Ka Nupepa Kuokoa, Volume XL, Number 26, 27 June 1902 — Page 6

Page PDF (1.60 MB)

This text was transcribed by:  Margaret Mary
This work is dedicated to:  Steven Leahy

lKa Nupepa Kuokoa

KE KILOHANA POOKELA NO KA LAHUI HAWAII.

 

HE WAHI MOOLELO HAWAII

 

KE PANA O HANA UA LANI HAAHAA KA NAAUPO O WAAWAAIKI MA

 

Hoakaka – He moolelo kahiko keia no Hawaii nei mai ko kakou poe kupuna mai e like na me na moolelo kahiko e ae.

 

                Ala i kekahi manawa e noho alii ana o Elelo ma Hana mokupuni o Maui.  Ua hoouna aku oia i kekahi wahi kanaka ona no ka helo ana i Kauai no ka hoike ana aku i ko Kauai alii o Kaumakaamano ka inoa, a ua hooko aku kela wahi kanaka o Kukiiole kona moa, a holo aku la Haiia.  I kona pae ana.  I Kauai, aia he ia kapu loa ia no ka hanau keiki o ke kaikamahine alii o Kauai.  Ua kukala ae ke alii i ke kapu o ia la, aole e holo ka waa, aole la waia, aole mahiai, aole ho-a-imu, aole kukukapa ma ia ia; a o ka mea a mau mea e kue ana i na kanawai o ia la, he make ka hoopai e kaula aku ai, aka, i keia la nae, pae aku nei ka elele a Eleio ke alii o Maui.  I ko lanei pae ana, loaa mai la ola i ke kiai, a laweia aku la oia e kahi hoopaa o na pio, oia ka hale i hoomakaukauia no na peo a hoopaaia iloko olaila, a nakinakila i ka laau me ke kaula i kapaia ai ka “pou o manu”.

                Ua hoonohoia elua kiai mawaho e kiai ai i ka po a hiki i ke ao ana oia ka manawa e laweia, ai ke ola o ua Kikilole la, a no ka wahine ame ke keiki hoi, oiai, ua lawe pu aku oia ia laua me ia, ua noho laua i ka ihu waa a po ka la:  a o ka po hope ia e kau ana ka mahina o Hoaka la, me ka uwe nue ana o ka wahine i ka make aku o ke kane.  Nana ae nei oia i ke kau mai o ka mahina haku iho la oia i kekani  wahi olelo a kahea aku la i kahi keiki ana, a hele mai la oia, ka mailio aku la penei:  O hele ea, a kahi i hoopaaia ai ko makuakane mae hele nae oe ma ke alo o ka hale, aka, ma ke kua e hele aku ai, a malaila e hookokoke aku ai a pili i ka hale i ole e ikeia mai a e kahea aku oe penei:  “E Kikiiole, Kikiiole,” a ina e o mai, alaila, e pane aku oe me nei, “Ono mai ia au e kuu puni.”  A i ninauia mai heaha ka puni, alaiia, e pane aku oe:  “I kuu puni o ka mahina, e hoonuu aku wau ma kekahi aoao o ka mahina naka wale mai no kekahi aoao i kona momona.”  Alaila hooko aku la ke keiki a pane mai la ka leo:  “Aole e loaa ko puni i keia aina he kiekie loa ka lani ma kela wahi, ua haalele aku kaua i ko kaua aina ia Hana ua lani haahaa.  O kela mahina e kau mai la o kau mahina no ia i ai ai a koe hakina, a o ko kou makuakane koena ia aole aiia.

                I keia wa a laua e kamailio nei me keia mau olelo maalea, ke hoolohe mai nei na kiai i keia wahi leo uuku e kamailio mai la mawaho o ka hale, manao iho ia na kiai he wahi akua keia wahi leo nuku mawaho mai o ka hale.  Ua hoi aku la kahi keiki me kahi makuahine i ka waa o lakou.  I ka lohe ana o na kiai i ka laua kamailio oiai mawa@ iho no o ke keiki ame ka makuahine kela kukai olelo ana, ua holo aku la kekahi o laua a hai aku ia i ke alii @ ka pane ana, “E ke alii, he mea @ e hai aku i ke alii.”  Heaha ka @ hou? wahi a ka moi.  Hai aku ia ke kiai:  “O kahi kanak i hoopaaia i ka halepaahao o na pio ua lohe aku nei maua e kamailio ana me kekuhi wahi leo uuku mawaho mai o ka hale, he wahi akua paha.”  Ninau mai ia ke alii, “Penea ke kamailio ana?”  Pane aku ia ke kiai, penei:  “E Kikiiole, Kikiiole, alaila o aku la ua wahi kanaka @ pane pu mai o kahi akua, ono mai ia wau i kuu puni.  Ko puni ia hoe o ke ana?  Kuu puni o ka mahina i olelo aku ia kahi kanaka, aole e loaa ko puni no ka mea, eia kaua i ka aina kiekie o ka lani, ua haalele aku nei kaua i ka aina lani haahaa o kaua; @ iho la i kapaia ai o “Hana ua lani haahaa.”

