pahu haawi hoailona pauahi ma ke kaoml ana i ke pihi a o ke kani aku la no ia a lohe ana na hale knawai apau, a mahope o ke kali ana no. umi sekona ua huki iho la oia i ka huka e kau ana a o ke kani pololei aku la no ia i kahi o ke oeoe ke kumu hoi e ko ai ka makemake. | Wahi ana, ua loaa iaia ka manan e. kau i palapala kuhikuhi no na rula ma j kela ame keia pahu i hiki ai ke lawe- ( lawe pono ia ka hana ke hiki mai na ulia e like me ka mau, i mea e hoo- ( maijaukau ai i ka lehulehu me ia mau mea. 1