Ka Nupepa Kuokoa, Volume XL, Number 26, 27 June 1902 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, IUNE 27, 1902

 

Hunahuna Mea Hou.

@ Hawaii ke puka aku nei.

 

@ hana o ka hoomoe ana i ke @ ke alanui Papu aku a hoo@ Alapai o ka Hui Kaa@ mau la.

 

@ Iune 16.  -Make iho la ke @ kuna lele ana aku iloko @ ai ka uwapo aku.  No @ paha kekahi o kona noonoo @ oleloia e kekahi poe.

           

@ Iune 15.  -Ke makaukau @ Liliuokalani e huli hoi @ nei.  Aole nae i mao@ manawa e hoi mai ai. @ e hiki ana oia ianei @ o Iulai.

 

@ Iune 16.  -Ua loaa @ Bernhard Steinert (ka@ o Bernhard Steinert @ ke alanui.  i ke au@ a i ka hiki ana i ka @.

 

@ Poaono nei Iune @ Moiwahine ame ke @ mawaena o ka hora 6 @ 7 a.m. ua hookui ae ke@ kau ana maluna o ke @ wawae me ka haole ma@ lio.  Hookui ka lio ame @ ka pou uwea olelo a haki@ o ke kaa o ka haole, a @ la.

 

@ Iune 13.  -He haole nui @ he 600 kaumaha 6 ka@ aohe keia a kana mai @.  Iaia ia no paluhe ka @ kekahi keia o na ha@ a kalepuni.  He Kele@ haalele oia i kona aina @ Amerika i kona wa opio @ i keia aina.  Ua make @ ka nui @ o ka momona @ wahi a ke kauka.

 

@ Poaono, Iune 21, ma @ Wailuku, Maui, i ulu mai @ mawaena o Kauhai ame @ Ua lalau o Kauhai i ka @ i ke poo o Joe Strong, @ ipuhao, a ke noho la @ halepaahao, a o Joe @ halema'i a ua hoopaneeia @ ka mea i eha.  No @ kumu o keia hana aloha ole @ paakiki i keia mea.

 

@ Iune 16.  -He keiki nona na @, iaia e hele ana me @ e nana i ka lealea ma @ nalowale iho la oia iloko o @ kanaka.  He la huakai lealea @ lehulehu wale na kanaka i @ makaikai i ka mea hou.  @ aku la ke kaikuaana i kona @ aloha a ike aku la oia ma ke@ o ke alanui e paaia ana e @ wahine opio me ka holoku ele@ ka ike hope loa ia ana a he @ mahope iho, ua loaa aku la ua @ keiki nei i kekahi poe a laweia @ ka halewai.  He 5000 kanaka i @ ke alanui e hiki ai i ka hale@ leo okalakala oiai ka ma@ ana i ke keiki.  Hoi aku @ me na makua i ka home @.

 

Luawai Hoopahaohao.

 

            @ kekahi luawai kupaianaha @ o Puowaina i ka Lapule nei i @ poe i hele ilaila e makaikai ai.  @ o ka lantana i loaa ai keia wai @.  Kokoke ma kahi o keia @ ua kanuia he mala uwala na ke@ elemakule Hawaii, aole oia i ike @ mea hou a hiki wale no i kona @ ana i ka mahelehele ma kahi o @ iaia no e hono ana. aia hoi @ la oia he lua wai ka hoi maia.  I kona nana ana he elima kapu@ loa o ka waha, a oia ana like a me ka hohonu.  He maikai ka wai @ iho.  Ma ka 5 kapuai a oi iki @ ka hohonu o ka wai a loaa koke @ eleele.  He wai hookala@ keia e like me ke kamailio ia @ poe.  Ua hoikeia ae he wai @ e like me ke ano mau iwaena @ kupanaha, eia nae aole wahi @ e loaa ai ka moolelo o keia wai.  He @ pahaohao ia no keia punawai.  @ ano @ loa aku ka wai o ua lua @ manawa.

 

Ka Leo Kahea no ke Kokua.

 

@ O IA ANO I HONOLULU NEI - AKA KE EMI LIILII NEI I KELA A ME KEIA LA.

 

O ke kua haneenee oia ka hoailona @ i loaa, mai mailoko mai o na ma'i @ paa.  A oia no ka eha e hae ana i @ nona.

@ pela alaila o na Huaale Kikala @ a Doan ka laau lapaau ku@ nona.

He ikaika ko lakou e hoopau ai i ka @ a hooikaika hou ae i na io paa@ i poino.