 

                A i ka loha ana o ke alii, kenaia aku ia no kiai e kii a laweia aku ua wahi Kik@ ia imua o ke alii a ninau mai ia ke alii he a oialo anei ka laua nei i olelo mai nei la’u he aina haahaa o ka lani o Hana.  Ae aku ia ua wahi kanaka ia me ka wehewehe ana aku, he kikoa ae no loaa ka mahina, no ka haahaa ioa o ka lani.  Ia manawa no hookuu loa ia ae ia ke peo oea wahi kanaka ia no ka nue o ke akamai ame ka maalea I kumu e pakele ai ika make.  O keia pakele ana I ka make e ili aku ana ka make maluna o ke alii o Kauai ame kona mau pukaua me na koa ame na kaukaualii no ke ake nue e ike I ka mahina ame kona ano.

                Kuahaua koke ae ia ke alii e kalua i ka ai, i ka puaa, ka ilio ka i’a ame na mea apau.  Kau maluna o na waa holo no Maui ma Hana, a i ka pae ana o na waa ma Hamoa, alaila, lohe aku nei ke alii o Hana, ua hoe mai o Kikiloie a ua holo pu mai me na alii o Kauai, alaila, kauoha koke mae ea o Eleio ke alii ia Kikiiole e hele aku imua ona.  I ka hiki ana aku o Kikiiole, ninauei mai ia oia no kana huakai i hele ai, a hai aka ia kela he huakai make kana i hele aku nei.  Pae aku i Kauai he ia kapu ia no ka hanau o ke kaikamahine alii I ke keiki a hopuia au a paa I ka halepaahao, nakinakiia i ka “pou o manu” a ao ae alaila make.  E ole e loaa ka noonoo i ka wahine e hana i kekahi hana maalea loa, pakele ai au mai make a oia ka hoi oia i ka aina hanau.  Ma kela hoike a Kikiiole i hoopuka mai ai i ke alii i kona manao e luku ia lakou apau i ka make.  Ma ia wahi i pane aku ai kahi Kikiiole o waiho ka manao pepehi a hiki ae i na po i o “Kaloa” ia, ia mau po e hele aku ai e hoikeike i ka loaa ana o ka mahina, a i ka po o “kane” e hoomakaukau ai ko iakou make a i ka po o “Mauii” e hooko ai I ka manao o ke alii.  Ma keia wahi aku o ka moolelo e ike iho ai ka mea heluhelu i ka nui o ka maalea o keia wahi Kikiiole.

