Ka Nupepa Kuokoa, Volume XL, Number 31, 1 August 1902 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

HOLOPONO NA HANA APAU O KA HOIKEIKE

-

(Mai ka aoao mai.)

 

ike o kela ame keia hui kalepa i lawe ae i mau lumi no lakou.

            Ma ke alahele ma ka aoao ma Waikiki, o ke keena mua e loaa ana i ka mea makaikai, oia no ke keena o Lui ame Kuke na mea nana e hoolako nei i na pono kukulu hale o kela ame keia ano.

            Maloko aku ko H. Hackfeld & Co., me na lako keena oihana. Nee  hou aku iloko e loaa ana ko ka hui hana hao o Honolulu nei, a maloko aku e loaa ana lako mea ai o ka hui Cailfornia Feed Co., Ma kona aoao iho, ka hui kukui uwila o Honolulu nei ame kana mau hana hoolele hauli. O kela kahi piha mau  na makaikai no ka nana ana i ka olapa ana o ka uwila ame ka hiki ana i ko ke kanaka naauhao e hoopaa iho i ka mana o ke uwila. Haalele iho i keia, hoea aku i ka hui

o    Theo H. Davies; ka hui hana pe'a

o    Cashman ame Nelson; ka hui uwila

o    Guy Owens; ka hui Union Feed ame ke keena o ka hui hana oia o Honolulu nei.

Mawaho aku, mawaena o ka hale paikau ame ka hale hoikeike o na oihana kalepa e ku ana na pakaukau i luluu i na ko-omoomo o ka Hui Honolulu Hana Ko-omoomo.

          Ma keia alahele hookahi no, ma ka aoao hema, ke keena o na komite o ka hoikeike; ke keena o J. G. Costa ame V. C. Macedo e hoike ana i na pohaku Hawaii i kalaila. Maloko aku ke keena o ka hui kuai kaa o G. Schuman & Co., C. F. Herrick & Co., Pacific Vehicle & Supply Co., hui kuai mikini lole o Singer ame ka hui kuai mea kani o Bergstrom. O kela no kekahi wahi piha loa, oiai e kani mau ana ka piano i ka hapa nui o ka manawa.

          Ma ka alahele ma ka aoao ma Ewa: Ka hui Pacific Guano ame Fertilizer & Co., me na lepo hooulu mea kanu, a maloko loa aku na lako pono hale na ka hui kuai lako hale o Pearson ame Potter ame ka hui ukuhi omole bia Rainier. Ma ka aoao hema, ka hui kuai bibi Metropolitan Meat Co., hui lepo hooulu Hawaiian Fertilizing Co., hui lepo hooulu Hawaii Fertilizer Co, Potter Furniture Co., ke keena paikii o Rice ame Perkins: Territoiral Messenger; HenryMay & Co., W. H. Peacock & Co., Benson, Smith & Co., A.A. Montano; W. W. Dimond & Co., ame New England Bakery. O keia ka panina o na mea i hoikeikeia ma ka hale o na kanaka kalepa.

MA KA HALE PAIKAU

          Ma ka hale paikau, malaila i waihoia ai na hoikeike o na mea ulu like ole, mai ka mea e ai la ana e ke kanaka, na mea hoonani ame na mauu ai a na holoholana. Ua hoomakaukauia na paukaukau loloa i uhiia me ka lole hookeo a maluna iho o keia mau pa@@@ i waihoia ai na mea hoikeike.

          O hokahi o na mea nani loa i hoikeia mai oia no ke kahi mau mea ulu kahiko o Hawaii nei i hoomaopopo ole ia e keia hoolauna hou o Hawaii nei. Iwaena @@ mea hoikeike a mrs. Iaukea, ua @@@ aku kekahi mau laau o Hawaii @@laa ka popolo, la-i ahuawa, awa @@@ awa moi, awa hiwa ulu, mi @@@ ame ka awa papa mokihana. Ma ka hoike a na Kama oiai o Hawaii nei, o ke kumu o ka awa, oia no ka awa pana lea; mailoko mai o keia ka awa @@kea; mailoko mai o ka makea ka awa moi a mai ka moi mai ka awa hiwa. O ka awa papa mokihana, he kuokoa ia nona iho a o kona ea ke hone iho i ka wa e mamaia ai ea, ua like no me ke ala mokihana a pela i kapaia ai keia ano awa ma ia inoa. E haawila no mahalo ana ia Mrs. Iaukea no keia mau mea ulu, oiai he hanu uuku loa o keia hanauna e ola nei i ike maoli i keia mau mea ulu o Hawaii; ma keia hana ana, ua loaa mai i na Hawaii opio ka ike maka ana i keia mau laau Hawaii a na kupuna i kanu nui ai i ko lakou au.

