Ka Nupepa Kuokoa, Volume XL, Number 25, 20 Iune 1902 — Hoalohaloha no David Kaukaha Kanewanui [ARTICLE]

Hoalohaloha no David Kaukaha Kanewanui

Mr. ame Mrs. Roaie Kanewanul, na kaikuaana i hooneleia i ka mea aloha he keiki, ke komo pu aku nei maua ko olua mau pokii iloko o ke kaumaha me olua, no ka lawe ia ana aku o D. K. Kanewanui, ka olua keikikane hookahi; nolaila o ko olua mau luuluu ana ame na waimaka paumako nona, o maua pu iloko o ia haawina hookahi, a ke nol ae nei i ka lokomaikai o na Mana Lani e hoomama ia mai ko olua naau kaumaha, no ka mea, aia hele aku ka poe luhi ame ka poe kaumaha imua o Kristo, Nana no auanei e hoomaha mai. A oiai wahl mai a loba o ke kanaka i hanauia e ka wahine he hapa kona mau la, ua piha i na popilikia. O na pilikia keia a Paulo i hoakaka ai ma ka buke nui. Ua ili ih.o maluna o kakou apau a nolaila, no olua hoi kahi aloha a no ke kaikamahine hoi l hoonele ia .i ka hanau mua ole kahi aloha, me ka lei moopuna makua ole i waiho ia mui iloko o keia

Ua ao loko e noho nei e hoomanao ae ana i ka )ihau mai a ka ua i ka lau laau. O oe ka ka uhane i niau palanehe aku nei me ka noe o Koloa, oia noe a ke aloha i Kilihune ai i na kau a kau. Kaumaha iho la ke kiu anu o ka aina, aohe makamaka e kipa aku ai. Ua hala ka puulena aia i Hilo, Ua imi aku la ia Papalauahi. O ka u wale aku no keia a waiho wale iho no iloko e nu ai, a na ke Akua e hoomaha mai ia kakou. O maua iho no, MRS. FANNY SABO. MRS. LOUISA KALANI.