                O ka mahina e kau nei ia mau po ia lakou no i Kauai oia no ka mahina e kau ana i na po o Hoaka oia hoi makai ka mahina a i na po I hoi mai ai  lakou no Hana oia na po mauka i o “Kaioa” ia, ia manawa i haila aku ai ka lohe i ke alii o Kauai me kona poe kanaka no ka hele ana e hopu i ka mahina i ka wanaao, oia ka pii ana ae o ka mahina mai keia aoao ae o ka hon@ i ka wa e aka ae ai ia.  Aole I h@ ae ke kino o ka mahina, oia ka wa i kauohaia ai na mea apau e hele maiuna o keia wahi puu I kapaia kona inoa a hiki i keia ia o Paikaiani, aia keia puu mauka ae o Hamoa he wahi puu e ku nei a hiki i keia ia.  A i ka na i oili ae ai ka mahina @oko o ke ao, ua kenaia na mea apau e kuku ana maluna o ua wahi puu ia oia ka wa haahaa o ka lani a loaa ka mahina ke lalau ae a i ka wa nae i oili loa ae ai ka mahina ua hoio aku nei na kanaka apau e hopu i ka mahina he ole nae ka loaa @ Ia manawa haalele iho nei na kanaka i ka puu a holo aku nei ma kahi a ka mahina e pii ae ana no ka manao e kokoke aku i ka mahina, he ole ka loaa, a no ka loaa ole, ua hoao ae na kanaka loloa me ka laau e ohiu ae i ka mahina i haule iho iialo. A o kahi a keia poe kanaka loloa e ohiu nei i ke aka o ka mahina ua kapaia ka inoa oia wahi o Kanakaioa a hiki no I keia ia.  I ka po o “Mauii” I lukuia ai na ‘ili o Kauai me na kanaka i hele mai.  Ma keia wahi iho e hoike aku ai ka mea unuhi moolelo, ua make ke kanaka iloko o ka hupo e like me Waawaa ma. oia hoe, o Waawaa-i-ka-naauao maeke kaikuaana o Waawaa-i-ka-naaupo.  He mau kanaka kapili manu keia.  Ia laua e pii ana I ke kuahiwi I ke kapili manu, a hiki laua i kahi o ka hana, olelo aku nei o Waawaa-i-ka-naaupo ia Waawaa-ika-naauao, o na hana keia a ka lokoino am eke aloha ole, i aku ia – “O ka manu auanei i puka ka nuku na’u ia manu” A ia laua e kapili ana I ka manai, a i ka loaa ana o ka manu, nana iho ia ia ua puka ka nuku manao ae ia ia na ke kaikuaana ia manu hookuu aku la oia.  Pela oia I hana ai a’ hiki i ka hoi wale ana i kai.  I kekahi ia ae pii hou no laua e kapili manu, manao iho ia keia e like ana no ka nele me ko ka ia mua, nolaila, ulu ae ia hoi kahi noonoo e hele oia e haihai i ka akoko, noke aku nei i ka hukihuki i ka hulu o na manu I loaa a hoopipili me ke kepau akoko apuni kona kino me ka huiu alaila kakali oia a hiki i ka hoi ana oia kona wa i hoike aku ai iaia iho me kela kino’hulu ona i ke kaikuaana lokoino e hoi ia me ka manu a kahea aku ia me ka leo hoomaka’uka’u e pau ana ia i ke akua ahuluhulu o ka mauna ke ole e haalele ika manu.  Ia manawa i ulu ae ai ka makau weliweli ua haalele ino iho la oia i ka manu a ahai oia no kona oia.  Iaia ia e holo ana, lilo mai la iala nei na manu.  O keia ke alakai ana o ke kanaka naaupo i mea e pilikia ai kekahi o laua.

MEA KAKAU.

 

 

 

 

 

Lealea ma Kalaupapa

_________________________

                Ua malamaia he mau anaina lealea ma Kalaupapa i ka la nui iho nei o Kamehameha.  Maikai na hana i hanaia malalia, a ua holomua no’hoy na lealea, me ka maalahi loa.  He mau kii kekahi i kahaia e kekahi olaila i akamai ma ia hana no na mea e pili ana i na mea i hanaia ia ia.  Ua lawa kupono no hoy ke iaia i manaoia no na hoolilo no keia ia.  Na lealea i malama ia he mau heihei lio, kukini, heihei kaahehihehi wawae, heihei ai uala, kiloi poka, lele pa, hukihuki ame na lealea e ae a ua piha hauoli no ia mau kini.

                Nui ka mahalo mai o ko Molokai poe ma’i no na kokua i haawiia ia iakou mai ne’i aku.  Ua nui ka hauoli o na kanaka a oi wale na mea i hanaia.  Haawi mai o J. K. Waiamau i kno hoomaikai nui ia A. L. C. Atkinson no ka hoouna ana aku i na kenikeni he $100 no na mea e maikai ai na lealea i malamaia.

 

 

Na Mea Hou o Kona

HALAWAI MAKAAINANA O KA APANA O KONA AKAU. TERITORI O HAWAII.

                Ua malamaia ka halawai maluna ae ma ka luakini o Mukoaikaua ma kailua, kona Akau. Teritori o Hawaii, ma ka hoia 10:50a.m., o ka ia 14 o Iune, 1901.  Ma ke noi a J.W.H.Isaac kihe e lilo o David Alawa i lunahoomalu no keia halawai.  Hooholoia.

                Na Isaac Kihe no, e lilo no ka lunahoomalu i kakauolelo no keia aha.  Hooholoia.  Ma ke noi a ka lunahoomalu e hoakaka mai ka mea nana i kahea i keia halawai i na kumu keia halawai ana.