          O kekahi hoikeike maikai loa e pili kokoke ana me keia oia no ka Mrs. Woolsey mau mea ulu o Hawaii nei. Maanei i ikeia ai n akalo like ole o Hawaii nei ame na kalo o na aina e mai. O na kalo o Hawaii nei i ikeia malaila, oia no ka lehua, haokea, mana, piko eleele, ipuolono, piko keokeo, aweu, kaikoi, lauloa, ka-i eleele, heala, maninin ku-mu, uahiapele, makohi, olena, apuwai keokeo, apuwai ulaula, piialii, naioea, lililehua, poni kea, lele, ame ka poni keokeo. O keia kekahi o na mea hoikeike nani loa, oiai ua loaa i kela hanauna h ou ka ike no kela mau ai a na kupuna i kanu nui ai, a e haawliia na mahalo ana ia Mrs. Woolsey no keia mau mea maikai.

          Iwaena o na mea i hoikeia maim ua ikeia ke kalo nunui o Hookena, Kona, Hawaii i laweia mai ka aina mai o Hon. W. C. Aohi. Na hua ai manako, apaia, ohia kuahiwi, ohia lomi, pea, piko palaai, pu haole, ipu haole, ipuala, @@, ko maia, nioi, uala, ulu ame na hua ai a ae. Na pua nani o na ano like ole; na palapalai; na mauu ai a ka @@ ame na laau paina o na ano like@@.

          Ma ka makaikai ana i kela mau mea apau aole mea a ka naau e hoowahawahi @@ oiai, ua kulike ka hana me na mea i hoikeia, a e haawiia na mahalo ana a pau ia Mr. Taylor ka makua o na @@ mahiai ma Hawaii nei, Malalo o kana alakai ana i loaa mai ai keia mau hoikeike waiwai nui.

          Ua kohola ae na komite nana i na mea maikai maloko o kela hale i na hoikeike i loaa na helu. O keia mau komite oia no o Hon. A. S. Cleghorn, Jared G. Smith ame G. P. Wilder. Eia iho malalo nei ka lakou hoike:

NA HUA AI HUA ILUNA.

          Manako-Helu ekahi, Geo. R. Carter; helu elua, Rev. H. Isenberg. O na hua manako a ka mea hope ua lawela mai kekahi o na kumu manako o ka Rev. W. H. Rice i kanu ai ma Lihue, Kauai he SS makahiki i hala ae nei.

          P@@-Helu ekahi ame elua ia Mrs. Doherty Sylva o Lahaina, Maui.

          Hala Kahiki-Helu ekahi i ka hui Hawaiian Fruit ame Plant; helu elua, T. L. Holloway.

          Piko-Helu ekahi Mrs. S. C. Allen; @@elua, D. McIntyre.

          @@Haole - Helu ekahi E. H. Bailey e Kahului, Maui. He eha ipu no lakou no paona kaumaha he 201. Helu elua. S. Cullen o Moanalua.

          Piki-Helu ekahi, G. P. Wilder. oia wale no ka mea i lawe mai no ka

          Poha-Helu ekahi. William Apela; hoikeike ana i keia ano hua ai.

Oia Kuahiwi-Helu ekahi, S. E. Ka@@kaa

Maia-Helu ekahi, D. McIntyre; helu elua, Mrs. K. Brenig. No ka maikai o na mea hoikeike Miss Lucy Kaleikau.

          Niu-Helu ekahi, Lahainaluna Seminary.

          Ma ka maikai o na hua ai i  hoikeike, helu ekahi la Lalainaluna Seminary; helu elua, Bucholtz Ranch o Kona Hema.

NA HUAAI KOLO.

 

          Uala Kahiki-Helu ekahi J. B. Wilson; helu elua, W. R. Castle.

          Uala Hawaii - Helu Ekahi, Puuhue Ranch; helu elua, Lahainaluna Seminary.

          Kapiki-Helu ekahi, Buncholitz Ranch: helu elua, W. R. Castle.

          Kulina- Helu ekahi, Kamehameha.

          Kulina Kula - Helu ekahi, E. H. Bailey.

          Papapa huihui - Heu ekahi ame elua. Kamehameha

          Papapa ili-Helu ekahi Kamehameha; helu elua, Bocholtz Ranch.

          Pi_Helu ekahi, Kamehameha.

          Ohia Lomi-Helu ekahi, Lahainaluna Seminary; helu elua, E. W. Thwing o Wahiawa.

          Calote-Helu ekahi ame elua, James Lindsey o Haiku, Maui

          Latica-Helu ekahi, Kamehameha.

          Nioi-Helu ekahi, G. P. Wilder; helu elua, Bucholtz Ranch.