E kilohi iki iho hoi i na hoolalo mai kahi kamaaina mai o Honolulu nei:  O Mr. Charles Comey e noho la ma @ alanui @ o keia kulanakau@ kekahi hoi o ka poe i loohia i na piikia kino, a i ola mamuli o na HUAALE KUA HANEENEE AME NA MA'I PUU-PAA."  Ua hoike ae a penei:  He kalaiwa kaa ohua wau @ kekahi manawa i hala ae, he hana @ keia e aioia ai na ino, ke anu @ ana iloko o na manawa @ lele mau ana me ka pii mau @ ke kaa aole no e nele ka loaa o @ kanaka i ka ma'i o na puu-paa.

Owau kekahi iloko o ia haawina no @ manawa i hala ae a he mau la @ no hoi, a iloko o na manao kupi@ e hooikaika ana i pau ae ka pili@ e hoao ana i na lapaau e ae aole @ he loaa iki ke kumu o ka eha, a @ iki mai hoi.

@ Ike iho la wau i kekahi hoolaha e @ ana i ka ikaika hoola o na huaale @ haneenee a Doan ua kuai iho la @ i poho laau ma ka Halekuai Laau @ Hollister ma.  I kuu ai ana me ka @ mau no hoi, ua loaa mai la ka olu@.

            E loaa no keia mau huaale kupaia@ nui wale i ka poe kuai laau apau a e hookoia no na kauoha ma na leta ma ke kuike e ka halekuai laau o Hollister Drug Co., Honolulu, he agena no la hui no ka Paeaina nei.

            E lawe i na Huaale a Doan e waiho i na mea e ae.

 

Hoomaha na Kula Kamehameha.

NA HANA O KELA AME KEIA LA HANA.

            O keia ka mahina hoike o na Kula Hanai o kakou nei.  Ma na Kula o Kamehameha, ua malamaia ae na hana hoike ma ka auwina la Poalima i hala apau ma ka po Poakolu o keia puleiloko o keia manawa holookoa, ua piha ae keia mau kula i na makua mea keiki ame na haoloha i ake e ike i na mea i aoia ai keia mau pulapula Hawaii.  Ma na mea apau i hanaia, ua haawi aku na makua ame na makamaka no apau i na mahalo ana i na haumana ame ka lakou mau kumu hoomanawanui.  Malalo iho nei na hana i hanaia iloko o keia mau la.

            Iune 20, hora 2:30 p.m.  -Hoike o ke Kula pokii kane o Kamehameha.  He mau haiolelo i haawiia ae e na keiki e puka ana a komo aku no ke kula makua.  Ma na kumuhana like ole e like me ia malalo iho:

            "Na Hanalima."  "Ko Kakou Mau Kuahiwi," "Ka Mea i ikeia ai no na Laau Ulu."  "Ke Kanaka Noeau," "KaHaku Mele Tenesona," ame "Na Hauoli o Kakou."  Noeau na manao.

            Ua haawiia ae he mau leo mele nani, a ua hauoli maoli no na makaikai i na hana i hanaia.

            Maia po iho na hana hoohauoli i haawiia ae e na kaikamahine o ke Kula Kamehameha, no ko lakou hoa e hemo ana.  Miss Josephine Awana.  Ua malamaia keia anaina mawaho o ke kahua paani, i hoomalamalamaia e na kukui uwila.  Ua hauoli ke anaina i na hana i hanaia, ma na haiolelo ame na himeni.  Ua hoaahuia keia mau opio wahine me na lole i hanaia e like me ko na Ilikini, a e kikoola mai ana hoi na hulu manu pelehu maluna o na poo.  Iloko o ka wa e hanaia nei keia mau mea apau, ua meleia mai na mele nani, a ua nui na paipai lima.

HOIKE O KE KULA KAIKAMAHINE

            Iune 21, hora 3:30 p.m., ua malamaia ae na hana mawaho iho o ka lanai o ka halekula e huli pono ana i ka wai aniani e pipii ana, ua hoonohoia na makaikai malaila.  Nani kela hoonohonohoia ana, oiai he mau la wela keia o kakou nei.  Ua weheia na hana me ka himeni i meleia mai me ka ui maoili, a mahope aku he mau leo pule hoonani mai ia Theo.  Likelike mai.  Maanei i ku mai ai o Josephine Awana, ke kaikamahine e puka ana a haawi mai i kona mau manao naauao maluna o ka oihana hoonauao.  He naauao kana mau olelo.  Mahope aku ona ke poo kumu o ke kula keikikane nunui Chas. B. Dyke.  O ka manao nui ana i manao ai maluna o ke kumuhana a keia opio wahine, oia no ka loaa ana o ka ike, ka waiwai io o ka hoonaauao ana, oiai oia e noho makuahine aku ana ma keia mua aku.  I ka pau ana o kana olelo ua iho mai la ke poo kumu o ke kula kaikamahine, Miss Ida Pope, ilalo ma ke alapii a haawi aku la i ko Josephine Awana palapala e hookuu ana iaia me na huaolelo o ke aloha.  ua hoike pu ae oia, o na kaikamahine mua i hemo, eia kekahi poe o lakou iloko o na hanalima e hana nei no ko lakou mau pono iho, a ua lilo kahi o lakou he mau makuahine e hoonaauao ana i na oiwi Hawaii e ulu mai nei.  No ka panina o na hana ua haawi ae ia ke kahunapule o na kula Dr. W.B. Elkins he mau leo pule hoomaikai no ka mea i hemo.