                Na Kia Laioha i hoakaka mai:  I-E koho keia aha i mau elele e hoio aku ai i Honolulu i ka aha wae moho lunamakaainana a neneioa paha. : -O keia ame keia senetoa a lunamakaainana paha e holo b alota ana e waiho mai oia a o lakou paha i ko lakou mau inoa imua o keia halawai, a mahope iho olalia, e hoike manao mai lakoe imua o keia halawai, i ike aku ai keia halawai i ko lakou mau manao.  A malelo o keia mau kumu , ua noho iho ia ka halawai.

                Hapaila ke kumuhana  1.  Ma ke noi a Isaac Kihe, e hoopanee i keia kumuhana, a noho mai ka halawai nui ma ka ia 18 o Iune.  Hooholoia.

                Kumuhana  2.  Eia na senetoa i hikimai: Mr. Anaru (kumukula o Napoopoo i hoopau ia) ame Rev. W.M.Kaiaiwaa:  eia na lunamakaainana:  J.W.H.I. Kihe, H.P.K. Malulani ame Holaniku Keawehaku.  I ka maopopo ana o na inoa, ua haiolelo mai la o Mr. Anaru, aole i liuliu,ua hooki koke ia.

                Na Isaac Kihe i haiolelo mai:  1-E ana degereia ko kakou mau wai kope. 2-E hooponopono hou ke kanawai ma’i rebeia.  3 – Kanawai o na makea mea keiki nue.  4-E hoopalia na senetoa ame na lunamakaainana e hana ole ana i ka makemake o na makaainana. 5-I aupuni mokuaina ko kakou. “Ke hai aku nei au, o ko’u aoao holo balota he aoao o ke kaulike.”  Mahope o keia haiolelo, o Holaniku Keawehiku aku, H.P.K. Malulani, e kakoo ana i na humuhana maluna ae.  Na W.M. Kalaiwaa mai hoi:

1 –Ina e hoea mai ana he bila hoopau ana i ka mana koho balota e kakoo ana au e hoomau loa ia aku ia pono nui o kakou.  2-E kauia i kanawai e hoomahuahua ana i ka auhau dute o na kope mai na aina e mai.   3-E hoopauia ke daia auhau kino. A ke hai aku nei au he Home Kaulike ko’u aoao holo balota.

                Ma ke noe a John Kapahu, he mea pono e ike keia halawai I ka poe e holo senetoa a lunamakaainana paha o Kohaia, Kona Hema ame Kau, i ike aku kakou ia lakou a kaupaona iho, ke noi nei au e lilo o J.K.Nahale i komite ninau, a hoike mai I keia Poakolu ae.  Hooholoia.

                Hoopaneeia a halawai a noho hou mai i ka ia 18 o Iune.

                Iune 18, 1902, hoia 9:30a.m. Malama hou ia ka halawai maluna ae me ka pule ana a ka lunahoomalu.  Heluheluia ka moolelo o ka ia i haia, aponoia ka hapa hope o ka mooleleo, a hoopau loa ia ke kumuhana koho elele.  Na Hon. J.W.Keliikoa i haiolelo mai i na mea pili i ke kau ahaolelo i hala: na M.W.H.Isaac Kihe ia 15 mau kumuhana; na H.P.K.Maluiani i kana haiolelo: na W.M.Kalaiwaa i kana haiolelo:  Wahi ana, ua hooioli ae nei au i ko’u kulana holo, mai ke senetoa a I ka lunamakaainana.  He eono mau kumuhana ana i lawe mai ai.

                Mahope o keia haiolelo, ua kaheaia o Jno. N. Kapahu, a ua haiolelo pokole mai la no oia.

                Na J.K.Nahale i hoike mai i na inoa o ka poe holo balota ana.  No Kau, o J.N.Keouli, Hon. Maunakea ame Hon. J.K.Kekaula; no Kona Hema, G. Naope ame George Makukala, no Kohala C. Puiaa, Hon. Kaniho, Kanehailua, Kalua Kaohi; eia na senetoa:  J.D. Paris, S.L. Desha, John Beka, Mr. Anaru ame Mr. Alabe.

                Hooholoia:  E hoounaia ka moolelo o keia halawai i na nupepa Hawaii apau.  Hoopaneeia ka halawai a ka wa e kahe hou ia ai.

DAVID ALAWA,

Lunahoomalu a Kakauolelo.

Kailua, N. Kona, Hawaii, Iune 23, 1902

 

 

PAU KE POLUEA.