          Palaai-Helu ekahi, Kamehameha; helu elua, E. H. Bailey.

          No ka nani o na mea hoikeike hua ai kolo, helu ekahi Buncholtz; helu elua Lahainaluna. Mamuli o ka hiki lohi ana ae o na mea hoikeike o ke Kula o Kamehameha, a oiai, o ka oi ia ma keia hoikeike, ua haawiia ae he makana kuwaho.

          Ua haawi aku  na komite i ka helu ekahi no ke kpe i na Hoahanau Louisson Aole he mau hoikeike e ae no ke ko, koe wale no ka G. P. Wilder.

NA MAUU.

          Kakamu-Helu ekahi, D. P. R. Isenberg; helu elua J. Cullen o Moanalua.

          Mauu Guinea-Helu ekahi, Geo. R. Carter, helu elua, D. P. R. Isenberg.

          Mauu Baffalo-Helu ekahi, Buncholtz Ranch.

          Mauu Alfalfa-Helu ekahi, D. P. R. Isenberg; helu elau, J. Cullen.

          Mauu Panicum-Helu ekahi, W. B Thomas; helu elua, Ahuimanu Ranch.

NA MEA ULU HOONANI

          Na komite no keia hana oia no o Mrs. E. D. Tenney, Mrs. S. C. Allen ame Mrs. Henshall.

          Potted Pama-Helu ekahi ame elua, F. D. McIntyre.

          Loulu Pama-Helu ekahi, F. D. McIntyre; helu elua, Mr.s Ethel Tylor.

          Kela mae Keia - Helu ekahi, Mrs. Ethel Tylor; helu elua, F. D. McIntyre.

NA PUA.

          Rose-Helu ekahi D. McIntyre; helu elua. Hui Kawaihau.

          Poni Moi-Helu ekahi, Hui Kawaihau; helu elua, Mrs. Woolsey.

          Asters-Helu ekahi, T. C. McGuire

          Orchids -Helu ekahi, D. McIntyre.

          Ma ka maikai o na pua i hoikeia, ua lilo aku ka helu ekahi ia T. C. McGuire.

          No na lei ame na pua i akoia, ua lilo aku ka helu ekahi i ka hui Kawaihau.

          Ua pau ka hoikeike o na mea ulu ma ka po Poalu, Iulai 20, a o no hoikeike o ka oihana kalepa ma ka po Poakolu mai.

NUHOU O NA AINA E.

-

          JOHNSTOWN, Pa., Iulai 10 - Elua haneri a oi kanaka eli lua lanahu i loaa i ka poina mamuli o ke pahu ana o ka lua o ka Hui Cambria Steel. O keia kekahi o na lua nui loa i ikeia, a i keia la aia he 600 kanaka ke hana la malaila. Ua manao wale ia he 125 mau loa kino i make ma keia pahu ana.

          PEKINA, Iulai 13 - Ua hookohuia aku i keia la o Sir Liang Chen Tung, ke kakauolelo a ka emabasadoa o ke aupuni o Kina i ka Aha Poni Moi o Eluene VII., ma Pelekane, i kuhina noho ma Wasinetona ma kahi o ke Kuhina Wu. E hookohuia ana he mau kuhina hou no Rusia, Farani ame Italia.

          KAPALAKIKU, Iulai 12, - Ua hoaoia ae ka holo k ka mokuahi Mariposa, malalo o na hoololi hou i hana ia iho nei. Ua hookomoia ae na paipu aila, na lakou e lawe aku i ka aila e ho-a ana a wela kona ipuhao mahu, a ua pau keia mau hooponopono ana, Ma keia ai la e pau ana ka lawia ana o ka lanahu a na ka lawela ana o ka lanahu a na ka aila wale no e ho-a aku a wela ka wai. I ka hoao la ana iho nei, ua ikeia ua loaa he elua knots kona holo i ko ka wa i hala. Mamua aku nei he 13 1/2 knots kona holo iloko o ka hora hookahi, i keia wa he @@.

          Ua apono ae na ona moku i keia mau hooloiloli ana, a ua hoikeia ae ina e pau pono ana na mea apau, e loaa ana iaia he mau knots hou. Ma keia hoololiloli ana e koe ana ma kahi o 250 dala lilo i kela ame keia la.

          Ua hola aku maluna o ka mokuahi, ka Haku Kauoha Stevenson o Amerika, a ua h oike ae oia i ka holopono o keia hana. Ua haawi ae o Adimarala Melville i ka kauoha ia Lu@@@ Winohell, ka wiliki ekahi o ka mokuahi America. @@@ e @@ aku maluna o ka Mariposa no @@@ a @@@ mai ao ka nana pono ana ma e @@poaa ana keia lanahu ano hou.

