Ka Nupepa Kuokoa, Volume XL, Number 25, 20 June 1902 — E Poniia ana o Mr. Wong Yuk Shing. HILIIA KONA KUA ME KE KAULA 200 MANAWA MAMULI O KONA MANAOIO. [ARTICLE]

E Poniia ana o Mr. Wong Yuk Shing.

HILIIA KONA KUA ME KE KAULA 200 MANAWA MAMULI O KONA MANAOIO.

Ma ka auwina la hora 4 o ka Poalima, la 13 o keia mahina ua malamaia ma ka luakini o na Pake o keia kulanakauhale he aha ninaninau ia Mr. Wone Yuk Shing- he Pake ha'i euanelio iwaena o ko Hawaii nei poe Pake. no kona makaukau ma ka oihana kahunapulo i poni aku iaia no ka Oihana Hai Euaneiio Kaahele. O ka poē i akoakoa ae, o lakou ka poe i konoia i mau lala, mai waena inai o na kahunapuie o ke kulanakauhale ame na kahu ame hookahi elele mai' na Ekalesia o Kaukeano, Kawaiahao, Hoomana Hoole Pope o na Pukiki.

Ma ka ninaninauia ma ka mahele olelo ana mai a Rev. E. W. Thwing kekahi o na paahana iwaena o na Pake ua ikeia ka makaukau maoli o keia kanaka ame kona ano haipule oiaio. Ma na haawina apau ua paneia me ka holopono aohe mea hoohalahala; a ma kona ano haipule ame ka loaa ana o ke Akua iaia eia kana pane ma ka wehewehe aha i kona moolelo. \le keiki hanau wau no Kina, a i ka 15 o ko'u mau makahiki, ia'u e noho ana me o'u mau makua, i kekahi manawa ua hele aku la w»u 1 ka luakini e noho haioleloia ana e kekahi kahunapule haole a ike aku la wau i ka inoa o ka Haku lesu, e olelo ana oia ke Akua oiaio. Alaiia ikaika loa iho la kūu manao e huli i ka oiaio, oiai he mau akua no ko makou o na Pake a ua ike no wau ■aohe oiaio. Ike iho la wau i Kona aloha ame na mea plli i Kona ano apau. Alaila koi ikaika ioa. ia mai la wau e huli hou. Mahope iho loaa aku la ia'u he hana na kekahi kanaka Kristiano e malama halekuai buke a malaila i ioaa nui ai ia'u ka ike no ka Haku. Ua koiia jna» au e hele i k« j kula kahunapule i mea hoonui ae ai i ko'u makaukau aoie nae au i ae aku. Ua hala ae Ia eiua makahiki a he 17 makahiki o'u ia manawa loaa mai la kVkahi kauoha mai ko'u home ponoi ■nai e hoike ana ua nawaliwali loa ia kuu makuakane, a hiki no hoi au i ka hale ua make aku la keia. Ia manawaj i like ole ai ko makou kulana, aia kuu nakuahire ame ko ka hale apau e hoomana ana i na akua kii o makou na Pake nre ke koi pu mai ia'u e hui pu aku iloko o ia hana a hoohalahala lakou i tfo'u ae ole i ka lakou, minamina loa iho la au i ko lakou kuhihewa. aloha mai la au me kuu ake nui e hoohuli ia lakou 1 ike 1 ka maiamalama.

Hoi hou mai la wau i kuu hana a hoopa hou ia mai la no au no ka hele ana i ke kula a ma ia manawa ua ae au a noho aku la i kahi o ka naauao, puka pono mailaiia mai iloko o 4 makahiki. Noho hana iho la au ma ke ano he haiolelo euanelio kaahele iloko o kekahi mau wahi o Kina no kekahi manawa loihi e hoohull ana i na kanaka i ka pono a e haalele aku i ka pouli.

17a koiia mai au e poni ia'u i kahunapule kaahele a mahope o kuu noonoo ana ike iho la au, o ke kahunapule he kanaka ia e iini nui ana me ke kupaa no ka hoohuli kanaka 1 ka pono alaila hoole iho la au. Ma keia hoomau ana o'u ma ka oihana ua huhu loa kekahi mau oiwi ponoi o kuu aina hanau, no ia mea, ua hiliia au ma kuu kua he 200 manawa me ke kaula me ke ake nui o lakou e pau loa ko'u hana ma ko ka Haku aoao. Ua ike au i ka nui hewahewa loa o ka eha aka ua hooi Joa ia aku ka pipili o leuu uhane i ke Akua. Ma ia hppe mai, ua loaa iho ia'u he kokoolUia kupono a mareia iho la maua. Hoolalelale hou mai )a ka U»o o ka Haku ia'u ka poni ana ia'u i kauua Nana alaila haawi aku la wau i kuu ae aka mamua o ka hookoia ana o ka hana ua kikoo mai ia ka ekaiesia Pake o Honolulu nei ia'u a oia au e noho hana la ianei. Mahope o ka ninaninau ana ua hookuuia oia a noonoo iho ka aha a hooholo iokahi e poniia oia i kahunapule kaahele iwaena o na Pake. Ua waihoia ka oihana poni i ke komite Rev. E, W. Thwing ame Hev. W. H. Rice a e kuka pu me Mr. Wong Yuk Shinp ka mea e poniia ana. E malamaia ana keia hana ma ke Sabati ia 22 o lune o keia makahiki ma ka luakini Pake ma ke Aianui Papu mauka o k«> alanui Beritania a e konoia ana na Pake apau e hele ae e ike oiai o keia iho Ja ka makamua loa o kela ano i hanaia ma ko Hawaii Paeaina nei iwaena o na Pake. a