Ka Nupepa Kuokoa, Volume XL, Number 25, 20 June 1902 — HE HOALOHALOHA. [ARTICLE]

HE HOALOHALOHA.

"He kikoo e ke ola nei, He mahu wale no, He pua i pua iki ae, Alaila mae, apau. E nana a hoolana nae, He ao hou no ma o ilaila ia e pua hou ai, Aole e mae hou, Nolaila e pau ke kanikau Nana ia ola hou Ilaila no ke kau a mau He oli mau loa no." E ko makou makamaka a» hoalojha oiaio loa, Henry Iwiena. ' Lihaliha! luuluu! mokumokuahua! kumakena! Svalohia! waiania aloha! aloha oe. Oiai, ua oluolu i ka Makua Mana Loa iloko o Kona lokomaikai palena ole, ka lawe ana aku i ka hanu, a o uhane hoi o kau wahine aloha, Mrs. ; Hame Iwiena. Ua niau, ua oili, ua kunewa i ke ala polikua a Kane. ua naha ke kino ka home o ka uhane, ma Waihee, Maui, lune 7, A. D. 1902, me ka walohia. A ua ili iho maluna ou ka ukana ko'iko'i a ke aloha e kaialupe aku mahope nei me ka ehaeha. A, oiai o kau wahine kekahi o na hoahanau o ka ekalesiā o Haiku nei, a he haumana Kula Sabati pu no hoi no keia Kula Sabati i kekahi manawa. Nolaila, ua hooholoia; 1. O makou o na luna, na hoahanau,! ame na lala o ke Kula Sabati o ka ekalesia o Haiku nei ma o ko makou komite la ke komo pu aku nei me oe i ke kanikau no kou kokoolua aloha i hala aku nei. 2. Ke pule nei makou i ke Akua Mana Loa, e hoomama mai i kou mau manao luuluu, oiai na la o kou noho kumakena ana nona. 3. E hoomanao hoi, na ke Akua no i haawi mai, a Nana no i lawe aku, e hoomaikaiia Kona inoa. 4. f 'E leha aku' i kou maka ina mauna, mailaila mai kou mau kokua e hiki mai ai." M. KUIKAH, S. J. KAPAHUKULAA FRANK J. K. MIOO, S. K. MAKEKAU, Komite.

O na ohua o ke kaa uwila aole hookahi mea i loaa i ka pilikia a pakele aku iakou me ka lanakila