          Ua hiki aku ka mokuahi Sierra me ka poino mamuli o ka haki ana o kekahi epaepa ona, a ua huku ia kau oia iluna o ke alahuku moku no ka hooponopono hou ana.

KEENA HANA

O NA KAUKA HUKI NIHO

W. E. ALLEN, D.D.S.

F.L. FERGUSON, D.D.S

(picture of a lady)

Ma na la ana e pau ana i ka hora 6 p.m. i ka Poaono e pau ana i ka po a i ke Sabait i ka hora 12 awakea.

 

Pakele na Moku i paa i ka Hau.

          VICTORIA, Iulai 14.- Ma Ka huli hoi ana mai o Messrs. Gillespie ame Masterson o Kapalakiko ianei mai St. Michael ma ka @@@ Melville Doilar i loaa mai ai na mea hou e pili ana i na mokuahi i paa ai i ka hau ma ka poai anu akau, mokuahi Jeanie ame Portland. Ua hoike mai laua i ka pakele ana o na mokuahi a ma ka la elua o Iulai i kipa aku ai ua mau moku ia ma Nome.

          O ka mokuahi Jeanie oia ka mea o na moku i loaa i ka pilikia ma ka opa pu ia o kekahi mau wahi ona, aole nae o ka poino loa ame kona nele i ka ai, aka iloko o ia mau pilikia apau ua piha hauoli no na oluolu moku ma ka ike ana ua pakele lakou mai ka umii an a ka hau. No ia mea ua loko aku la i kona kokoolua ke kokua ana i kona hoa i pilikia mamuli o ka loaa manuheu ole o ka poino maluna ona e kolo ana ia Jeanie no ke awa i hai mua ia ae nei, a ina aole ke kokua a Portland ina aole e maopopo ka pakele o ka mokuahi Jeanie. Ma ka hoomaka ana o ka huakai aukai e pii ma ka akau, ua ko ikaika ia aku la ka ma ia alanui me ka lana aku no o na pauku hau nunui a hiki wale no i ka hoopuni pu ia ana e ka hau, mamua mai a mahope aku a hiki ole ke alo ae i ka pilikia.

          Malaila na moku kahi i paa ai no kekahi manawa i noho kaumaha ai na mea apau, a ma ka malama o Iune iho ua hehee aku la ka hau a paukuku liilii ai la a na ia mea i hoolana hele aku ia lakou ma na wahi like ole ua loaa iho la ka manawa e kaawale ae ai laua nei mai ka poino ae pela i loaa ai na manaolana i na olulo. Ma ka aoao o na kanaka ua hooikaika ae no lakou i ko lakou mau manao no ka pakele a pakele io ae la no.

          O na kanaka i lawe mai ai i na mea hou o na moku poino, ua kau mai la laua ma ka mokuahi Meteor e holo ana i Nome pela i loaa ai ia mau Victoria nei ma ke kau ana ma ka mokuahi Melvillie Dollar.

Pahu a lele liilii --- Noho i ka moana no ka mau loa.

          VITORIA (B. C.), Iulai 15. - Ua loaa mai ka lono i keia la mai na nupepa Pake mai e hoike ana i ka poino weliweli i loaa aku i ka moku ao kaua moana Kai Chi.

          Ua lawela mai keia lono kaumaha ma ka mokuahi Emepera o Inia (Steamship Empress of India.)

          E ku ana no ka moku kaua ma ke awa ku-moku Hsiakuan a me ia nanea no ua pahu ae la ka pauda a lele liilii ana na mea o ka moku i ka lewa, mai kanaka a i na pono moku, hoi mai la ilalo a pohola loa aku la iloko o ke kai no ka mau loa. O na ola i lilo aku he 250 ka lono mua i loa mai, aka, ua hoike ae kekahi mau nupepa aole o ia ka pololei aka, he heluna i hiki aku aole maluna o 140.

          Mamua aku o ka manawa i loaa ai ka moku i ka poino, ua kauoha aku la ke kapena Lee i ka luna ana i haawi aku ai i na hana e hana ai, oia ka haawi ana i mau u aloha no ka moku kaua Kepani i ku koke iho ai iloko o ke awa. Alaila ua lele aku la ua kapena nei me ka hapa, nui o na alii koa iuka o ka aina.

          I ka moku kaua Kepani Atago i hookuu iho ai i kona mau heleuma oia no ka manawa i pahu ae ai kamoku Pake a pela i loaa ai na poino i kela mau ola i hai mua ia ae nei. Ua lele liilii ae na mea apau iloko o ka lewa no haneri kapuai ke kiekie ua huikau aku a huikau mai na uhane i poino me na pono o ka moku a pau loa i kamake iloko o ke kai koe elua ola i puka mai ma ka apua.

