Ka Nupepa Kuokoa, Volume XL, Number 24, 13 June 1902 — Ka La Hanau o ka Na'i Aupuni Malama ia na lealea like ole ma na wahi apau o keia kulanakauhale. [ARTICLE+ILLUSTRATION]

Ka La Hanau o ka Na'i Aupuni

Malama ia na lealea like ole ma na wahi apau o keia kulanakauhale.

I ka wehe ana mai o kaiao o ke kakahiaka o ka la 11 iho nei o lune, keia mahina ua hoike mai ia he la nani a maikai, malaelae no na hana hoohauoli no ka hoomanao ana i ka la hanau o Kamehameha I, ke alii ai-moku ka mea nana i hookuikahi i na mokupuni apau o ka Paeaina Hawaii, a i ka puka pono ana mai o ka la ua hooiaioia mai no i kona hiohiona nani e piha hauoli ai kona mau kini.

i He nui na lealea o la la a o kekahi o lakou oia no na lealea l malamaia ma Kapiolahi Paka he mau heihei lio like ole, a he paina nui na ke Kula Sabati o Kaukeano Hou ma ke Kuia o Punahou, a he ahaaina no hoi na ke Kula Sabati o ka Ekalesia Kristiano o ke kulanakauhale nei ma Puuloa, Ewa, a he luau no hoi ka ka Hoomana Mekokika o keia kaona a he paani no hoi ma ke kahua paani o Makiki, a i ka po iho i kuuia ae ai na lealea o ka po o Halalii ma ka Hale Mele Hou me na hoolei popo-kalo a na moho pele- ! pele Messrs. Weday ame Agnew. Ua J piha hauoli mao|i no ke kulanakauhale mai ke ao a hiki i ka po ana.

NA AHAAINA. O ka manawa i hooholoia no ka paina o ke Kula Sabati o Kaukeano Hou i malamaia ma ke kahua o ke Kula Hanai o Punahou oia hoi ka hora 9 a. m., mai ia manawa mai ka hoomaka ana e piha ke kahua i na knaka, mai na makuakane, na makuahine, na kamaliikane, na kamaliiwahine iwaena o na lahui like ole, haoie, Pake, lapana, Pukiki atne na Ilawaii ponoi o ka ai-

na. Ma ka aoao makai o ka halekula nui kahi i hookahua ai ka paina. Ua hoonohoia na noho he heluna nui, a he papai ioie kekahi i hoomaukaukauia no na mea ai. Ua piha na noho a kuku kahi poe iluna e holoholo ana kahi poe ame na kamalii e paani ana, lele kowali, a paani kinipopo. 0 keia mau mea apau aia wale no malalo o ka malumalu o na kiawe koe ka hoomaamaa_kinipopo a na keikikane, a i ka nana aku ua piha hauoli like na mea apau. O ka Lunakanawai Kiekle Frear, Rev. Mr. Kincaid ke kahu o ka Ekalesia o Kaukeano ame ka Hon. J. B.