KANU LAAU A NA KEIKI NUNUI.

            Iune 23, hora 2:30 p.m., ua malamaia ae ke anaina kanu laau a na keiki o ke kula makua e hemo mai ana i keia makahiki, ma ke kahua mauka iho o ko lakou halepule.  Ua kukuluia he mau hale pea, a ua hanaia hoi he lanai i hoomalumaluia e na hae Amerika ame Hawaii.

            Malaila ke anaina i luana ai no na hana e hanaia ana.  Ua meleia na mele me na leo hone o na mea kani o na manadolina, malalo o ke alakai ana a Mr. C.E. King ke kumu ao ma ia mahele.  O ka haiolelo mua na David C.Kamauoha, a mahope aku ke kanu ana i na kowali hihi a puni ko lakou halepule.  Ua haawi ae o Henry K.Aikue kekahi haumana e puka ana i na manaolana no ka ulu mai o keia mau mea i kanuia, a e like me ko lakou ulu ana a kumu a hihi, pela hoi na keiki o kona papa.  Mahope mai he mau olelo ao na ke poo kumu C.B. Dyke, a he wahi hana keaka hoomakeaka mahope mai.  I ka pau ana ae o keia, ua paholaia mai na mea ai huihui, a loaa iho la ka olu, oiai ua hana nui iho o Kanepuniu i kana hana.

            Iune 23, hora 8p.m., ua malama ae ka Hui Kaikamahine Makua o Kamehameha, he wahi paina.  He hoolauna ana keia i na kaikamahine me na kaikuaana o lakou, ka poe hoi i hemomua aku.  Ma ia hana ana, e ike aku ai kekahi he kaikuaana a he kaikaina hoi, a na ia mea e hoomau i ke aloha pumehana iwaena o lakou.  Ma ke kula kaikamahine keia i malamaia ai.

            Ma ia po iho i malamaia ai ke anaina "Huihou ana" o ka papa 1899 ma ka hale aina o ke kula kiekikane.  No ka paa loa o na haumana o keia papa i na hana a lakou e lawelawe nei, ua hiki ole ae k hapa nui, hookahi wale no haumana i hoea ae a nana no i malama i na hana o kona papa.  Ua piha keia haleaina i na poe i kono ia, a ua nui maoli ka ikaika o keia haumana hookahi ma ka lawelawe ana no kona mau hoa.

HOIKE O KE KULA KEIKIKANE NUNUI.

            Iune 24, hora 8p.m., ua malamaia ae na hana no na keiki o ka papa 102 e hemo ana ma ka luakini o na kula, He umukumamakahi ka nui o keia mau haumana.  Malama o ka awai, ua ikeia aku ke Kiaaina S.B.Dole, ka Hon. J.O. Carter, he lala no ka Papa Kahu Waiwai, Rev. W.M. Kincaid o Kaukeano, Rev. W.B. Elkin o Kamehameha, ke kumu poo ame kona mau kokua ame na keiki e hemo ana.  Mahope o ka pau ana o ka leo kani o ka ogana ame na leo mele me ka pule, ua hoomaka mai la ka papa hana ma na haiolelo waiwai i haawiia e na haumana e hemo ana.  Eia na kumuhana - (1) ka moolelo o ka papa: (2) "Kekahi Mau Moolelo Oiaio."  Kekahi keia o na haiolelo waiwai nui, ua laweia mai na mea oiaio e pili ana no ka anoano, kona kanuia ana, kona kupu ana ae ame kona hoohua ana i na hua ohana.  E like iho la me  ia ko ke kanaka kuiana oiaio ma ke no nei.  (3) "Na Haumana Kula ma ke Ano Misionari."  Nui ka paipai ia o keia haiolelo, no ka mea ua hoikeia ae ka ikaika o ko Kristo Aupuni ame Kana Euanelio ma keia kula a ua puunaueia aku i na hoaloha o Kalihi, Moanalua ame Kaumakapili.  (4) "Na Hawaii iloko o na Hanalima."  O na ao ana ma na Kula o Kamehameha, aole aole wale no ina na ike hanalima ame ka hoopaha ana i na punia me na ike buke, aka, o na hana hooikaika kekahi.  "Na Olelo Hope," oia na olelo hoomaikai a na Kahu Malama Waiwai o Pauahi Alii i na kumu, ame na haumana.  He mau olelo hoolana ka i haawiia make ke Kiaaina S.R.Dole e hoomaka mai ka hana ana mai ke kumu mai e pii aku iluna, a e hana aole no ka wa pokole wale no, aka no ka hopena o ke oia ana.