          O ka mea wale no i hoomaopopo ia oia paha ka haule ana o ka ahi ma kahi waiho pauda i ka manawa e kii mai ai na koa i ka pauda no ka haawi ana i na pu aloha.

          Ma ka manawa i pahu ai ua loaa aku la ka moku kaua Amerika Helena i ka ikaika pahu me he oiai la pela no hoi no moku e ae e ku ana ma kahi kokoke a holo loa aku la ia no na mile he 5 ma kekahi mau wahi, a ua loaa pu aku no hoi kekahi moku, e holo ana nona ka ma,ao mai kahi aku o ka poino he 7 mile.

 

Haalele na Keiki Hawaii i ka Moku Kaua Mohikana.

          I ke ku mua ana mai o keia moku kaua Mohikana ianei i kela makahiki aku nei, eono mau keiki Hawaii i noho hana aku maluna o keia moku.  Mahope o ka lakou kaahele ana malalo aku nei no na mahina ehiku ua hoi mai lakou a pae i ka aina nei. Ia lakou e noho lawelawe ana maluna o keia moku kaua, aole lakou i hana i kekahi hana w waia ai ko lakou mau inoa, a ua hilinai maoli ke kapena ia lakou. I ko lakou nei ana aku e hookuu ia lakou no ka nohoana me na ohana ma ka aina nei no na la elima ua ae oluolu ia mai ka lakou nei; aka, i ka wa i makaukau ai keia moku no ka holo ana aku ika Poakolu nei. Iulai 22, eha o keia mau keiki i hoi ole aku no luna o ka moku, a ua hoopaala ae ko lakou mau inoa ma ka papa inoa o poe i holo-malu, a ke kau nei maluna o lakou ka haawina o 10 dala pakahi, he makana i kamea e hopu ana a paa kela poe keiki hoio malu.

          I ka wa i hiki mai ai kela poe opio Hawaii i ka aina nei, ua ninau ia aku lakou e na hoaloha i ko lakou kulana maluna o ka moku a ua puana lokahi mai lakou i ko lakou makemake i ke ao oihana kaua ame ka maikai o ko lakou malama ia ana maluna o ka moku. Mamuli o kela mau hoapono ana a lakou, aole i loaa mai he mau hoohuoi ana e haalele ana lakou i ka moku a hiki i ka wa i kokoko loa ai ka moku e haalele iho i ka aina nei. Ua loaa i ke kapena ka manao, e like me ko lakou hana maikai ia lakou, pela hoi lakou e hana ai ma ka aina nei, a nolaila, aole oia i hoole aku i ke noi.

          He hana maikai ole keia a keia poe keiki Hawaii i hana ai ua hoike ia aku na Hawaii he lahui i hiki ole ke hilinai ia a he kue i ke ao ia aku. Ua manao ie kapena o keia moku aole e lawe hou ia ana na Hawaii e ao i ka oihana kaua moana, oiai, ua haalele kumu ole aku keia mau Hawaii.  Hhe haawina ehaeha loa ke kau ana maluna o keia mau Hawaii, oiai, he mau rula paakiki loa ko ka oihana kaua a i loaa mai ia haawina, mai no a hoahewa e keia mau Hawaii i minamina ole i ka inoa maikai o ko oukou aina. Ke kuhi nei makou e lilo ana la hoi oukou i mau koa oiaio, eia ka e lawe ana no oukou i ke ano a ka Elele a ka lahui i na makahiki i hala aku, ola hoi, "ao no ke koa ao no ka olo." He pupahana no paha kakou e na Hawaii, i ka hiki no i ka hooio a hiki no nae i ka wa o ka hana, o ka holo iho la no ia.

         

HE PANE I KA NUPEPA ALOHA AINA

 

E ka Nupepa Kuokoa.

          Aloha: - E oluolu e hookomo iho i keia - ike mai na kini o kaua.

          Aia ma ka Helu 28 o ka la 26 o Iune, aoao $ e papa ana aohe makemake e koho i na haole aole hoi i ka poe waiwai ina he Repubalika ia aole hoi i ka mikanele he poe hao aina ia. A no ka mea, aia ka mana koho i kapoe haahaa ame ka poe ilihune, wahi a lakou. Maanei ke pane nei au ua kupono e koho i na haole ina he haole ia e imi ana i ke kaulike kupono. E koho i kekahi o ka poe waiwai ina he manao kaulike. Ua kupono e koho i na mikanele, ka poe ia na lakou i wehe ae i na maka ame ka poeleele o ka naau.

