Ka Nupepa Kuokoa, Volume XL, Number 25, 20 June 1902 — Na hana o Ka Hoike Hui o na Kula Sabati o ka MoKupuni o Kauai. [ARTICLE]

Na hana o Ka Hoike Hui o na Kula Sabati o ka MoKupuni o Kauai.

Hoomakaia na hana ma ka hora 10:30 a. m. me ka himeni ame ka pule a Rev. Kaill. Hoike o ke Kula Sabati o Hanalei nona ka huina haumana 19, he 10 minute manawa hana e like me ka hoolaha a na Kahu Kula Sabati Nui i 15 minute o kela t»me keia Kula Sabati, i alakaiia e Rev. S. Kaiii. Maikai na hana o keia Kula Sabati. Nee mai ka manawa no ke Kula Sabati o Kilauea nona huina haumana he 10, 5 minute hana i noho alakaiia e Mr. Makanl. Maikai na himeni ame na haawina i hanaia. Me he mea la e kono mai ana i ka lehulehu e hele mau i ke Kula Sabati. Hoike Kuia Sabati o Koolau, 16 haumana. Manawa hana 17 minute, he ku no i ka maikai na himeni i meleia mai e lakou. Kula Sabati o Anehola, huina o na haumana he 9. Manawa hana 13 minute i alakaiia e P. Castro. Kuia Sabati o Kapaa he 11 haumana. Manawa hana 10 minute i alakaiia e Apolo. I ka pau ana- o keia mau papa I£ula Sabati o Kauai Hikina, hoomakaia na hana lulu nona ka huina he J4O. Mahope iho haawi mal la o Rev. Kopa he pule hoomaikai e hoomahuahua ana i na pomaikai o ka poe i lulu/i haawi i ko lakou mau kokua, a mahope o ka himeni me ka hoolai ana iho o ke anaina, ua nee mai la na hana i ka mahele ekahi o ke Kula Sabati o Lihue nona ka huina haumana he 27. Manawa hana 6 minute i alakaiia e Miss Aj[ary E. Rice, he ku i ka nani ame ka rhaikai na hana e poina ole ai ke anaina. Maheie elua he poe opio kane keia ame na opio wahine i hui pu ia nona ka nui he 22., Manawa hana 4 i alakaiia e Solomon Kaaihue. Kula Sabati o Koloa ne 8 haumana. Manawa hana 8 minute i alakaiia e J. Kalaina. Maikal na himeni i meleia mai. Kula Sabati o Hanapepe, he poe pokii keia, he ku i ke aloha ka lakou mau hana e ao mal ana i na makua e hele i ke Kula Babati ame na keiki hele wale e komo mai ma keia hana maikai. " Ko lakou nui he 10. Manawa hana 8 minute i alakaiia e kekahi koa opio wiwo ole Mr. Nora Kahaleole. Mahele elua o Hanapepe papa makua, he 13 haumana, manawa hana 11 mlnute i alakaiia e ia makua hooikaika i ka hana Chas. Kahee. Kula Sabati opio o Waitnea heluna nui o'na pokii he 10. manawa hana minute i alakaiia e Mrs. L. Wright. ~Mahele elua, papa makua he 7, manawa 10 minute i alakaiia e Kahu o Waimea. Keia ka panina o na hana o na Kula Sabati o ka la, o na haawina aia no ia ma ka Buke ka Hoahana. Hiki mai i ka manawa hana o na Kat>u Kula Sabati Nui e hoike ana i ka manao imua o na Kula Sabati apau o Kauai e hooikaika i ka hana maikai. Mai a Mr. W. H. Rice mai ke ko,mite o ka la na manao waiwal he nui e hanai ana i ka uhane o na kanaka i ka ai o ka uhane. e* hoike ana i ka nui o ka pomaikai o ka poe e hoomanawanui ana 1 ka hana, a e hoike mai ana i na opio, makua, e hahai ia lesu Kristo e nana I ke Keiki Hipa ka mea Nana e lawe aku rta hala a e komo aku i ke Kanaana hou ka aine e /.ahe ana ka waiu me ka meli. Hoike a ke kakauolelo, heluna nui o na haumana Kula Sabati 171. Na kumu 12. Na Kahu Kula Sabati Nui 2. Na makaikai 400, huina 581. Hookuuia na hana me ka himeni anle ka pule a J. B. Leleiwi. H mau mea ai i hoomakaukauia ua al a lawa, ua inu a kena i ka wai o ka lemonade. ' Me ka mahalo, W. ELLIS, Kahu Kula Sabati Nui o Kauai Komohana.

O Wm. A. Gllmore o Manhattan, moku ma kona pqo, helehelena, ame na lima.