            Na Hon. J.O.Carter ma ka aoao o na Kahu Malama Waiwai i haawi a i na ao.  Maanei i haawiia aku ai na palapala hookuu i na haumana:  D.C.Kamauoha, J.A.C. Hallie, D.K. Pahu, F.U. Lemon, G.K. Nahinu, T.K. Nahiwa, E.K. Puni, G.K.Apela, H.K.K. Aihue ame N. Komomua, me ko lakou hooleiia i na lei a hookuuia na hana ma ke mele ana i ke mele lahui, "Hawaii Ponoi," ame ka pule.

HOOLAUNA.

            Iune 25, hora 6:30p.m., na hana hoohauoli a ka Hui a na Haumana Makua o Kamehameha ma ka haleaina o ke kula keikikane nunui.  ua hui ae malaila na kaikamahine ame na kumu o ke kula, na haumana kahiko me ka lakou poe wahine, na keikikane o ke kula makua ame na hoaloha.  he papaina ono loa ka i paholaia mai a mahope na haiolelo e hoike ana i na hana a keia ame keia papa i hemo mua e hoomaka ana mai ka papa o ka makahiki 1891 a hiki i ka M.H. 1901.  ua ikeia, eia na Kamehameha i hemo ke laweawe nei i na hana like ole apuni keia Teritori.  he mau leo mele kekahi i hooheno ae.

            O ka hopena keia o na hana i hanaia ma keia mau kula iloko o keia pula holookoa.

HE KANIKAU NO DAVID KANEWANUI.

Kanikau kumakena keia nou no

E David Kaukaha Kanewanui.

Kuu keiki mai ka makani olalo e-

Malalo, malalo mai ke One kani o Nohili,

Poahi, poahi mai ka pahapaha lei o Polihale.

A ka lae o Makuaiki la hoi a ke aloha

Popo a paa haalele i ke anu o Kaala.

Ala hia-a ka po i ko aloha e kuu keiki.

Kuu keiki, kuu minamina pau ole e noho nei.

Ke hoona ae nei i ko aloha, pehea la ia e pau ai

Aia paha ka uhane o kuu keiki i ka Hakalewa i ke kai o Nuololo.

I walea me Kilioe wahine i ka uka.

Oia uka mehameha kanaka ole

Hoolaukanakan i ka leo o na manu

E hoala mai ana i ka noonoo i pehia e ko aloha a wali.

Wali Lohiau ipo i ka hana nui a loko, o ka U wale iho no a haalele wale.

Haalele i Puna na hoaloha o kuu keiki

Kuu lei kuu minamina pau ole e noho nei.

E noho au e lei i ka ukana paumako o kuu mau la oho hina.

Ua hina Kauahoa ka Meeui o Hanalei.

Lei ana Haena i na kulu waimaka a Kaopua i ka lani

He lani hoi ke keiki he milimili na ka makua, kuu pua

He pua Hala ai na ke Kinau na Hala o Naue i ke kai e, he kai

Okia ka ia'u kaawale.

Wehe mai la io ka pili hooko-o,

Waiho U iho la i ko aloha i lei no kou luaui e paiauma aku nei

E hopu hewa wale nei no i na Lehua o Luluupali.

Pali mai la na maka o kuu lei, nalo.

Kuhihewa ana au oia keia lio e kainepu mai nei i ke One Pualoke o Mahamoku.

Mokuokuahua kahi manao i ka loku mai a ka Ua o ka aina hanau o kuu keiki.

Kuu keiki i ka wai o Waoli e- 

He hauoli piha hoi ko'u mau la kani koo.

O oe hoi e ke keiki ka mea e haaheo mau ai.

Eia ka hoi e aki e ia ae ana kuu lei mamane memele i ka la

Loaa iho la ia'u o kupouli Kanehoa i ka hele a Kaukaopua

Kuu pua uina i ka wai o Namolokama, kuu kama pua Hinano.

Hoonalonalo iho ana i ke aloha e pee maloko

Haina e ka waimaka hanini mawaho.

Mawaho no ke kiina mai o ka pilikia Pili pu ka hanu o ka makua i ka lohe ana mai

Pokole nohoi ke kai o Kaiele, e ake aku ana ka manao o ka ike aku i na hiona

Na hiona o kuu lei i haalele mai.