          Eia hou, kupono e koho i ka poe waiwa, o lakou kekahi poe na lakou e hoopuipui nei i ka waihona o ka lehulehu ame ke aupuni a he kuleana paa no ko lakou e like no me ko na ilihune. Ua loaa no ka lakou la mana koho a pehea e hiki ole ai ia lakou la ke koho aku i ka lakou la mea,makemake ai, aohe kuleana e hoohalahala ai. Aka, maluna ae o na mea apau, ua oi aku ka pono e koho lokahi ka lahui apuni ka Paeiha i na mikanele wale no. Malia nae paha o olelo iho ua Aloha Aina nei e lilo auanei ke aupuni o makou. E auhea, ao ua lalau oukou n ka ike ole i ka Palapala Hemolele. aia a ninau ia mai au, na'u e hoopiha aku na pepeiao i ka nuhou maikai.

          Eia hou mai koho hou i na Home Rula hana apakee ame ka poe hokakae aina.  No keaha hoi? He poe wale  nui o na waha. Aole makemake i ka hoopunipuni e hele mai ai e haiolelo akamai i ka pelo. E hoao e ka lehulehu e koho i kahunapule; e lilo keia kau ae i kahunapule na Senatoa ame na Lunamakaainana i ike kakou i ka hao nui ae o ua poe la i ka aina o oukou alaial, kpaku kakou mai na ekalesia aku o lakou.  Eia iho o Kaili o Kauai, Kipa, Kaulili, Kahaleole, ina he poe manao kaulike lakou, Eia o Kalaiwaa, Kekuewa, Kamakawiwoole, Kivini, Kamoku, Keliipio, Nawahine, Kaailua, Kaai, Makaimoku, Kalino, Oili, ame Leleiwi.

          O komo iho hoi ka poe kupono e like me Kale Aki, Amalu, Kanakanui, a pela aku, o ka lawa no ia no na hale elua ina nae he poe manao kaulike kela. Alaila e pono ana ka lahui a pono ke aupuni. Aka puni hou kakou ia Kalauokalani ana, auwe, pilikia hou no kakou.

          Eia hou, ina lilo holookoa na hale @ na kahunapule, alaila make loa kela moo nui ka lama, a o ka make pu no la o ka piliwaiwai, paa hou ka maluhia o ka la Sabati e hehi ku ia mai nei e ka hoomaloka. Oia kahi pilikia nui i kela manawa. Ke kinipoo, ke kiki pu manu; eia no kahi poe ke hana mai nei.

          Aole anei kela he pomaikai nui no kakou ina e lilo ae na kahu a kakou i mau waha olelo i keia kau ae? Eia ko'u manao hope, e pono no e koho lokahi i ke Keikialii a kakou e Elele na kakou i Wasinetona. Ua lawa hoi o Wilikoki. Ua lawa wau.                    C. K.

 

Hooponopono hou i ke Kaikamahine Kinau.

 

          E like me kekahi manao o ka oukou olelo waha ole i  hoike nuua aku ai no ka hooponopono hou ana i ka mokuahi Kinau pela ka oiaio i ikeia ma kona haalele ana iho i kahi kamaaina iaia @@ hoi no kai aloha o ka Paaaina Hawaii a au aku ia i na kai hanupanupa o ka moana Pakipika e hiki aku ai i akhi ona e lapaaula mai ai.

          Ua haalele iho oia lanei no kapalakiko i ka Poaha nei Iulai 21, ma ka hora 8  o ke kakahikaka ma na ohua maluna ona ma kahi 9 ka @@ 6,000 eke kopaa, 300 tona lanahu ame kekahi mau waiwai e ae. Ua manaoia e ku aku ana oia i Kapalakiko iloko o ewalu la me ka hapa, a ina pela, alaila e ku mua aku ana oia ilaila mamua o ke ku ana aku o ka mokuahi Amerika Maru a e ike mua ana no makamaka i ka lakou mau leta i laweia aku e ke Kinau mamua o ke ku ana aku o ka nioku o Augate la 2 ke haalele iho i Honolulu nei.

          Ma kahi hana kapili moku Uniona Hana Hao o Kapalakiko e hooponopono hou ia ai o Kinau moku ma ke ano o ka mokuahi alameda i hooponopono ia iho nei a paa, ana hoi e haaheo nei, pela i manao ai na ona moku o ke Kinau ame ka poe hana o ua nene aukai la ke pau na hooponopono a hoi mai no kona aina, alaila e olali loa aku ana ola a oi aku mamua o ke kaikamahine o na Kona ka mokuahi Mauna Loa.