                O ka laau lapaau Chamberlain’s Colic, Cholera ame Diarrhoea” he ikaika oia i ka hoopau ana i na eha o ka opu.  Ua ulu mai ia mau pilikia mamuli o ka pono inu wale i ka wai.  Ua kupono loa keia laau i na manawa e loaa ai ia ano eha, e laa ka naluea a opuopu o ka opu.  Aia hele i ka makaikai e kau ana maluna o ka moku, a kaa-ahí paha he laau maikai loa i ka lawe pu ana no ka hoopau i ke poluea.  Aia a hele ea, e kuai i omole laau ma ka halekuai laau o ka Hue Benson, Smith.

 

 

 

Hipuuia ma ka Beria o ka Mare.

LAWE AE O MISS MENNIE T. BATES I KA INOA O MR. CHAS. E. KING MALUNA ONA – MAREIA LAUA E KA REV.H.H. PARKER I KOKUAIA E REV.E.S.TIMOTEO

                Malalo o na pio e hoonani ana i ka halepule o na Kuia Kamehameha, a iloko hoi o ka lipo waokele o na lau laau ame ke onaona o na pua, i ike aku ai na hoaloha o Mr. C.E. King ame Miss Jennie T. Bates i ko laua hoohuiia ana ma ka berita o ka mare ma ke po nei.  Ua piha ae keia halepule me na makamaka ame na makua haole i komo ia e ke aloha no keia mau opio i ae e lilo i io hookahi iloko o ko laua mau la e ola ana ma keia ao.

                Na ka Makua Paleka laua I hoohui ae me na olelo laahia o ka oihana mare.  Mahope o ko laua hooliloia ana i kane a i wahine, ua haawi ae ka Makua Timoteo i na olelo pule, e kalokalo ana i ka Makua Lani e kokua a e hoopomaikai mai i ko laua mau ia hauloi.  Na ka Makua Paieka no i haawi ae i ka lima akau o ke aloha i ka paa mare ame na olelo ao a hoopomaikai no ko laua mau la e nee aku nei.

                Mahope o ka pau ana o ko laua mareia ana, ua huli hoi aku laua no ke keena nui o ka halekula a na pokii Kamehameha, kahi hoy a ka wahine i noho hoomanawanui ai i ka hoonaauao ana i kona lahui ponoi, a malaila i hele ae ai na hoaloha e ike ia laua.  Maanei no i waihoia ai na makana a na hoaloha, a iwaena oia mau makana a na hoaloha, he buke wehewehe huaolelo Beritania kekahi, he makana hoi na na laia o ka Hui Kamehameha Alumni, ka hui hoi a C.E. King i noho peresidena ai no ka manawa i hala.

                He mau opio Hawaii keia i hanaula, a i hoonaauao nui ia ma ka lepo o Hawaii nei, a i pii aku hoy ma ka paepae o ke kahua hoonaauao i na oiwi ponoi o ka aina.

                Ua hanauia o Mr. C.E. King ma Honolulu nei I ka makahiki 1874 a ma ke Kuia Alii kona wahi i hoonaauaoia ai.  I ka makahiki 1887, ua komo ae oia ma ke Kula Kamehameha i ke au e noho poo kumu ana o Rev. W.B. Olsen; a i kona au no, i ka makahiki 1891 ua hookuu maikai ia aku oia, a oia no hoi ka papa mua loa i puka mai keia kula aku.  Ia makahiki no, ua holo aku oia me kona hoakuia Samuel

Keliinoi no Amerika a ma ke kula kumu o Oswego I hoomahuahua aku ai oia i kona ike.  Mahope o ka noho haumana ana malaila no ekolu ame ka hapa makahiki ua huli hoi mai oia no ka aina hanau, a noho poo kumu no ke kuia Aupuni o Waiahole, Koolau.  Mahope mai ua holo hou aku oia no Amerika no ka imi hou ana i ka naauao, a i kona huli hoi ana mai, ua lilo oia i kumu no ke kula kekikane nunui o Kamehameha, a malaila oia i lawelawe ai i ka hana a hiki i kona wa i koho iho la i kokoolua nona.  No Mrs. C.E. King, oia kekahi o na opio wahine naauao iloko o ka aina.  He wahine heahea, a o na launa ana me ia he oluolu.

_____

                He mau ia owelaweia loa keia o kakou e nee nei ke hele a pa-ki ka hou.