Kuu lei a-i o ka luna o Lanihuli

Huli ana au nana ia Manolau E hoolaau mai ana ke aloha o kuu keiki.

He keiki, he hoa pili hoa hoomanawanui o ka inea

A ike ia ae ka hoi ako ia iho la,

Aloha ka po anu o Koolau e kuu keiki lei mokihana o Kahilikolo.

Kokolo mai ko aloha me he ohu ala.

Ohuohu iho la luna o Hihimanu ua kino a manu kuu keiki ua hoohewahewa.

O kuu hewa nui keia o ke kui i ko aloha i na kau a kau.

He kau ka hoi keia no ka maewaewa, ka manewanewa i ke aloha o kuu hiapo e-

Ka pou hana a'u i manaolana ai.

E uwe no au i ko aloha i na la apau o Ko'u ola ana.

Kuu minamina pau ole e noho nei,

MRS. ROSE KANEWANUI.

 

HALAWAI HUI O NA AHAHUI HOOIKAIKA PONO KRISTIANO O KA MOKUPUNI O OAHU.

            Ma ka po Poakahi, Iune 21, I malamaia ai ka halawai hui o na Ahahui Hooikaika Pono Krisitiano o keia mokupuni ma ka halepule Pukiki.

            Ua hiki ae na lala o na Ahahui o Kawaiahao, Kaukeano Hou, Pukiki Mekokika, Kaumakapili, Kalihi, Kamehameha ame ko Ewa.

            Mahope o na himeni i meleia ua haawi ae ka peresidena e pau ana.  Moses K. Nakuina i mau leo pule no ka pomaikai o na Ahahui a no na Ekalesia.  Ua kahea ia na inoa o na Ahahui a pela i ikeia ai na inoa maluna ae.  ua hoike mai ke kakauolelo Miss Katie Kelley i na hana o ka makahiki i hala.  Ua hoomaopopoia, ua ulumahiehie na hana a na opio ma keia mokupuni.

            Ua waihoia mai na inoa a ke komite i manao ai e lilo i mau luna nui i ka makahiki e hele aku nei penei:  Peresidena, Richards Trent, no ka Ekalesia Mekokika: Hope, Mr. Taggart Duff o Kaukeano: a o ka Puuku, Mr. Treitas o ka Ekalesia pukiki.  Ua apono a hoholo loa ia keia mau inoa e na lala o na ahahui i hiki ae.

            Mahope o ko Mr. Nakuina waiho ana mai i na manao aloha ame na olelo paipai, ua puunaue mai la ka Makua Rev. G.L.Pearson o ka Ekalesia Mekokika he mau manao waiwai.  Ua maikai na mea apau i hanaia, a hoi aku kela ame keia mea me na manao ano hou i ko lakou mau ahahui pakahi.

 

HE HOALOHALOHA.

            Ia Mr. ame Mrs. Kaelemakule, Mr. ame Mrs. Abe Kauhaihao, Mr. ame Mrs George Kauhaihao.  Master Ha'o Kauhaihao, Master Liilii Kauhaihao, Master Abera Kauhaihao ame Miss Kaimi Kauhaihao.

            Me ka puuwai walohia:  Aole o kakou home e mau loa ana, aia ka home paa mau ma o.  Mamuli o ka leo hea o ko kakou Haku aloha i hea mai ai i ko oukou makua i aloha nui ia, ia John S. Kauhaihao, mai keia home aku a i ka home lani ma o. ma ka hora 9:15 p.m. o ka la 10 o Iune A.D. 1902, ma kona home noho ma Holualoa, N. Kona, a no ia leo hea mailuna mai, ua hooka-o ia ka pili ana a ka makua me na keiki, ke kupunakane me na moopuna, a ua ili iho he haawina kaumaha a luuluu maluna o ka ohana o ka mea i kii e ia mai la kona uhane a hiipoi e ia aku la me Ia ma ka Paresaido e maha mau loa ana.

            E like me ka ili ana o ia haawina maluna o ka ohana o ia home i hookaumahaia, pela i halii ae ai ia haawina hookahi maluna o na Ekalesia huiia o Kailua ame Helani.

            Nolaila, e hooholoia:  1-O makou o na hoahanau o na Ekalesia Hulia o Kailua ame Helani, a ma o ko makou komite la, ke hui a ke komo pu aku nei makou me oukou e kanikau a e kaumaha pu hoi me oukou, o na keiki i hooneleia mai la i ka makua ole.  A no ka mea hoi.  o Jno. S. Kauhaihao, oia no kekahi pouhana (Luna Ekalesia) o keia mau ekalesia huiia, he lima kokua ikaika oia i paulele nuiia e kona mau hoa paahana, he koa pauaho ole oia no Kristo, a hiki wale i kona kii e ia ana mai la e hooluolu ma ka Edena nani maluna ae.

