Ka Nupepa Kuokoa, Volume XL, Number 34, 22 ʻAukake 1902 — Ka Hale Pohaku O'Neill E KUKULUIA AKU ANA HE HALE POHAKU NANI MA KE KIHI MAUKA AME EWA O ALANUI PAPU ME MOI. [ARTICLE]

Ka Hale Pohaku O'Neill

E KUKULUIA AKU ANA HE HALE POHAKU NANI MA KE KIHI MAUKA AME EWA O ALANUI PAPU ME MOI.

He hale pohaku puna ame iliili ke kukulu ia aku ana ma ke kihi mauka ame Ewa o na Alanui Papu ame Moi. lle hale keia o elua hale ke kiekie, e hanaia ana no nae me ka makaukau no ka pakui hou ana iho maluna ke manao ia e hana pela ma keia mua, aku. Eiua no lumi akea ma ka haie malalo, a o ka lua o ka hale e maheleheleia nku ana i mau keena oihana. E /hoomalamalamaia aku ana o loko o keia hale me na kukui uwila, a o w.aho ana 0 ke alo kekahi wahi nani loa e ikeia aku ana. O ke kahua e paa ana i keia hale, mai ke kini aku no ia o ke alanui e holo ana no kahi e ku nei ka hale.-O ka hui Odd Fellows ma alanui Papu. Ma ke alanul Moi hoi, mai ke kihi alanui a liiki i kahi alanul liilii e holo la mahope o na hale e ku nei i keia manawa. Eia ekolu mea kuleana i keia wahi. He ekolu-hapaono o ke kuleana aia ia Thomas Douglasg, elua-hapaono ia Mr». Cooper a he hookahi-hapaono ia Bruce Cartwright. Mamuli o keia lehulehu o na mea kuleana malaila i ulolohi ai ke ku ana o keia hale, aka, i keia manawa ua pau ke pohihihi a e kukulu koke ia aku ana keia hale. Eia na haku kamana ke hoonohonoho mai nei i ka lakou mau lilo no ke kukulu ana aku i keia haie, a e aku ana ka hana ana i ka mea koho haahaa. O ke kaha-kii nana ke kii o keia hale. oia no o O. G. Traphagen, ka mea nana k e kii o ka hale o Lui ame Kuke 1 kukulu iho nei ma ke alanul Mol ma ke kahua o ka hale mua o Kulika, e kokoke la ma alanui Alakea, Ke paa ae keia hale, e maikai ana ke kulana o keia kihi, pau ae hoi keia mau wahi apulu hale e ku mai nei i keia manawa. Ma ka manawa i weheia ae ai ke koho ana no ke kukulu ana i ua.hale nei ua lilo ae la i ka Hui Honolulu Engineering ame Construction. E hana aku ana lakou i ua hana la no ka huina o $16,699. O kekahi mau pono i komo ole iloko o keia koho ana, ua hoouna mua ia, a e hoounaia mai ana iloko o ka manawa kupono a ke hiki mai lakou o ka hoomaka koke no ia o ke kukulu ana. Aka aole no e kallia ana ka hana ana i ke kahua no kela mau pono, aka, i ka manawa e kakauinoaia ai lai aelike alaila o ka hoomaka koke no (a. o ka wawahi ana i na wahi apulu hale e ku mai nei, a pau ae ia o ka hoomaka no ia no ka hoohana ana i ke kahua.