_____

                Maluna o ka Pacific height ka puhi ohe o na keiki Pukiki I ka auina ia Poaha ne.

____

                Ohuohu pono ke Kinau I na @ I holo aku no Hilo I ka Poalua nei no ka makaikai I na lealea o ka ia 4 o Iulai.

 

 

KA WAIWAI HO ILINA KU I KA HOOWEHI EHI

____

O KEKAHI KANAKA HOOKIPA HOTELE O INIKIANA, AMERIKA HUIPUIA.

____

Ua Makehewa kona Hooikaika ana no Kekahi manawa i Hala e Hoopau.  Aka, Loaa ka Lanakila Mahope Mai.

_____

                O ka wai wai hooilina o Thomas E. Lawes, ka ona o ka Hotele Taft.  Dunkirk, Ind., he mea ia ua hoohuoi nui ia.  Ua loaa mai ia mea hooweiweli nui I na la I haia a ua hooikaika oia e hoopau aole nae I lanakila.

                Aka I ka loaa ana o ka lanakila iaia ua loaa ia kakou he moolelo maikai.  Wahi ana:  He 10 makahiki i haia ae nei he kanaka wau i loaa i ka na waliwali o ka ma’i lolo, e hiki ole ai kuu mau lima e oni, a pela hoi ko’u mau maka, aole he ike pono aku i ko’u mau hoaloha ke hele ae.  Ua haalele mai na lolo-ike o kuu mau lima a ike ole ke hoopa aku i kekahi mea.

                I aku ia kekahi o kona mau makamaka ina paha he kauka kona; a wai ana he kahuna lapaau no.  Ua lapaau mai oia ia’u i kekahi manawa o ka M.H. 1883, eia nae emi mau mai kuu kino.  Ua hooikaika pu no hoy au ma na ano e ae, aole he wahi na iki mai a aneane poholo aku ka manaolana.  He ma’i kumu no keia i loaa i ka ohana.  No ia mea, ua make aku kekahi I ano e ae ai kona helehelena:  a manao iho la au e loaa like ana no ia mau haawina ia’u.

                A pehea oe i pakele ai?  Wahi a kekahi.  Ae, ua loaa ia’u ka maha mai na HUAALE AKALA A KAUKA WILLIAM MAI no ka poe ma’i hokii.  Hoomaka iho ia wau e hoomau i ka ai ana me kuu ike pu iho i ka oluolu mai i ka pau ana o ke poho mua, a o ko’u oia loa no ia mahope mai.

                O Mr. Lawes,he kamaaina oia no Dunkirk, Inidiana, he @na no kekahi hotele nani o la wahi a he mea i mahalo nui ia e kona poe hoa-noho.  I mea e hoonawaliwali ole ai i ka poiolei o kana mau olelo ua hooiaio aku oia imua o kekahi notari J.J.Stewart i Feb. 15, 1902.

                O ka ikaika o na huaale akaia a Kauka William i hooia ai i keia ma’i ano nui ame na ehaeha e ae he mea ia e holoi ae ai i na kanalua apau a e okomo aku malaila he pau io no na eha.

                A i loaa kekahi i ka ma’i o ia ano e loaa no ia mau huaale ma na halekuai laau lapaau apau, a o na kauoha e hookoia no e ka Hui Kuai Laau a Kauka William (Dr. William’s Medicine Company) i Schnectady, N.Y.  He 50 keneta no ke poho hookahi, 6 poho laau i ka $2.50.

 

 

 

E noho iloko o ka Malamalama.

____

                O ke poo manao e kau ae la maluna mailoko mai ia o na olelo hoolana a ka Makua Rev. H.H.Parker i ke Sabati Iune 22 i haia.  Ua kukuluia ia maluna o keia poolelo.  1 Ioane 1:7.  Aka ina i hele kakau ma ka malamalama e like me ia e noho la ma ka malamalama alaila, ua aloha pu kakou i kekahi i kekahi  i kekahi a na ke koko o Iesu Kristo o Kana Keiki e huikaia mai ia kakou i ko kakou hewa apau.

                O ka malamalama a Iesu Kristo i lawe mai ai i ka honua nei e hoike ana ia a e hoomalamalama ana i ke kanaka no ka pono uhane he mea oi loa o ka waiwai a he mea mau loa.  Aole hoi oia i haalele i na mea kino aka, paipái nui i kanaka e hana a loaa ia mau mea a e heiuia lakou ma ka papa elua.  Hookahi ana mea i kokua ole oia ka palaualelo.  Aole keia e olelo ana ua hana ole ke au i hala mamúa aku o ka Haku aka e hoike ana i ka malamalama o ka waiwai o ka hana.