            2.  Ke komo pu aka nei makou me oukou, e auamo pu aku i keia mau kaumaha ame keia mau luuluu, a hookau aku maluna o kela mau lima aloha e peahi mai la:  "Hele mai ka poe luhi me ka poe kaumaha, Na'u oukou e hoomaha aku," a e noi pu aku hoi ia Mana Lani, e uhi maluna o kakou apau i ka haawina o na manao oluolu, a e hoomama ae i na naau u luuluu apau.

            "A e hoonaniia Kona inoa, no ka mea, Nana no i haawi mai, a Nana no i lawe hou aku.  A o Kona makemake no ke hana ia."

            3.  E hoounaia i hookahi kope o keia hoalohaloha i ka ohana o ka mea i make, a i hookahi i ka nupepa Kuokoa.

DAVID ALAWA, REV. W.M. KALAIWAA, S.W. KAWEWEHI, Komite.

Kailua, N. Kona, Hawaii, June 23, 1902.

 

HE EIWA MAU KUMU HOOIAIO.

No ka Laau Lapaau, Chamberlain's Colic, Cholera ame Diarrhoea.

 

1.  He hiki ke hoopau i ka naluea a umii o ka opu.

2.  Aole e nele ka loaa o ka oluolu mai ka ma'i hi aku.

3.  He ikaika kona no ka hoopaa i ka hi mau.

4.  Aia hiki mai na ouli kolera oia ka laau e lawe ai.

5.  Ua hiki ke hoopau i ke ano ikiiki a malohai mamuli o ka eha oloko.

6.  He mana hoola hikiwawe kona no na ano eha apau loa aloko.

7.  E loaa mau ana ka oluolu ma ona la.

8.  Aohe mulea aka he ono i ka inu ana.

9.  Mamuli o kona ikaika hoola ua nui ka poe i ola, oi ae mamua o na laau lapaau e ae.

            He mau kumu hooiaio keia pili no i kahi laau lapaau e ae, aka, he mau hooiaio e waiho nei me makou e kakoo ana i na kumu i haila ae la maluna.

            He mea pono e hoolakoia na home no ia mea, e kuai ma ka halekuai laau

(Aole i pau.)

o Benson, Smith Ma.

 

Poni Kahunapule.

 

            Ma ka la Sabati i hala, Iune 22, ma ka hora 11, ua poniia o Wong Yuk Shing, i kahunapule hai Euanelio, maloko o ka luakini o na Pake e ku nei mauka iho o ka huina o na alanui Papu ame Bertania.  O na kahunapule o ka la ma ka awai oia o Revs. E.W. Thwing, O.P. Emerson, O.H. Gulick, Leadingham, W.D. Westervelt, H.Manase ame E.S. Timoteo.  Penei ka hoonohonoho ana:  PUle hoolauna na O.P. Emerson, heluhelu Baibala ame ka haiolelo na E.W. Thwing, pule hoolaa na Leadingham.  Kau ana i na lima akau, na na kahunapule apau.  Haawi ana i ka lima akau aloha na O.H. Gulick; olelo ao i ke kahunapule na W.D. Westervelt, pulee hookuu na E.S. Timoteo.

            He kanaka kupaa loa ma ka pono o Mr. Wong.  Ke lawe nei oia ma kona kino i na palapu mai na pegana o kona lahui ponoi.  E lanakila ana oia ma ka mana o ka Euanelio.  Hauoli nui na Pake no na hana i hanaia.

REV. H. MANASE.

 

KA LOKOMAIKAI NUI I HAAWIIA MAI.

 

            Ma ka Poakahi la 16 iho nei i loa mai ai ka lokomaikai nui mai na Hui Mokuahi o Waila ame Foster ma mai na Kula Sabati apau apuni ka Paeaina ame na lala o ka Ahahui Euanelio e noho ana ma Lahaina i ke kau ae nei o Iulai ma ka hoemi ana mai i ka uku moku.

            Mamuli o ka hui kuka ana o ke komite o elua lala Rev. O.P. Emerson ame Rev. E.S. Timoteo me ua mau hui mokuahi holo pili aina nei o kakou ua hooholoia iho la ka uku moku kupono no ka poe Kula Sabati apau e hele ana i Lahaina i huiia me na lala o ka Ahahui Euanelio ame ka Ahahui Kula Sabati.

            O ka poe o Oahu he $3.00 ka uku moku no ka mea hookahi ma ka holo ana i Lahaina a hoi mai: pela no hoi ko Hawaii.  Mai Hawaii mai a hiki i Lahaina a hoi hou i Hawaii he $3.00.  O ko Kauai poe he $6.00 mai laila mai a hiki i Lahaina a hoi hou i Kauai.

