Ka Nupepa Kuokoa, Volume XL, Number 34, 22 August 1902 — NUI HOU NO KA MAKE IWA ENA O NA HAWAII. HOIKE A KA PAPA OLA NO KA MAHINA O IULAI. [ARTICLE]
NUI HOU NO KA MAKE IWA ENA O NA HAWAII.
HOIKE A KA PAPA OLA NO KA MAHINA O IULAI.
He 79 wale no make i loaa ma ke kulanakauhale o Honolulu nei i ka mahina o lulai i hala, pela mai ka hoike a ka Papa Ola o kakou. Iwaena o keia mau make ua ikeia he eiwa o lakou he poe no lakou na makahiki maluna aku o 60, a he 23 make iwaena waie no o na kamalii malalo o 5 makahiki. Ua maheleheleia na ir.ake malalo o keia hoonohonoho ana e llke me ia malalo iho: He 25 oiwi Hawaii, 15 Pake, 7 Pukiki, 19 lapana, 2 Pelekane, 4 Amerika, na lahui e ae 7. Ma ka mahina aku nei i hala ua loaa ma ka papa-helu o ka Papa Ola he 31 paa-male a he 46 hanau.
Ua holoia mai NorfoJk mai a hiki i Honolulu nei maialo ae o ka Lae o Hono (Cape Hom) he 90 la, e ka moku kalepa kia-ha Erikine M. Phelps. Me he la o ka helu ekahi keia i ikeia.