Ka Nupepa Kuokoa, Volume XL, Number 28, 11 Iulai 1902 — HE KANIKAU NO DAVID KANEWANUI. [ARTICLE]

HE KANIKAU NO DAVID KANEWANUI.

Kanikau he aloha no kuu lei mae ole David Kaukaha Kanewanui. He nui ko aloha e hoolauwili nei ia loko, Oloko hana nui pau ole i ke ana ia, Eia ka e mana ia'u e kuewa me ka waimaka, He makana nui kau i waiho mai ai na'u e lei. E lei no au me ka Uanoe o Koloa. Oia kilihune mai i ka lau o ke ko Ko aku la nohoi ka manao o ka opu ino, Ua waiho i Kaea ka iu o Kamahele, E hele no la hoi paha oe a manao mai Eia he kini he lehulehu i hope nei. E hapapa hewa ana i ke aka kino wailua ou e kuu keiki. Kuu minamina pau ole e noho nei e— E hookanaaho wale ae ana no kahi manao o kahi e nalo iho ai Pehea hoi auanei e hiki ai ke huihui nei kuu manawa E aha ana oe e Kawaikini i ka piko o Waialeale, E hoolale mai ana ke aloha o kuu keiki, Luuluu iho la Hanalei i ka ua nui. Kuhi au i ke one o Hoohila ua hilahila la hoi a waiho mai. Eia ka ua paa mua ka manao me ka mea nana i tana, He hna nui ia na'u e U nei, he minamina pau ole i na' kau a kau O kuu keiki i ka ihu o ka moku, A'e ale o Kaieiewaho, Mai waho a loko ka pilihua e noho nei, A hiki mai ko aloha e uwe no au, Na'u hoi auanei ka uwe hiolo wale mai no na wainaoa a ke kehau. O kuu lei i ka makani o Olauniu o Kapalama e— Ke malama nei au i ko aloha me kuu luhi moopuna au i haaele iho ai. Oia ka o au ke hopu hewa ana i ka alamihi—mihi no hoi o loko e noho nei, a hiki mai ko aloha uwe iho no au me o'u luhi lei o ka ua Kakalahale. O kuu hale piha keiki, he keiki hoi ka hoa o ka po hoa ole ke moe ia. Moe aku ia oe i ka moe kapu a Niolopua. Kuu pua nani o ke Kaona e oluolu ai. E kahiko ai ke kino a hele. Hele no au me kuu kama, Ka makahiapo a'u me kuu kaikuaana, O'u kaikuaana i ka hale keiki e—

E uwe ae no au a waiho iho iloko e nu ai me kuu minamina pau ole e noho nei eMRS. LIZZIE KAIO. He kanikau he minamina pau ole, He waimaka he paumako lihaliha, No'u iho no ka makua i ka haalele ana. mai a kuu mea aloha he keiki. Nou keia mau kulu waimaka e David Kaukaha Kanewanui. E hookupouli nei i ka manawa. O kuu manawa hiamoe hoala ia ana e ke aloha o kuu keiki, Kuu keiki i ka poli lauae o Makana, Makana ka hoi ka Lanipuia, E hoaikane nei me Kalawakua, ka makani o na pali, He pali nui ka make i hookaawaleia no na mea kino apau. Iloko la hoi o keia ao e ike ai i na ehaeha o keia noho ana. Eha aku la loko niniau i ko aloha, Me he kui kepa la i ka opi aoao o ka lio, He lio kainepu i ke kula o Maninihola ko kuu keiki, He kilohi iho ia Kaumaka, He nani hoohewahewa ole ia i ka malihini, He malihini wale no au me kuu keiki i ke one o Kakuhihewa I Ewa hoi au me ka I'ahamauleo He lono no ka pilikia kai hiki mai. O kuu kii onoho ua halawai me ka pilikia Kupilikii ko'u manao ko ka makua e noho nei E paumako nei au i ka lihaliha o ka hana a ke aloha E aloha ae ana au i na Honoapiilani, A maua i alo pu ai me kuu leialoha he keiki, Kuu keiki i ka ua Paupili o Lahaina Inaina manawaino loko i ko aloha. Aloha wale ae ana au i na lehua o Lihau, o ia mau lehua nee papa mai i ke A'eloa. Oia mau wahi a kuu keiki i hookamaaina ai ka noho ana, Noho luuluu ka makua i ko aloha, aloha Lahaina malu i ka ulu, I ka ulu iho la no kakou i kahi o ka pono a - hala oe. Hala pu no me ka anoi waiho ia'u ka U me ka minamina, He minamina pau ole ko'u i kuu lei mae ole he keiki, O kuu keiki i ka ua Kanilehua o Hilo e Oia ua hehi ku i ka pua o ka Ohia. Hiaai wale ana kuu keiki i na lehua o Mokaulele, Lele ka hanu ke ola o ke kanaka, waiho i ke kino i ka hale kaupakuole, Hale puanuanu, anu wale kuu lei e moe nei i ka mow kau moe hooilo, E hoiloli nei ke aloha i ka makua, kuu keiki i ke one o Hanakahi. Akahi hoi kou a ke aloha e kaniaula nei, iloko no ia o ka makua e nu ai. Kuu minamina pau ole e noho nei, a hiki mai ko aloha e uwe no au. MISS ROSE KAUKAHA.