            O ka moku kupono e kau ai a loaa na hana ma Lahaina oia no ka moku e holo ai a ku i Lahaina i ka manawa e noho ai ka ahahui oia ka la 2 o Iulai ae nei.  E haawi nui ia na hoomaikai i ke komite no ka eleu, a e au mai kakou e ka poe uhaiaholo o ka pono.

 

Ka Lokoino - - he lua ole

 

HAAWI A KA MEA HALE KOE OLE MA KE KUONO - HE WALOHIA.

 

            Na holoholona o ke kula, me na manu o ka lewa - ke kanaka ka mea i oi ae.  Ua ikeia ka makee o ka holoholona i kona hoa o ka puupuu hookahi; aole no hoi oia i ae e komo mai kahi mea i kulike ole me kona ano, no ka mea, ua palanaiki kahi kuleana noho'na ma kona halau.  Ma o kekahi mau kumu kupono, oia hoi, aohe ia i lawa kupono ma kona wahi i hoonoho ia ai e kona mea nana ia i hana.

            Pela no na manu o ka lewa, aole loa oia i ae, e lele mai kahi lomaloma-ai-hala-le a powa i kona punana, ana i hana paka ai, no ka noho'na oluolu o kona ohana ihe, i lawa kupono ole me kahi o ia kau hooilo, no ka mea, he ukuiki ka honua, kahi i loaa mai ai o kana mau mea e hoo-ke-ke, hookahi ka luakaha pu ana, oiai, ua akea keia honua.

            "E aloha oe i kou hoalauna, e like me kou aloha ia oe iho."   Oia hoi, e hoolako i ko ka hale mamua (Charity begins Home), mahope nana aku ko waho.  Aole pono o ke kono ana i ko waho, e komo mai i ka aina nei.  Me ka ike iho no, ke uwe mai nei kahi hapa o ka lahui i ka nele i kahi kahua aina ole e ku iho ai ona wahi pupupu hale.  (Aole keia i pili i ka poe he aina kahi o lakou, a ua pau no ia lakou i ka uhauha ia, a hoaa lakou.)  Aohe kamailio a ke Kuokoa no ia poe.  E noho lakou me ke kaniuhu.

            Ka ke Kuokoa e kamailio nei, no ka poe i makaukau me kahi kenikeni, no ke kuai ana i kahi o kela mau apana aina aupuni e manao ia nei e mahelehele a kuai mai i ka lehulehu e noho nei i keia wa, ma ko Hawaii Paeaina.  Ke manao nei ke Kuokoa, o na poe apau loa e noho ana iluna o ke Teritori o hawaii nei i keia wa, o lakou ka makamua loa e ae ia, e wae (ina nae he dala kahi ana i hookaawale ai no ke kuai aku), i kahi a lakou i manao ai e koho no ke kumukuai oluolu.

            Lilo no hoi i mea e naluea ai ka noonoo, ke hoomanao ae i na alakai hoehaa a ka mea i paulele ia aku e ka lehulehu ma ona ia e loaa ai he puuhonua no kauhale o Hawaii aina.  O kana i manao ai ua pono, (i kona noonoo iho) oia kona kono ana aku, ke hookoia mai kona @, e haawi ana i ko waho e komo mai, e luana pu me ia, me ka ike iho no hoi, aohe rumi o ka halau hale o Hawaii aina.  He wahi iki wale no koe i kupono no ka poe wale no e noho ana, ma ko Hawaii Paeaina.  Mahope iho o a lako ana e kona makaainana, alaila kiola aku na ko waho e apu mai.

            Ua like ae la ka ia nei ano hana (ka mea a ka lehulehu i paulele aku ai, me ka manao kuhihewa e hoomanao ana la i ko kauhale nei poe) me kela hawawa i ae wale aku ai no i ke noi a ka holoholona kamela, no ke anuanu loa o kona ihu e ho-o mai iloko o kona pupupu hale, me kona ike iho no, aohe wahi kaawale o kona wahi pupupu, no kekahi upekole.  Ka mea i ikea mahope iho, ua puehu liilii ua wahi pupupu hale la iwaho, no ka mea, ua mahana ka ihu o ke kamelo, a koe kona pepeiao me ke kino iwaho; nolaila, komo pau aku la ke kino o ke kamelo iloko o kahi pupupu hal, piha aku la i kona kino, opapu ia mai la ia e ke kino apili o ua eepa la a noho ana ua wahi hawawa la i ke anu, ka mea huihui.