          Ina e holo pono ana kela huakai hooponopono hou i ke Kinau me ka manao e hookomoia mai ka aila ma kahi o ka lanahu, alaila, e pau aku ana na mokuahi o kakou iloko o la ano hookahi, Wahi a na ona o na moku holo pili aina o kakou, he hana hou keia a ua ikeia ka holomua o kana waiwai ma kela makuahi e holo nei ka Nevadan; ke holoholo nei oia me kona enekini mahu e hoohanaia nei aole me ka lanahu, aka me ka aila, a ke lawe nei oia i ka haaheo o ka lilo mua ana iaia o ka hoohana ana i ka aila ma ke ano he wahie. He hana hou keia o ke ano waiwai a hoopomaikai i na mahiai.

          Ua hoike ae na ona o na mokuahi holo pili aina o kakou i ka maalahi loa o ka lawelawe ana mae ka lepo nui ole o ka moku, a he hiki ke hoomaemae me ka nui hana ole, a o kahi mea hilu loa, aku oia no ka emi loa o na hoolilo. Hoike pu ae no hoi ka wiliki o ka mokuahi Nevadan i kona manao mahalo no keia wahie ano hou, a he manawa wale no koe o ka laha aku no ia ma ka lawe ia ae e na moku. He uuku loa na hana e lawelawe aku ai nona mamua o ka lanahu

 

MAI PAU I KE AHI

 

          Ma ka hora 11 o ka po Poakahi. Iulai 21 ua hoohikileleia ae na kanaka e noho nei ma ke alanui Hotele ame ke loena iho o ka poe e hele ana mai ke alanui i ka hooho ana ae aia he ahi maluna o ke kaupoku o ka hale pohaku o Young. I ko lakou nana ana aku, e a io mai ana no ke ahi. Ua hoouna koke ia ka lono i ka Oihana k=Kinai-ahi, a mamua o ka hooluhi ia ana o na keiki kinai-ahi, ua pio iho la ke ahi i na keiki kiai po o hale no.

          Ua hoomaka ae ke ahi maloko o kekahi pahu opala e waiho ana iluna o kaupoko, a ua manaoia ua a mai keia ahi mamuli o ka hana hemahema ana o na kanaka hana paipu. I ka pau ana o ka hana ma ka la mamua iho, ua hele kekahi o keia poe hana paipu a ninini aku la iloko o keia pahu i ka lehu alii o kana kapuahi. Ua hoopioia no ke ahi o loko o keia kapuahi, me ka wai, a ua ikeia ua pio, aka, o ka mea i ikeia ma ia po iho he ahi hoolele hauii.

-

          Ina e makemake oe e loaa kau mikini lole maikai, e hele ae i ka halekuai o Watson ame West, Helu 162, e ku la ma ke alanui Hotele kokoke i ka halekuai meaono o Hart ma.  E loaa no ka mikini no ke kumukuai kupono, ame ka loaa ia oe ke kuleana e hookaa liilii ai i ke koena waiwai io o ka mikini mahope iho o kou uku mua ana i kekahi hapa. E kipa ae ilaila a e loaa no na kii pili i na mikini me ka auhau ole.

-

          Holopono a maikai na hana o ka hoikeike a na haole kalepa o ke kaulanakauhale nei i malama ia iho i keia mau la.

 

Eia mai ka Mea Hou

-

E Kuai i Mikini Lole nau a ma ka Pule ka Uku.

-

E loaa no na Mikini lole like ole no ke kumukuai kupono ma ka halekuai o WATSON AME WEST, Helu 162 e ku la ma ke Alanui Hotele, a he hiki no ke uku liilii i ka waiwaiho

(picture of some lady)

o ka Mikini hookahi i kela ame keia pule me ka hoopaa pu ia aku o na hooiaio no ko lakou maikai.  He mau Mikini kahiko o ke ano helu elua kekahi i makaukau no ke kuai. E hele e ike nou iho.

 

HALEKUAI O

Watson ame West

Helu 162 - Alanui Hotele

Kokoke i Hahi o @@@

 

O ka Hana Papa Niho ka laua hana makaukau loa.

         

          Ma na Keena huki niho o ka Hale Nu Ioka laua i hana mua ai, a e loaa no laua i keia manawa ma : : : ARLINGTON HAEL ELU 2151 LANUI HOTELE ma kahi aoao o ka huina o ke Alanui Hotele ame Uniona. He maikai no lawelawe hana me ka nui eha ole i like no me ko na wahi e ae a ke hooiaio aku nei he maikai io no, hehaahaa n auhau: : :

NA HORA NANA

TEETH WITHOUT PLATES.

 

(PICTURE OF DENTURE

 

Hoopiha me ke Kala .. 50 keneta

Hoopiha me ka Gula $1.00 a pii aku

Papa Niho Gula -      -  }

Papa Niho Kala -       -  }     $5

Papa Niho Maoli -     -           }

 

Ina He Makemake

 

-Kou i Ka -

 

Lauoho Maikai

 

E HELUHELU @@@

 

Maiia paha ke pau nei @@@ @@@ ka helelei, a koe ka@@@ @@ i ka laau mamua o ka @@@ i a heleiei, e hana i laau @@@ ai. O ka laau.