                Ua ikeia ka hana o ka wa kahiko loa.  Aia o Aberahama e hele pu ana me kana mau hipa i ke kula no ka hanai ana ia lakou.  O Ioba iloko o ia mahele hookahi a o Davida i na hipa a kona makuakane Iese ma kekuia.  He nui na hoike no na hana o ka wa kahiko.

                He kanaka hana ko kakou Haku, e hele ana ma kahi loihi e hanai ana i na kanaka lehulehu me na popo herena ame na hana apau ana i hana ai i ileia: a he kokua oia i ka poe hana aole i ka poe palaualelo.

                Iaia e ku ana ma kae one ua lawaia iho o Pekelo ma i ka po a ao aole loaa @ o ka ia alaila, kauoha aku ia ka Haku e kuu aku i ka upena ma ka aoao akau o ka moku a hooko hana aku ia iakou, a o ka nei mai ia no ia a piha ka upena i ka i’a.

                O ka hana me ko Ia ia kohua mai e hoolako mai ana ia i ke kanaka i na pomaikai ma ka hopena o ka hana, @-laila e na makamaka a i hana kakou mai lele e aku ma na anuu maluna e hoomaka ai ka hana ana, aka, e hoomaka mailalo mai.  O ka hapa nui o ka poe i kau ae ma na kulana kiekie mai ke kulana haahaa mai lakou, e pii ana i ke anuu elua a hehi i ka anuu ekolu a hiki i ka ha, a pela aku.

                O ka hapa nui o ka p@ waiwai mai ke ano ilihune mai lakou ua hooikaika nae ka poe iloko o keia mau mahele ma ka hana.

                HEAHA KE ALOHA – Eia ka lua o ka manao, laila ua aloha pu kekahi i kekahi.  O ke aloha oia ke ake ana o ke kanaka e hana aku no kona hoakanaka i na hana ana i makemake ai e hanaia mai nona.  He mea maikai loa keia e pono e malamala me ka hoohemahema ole:  sole me ia kekahi mau hana i hanaia a kakou i ike ai e like me kekahi pailaka i hana ai.  E holo ana kekahi moku pilikia i a ia e ke ahí a kuu aku la ke kapena i ka holo me ka manao e ku aku i ka aina i pakele na oia. Alaila. Halawai aku ia lakou me kekahi moku piiaka a noi aku la ke kapena o ka moku pilikia e kolo ia lakou iloho o ke awa alaila paneia mai ia e uku mua aku I $50,000 I hookoia aku ko lakou makemake.  Aole I hookoia ka manao o ka pailaka lokoino, eu nae, ua pakele no na kanaka apau o ka moku mamuli o ke Akua.  He hana aloha ole keia oiai aole I loaa ka hoopakele ana I ka poe popilikia.  Aia kekahi malihini e hele ana ma kona ilo a hiki I kekahi kahawai o Hawaii nei a e kahe ikaika ana ka wai a makau iho ia oia e ake ana e kuhikuhiia mai oia e kekahi I ke aianui e pae aku ai ma kekahi aoao nolaila kahea aku la ola I ke@ maaina ma kekahi aoao mai e@ kuhi aku iaia I ke alanui, @ waliuia mai.  Alaila hooikeike @ ka malihini I ke kamaaina he @ a o kona wa no ia I eleu mai ai a @ana ka malihini ma kekahi @ aku ia ka apena @ala iala.  He hana keia e imi loaa ana mailoko mai @ popilikia o ha’I aole ia hana @.  Ua loaa ia no paha ka hapa@ ke kanaka eia nae ua @.  Nolaila, e na hoahanau @ i na loaa mailoko mai @ o ha’i a e hookaumaha @ kou i mea e pokeoleo ai.  @ kaha ia.

                Eia ke kokoke aku nei @ kau koho balota, a e puka @ na manao like ole o na aoao @ e hoike ana i na like ole @ a he maikai no ka like ole @ i na manao kalalaina like ole @ e nuku wale, e hoino wale aku i @ apau. Olai aobe pomaikai @ mau ino e loaa ana i ka hoa @ A i noho kakou i ka malamalama @ iia ua aloha kekahi i kekahi @ koko o Iesu Kristo o Kana @ kaia mai ia kakou i ko @ apau.

