Ka Nupepa Kuokoa, Volume XL, Number 28, 11 July 1902 — Nui ke Kalohe o na Keiki Pukiki. O LAKOU AME NA AHI KU ANA I KA HALEWAI. [ARTICLE]

Nui ke Kalohe o na Keiki Pukiki.

O LAKOU AME NA AHI KU ANA I KA HALEWAI.

Ma ka auwina la o ka.Poalua nei ua hoohana aku o Apana he makai i kona mau io paahana ma ke alualu ana i kekahi mau kamalii Pukiki ekolu mamuli o ka hana kolohe a na kamalii i hana ai, a pau no nae lakou apau ekolu i ka paa. Ma ke kihi o na alanui Pauahi ame Maunakea e waiho kaulaiia ana he ope ahi nui i ka la i maloo ae a pau ke ano ko-o-u. He ahi keia na kekahi Kepani halekuai olaiia me ka manao e kaulai malaila a hoi hou mai ka ikaika a o ke ahi alaila hoihoi i ko lakou wahi mau, aka, mamua o ka hookoia ana o kona makemake ua kii mai la ke kolohe a mama ana na kamalii Pukiki ekolu i ka holo me na pakeke ame na poli o lakou i piha i ke ahi. Aole nohoi 1 nalo aku ua poe kamalii la ua ike koke aku la ke Kepani e uhalia ana e Mr. Apana ka mak£.i 1 hoea ae ai malaila a ike aku ai i ka naholo o na keiki, e helelei ana ke ahi, a i ke Kepani e ohi ana i na ahi e waiho mokakl ana i ke alanui, ua paa aku la ua poe keiki kolohe la ia Apana, a o lakou nohoi ame na ahi i ohiia mai, ku ana i ke keena hana o ka Halewai, a eia ke kolohe ke paa la i ka halewai. 1 O ka inoa o keia poe keiki Pukiki oia o Joe Patrice, Jacinto Patrice ame Joe. Depunt. Ua hoike ae o Joe Patrice ua aihue io no oia 1 ka waiwai aka ua manao oia he ahi ia i kiloiia. Ua hoike ae ka ona nona ka walwai i aihueia i kona ike mau i ke keiki Pukiki Joe Patrice e maalo mau ana ma konai halekuai, pela oia i hoopuka ai i kona' manao hoohalahala. |