 

"Laau Hooulu Lauoho a Ayers" ka mea e ulu hou a@. He @@@ lauoho ke ulu mai, a he @@@ Ina he nawaii ka ulu ana o @@@ oho, o ka

 

"Laau Hooulu Lauoho a Ayers" ka mea e manoanoa ai ka @@@ keloaa i keia laau pau loa @@@ elei ana, I na he piha kou @@ ke Kepia, o ka

 

"Laau Hooulu Lauoho a Ayers" ka laau e pau ai a maemae @@. Ke loaa i keia laau e  hoi hou @@@ ulu ana okou lauoho a like me @@ kou wa bebe.

 

Hoomakaukau ia e Kauka J. C. Ayers & Company. Lowell, Mass U.S. A. E loaa no kela mau Huaale ma @@ Hael Kuai Laau o Hollister, @@ Papu.

 

-

 

Elike me ia i Hoopukaio e ka

 

HUI HAWAIIAN REALTY

          AME MATURITY

(KAUPALENAIA)

 

-

 

Hoohia Maraki 30, 1901

 

HUINA WAIWAI, $50,000

 

$5,000 MAHELE; $10.00 PAKAHU UKU PA@@

 

HEAHA NA KUMU?

1.       Aole makou e koi aku ana la oe e uhaai i kau dala.

2.       E haawi ana makou i kekahi alahele palekana e hiki ai ke hoopukapuka a loaa ke dala mamuli o ka hoohui @@ na kuina liilii i kela ame keia mahi a mamuli o la mea e koe ana he @@ dala mai ka hoolilo iama kekahi ana e ae a e loaa ole ana ia oe kekahi wahi pomaikai mailoko mai o la mea.

3.       O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo a poe hoahu.

 

HOOIA HOAHU

4. Na moku e kukulu i mau home no oukou, a e hoopuka no hoi makou i Huina Hoahu Hoopukapuka e hookaa la iloko o 75 mahina, me eha (4) Palapala (Coupons) Hoola o $50 paka@@@ hoopili pu ia, a o ka averika no ka puunaue iloko o 19 mahina, a e ohi ana makou i $150, a e loaa ana ia oe he $@@ O kou puka he $33.33 no kela a me @@ dala pakahi i hoahu ia e loaa ana ia oe he 33-1-3 kaneta puka.

5. No ka mea, aole oihana hoopukapuka i ikeia ka oi aku o ka pomaikai mamua o keia. E kakau mai a e Kauoha mai i na hoakaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino la mai

          HUI HAWAIIAN REALTY & MATURITY. Kaupalenaia. Rooms 3 & 4 McIntyre Bldg.

                                                                      Fort Street, Honolulu,

                                                                      L. K. KENEWELA.

                                                                      Peresidena

 

S. OZAKI

 

-

 

-WAIHO I KA-

 

OIHANA KUAI PAPALE.

-

Kuai Hoemi Loa

 

I NA

 

PAPALE

-

35c                            NO KA PAPALE                  $1.00

-

HALEKUAI 178     .           ALANUI HOTELE

 

HE UMI MAU KUMU HOOLAIO

-

No ka Laau Lapaau Coll@@@

Diarrhoea a Chamberlain

 

1.        He hoola hiki wawe i naumi @@ na eha o ka opu

2.       Aole e hala ke ola o na nalu o ka opu a hoopaa i ka hi.

3.       He ikaika kona i ka hoopaa i ka hi mau.

4.       A hiki mai na ouli mai ko@@ alaila oia ka laau e lawe ai.

5.       He hiki loa iaia ke hoopau @@ ano mailohai a ano ikiiki.

6.       He mana ikaika kona e holoa @@ na eha oloko.

7.       He hoola ia no ka manawa po@@ loa, e holoi ai i na ma'i opu apau.

8.       Aole e loaa hou i ka naluea @@hope o ka ai ana i ka laau.

9.       aohe muiea aka he ma@@ @@ no ka ai ana.

10.   He hoolapanai oia no kekahi @@ he nui i loaa i kela ano pilikia a @@ aku kana maikai mamua o kekahi @@ laau e ae. 

O keia na hoolalo no ka laau a @@ mau hoolalo e ae no kakahi i makaukau no ia mau mahele.

 

He mea pono e loaa keia ano hoo@@ ma na home apau, nolaila e kuai keia la, maiia o hoolaia kekahi mea loa i ka mai.

 

Aia ma ka Halekuai Laau o ka @@ o Benson ame Smith a o lakou no @@ na agena. He oluolu ke kumukuai.