                Ua loaa ia kakou ka HUIKAL@ O KA HEWA mai ia kakou aka. @ haawina keia aole i pili i ke kino ai ua pili i ka uhane, i ka noonoo ame ka manao eia nae o ke kino kekeahi e po@ ana.  Ua pomaikai kakou ma@ keia aloha nui o ka Haku.  O ha @maa mau oia no ka uku hoopai o ea hewa apau e hanaia ana a he polo@ no ia, aka, ua aloha nui mai ka mea noho ia iloko o ka malamalama ma ka lawe ana ae i ka haawina o ka hoo@ mai ia kakou ae a pakeie ae la mai@ poino nui ae.  Nolaila e na hoahana@ e noho kakou iloko o ka malamalama e like me ia e noho ia ilaila, i aloha @ kakou kekahi i kekahi apau na hewa @ ka hololia .

____

 

                Ke liu liu mai nei ka Hui Heihei M@ ku o ke kulanakauhale nei no na hana heihei moku ma ke awa o Puuloa ka hiki aku i ka la 4 0 Iuiai.  Malaila ano lakou e hoohaia i na hana heihei.

 

PALAPALA HOOIA HOAHU

Elike me ia i Hoopukaio e ka

HUI HAWAIIAN REALTY AME MATURITY

(KAUPALENAIA)

____

Hoohuia Mapaki 30, 1901

HUINA WAIWAI, $50,000

5,000 MAHELE:  $10.00PAKAHI; UKU PAUIA

HEAHA NA KUMU?

  1. Aole makou e koi aku ana ia oe e uhaai ikau daia.
  2. E haawi ana makou i kekahi aiahele paiekana e hiki ai ke hoopukapuka aloaa ke daia mamuli o ka hoohui i na huina lilii i keia ame kein mahi@ mamuli o ia mea e koe ana he @ kaia mai ka hoolilo i ama kekahi ano e ae, a e loaa ole ana ia oe kekahi wahi pomaikai mailoko mai o ia mea.
  3. O ka nui o na makahiki a me ka Oihana a hana a ka mea hoahu, aole loa ia he kumu hoanoe a hoolii, no ka mea, ua hiki i na kane, na wahine a me na keiki ke lilo poe hoahu. 

HOOIA HOAHU

  1. Na makou e kukulu i mau home no oukou, a e hoopuka no hoy makou i Huina Hoahu Hoopukapuka e hookaa ia iloko o 75 mahina, me eha (@) Palapaia (Coupons) Hooia o $50 pakahi i hoopili pu ia, a o ka averika no ka puunaue iloko o 19 mahina, a e ohi ana makou i $150, a e loaa ana ia oe he $200@ O kou puka he $33.33 no keia a me keia daia pakahi i’hoahu ia e loaa ana ia oe he 33-1-3 keneta puka.
  2. No ka mea, aole Oihana hoopukapuka i ikeia ka oi aku o ka pomaikai mamúa o keia.  E kakau mai a e kauoha mai i na hoakaka piha.  E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leia a ke ninau kino ia mai.

HUI HAWAIIAN REALTY & MATURITY. Kaupalenaia.

Room 3 & 4 McIntyre Bldg. Fort Street, Honolulu

L.K. KENEWELA

Peresidena

 

 

He Huaale Maikai

Aole he like o na

“Huaale a Ayers”

Me @ huaale e ae no ka mea he mau hale kokua keia I ka hana a na naau, a he laau hoomaha maikai hoi hoi.  Ina he paa kou ma@ o na “UAALE A AYERS” ka laau e hemo maikai ai, a e hemo maikai mau ana hoi mahop@ oia Manawa.

                Aole loa he hiki i kekahi kanaka @ Olelo ae he maikai kona oia @ ina aole he hemo o kona hana@ he hookah Manawa o ka ia, a @ paha.  Ina i maopopo keia kanawai @ he oia i na kamaka apau, aole @ e like @ nui e ka poe ma’i me ka mea e @ ia @ i keia mau ia.

                Ua hama ia owaho me ke kopaa @ maikai loa he lawe ana.

                Aohe mau hualle i oi ne ka maika@ mamúa o na.

“HUUALE A AYERS”

Hoomakaukau ia e kauka J.C. Ayers & Company, Lowell, Mass., U.S.A.

Eloaa no keia mau Huaale ma @ Hale Kuai Laau o Hollister, @ Papu.