Atherton kek&hi i akoakoa ae malaila. Ua nui na mea ai na apana palaoa i huiia me na i'o ma kahi o ke tausani a oi, na mea ono lime na omble wai momona he heluna nui e lawa ai ka lehulehu, ua ai na mea apau a lawa ia lokomaikai. He hana maa mau keia na keia Kula Sabati i na makahiki apau o ka hauoli ma ka Ia hanau o ka Na'i Aupuni a i ke ahiahi hookuu na hana. Ma ia kakahiaka no hora 9 ma ke kaa-ahi Lanakila, o ka Hui Alahao o Dilinahama ma, i haalele iho ai a holo hoomaha aku ai na haumana o ke Kula Sabati o ka Hoomana Kristiano i ka la'i o ka I'a-hamauleo. Ua aneane aku ma kahi o hookahi hanerl ko lakou nui mai na makua, na keiki ame ka. lakou mau kumu, a no ia mea, ua haiia hookahi kaa-ahi e lakou, a na ia mea i hoomama aku i ke kaa-ahi e holo ana no Kahuku. He nanl maoli no ke nana aku i keia huakai, oiai, aia no na waihooluu like ole o na hae e welo ana, mai na puka aniani mai, a e paaia ana hoi e na haumana pokii, o na lahui Haole, Pukiki, lapana, Pake ame kakou no hoi na kanaka Hawaii. Ua holo aku ke kaa-ahi iwaena o na leo huro o keia poe pokii, e hoike ana i ko lakou hauoli palena ole no ka loaa ana o keia huakai maikai o ka Ia hanau o ka "Napoleona o Pakipik.a," "Ka Na'i Aupuni Kamehameha." Ma kahi noho o ka Mea Hanohano B. F. Dilinahama, ma Polea, Manana, i ku iho ai keia huakai no ka hoohala ana i keia la hoomanao o ko kakou alii ai-moku. Malaila i hohola ia ai kekahi papaina 1 luluu i na mea' ai ono a kena ae la na makewai a na iho la no hol ka lua o ka inaina o ua poe pokii la o ka puali lani. Mahope o ka pau ana o keia nu'a maikal ana, ua hoohalaia iho la ke koena o ka la ma na hana hooikaika kino e laa ke klnipopo, lele kowali, kiikini, lelele ame ka auau kai. Ua nul | ka hauoli o keia poe pokii a ua nui no hoi ka mahalo o na kumu ame na makua i na hana i hanaia aku no lakou e keia Kula Sabati. Ma ka hora 4:40 p. m., i kau hou ai I keia poe pokii ma ke kaa-ahl a no ke kulanakauhale nei ka pahu hopu. NA LEALEA. Ma ia kakahiaka, ua piha ku'i kahi hoolulu o Kapiolani Paka i na kanaka o na lahui like ole mai na kamalii, wāhine a kane. Ua aku no hoi na kanaka ma kahi maii wahi apuni ka pa o k,e kahua heihei me he mau kolea la ke kakau iluna o ka pā, o kekahi iluna o na kumu laau e holo-hele ana na kaa ohua, e oloio ana na kaa

hehihehi-wawae a piha hauoli na mea apau. O ka Puali Puhi Ohe o ka Lahui kekahi ma ke kahua lealea kahi i hoonanea ai i ka lehulehu me ka lakou mau leo kani kapalili. Ua ke ia ke ala heihei a akea pono me ka maikai a hiki ke kakelekele i na moho heihei o ka la, ua hoomaemaeia ke kahua a he nani ke halawai mai me ka maka. Ua malamaia na heihei lio malalo o na hooponopono a na luna nui o ka la—W. H. Cornwell peresidena; Edgar Halstead, hope; C. L. Crabbe, kakauoleio; G. P. Wilder, puuku. Komite hooko—ke Keikialii David Kawananakoa, Frank Halstead, S. I. Shaw, ame C. L. Crabbe. Komite hookipa—H. M. Whitney. M. E. Grossman ame W. C. Wilder. Na Lunakanawai A. N. Tripp, Edprar Halstead ame A. Horner. Luna malama papa helu T. V. King. Na luna malama manawa J. L. To'rbert, Louis Marks. ame Chris Willia, ame C. B. Wilson ka luna nana e hoohiaka ka hPihei ana. Eia na lio i lawe haaheo ae i ka lanakila o ka la: Heihei %mile o NuHah ka lio o G. S. Mackenzie. Heihei peki me kiau, o Cyclone ka Ho o Mr. QuJnns. Heihei o na lio liilii 3-8 mile o Grey Boy ko George C. Potter lio. Heihei % mile o ko J. o'Rourkes lio. Heihei holo peki me kiau o ka lio o J. Waldo. Heihei 1 mile, like a like aole mea 1 puka o ko na Keikialii lio ame ka lio Del Vista. Heihei kaa 1 mile o ko ke Keikialii Kalanianaole kaa. Heihei 5-8 mile o ko J. o'Rourkes lio. Heihei % mile o Amarino ka lio o R. Ballentine. Heihei 1% mile o Wela (Weller) ka lio o ke Keikialii David Kawananakoa.

KAMEHAMEHA I.