            Aohe wa e ae ma Hawaii nei i ikeia ai kona haawi pau pele, pau mano i ike ia iho la kona ana aku la i keia poe e like me ka ka Elele o Hawaii e ou mai la ma o, ma kela aoao o ka Moana Pakipika.  O ke kahuna Kaopulupulu wale no, ka mea ano like Ma o kona kauoha ana i kana keiki, nona ka inoa o Kahulupue:  "E holo a pulu ka piko i ke kai no ke kai ka hoi ka aina."  O keia Elele Hawaii ae la paha ke keiki a Kahulupue?

 

HAPE HULIKANO-KA HAINA O KANA NINAU.

 

            Ia Hape Hulikano, e hele ana ma na alanui o ke kulanakauhale, ua ane hala loa aku la ia ma na palena waho o ke kulanakauhale.  Iaia e kilo ana ma o a maanei, aia hoi, i kahi mamao mai iaia aku, he pa ilina.  Ike aku la ia he Pake e komo ana i ua pa ilina la, me kana mamaka e auamo ana.  ua hahai aku la la ma kahi a ka Pake, i nalo aku ai.  I kona hiki ana aku, ike aku ia ia e kau pakahi ana ua Pake la i ke pola raiki maluna o kela ame keia he .  Hele aku la ua wahi Hulikano ia a kokoke i ka he i kau ole ia i ke poia raiki: alaila, kali iho la ia o ka hiki mai o ka Pake me ke pola raiki.  Ina nae, he poia raiki kahi ana i koe no nae, he pola raiki kahi ana i koe no ia he.  O kahi ana e hoohalua la o ka hiki mai o ka Pake, oia ka he hope loa; pau no hoi ke pola raiki ana i lawe mai ai.  Ninau aku ia ua wahi Hape Hulikano la:  I ka wa hea e hele mai ai ka uhane o keia Pake e kii i ke pola raiki?  Wasimala iu like pu ninau!!  Iaia pu mai mahope.  Kela manawa, keia haole, Kalaka, Pulikiliki, kii mai kela pua?  Kela manawa like pu Pake pi mai no, lawe kela raiki!! Hip save!

            Keia ae la ka haina a ka Pake no kela ninau a Hape Hulikano - i ka manawa e kii mai ai ka uhane o ka Pake i ka raiki.  Oia ka ia e kau ia ai na lina me na hoowehiwehi pua.

 

            Ua waiho ae nei o Charles Wilcox i kona kuleana ma ke ano iaia o ke komite Teritori o ka aoao Repubalika, a ua haalele pu aku no hoi o J.H.Boyd ame E. Johnson ma ke ano iaia no he komite o ia ano hookahi no ka Apana

 

HE ILI NANI, LIMA A'IA'I ME KA LAUOHO ULIULI KA HUA O KE Kopa Cutikura

            HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ka lakou ili, i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoa'ia'i a me ka hoeu'iu'i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha, ma ka holoi ana i na wahi eha me keia kopa, i ole oi e ike i ka ani me ka welawela: i ole no hoi e hou nui, ma ka holoi ana i na wahi pehu a palahehe:  a he oi loa aku ka waiwai nui o kela kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa, aole loa lakou e ae iki ana e hoao i kekahi kopa okoa aka, ke koila mai; ina no e oleloia ana, he kupono ia ano o koa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai mui o ke KOPA CUTIKURA mailoko mai hoi o kela laau hooia ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea lua, a he loaa no hoi ke ala maikai o na puailoko o keia kopa.  Aole loa e hiki ka hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola, a me ka hoou'iu'i ana i ka ili, a pela aku.  Pela hoi i ka ili oke poo, ka lauoho a me na wahi e @.

            Aole no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihola i lilo ai ka waiwai o na kopa a pau i HOOKAHI no ke KUMUKUAI hoo@ Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a pua ke ao nei.

            NO KA HOOLA LOA ANA I NA ANO PEHU A POHAKU PALHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi he poo, i pau ai ke kepia a me ka papaa peile, alaila, e hoomau i kahi eha me ka Aila Hamo CUTICURA e mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a ola ka eha, alaila, e inu ka Laau Inu CUTIKURA i mea e maemae ai ke koko maloko.  Ke kualia he keia laau ma na wahi a pau o ka honua nei.  Ma Aukekulia: o R Towne & Co., o Sydney, N.S.W. ko laila Agena; ma Aferika Hema Depot:  Leunon, Ltd.  na "Hoakaka no ka Hoola ana i na Bebe a me ko lakou mau leinaunau." he loaa wale no me ke kuai ole.

            O POTTER DRUG AND CHEM. COMP., Boston, U.S.A., na Ona e ua laau CUTIKURA a pau loa.

 

(picture)

NA KAA PAIKIKALA HOU O 190.  HE ANO HOU NO KE KUMUKUAI MAI KA $22.50 A PII AKU.

PEARSON & POTTER CO., Ltd. ALANUI HOTELE ME UNION